|
عايزين انتخابات للمشرفين من جديد .. عشان العضو اللي يبقي مسئول
السلام عليكم ورحمة الله وبركاتة عندي اقتراح وكلمتين صغيرين طبعا كتير منا ساخط علي المشرفين الجدد بما فيهم اللي ساخطين عليا انا كمان عادي شئ شائع بس بصراحة انا مش عاجبني نظام التعيين ده فين الانتخابات اللي كان الكل بيستناها وعلي ما اعتقد انها كانت بتتعمل في شهر 8 والفريق اللي كان بيتعين كان ماشاء الله عليه لكن دلوقتي ازاي نعين واحد مش كفء علي قسم لا علاقه له به أصلا - بدون ذكر اسماء - يعني واحد زيي لو عينوني علي القسم الرياضي ربنا يعلم ايه اللي هيحصل طبعا :D -- الأهم بقى ليه بقى بيتفرض علينا مشرفين بالجبر ليه منختارش احنا الرجل المناسب في المكان المناسب اعتقد انه مش قرآن اننا نعين مشرفين غصبن عن الناس كدا وبعدين اللي اشوفه كام مشاركه ومسجل مش عارف من امتي وكلام كتير مش كويس ومينفعش عارف الرد من دلوقتي علي كلامي ان هيجي حد من الاداره اشي يقولي مجاملات ومينفعش التاني يقولي ياسيدي وفيها ايه التعيين مهو لو مشتغلش نشيله ونحط غيره طيب وليه اصلا احنا عايزين انتخابات بحيث لما المشرف يغلط يبقي احنا اللي نتحمل مسئوليه الغلط ده احنا اللي مختارينه عشان محدش يجي ويحاسب الاداره ويقول اعزلي مش عارف مين والمشرف ده مش قايم بشغله كويس والكلام المعهود ده كله بتنادوا بالديموقراطيه احنا بقى عايزين ديموقراطيه مش هتكونوا انتوا والبلد علينا يعني انا بتكلم بصفتي عضو ولا اكني مشرف ولا اي حاجة وعشان انا مشرف فعارف ان الكلام ده مفروض يكون في حجرة الناظر بس حجرة الناظر في الحاجات اللي خاصه بالاشراف والمشرفين فقط ده يخص الاعضاء ككل انا مستعد اني اتنازل عن الاشراف كله للي يستحقه والله عادي مفيهاش اي حاجة مادام في المصلحه العامه واظن يا استاذ اشرف لو الاعضاء وافقوا علي الفكرة هتبقي فيه اغلبيه بقى اننا نعمل الانتخابات ومش هنعمل استفتاء من فوق لاء ده بيتلعب فيه ومتجرب قبل كدا :D هنعمل موضوع وكل واحد هيسجل رأيه باسم عضويته اتمني ان الموضوع ولا يتحذف ولا يتقفل ولا يتنقل واتمني اننا نتعامل من نظره اننا كلنا هنشارك واننا كلنا لينا آراء هنشوف الاغلبيه وننفذها ومش هنخسر حاجة والله نجرب لو لقينا النظام ماشي غلط يبقي احنا جربنا وعملنا اللي علينا شكرا |
معلش الموضوع مش منظم عشان مش مجهزله التجهيز الكامل بس فكرته ان شاء الله تكون وصلت وده المطلوب
|
انا مش عرفة اصلا هو الانتخابات لسه بتتعمل ولا
بس لما تشوف الاول رأى الاعضاء وانا مع فكرة الانتخابات من جديد عشان محدش يتكلم بقى على المشرفين الجدد إل مش عجبنهم زى ما حضرتك قولت |
فعلا فكره جيده
انا مواقفه |
انا كمان موافقة على الفكرة بس عندى تعليق صغير على "الأهم بقى
ليه بقى بيتفرض علينا مشرفين بالجبر ليه منختارش احنا الرجل المناسب في المكان المناسب اعتقد انه مش قرآن اننا نعين مشرفين غصبن عن الناس كدا" احنا فى مجتمع ديموقراطى احنا نقول اللى عايزينة ويتنفذ اللى هما عايزينة مشكورة |
احمد رضا
اولآ دى المرة ال90000 اللى نقول انشر موضوعك فى حجرة المشرفين يا اخى نتناقش مع بعض بالنسبة للموضوع بقى احنا جربنا الانتخابات فى 2006 بس كانت لقسمين بس الركن العام والصور والباقى كله تعيين شوف يا سيدى الانتخابات بتحصل فيها مجاملة يعنى مش انا وانتا صحاب مش ها اتكسف الاقيك مترشح واقول انك وحش واضطر ارشحك على الرغم انك مش تستحق(مثال يعنى يلا) فا هى دى المشكلة فا التعيين هو اسلم حل وباطلب نقل الموضوع لقسم المشرفين حجرة حضرة الناظر لاستكمال المناقشة |
اولا احييك على الفكرة يا أحمد ومين قال ان الانتخابات نظام فاشل
الانتخابات تمت هنا في الموقع قبل كدة في 2005 وكان ممتازة وفوق الممتازة كمان مرة مسكها البشمهندس عبد العظيم ومرة مسكتها فتاة_الاسلام واللي فازوا في لاانتخابات كانوا من ضمن اقوى مجموعة مسكت في المنتدى وايامها كان المنتدى في قمة تألقه ولمعانه ايامها الانتخابات شيء كويس وجميل بس عايزة اللي يمسك الانتخابات يكون انسان كفأ ويقدر يتعامل مع المواقف وان يراعي انزاهة ولو اشرف رجع قسم الانتخابات تاني في الاعوام السابقة تقدروا تقرروا بنفسكم اذا كان نظام ناجح ولا فاشل واهي فرصة نعبر فيها عن رأيينا |
عندك حق في كل كلمة قولتها لابد من انتخابات عشان الي يتعين يبقي علي قد المسئوليه
|
موضوع جميل
وانا موافق |
اقتباس:
مش عارف ليه حساسس ان الكلام ده عليا :D وانا موافق :cool: |
الله عليك انا موافقه
بجد فكره ممتازه انا برشح نسفي هههههههههه المهم عايزين نتيجه |
اقتباس:
هههههههههه مش انا قولتلكم حافظ رد الاداره تحبوا تشوفوا الدليل ؟ اتفضلوا اقتباس:
وعشان انا مشرف فعارف ان الكلام ده مفروض يكون في حجرة الناظر بس حجرة الناظر في الحاجات اللي خاصه بالاشراف والمشرفين فقط ده يخص الاعضاء ككل اقتباس:
يقولي مجاملات ومينفعش ---- كدا انا اصلا لسه مردتش اي رد جديد واطلب ان الموضوع زي ما هو مشاكل المشرفين في حجرة الناظر دي مشكلة عامه واقتراح في المصلحه العامه وبعدين زي ما انت شايف انا حافظ ردودكم عن ظهر قلب انا عايز اشوف ردود الاعضاء شكرا للمرور --- شكرا للناس اللي ردت ومش ليك الكلام ياجينيرال فيه منا كتير ميستحقش الاقسام اللي هو ماسكها وبرده -بدون ذكر اسماء- شكرا ليكم يا شباب وعارف ان هيدخل مشرف اداري هيقول رأيه وبعدين يقول في الاخر كلمتين حافظهم اقتباس:
او اقتباس:
بس انا مش عايز كدا لان بجد ياجماعه مش الاداره بس اللي رأيها صح يااريت نتعاون بهدوء كدا ونحس ان كلنا بنشارك |
وهل تضمن انى ميكونش مجموعة معينه تحرك الانتخابات
على العموم انا موافق على اى شيء تتفقوا عليه ويكون فيه صالح المنتدى ولو فتح الترشيح يعلن للجميع وياريت يكون لجميع المشرفين والاداريين وانا اول واحد مش هرشح نفسى |
اقتباس:
وليه حضرتك مترشحش نفسك حضرتك من غير ترشيح تستاهل اكتر من كده لو الفكره هتتنفذ وحضرتك مش هترشح نفسك يبقي بلاش منها احسن |
انا موافقه على الفكره
اما بالنسبه لكريم مش فهمه استاذ عصام يرشح نفسه على ايه يعنى؟ |
فكرة كويسة بس اهم حاجة فيها الامانة
عشان بتحصل مش كلة كبيرة اوي بسبب المجاملات انا كنت موجود لما حصلت انتخابات في 2006 بس اهم حاجة الامانة والضمير بجد :) |
ممكن اسال حضارتك سؤال
امتي يبقي العضو مشرف و كيف تتم الانتخابات و شكراااااااااااااا |
اقتباس:
ثم انه من السهل أن يقوم شخص أو عدة اشخاص اهل للثقة بادارة تلك الانتخابات وطبعا انا لي تعديل على الموضوع مشرفي القسم التعليمي لا يجوز ان تجرى لهم اتنتخابات فهؤلاء مدرسين استاذي كما كان يحدث سابقا ثم ان من حق المدير ان يعين عدد قليل حسب رؤيته ورؤية طاقم الادارة يعني المدير يعين ناس على الاقسام التي لم يرشح لها احد واعتقد بكدة يكون الموضوع عادل |
السلام عليكم ورحمة الله وبركاته
بجد فكره روعه يا احمد اتقالت كتير اوى قبل كده بس انت نسيت حاجه مهمه اوى يا احمد انت تقريبا كل الاعضاء اصبحوا مشرفين يبقى حتعمل انتخابات لمين وعلى مين اخى بجد شوف الاعضاء الموجودين او الى بيدخلوا المنتدى ده ولله حتلاقى 90%مشرفين بس اخى لو عايز تعمل انتخابات صح باه انا بنزل انتخابات مع اشرف مدير المنتدى بنزل قصاده ودى اعتقد اى تبقى بالانتخاب ملحوظه ولله العظيم انا اتعرض عليه اكتر من مره انى امسك منتديات بس موفقتش علشان معنتديش وقت لا انا قصدى من كلامى اننا نعمل انتخابات على مدير المنتدى مش الاشراف فين كانت انتخابات 2005 لما كانت انتخابات صح ولله يا اخوان كان حلم وكان اعظم انتصار حققته فى حياتى لما كنت مشرف على قسم حى على الفلاح واخدته من بوق السبع زى ما بيقولوا كنا اكتر من 5 مرشحين على قسم واحد دلوقتى لو قولتوا انتخابات حتلاقى واحد على كل قسم وتعنه بالتزكيه زى الى حصل فى السنه الى فاتت زى ما قولت يا شباب لو عايزين انتخابات يبقى على مدير المنتدى مش على الاشراف |
انا مع زيزو
و بكده فعلا الانتخابات هتبقى عادله و ممكن يكون مشرفى الانتخابات يبقو من المشرفين الاداريين الحاليين عشان ميبقاش فى مشكله على اختيارهم زى ماكان بيحصل قبل كده اكيد كلكو فاكرين المشاكل اللى كانت بتحصل فى اختيار مشرفى الانتخابات زى ما حصلت فى 2006 |
اقتباس:
كان هناك انتخابات في 2005 وكان هناك انتخابات في الجزء الأول من 2006 وكانت ناجححة جدا كما ذكرت طالما ان الموضوع قد نجح ذات مرة اذن فالفكرة ناجحة وسبب فشلها في 2006 هو نحن لا الفكرة فلنجعل اشخاصا من ذوي الثقة والخبرة بالمنتدى هم المسؤلون عنها واعتقد انها ستنجح وعلفكرة انا قد تقدمت لأن أكون مشرف لقسم فلاسفة وتم اختيار أخي الفاضل روميو وأنا لا اريد اي اشراف على اي قسم هذا لكي يعلم الجميع اني لا اريد ان اكون مشرفا حتى لا يعتقد البعض وخاصة مدير الموقع اني اطلب الاشراف |
اقتباس:
ولكن يجب ان يعلم الجميع اشرف باقي ولن يتغير لا بد ان يعلم الجميع ان اشرف هو صاحب الموقع ولا يمكن ان يأخذ أحد منه الادارة الأدمن محمود سرحان ما هو الا مصمم واحد افراد العمل بشركة هايل جروب فصمم الموقع وسجل باسم الأدمن ثم أخذ اشرف الموقع ليكون ملكا له سويورث ان شاء الله الى ابنه ربنا يباركله فيه ادام فلو عايزين تصلحوا ابعدو عن صاحب الموقع لأن لا فائدة خلونا نصلح داخليتنا احنا بنفسنا |
السلام عليكم ورحمة الله وبركاته
اخى الكريم واستاذى العظيم عبد العظيم اخى معك حق وانا مطلبتش كده بالظبط اخى لو احد المشرفين قصر كما هى وهة اخونا اشرف لو احد المشرفن مقصر اوى ومش بيدخل شبه نهائى يبقى ايه الحل يبقى متاج مساعد صح واحنا رشحنا قبل كده الحاج عصام للموضوع ده وطبعا لم ولن ينفذ يبقى لازم نحط لاشرف مساعد معاه انا مقولتش اننا نشيله علما ان ده اقل واجب نعمله مع اشرف |
اقتباس:
نظام الانتخابات هيبقى فيها ازاى هوا فعلا الموضوع ده لازم كان يبقى من زمان خصوصا ان اشرف يعنى مش متواجد تقريبا خالص |
اقتباس:
|
اقتباس:
ان شاء الله هنختار ناس امينه يا استاذ عصام بحيث نحكم المسألة وبعدين كل واحد وضميره يا استاذ عصام مفروض ان الواحد يراعي ربنا برده وان شاء الرحمن حضرتك لازم تبقي مشرف اداري لان حضرتك بجد كفء - لو تم الموافقه علي الفكرة - |
اقتباس:
بص ياريت ياجماعه ملناش دعوه بأشرف في الانتخابات لان فييييييه حاجات كتير تمنع الكلام ده فياريت نخلينا في انتخابات المشرفين فقط وبالنسبه اننا مش هنلاقي اعضاء نرشحهم فاحنا هنزل كل المشرفين ونعملها من جديد |
اقتباس:
وهتكون فيه شروط تحكم الموضوع - اذا تم الموافقة علي الفكرة - |
خلاصة الموضوع
هستني شوية واظن ان الغالبية موافق لغاية ما يدخل اشرف ويقول علي فكرته ورأية وخد بالك يا اشرف من كلمه رأية مش قراره عشان القرار هناخده سوا ان شاء الله |
مش عارف يا احمد بس انا رافض الفكرة
قولتلك ها تبقى مليانة مجاملات والله |
انا عارف ان الحاجات دي بيبقي فيها مجاملات
بس انا خايف لو قررنا نشتغل استفتاءات يدخل حد ابن حلال يعمل عضويات جديده ولا يلعب في الاستفتاء بس احنا هنحاول ونعمل اللي علينا |
على فكرة أستاذ أشرف دخل بس مش أخد باله من الموضوع
|
هههههههه لا اخد باله
وهيرد ان شاء الله ياتيمون مستني ردك يا استاذ اشرف |
اقتباس:
موضوعك جميل اوي اوي يا احمد بس انا احب لما اقول رآيي حد يناقشني فيه واحس ان في ديموقراطيه طالما بقول رآيي انما الاستاذ اشرف بيبقي علي حسب مزاجه لو حب الموضوع هيمشيه ولو غير كدا مش هيتناقش معاك وهيلغيه منغير ما يرجع لاي حد واظن ان مفيش حد مجربش منه وربنا يقدم الي فيه الخير اي ابو حميد وانا نفسي ان الانتخابات ترجع زي الاول عشان فعلا ناس كتير مسكت اقسام وهما ملهومش في اي حاجه فيها |
بجد انا حاسس اننا هنسيب المنتدى فى وقت قريب جدااااااا
يا جماعه احنا بنتكلم فى انتخابات للمشرفين .........بلاش بقى الكلام الجانبى لانه مش موضوعنا اصلا ..... هتقولى ازاى هوة اصلا فى الموضوع اقولك احمد قال عايزين انتخابات للمشرفين وليس كل واحد يفضل يحبق فى كلمه يعنى تقول موافق ولا لاء هوة دة الموضوع .... ولو هتقول كلمتين زيادة اوكى بس بلاش كتر كلام ..... عشان الموضوع يمشى زى احمد ما مخطط ليه وبجد فكرة رائعه يا ابوحميد بس ياترى مين هيمسكها ؟؟؟؟؟ |
اتفقوا على كل شيء وبأذن الله لو تمت الانتخابات سوف تكون نزية جدا من جهه الادارة
وبعدين نريد اجيال تستلم الرايا لكى يظل العطاء وانسوا اى تفكير او ترشيح ضد مدير الموقع او الحصول على لقب الادمن نهائيا خليكوا فى المشرفين الاول وبعدين ربنا يفرجعها المهم تتفقوا ولا هتقضوها كلام وبس خلصوا كل شيء واتخذوا قرار وبعدين الترشيح لجميع الاقسام وشوف الشروط التى يجب توافرها لمن يتقدم للترشيح يعنى خلصوا الموضوع كامل وسوف نعين ناس محل ثقة للاشراف على الانتخابات |
فكرة جميلة يا احمد وزى ما قال الاستاذ عصام زبطوا كل شئ وان شاء الله تتنفذ الفكرة واوعدك انها تكون انتخابات نزيه جدا جدا ان شاء الله بس شدوا حيلكم شويه |
السلام عليكم ورحمة الله وبركاته
يا جماعه انا برضه مصمم على فكرة مساعد لاشف وليس ادمن زى اشرف لانى عارف وواثق ان ده استحاله ثانيا اشراف ايه الى انتم بتتكلموا عليه يا احمد يا احمد لما يبقى مشرفين منتدى الثانويه معاهم الصلحيات زى الى فى اى منتدى لسه جديد مش منتدى بقاله قرن من الزمن نبقى نتكلم على الاشراف لما مشرفين منتدى الثانويه يبقى لهم كرامه وراى زى المنتديت التانيه تبقى نقول انتخابات يا اخى هو مفيش الا واحد بس هو الى له الراى الاول والاخير فى المنتدى ده وهو دماغ اشرف بس يا اخى اشراف ايه الى بتتكلم عنه دا انا بقالى مشرف اكتر من سنتين اهوة ولغايت دلوقتى مقدرش احذف موضوع ولا بالله ولا اقدر احذف رد يبقى عايزنا نعمل انتخابات على ايه ولا علشان ايه ممكن علشان واحد جديد يتحرق دمه بدل القدماء ومحدش يقولى انى متشائم ولا سلبى انا كتبت الكلام ده لانى ايجابى والوضع مش عاجبنى زى ما هو مش عاجب كتتتتتتتتتتتتتتتتتتتتتتتتتتتتتتتتتتير اوى طبعا مش حقول برضه يا رب تفهمونى لان كلامى اكيد اكيد كلكم عارفينه وحفظينه سلام |
احمد المجاهد فى سبيل الله
انتا حولت دفة الموضوع لمكان تانى خالص وخرجنا عن مضمون الموضوع الاصلى والكلام ده ما نتناقش فيه امام الاعضاء كده!! |
اقتباس:
|
السلام عليكم
انا مش هتكلم عن موضوعك يا استاذ عصام انت موسس فى المنتدى وليك فضل كبير ___________ اما عنك يا احمد فا انا السنه التالته ليا بالسايت وقبل ما اكون ادارى كنت مشرف وكان ليا صلاحيات احذف انقل مووضوع ازاى مش عندك؟؟ وثانيا اللى مش عاجبه الوضع يتكلم فرى ويقول انا مش عجبنى الوضع فى كذا وكذا ويتكلم وتناقش انما كلام من تحت لتحت لا يبقى اسمو الكلام الخبيث وبس دى وجهه نظرى ودمت بخير |
انا هتغاضي عن بعض الردود معلش يا جماعه عشان بس الموضوع يكمل
ان شاء الله هيتم التجهيز للانتخابات ووضع القوانين بس اهم حاجة اشرف يدخل يقول موافق عشان للاسف هو صاحب القرار الوحيد مستني ردك يا استا\ اشرف اول ما اشوف ردك بالموافقه هيتم اتخا\ اللازم ان شاء الرحمن |
مصطفى كلامك انت غلط
الكلام كله واضح وباين يا مصطفى لاحظ ان انت الوحيد اللي بتدافع عن الادارة عموما مش موضوعنا دلوقتي موضوعنا دلوقتي هو الانتخابات يا ترى اشرف هيوافق ولا لا هو ده الموضوع يا ريت منخرجش عنه يا جماعة |
انا مش موافق عشان هيبقى فيه مجاملات 100 %
والمفروض تعيين المشرفين أشرف يتولاه لوحده بس يبقى متأكد من كفاءة وانتظام الأعضاء المرشحين سوري يابو حميد .. فكرتك حلوة بس مش هنا .. المجاملات هتكتر زي ما قال الأسطورة |
اقتباس:
للاسف كلام احمد كله صح و يا محمود احمد قصده ان مينفعش نفكر فى فكره الاشراف اساسا و مشاكل زى دى لسه موجوده لان لو المشاكل دى هتفضل موجوده يبقى من الاخر مش فارقه انتخابات من تعيين |
هههههههههه لاء هترد يا اشرف عشان والله هعمل الموضوع لعبه وادخل العب كل ما ادخل
انا عيل اوي علي فكرة مادام دخلت ياترد وتبقي كويس يااما متردش وتبقي ... كويس برده سيبك من كل الكلام بتاع الانتخابات بتاع المساعد بتاعك او اي حد بصفه ادمن انت بس ادخل قول موافق علي الانتخابات واتخذوا اللازم وانا جاهز شكرا لسعادتك |
تمام يازيزو وياريت محدش يخرج عن الموضوع ياجماعه
|
هو عبقرينوا ما شافش الموضوع ولا ايه ؟؟
ولا بيرد على مواضيعه هو بس |
طيب ياعبقرينو هبعتلك رساله بالموضوع
وصدقني والله - مش تهديد - هعمل الموضوع لعبه اصلها مش ناقصه وجع دماغ معايا اليومين دول جاري ارسال الرسالة |
الهاتف الذي تريد الارسال له ربما يكون مشغول كعادته ؟؟؟؟؟؟؟؟؟
ربنا يسهل ويرد ان شاء الله السنه الجايه |
| جميع الأوقات بتوقيت GMT +2. الساعة الآن 04:05 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.