|
لمعلمى الاسكندرية عامة وادارة وسط خاصة(قبض الحافز7و8و9)
السلام عليكم ورحمة الله وبركاته اليوم جاءت لنا نشرة بالمواعيد المقترحة لمدارس الفترتين ابتدائى بادارة وسط التعليمية وهى كالاتى: الصباحى من 7 الى 11وخمسين دقيقة المسائى من 12وعشرة الى 5 الصفوف من اولى لثالثة ابتدائى 4أيام لهم فترات ويومان فترتين ونصف الصفوف الكبيرة 4ايام لهم ثلاث فترات ونصف ويومان لهم 3فترات يعنى الخروج هنا هيبقى باذن الله4وخمس وعشرين دقيقة طبعا مافى حصة نشاط مما ادى للتخفيف فى الفترة نفسها والخروج بدرى حبة رسميا ده بالنسبة للمواعيد واعتقد ان النشرة وصلت لمعظم المدارس اليوم الرسم والالعاب دخلوا بالمجموع فترات الرياضيات بدل 3فترات لكل فصل اصبحت 4فترات لكل فصل(وذلك كما قالت متابعة لنا بالمدرسة لحث الطلبة من الصغر على حب الرياضيات والمواد العملية حيث لوحظ هذا العام الاقبال الشديد على الادبى بالثانوية العامة) فترات الدراسات الاجتماعية زادت برده اصبحت بدل فترة لكل فصل فترتين لكل فصل العلوم سمعت انه قل بدل فترة ونصف اصبح فترة واحدة (والله اعلم فى موضوع العلوم ده) بالنسبة لقبض الكادر بقى ال50% اليوم شفت فروق شهر 7و8و9 حافز الاداء494,10ج الصافى اللى هيتقبض باليد باذن الله 436,85ج بالضبط وده لينا نحن معلمين تعيين 1/3/2011 وتعيين 1/7/2011 باذن الله لان اساسينا اصبح واحد وهو 219ج ومعى مفردات هذه الفروق لمن يرد الاطلاع طبعا الكلام ده بوسط فقط الله اعلم باقى الادارات هل فصلت شهرى 7و8 لوحدهم باعتبارهم فاتوا خلاص وهتنزل الفلوس دى على مرتب شهر 9 ثم يسير المرتب عادى الله اعلم واليكم الموضوع بقليل من التفصيل كما فهمت من موظفة المرتبات بالمدرسة(وده بالنسبة لتعيين 1/3/2011): ال436,85ج دول ل3شهور وهم 7و8و9 اى الشهر هيعمل 436,85 /3شهور =145,61ج ال145,61دول هيضافوا على المرتب (وليس الاضافة على الاساسى)من بعد قبض 9 اى هنقبض 488(القبض الحالى)+145,61=633,61ج باذن الله وقالت الادارية لى انهم احتمال يقبضونا 9و10و11و12 مجمعين مع بعض ونبدأ نقبض ال633ج دول من اول السنة الجديدة مع قبض شهر يناير باذن الله بالتوفيق للجميع |
جزاكى الله خير
|
شكرا جزيلا وجزاكى الله خيرا
|
جزاكِ الله خيراً على هذا المجهود الكبير |
عندى سؤال ياريت حد يفهمنى
انا تعيين 1|7 ذهبت للماهيات وعملت استمارة فردية للكادر 7|8|9 قولتلهم والحافز قالوا لازم تقرير الصلاحية ب 90 درجه اعطيتهم التقرير السنوى 2010_2011 قالى لا انا عايز التقرير القديم عشان تاخدى الحوافز ولو ماجبتيش التقرير مش هنضيف الحوافز استغربت وقولتله ازاى بتقرير قديم وطبعا مقدرش يفهم وتقريرى السنه اللى فاتت 89 درجه وكمان نقلت لمدرسة تانيه ياريت حد يقولى اعمل ايه ولما قبضتوا الحوافز كان بناء على تقرير الصلاحية .. |
جزاكي الله كل خير
|
ايه اخبار فريوق السنه الكادر 2009 الي كلوها علينا
|
جزانا واياكم اجمعين
|
اقتباس:
واتمنى حد يفيدك لنفهم احنا كمان |
اقتباس:
اللى عند الحكومة لا يضيع يتأخر اه لكن لايضيع:) |
دايما اخبارك حلوة
|
دايما وش الخير علينا يا ايمان جزاكى الله خيرا ولو قبضتى اى شئ تبلغينا سواء فروق كادر او حوافز او... |
اقتباس:
ازاى لاتسألينى ؟ فى شرق قبضوهم 159ج وعلى فكرة كلام الحوافز ده بتاع 7و8و9 ده انا شوفته من واقع كشف المرتب فعلا وهيتقبض يدوى مش فيزا من الادارية بالمدرسة وعرفت برده ان شرق هتقبضه 3شهور على بعض 7و8و9 |
اقتباس:
طالبين تقرير العام الماضي ولا يقل التقرير عن 90 درجة وقالوا ان التقارير الأقل من تسعين درجة مش حياخدوا الحافز والحمد لله معظم التقارير لا تقل عن التسعين وعندنا لسة مش قبضناها لأننا مش عارفين نجيب تقارير العام الماضي وعملنا تقرير بنفس الدرجة عن العام الماضي وطبعا مدير الادارة مش حيمضي بتاريخ قديم بيمضي بتاريخ تقديمك له قالوا لنا مش مشكلتنا اصرفوا |
نحن ادارة المنيا التعليمية محافظة المنيا قبضنا بدل الاعتماد اى 50%الجديدة فى شهر 8 اى اضافت على المرتب فبقى 474ولما خدنا حافز الاداء بقى صافى المرتب 572صافى اى شهر 9 / 572جنيه وهيستمر دائما مش هيجمعوا حاجة ردا على اللى بيقول اننا هنقبض من يناير لا احنا هنقبض المرتب من 9 وبالنسبة للفروق كدا فاضل 50%بتاع الكادر لشهر 7 وحافز الاداء 7و8 يعنى الفروق 282 عشان احنا قبضنا الكادر من شهر 8 واللى مش فاهم يقول وانا افهمه اكتر
|
لا عندنا مفيش تقارير خالص ولا سمعنا عنها اصل عندنا فى المنيا جدعان وطيبين اما عندك معنى كدا عاوزين يعقدوها احنا صرفنا من غير اى تقارير
|
لا احنا قبضنا من غير تقارير ولا سمعنا عن التقارير دى خالص اصل عندك بيعقدوها
|
بس ازاي المفروض ان احنا حافز الاداء بتاعنا 50% يعني بالظبط 109 جنيه ونصف إزاي بقو 145 يا ريت لو توضحي اتحسبت ازاي
|
واليكم الموضوع بقليل من التفصيل كما فهمت من موظفة المرتبات بالمدرسة(وده بالنسبة لتعيين 1/3/2011): ال436,85ج دول ل3شهور وهم 7و8و9 اى الشهر هيعمل 436,85 /3شهور =145,61جاقسم حضرتك ال436,85 على 3 (ال3شهور 7و8و9) تلاقى الجواب 145,61ج ودة اللى هيضاف على القبض الحالى وهو 488ج ال145,61دول هيضافوا على المرتب (وليس الاضافة على الاساسى)من بعد قبض 9 اى هنقبض 488(القبض الحالى)+145,61=633,61ج باذن الله وقالت الادارية لى انهم احتمال يقبضونا 9و10و11و12 مجمعين مع بعض ونبدأ نقبض ال633ج دول من اول السنة الجديدة مع قبض شهر يناير باذن الله بالتوفيق للجميع اقتباس:
|
اقتباس:
اخى الفاضل كلامى اللى ذكرته ده من واقع كشف المرتبات اللى شفته بعينى فعلا من السكرتيرة احنا السكرتيرة عملت حافز الاداء لشهور 7و8و9 على بعض فطلعوا المبلغ ده اللى ذكرته انا فوق وعن قسمة المبلغ ده على 3 نجد ان الشهر الواحد طلع ب145 ج ودول اللى هيضافوا على صافى المرتب بتاعنا وهو بالاسكندرية 488ج وناس بتاخد 442 ج وكل محافظة واضح انها شغاله بكيفها يعنى انا قبضت فروق الكادر لشهرى 3و4 حوالى 47ج فقط غيرى قبضهم 159ج الله اعلم الاختلاف منين |
سؤال ازاي 50% من الاساسي 219 = 145
المفروض 109.5 |
اين اهل الاسكندرية من الاضراب إضراب الكرامة والعدالة كل معلمين مصر مضربين واسكندرية متفرجة
|
بسم الله الرحمن الرحيم
المعروف ان صرف الكادر يتم على الاساسى القديم وليس الحالى وهنا سنجد ان اصلا 50% من الاساسى الخاص بالسنة الماضية اقل من 109.5 ايضا |
اقتباس:
ليه؟ الله اعلم |
اقتباس:
تعيين 1/3/2011 وتعيين 1/7/2011 باذن الله |
السلام عليكم
اليوم عرفت من موظفة المهايا بالمدرسة ان حافز الاداء ده اللى ذكرته بالموضوع هذا اتحسب كالاتى: معلم درجة ثالثة 75% معلم درجة تانية 50% معلم درجة اولى 25% وليس كما قيل المعلم المساعد 75% والمعلم والمعلم أ 50% والمعلم الخبير 25% وذلك لان لو حيحسبوا 75% للمعلم المساعد لن يجدوا من يعطوه هذه النسبة حيث ان الان كل المعلم المساعد اتعين خلاص واصبح معلم ربنا يكرمنا اجمعين |
| جميع الأوقات بتوقيت GMT +2. الساعة الآن 07:36 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.