|
تعديل: عذاب ما بعد التحويل فى الاسكندرية
بسم الله الرحمن الرحيم بصوا يا جماعة معايا بقى طبعا احنا قلنا ان التحويل اتقبل فى اسكندرية امبارح معايا لحد كده؟ تمام روحنا كلية الصيدلة عشان نتفرج عليها مقعدناش3 دقايق روحنا على شؤن الطلبة اللى هناك بنسال احنا عايزين نجيب الملف بتاعى من المنيا عشان احنا قدمنا هناك نعمــــــــ..... الراجل رد علينا :روحوا كلية العلوم طلعنا على العلوم اول ما دخلنا سالنا فين مبنى الاعدادى والله الناس زوق زوق زوق وومشوا معانا وسابونا ادخل من الباب هتلاقى على الجانبين فى ناس واقفة على اليمين هتلاقوا الكشوفات اللى حولوا لصيدلة (ورقى طبعا) وعلى الشماال المستجين فى علوم رحت ادور على اسمى الحمد لله والله كان موجود وكله تمام يبدا الهبل والاستهبال بقى روحنى على شؤن الطلبة هنا لاقينالك واحد كده زى العسل و بدقن قاعد يشرب شاى منظر مش هتشوفه فى حياتك تانى الناس واقفه عليه بالكوم وعمالين يسالوه وده قاعد يشرب شاى عمال بيصلهم ولا بينطق كلمة لسه معايا؟؟ تمام الناس تسال كذا كذا امتى ولا فين الراجل سرحان ولا ايه متفهمش بابا بيسال لو سمحت انا مقدم فى المنيا و كنت بحول لصيدلة والتحويل اتقبل الحمد لله فا انا عايز طلب من الكلية انى اجيب الملف من هنا الراجل التيت بردو مش بيرد بابا عاد عليه السؤال تانى الراجل قاله اقعد جنبى قعدنا ساعة بابا بيتحايل على الراجل التيت انه يعمله الطلب وهو بيتكلم مع بابا يقطع كلامه معاه و يرد على الناس و هو بيكلم واحد من الناس اللى واقفه يقطع مع ده ويكلم ده زهقنا الصراحة فى ناس كانت تيجى تساله عن الفلوس فى حبة يرد عليهم و يقولهم فى حدود 3000 وفى ناس ميردش عليهم و يقولهم تعالوا اسالوا يوم الحد راجل تييييييييييييييييييييت بجد بابا طلب منه رقم التليفون ..عطاهوله..بابا بيرن.. الرقم غير موجود بالخدمة بابا قاله اتصل انت بيا...الراجل التيت يقوله مش شاحن والله اقسم بالله العظيم بابا طلع كارت شحن واخد موبايله وشحن له بنفسه و رن عليه..والراجل قاعد يتفرج والناس بتسال ولا هو هنا روحنا بابا اتصل برئيس جامعة المنيا قاله مفيش طلب ولا حاجة دا احنا هنبعته بالفاكس او البريد شوفتوا الراجل التييييييييييييييييت عمل فينا ايه!!! وبابا وماما مسافرين انهارده بليل عشان خايف ورقة تضيع ولا حاجة :( وعايزة اقولكوا على حاجة كمان الراجل التيت ده سمعتها بيقولها للناس فى واحد ساله لو فى كشوفات تانية غير اللى متعلقة دى ولا لا قالهم اه فى مرحلة تانية هتيجى مش دول بس دول كانوا بتاع 250 واحد تقريبا البلد الخنيقة اللى مش عايزة تتعدل دى!! حســــــــبى الله ونعـــــم الوكيـــــــــل!! |
الحمد لله انا قبلت فى التحويل الى حلوان وانا من القاهرة الجديدة :d
الحمد لله والست قالتلى تعالة قدم الخميس الجاى :d مفيش 3000 دول 3000 اية مش فاهم 3000 اية ؟؟!! مش فاهم دية |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
انا برضه رحت فنون انهارده و الله و كنت راجعة من السفر و بجرى , لقيت كشوفات بس ملقتش اسمى:( و الراجل هناك قلنا لسه فى كشوفات تانيه تعالى يوم التلات !!!!!!!!! :angry2::(
|
اقتباس:
بس والله الراجل التيت اللى هناك هو اللى قال كده الفلوس دى للتبرعات بس شكله كده بيفتى زى كل اقتباس:
يا رب خير ان شاء الله تفاءلى بس :d ان شاء الله خير |
لا انا الست قالتلى تعالة الخميس الجاى قدم ومفيش جاجة ولا قالتلى تبرعات ومفيش حاجة اسما تبرعات :d اصلن :(
|
اقتباس:
ويا رب ما يكون عندكوا تبرعات عشان نولعها هنا و نقول احان كمان مش عايزين ها يا جماعة .........نعمل مظاهرات؟؟ :d;) |
راجل عند النتيجة ؟؟؟!! اشتكو لو فى تبرعات واحنا كدة
برضو |
خلينا هنا مع بعض علشان نعرف بس :d كل الاخبار اوك كل اخبار جديدة اكتبيها والتقديم وكدة :d
|
انا موافقــــــــــــــــــــــــــــــــــــة
هو الناس والله رديت عليه وقالتله هو مش مبارك مشى البلد لسه زى ما هى ليه هى الحكومة مش عارفة تلم فلوس منين ولا منين والله الكلام ده نصيـــــــــــــــــــا |
اوك هو قال التقديم فى اسكندرية يوم الحد او الاتنين للمحولين ورقيا
وده من واحد فى شؤن الطلبة فى كلية العلوم |
لا انا الست قالتلى يوم :d الخميس الجاى :d
|
صراحة قصة يمكن أن تتجول إلى فيلم درامي . ربنا يستر على بلدنا.
|
ومتنسيش تكتبى اية اللى هيتم مع حضرتك يوم الاحد او الاثنين :d
|
لا احنا مش هنرسى على حل مع الناس دى من الاخر بقى
هو حضرتك منين الاول؟؟ |
اقتباس:
|
اقتباس:
|
احم احم فين حقوق الملكية الفكرية يا دكتورة قكرة اليوميات دي فكرتي هههههه علي العموم مبروك و عقبالنا يارب اما النتيجة تبان في المنصورة و يا رب تحويلنا يتقبل |
انا الحمد لله اتقبلت ف فنون جميله اسكندريه بابا راح الكليه وشاف اسمى ف لكشوفات بس قالوله التقديم الاسبوع اللى بعد الجاى وكمان دفع الفلوس (اللى هى 3000 كبه تشيلهم قادر يا كريم) وبعدهم الكشف الطبى
|
اقتباس:
عندك حق والله بس انا الاسم جه على بالى مرة واحدة ....والله نسيت انك كنت عامل موضوع بنفس الاسم سماح بقى :friendsxs3::blush: |
ولا تزعل نفسك يا استاذ ننجوووووووو:078111rg3:
تم التعديل;) |
اقتباس:
اقتباس:
إيه ده !!!!! أنا كنت بهزر و الله |
انا الحمد لله رحت هندسه اسكندريه النهاردة ولقيت اسمى بردو
دخلت على شئون الطلبه الست كانت محترمه وبترد وقالتلى التقديم لحرف الميم يوم التلات ان شاء الله قلتلها طب والمصاريف قالتلى 355 جنيه ودى مصاريف الكليه ومافيش اى فلوس تانيه بتدفع بالنسبه للمحولين غير ال 150 بتوع الوصل ونا بردو زيك ومقدم ف المنيا وان شاء الله مسافر بكرة بليل عشان اسحب ملفى رغم انها قالتلى ان لما اجى يوم التلات حتبعت هى لهندسه المنيا تطلب ملفى بس قلت اروح انا احسن واضمن وربنا يوفقك ان شاء الله |
اقتباس:
انت عندك حق انا مش بحب حد يقلدنى فى حاجة كمان فا لازم احترم مشاعر الاخرين........ولا ايه؟؟;) |
اقتباس:
وربنا يطمنك بجد على الكلام ده يااااااااارب ياااااااااارب كلامك يبقى صح و هى فلوس للكلية بس مش اكتر و تبرعات ولا غيره وانا بردو بابا و ماما سافروا يجيبولى الملف من هناك :( الحمد لله على كل شئ ........................... انا قلت الراجل اللى هناك ده تييييت بجد |
اقتباس:
ان شاء الله الكلام ده صح لان حتى اتحاد الطلبه هناك قالوا كده وفى ادارة الجامعه بردو رحت الاول هناك قالولى نفس الفكرة بردو وبالنسبه للراجل ده الصراحه المفروض يتفصل فورا لانه رخم بطريقه فظيعه من كلامك ههههههههه والحمد لله ان احنا قبلنا بردو لان انا عن نفسي كنت فاقد الامل بس الحمد لله ربنا كرمنا |
والله يبارك فيكى معلش مخدتش بالى :d
|
اقتباس:
اقتباس:
يعنى انت عايز تقولى الخبر العسل ده وازعل...........:d:d:d |
اقتباس:
|
بالتوفيق و الورق في البريد اضمن مش مستاهلة الوالد يسافر المنيا بس يكلمهم و خلاص .
|
طيب لو سمحتو انا حولت من هندسة بورسعيد لهندسة المنصورة
بس لحد دلوقتى معرفش اى اخبار عن النتيجة وعلى فكرة انا مقدمتش ف اى حتة ممكن حد يطمنى لو عنده معلومة تفيدنى والف مليون مباااااااااااااااااااااارك عليهم كل اللى تحويلهم اتقبل |
الف مبروووووووووووووووووووووووووووووووك و معلش انت كده يبقي اكيد فى مصر
|
اقتباس:
بس هم خلاص فعلا سافروا وهم فى الطريق دلوفتى وكمان المدراس يوم السبت او الحد واهلى مدرسين عشان مش هيبقوا فاضيين يروحوا يقدموا والبريد هيتاخر اقتباس:
بس والله لسه محدش قال كلام عن المنصورة تابعى معانا فى القسم واول ما هتظهر هتعرفى باذن الله وبلاش تقدمى عشان خلاص الحمد لله النتائج بدات تظهر...استنى شوية كمان وهبقى ابلغك على الخاص لو تحبى:) وعندك حق والله يا ميمو.........هى دى مصر :( |
شكرا لحضرتك جدااا
وياريت تعرفينى اول ما يبقى عندك معلومة حضرتك سالتينى ف موضوع تانى انا محافظة ايه انا محافظة دمياط شكرا ليكى جدااا على الاهتمام |
محدش يتكلم فى موضوع التبرعات علشان ميعملوش حجة مفيش حاجة اسمها تبرع هو استهبال علينا محدش يضحك علينا من المواظفين
|
اقتباس:
وانا ليه صديقة ساكنة فى دمياط و هى كمان بتحول وان شاء الله اول ما اعرف معلومات منها او اتصلت بيا هبلغ حضرتك على طول....اى خدمة :) اقتباس:
بس الناس هى اللى قعدت تسال والراجل ده.........:( :( :( كنت عايزة اقولهم ميسالوووووووووووووش.......... |
للاسف
اقتباس:
انهارده كان تانى يوم لينا فى كلية العلوم روحنا الكلية طبعا من بدرى اعداد مهـــــــــــــــــولة معظم اللى كانوا جايين يقدموا مكانوش عاملين حساب اللى هيشوفوه هناك بس احلى حاجة كان النظام دخلنا نقدم عشان تاخد الملف (طبعا للمحولين) اللى هتمليه ببياناتك لازم تدفع 2000 جنية للاسف التبرعات يا ستاذ ميدو واللى ميدفعش ميخدش بس خلصنا و عملنا الكشف الطبى وانا واقفة سمعت واحدة من اللى بيشتغلوا جوة دول كانت بتتكلم فى الموبايل و انا واقفة برة بيتقول......... والله يا استاذ هشام انت على عينا و على راسنادا انت من طرف الحبيب الغالى عيب عليك تقول الكلام ده...فلوس ايه وبتاع ايه..دا احنا ندخلها فى عنينا... خلاص كده دا اللى انا فاكراه محدش يسال هى كانت تقصد ايه بقى حسبى الله و نعم الوكيل فيها وفى اللى زيها بس فى خبر كويس بردو ممكن تقسط الفلوس دى بس مش عارفة على كام ولا ازاى مسالناش الصراحة بس بابا قالى ان الراجل قاله ممكن تقسطهم لو عايز ...بابا قال لا و اتختم ودينا الورق و دفعنا المصاريف و مشينا كده خلاص انا فى صيدلة الاسكندرية الحمد لله خلص اليوم كده ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ اولا بقى التبرعات فى اسكندرية ب 2000 ومحدش يقولى مفيش حاجة اسمها تبرعات ثانيا ممكن تقسطها بس حدش يسالنى ازاى وعلى اد ايه يا رب ماكونش احبط حد زى ما انا محبطة كده بس لازم اقولكم....سامحونى |
| جميع الأوقات بتوقيت GMT +2. الساعة الآن 08:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.