|
بالله عليكم ساعدونى لانى بجد محتاجاها
السلام عليكم و رحمة الله و بركاته
معلش يا جماعة انا كان عندى مشكلة ياريت اللى يقدر يعرفنى مين صح او يقولى رايه هى ممكن حد يعتبرها عيب و ممكن حد يعتبرها ميزة ...............بس و الله اللى انا هقوله ده هو انا فمش عايزة اى كلمة تجرح لانى بجد مش ناقصة اوكى دلوقتى يا جماعة انا فى ثانوية عامة و الحمد لله جبت مجموع السنة اللى فاتت ياهلنى للطب بس المشكلة انى مش تفكيرى كله فى المذاكرة يعنى دماغى متقسمة اجزاء جزء للدين و جزء للمذاكرة و جزء للمستقبل و جزء للامة الاسلامية و اجزاء للتفكير فى حل للى احنا فيه فى ناس كتير بيقولولى ده مش وقته لازم مش تفكرى فى حاجة غير المذاكرة بس انا بجد مش قادرة فعلا ساعات بحس انى هقدر اعمل حاجة بس كلامهم بيخوفنى مش عارفة ليه ساعات احس انى صح و ساعات احس انى غلط يعنةى مثلا ناس كتيرة يقولولى فكرى فى مستقبلك و انتى اهم و مافيش حد هينفعك و العملية اصلا خربانة مش انتى اللى هتصلحى الكون بس انا حتى لما بفكر فى مستقبلى الخاص بيا بفكر فيه فى اطار الامة ازاى هعمل حاجة للاسلام و لمصر و للشباب و فى نفس الوقت ابقى مثل جميل للملتزمات انا خايفة اكون بظلم نفسى بس انا لاقية نفسى فى كده و الله العظيم حتى احلامى بتبقى عن الصليبيين و التتار و الارهاب و دايما ببقى بحاربهم بالله عليكم يا جماعة انا عايزة ارائكم لانى بجد ساعات بحس انى تايهة :( |
ياريت المسلكين كلهم كده وتفكيرهم كده والله .. الحال هيتقلب 180 درجة
بس دلوقتي انتي ركزي في المذاكرة والمستقبل وبعد كده لما تبقى دكتورة متميزة ان شاء الله هتفيدي المسلمين وهتفيدي نفسك بردو لكن دلوقتي انتي مش هتعرفي تعملي حاجة وممكن مجهود السنة اللي فاتت يضيع لأن اللي انت بتفكري فيه ده هو الخطوة التانية بعد ماتعملي الخطوة الأولى اللي هي الأخذ بالأسباب والمذاكرة فانتي ركزي في المذاكرة واستحضري نية انك تعملي حاجة ترفع شأن المسلمين بين الدول .. وبردو قربي من ربنا عشان يوفقك شكرا |
اقتباس:
بس ع فكرة انا كده حتى السنة اللى فاتت و فعلا مش قادرة ابطل التفكير فى الحاجات دى مش عارفة ليه وازاى مش عارفة |
بصوا انت من كلامك انك فى سنة تالتة اوك يعنى مش باقى الا كام شهر والسنة تخلص
فاحسن انك تركزى فى المذاكرة ودى فى حد ذاتها طاعة لربنا وبعد ما السنة تخلص اعملى كل اللى انتى عايزاها مفيهاش حاجة لما تيجى على نفسك وطموحات الكام شهر اللى باقين علشان ترتاحى بقيت حياتك |
اقتباس:
انا اكيد طبعا عارفة ان مستقبلى لازم اعمل له و الا هكون سلبية و مش هعمل اى حاجة لاى حد لانى مش عرفت افيد نفسى فمش هقدر افيد حد و انا فى خطط ليا عاملاها للاجازة انا عارفة و الله بس فى نفس الوقت مش قادرة اتخلى عن تفكيرى ده انا كنت عايزة اعرف مين فينا صح |
انت اللى صح مع ملاحظة أن لو انت ذاكرت وجبت مجموع حلو
هتقدرى تفيدى الكل أكتر غير أن انت هتحسى لما بتذاكرى أن ده جزأ من أهدافك و طموحاتك وأن ده هو الخطوة الأولى ومن المعروف الخطوة الأولى تساوى نصف المشوار عشان كده توكلى على الله وابدأى مذاكرة جادة و كونى متأكدة أن انت ماشية السكة الصح لتحقيق اللى انت عايزاه و بالتوفيـــــــــــــــق |
اقتباس:
بجد رفعت معنوياتى |
لا شكر على واجب
المفروض الكل يشكرك مقدماً على نيتك الحلوة وأخلاقك الرفيعة وعقليتك اللى أكيد أكبر من سنك بمراحل وهكون أول اللى يشكروكِ شكــــــــــــــــــــــــــــــــــــــــــــــــ ــــــــراً |
اقتباس:
بس ادعولى ربنا يعيننى ع المذاكرة و اعمل اللى انا عايزاه |
بصى
اما حد يشوفك دكتوره شاطره مثلا و مع ذلك ملتزمه دينيا ده كده مش بترفعى شأن الامه و الاسلام هقولك انا مثلا فى صيدله نفسى و هدفى ايه انى احضر فى قسم الكوجنوزى اللى بدوره هيساعدنى انى احضر فى الطب النبوى و اكتشف حاجه جديده او نبات جديد بيعالج مرض معين و بعدين اجيب مثلا حديث للرسول صلى الله عليه و سلم بيأكد اكتشافى ده يعنى ممكن تستخدمى دراستك فى انك ترفعى شأن الامه تانى حاجه اما تذاكرى دى تعتبر بر للوالدين و دى اساسا وظيفتك حاليا و لازم تقومى بيها صح انتى مش هتعرفى تعملى حاجه للامه و انتى مش مهتمه بدراستك عندك الشيخ محمد حسان خريج اعلام و الاستاذ عمرو خالد خريج تجاره بتقدير امتياز اما بالنسبه لى انك بتذاكرى و هما عايزينك تقومى دقايق بس انتى عارفه نفسك و عارفه ايه اللى متأخر عليكى و عارفه الجزء كذا هياخد معاكى اد ايه و المفروض تحلى ايه و كده ربنا مدى كل واحد امكانيات معينه و بالتالى بيتصرف على اساسها و بالتالى ربنا هيحاسبه فى استغلاله للامكانيات دى سواء فى حاجات مفيده او ضاره انتى لو شايفه نفسك مظبطه مذاكرتك يبقى خلاص ليس عليكى حرج المهم تبقى راضيه عن نفسك:) |
اقتباس:
|
اقتباس:
لالالالالالالالالالالا مين اللى قال كده بالعكس بالعكس خاااالص انتى المفروض اما رتم مذاكرتك يقل تفتكرى الحاجات دى تحمسك على مذاكرتك تانى مين اللى قال المفروض متفكريش فى الحاجات دى لو احنا مفكرناش فى حال امتنا مين اللى هيفكر انتى حطى لنفسك هدف و اسعى اليه و توكلى على الله و كل اما الترك بتاعك يقل افتركى ان امتك و بلدك و دينك محتاجينلك و عشان الاسلام يشهدلك يوم القيامه ياربى هذا عبدك نصرنى اوكى؟ |
طبعاً إنتى ماشيه صح ولو كل واحد قال أنا مالى وخلينى فى نفسى مش هنتقدم خطوه واحده لقدام وإستمرى زى ما إنتى بس خلى هدفك الأول دراستك لأن عن طريق دراستك هتحققى اللى إنتى عوزاه من تغير |
اقتباس:
|
اقتباس:
ان شاء الله يا سادات ربنا يعيننى و اقدر اعمل اللى انا عايزاه بس برده ادعولى |
هو بصي تفكيرك كا اساس كويس جدا للكن الطريقه غلط ما هو انتي عاوزه تعلمي حاجه وتحاولي نغيري ما هو لازم تبقي عارفه هتغيري ازاي وهتغيري في اي مجال يعني مش معقول هتغيري كل المجالات الطب والهندسه والحياه الثقافيه مينفعش تغيري كل حاجه علي فكره لازم تمسكي مجال تقولي انا عاوزه اطور المجال دا في مصر وممكن تستثمري بئا دا في مستقبلك يعني تربطتيهم ببعض يا ثكر لان مينفعش فجاه تقولي انا مش هفكر الا في حاجه واحده وكدا اللي هيقولك كدا يبقي لا مؤاخذه بيضحك عليكي وعن تجربه :d رائيي هو انك تربطي اهدافك كلها وتخليها هدف واحد لانك ببساطه مش هتعرفي تاكلي رز ومكرونه في وقت واحد :d يارب اكون قدرت اساعدك :)ولو شويه صغننين يلا سلام |
اقتباس:
شكرااااااااا ليكى يا عروبة و اكيد طبعا ساعدتينى و شوية كتير بس انا فعلا محددة اهدافى فى هدف واحد و فعلا بحاول اعمل اى حاجة توصلنى للهدف ده بس مش معنى كده انى مش اشوف سياسة بلدى ايه و اقتصاد بلدى اخباره ايه و كده انتى اكيد فهمانى و شكراااا ع نصيحتك |
فعلا الدنيا لسة بخير
بجدا نتى انسانة بمعنى الكلمة ودة مش عيب بالعكس دى حاجة جميلة جدا جدا بس المهم انك تجعلى الجزء الاكبر المذاكرة |
اقتباس:
بجد و الله انتو مش تعرفو انتو عملتو فيا ايه بردودكم الجميلة دى بجد انتو اخوات بمعنى الكلمة و ع فكرة انا الحمد لله بعد ردودكم الروووووعة دى مذاكرتى زادت النهاردة |
اقتباس:
السلام عليكم ورحمة الله وبركاتة ايك يا أرق ملاك ايه اخبارك المهم مشكلتك مش مشكلة هي فترة وهتمري بيها بس اول حاجة لازم نتعلمها ازاي نرتب احلامنا ازاي يبقي الأهم فالمهم يعني مثلا - لا قدر الله - لو انتي متفوقتيش السنادي ومجموعك نزل ايه العواقب انتي هتبقي خسرتي مستقبلك انتي ومعملتيش حاجة برده في مستقبل الامه اللي احنا شايفينه ومراعتيش ان والدك ووالدتك اللي تعبوا عشان انتي تبقي كويسه طيب تعالي نشوف الجانب الكويس لو استمريتي كدا وبقيتي احسن ايه النتائج هتبقي كسبتي مستقبلك وتبدأي تفكري ازاي تفيدي بلدك واهلك وادخلتي الفرحه والسرور علي عائلتك كلها العقل والمنطق بيقول اننا نرتب احلامنا - من وجهه نظري انا - ولما نيجي نحلم منقولش انا هصلح العالم لاء انا مفروض ابقي ايه عشان اقدر افكر في اني ااثر في العالم خلي عقلك وقدراته كلها في انك ترضي ربك وتعملي مستقبلك وكل شئ بيبقي سهل بعد دول اتمني الافادة |
اقتباس:
شكرااااااا يا أحمد ع نصيحتك جميلة بجد بس انا فعلا الحمد لله بحاول اذاكر و و الله كل ما الاقى نفسى مش بذاكر انا عندى شوية شرايط عن القدس و الشباب و كده بسمعهم بذاكر احسن و فعلا و الله بتعمل معايا اثر مش تتخيله بعدين يا حمد انا لو مش بذاكر ابقى انا كده شخصية سلبية و تافهة لانى بفكر فى حاجة و مش بعمل حاجة انى احققها بس يعنى هو مطلوب منى انى انعزل و ابقى بذاكر بس و شوية ترفيه طيب ما انا بلاقى نفسى لما اقعد افكر فى الحاجات دى بعدين ز الله هى مش حالة او نفسية لا انا اصلا شخصيتى كده يمكن ابقى معقدة بس اعمل ايه |
شوفتى كل الناس بتقولك ركزى ف مزاكرتك يا بنتى .وهرجع واقولك تانى كلها 3شهور قولى اربعة يا ستى وهتخلصى طيب وعلى ايه خلصى وبعدين عيشى حياتك زى ما انتى عايزة لازم دلوقتى تزاكرى وتركزى عشان تجى معايا وتارفينى اوكى
|
اقتباس:
و ان شاء الله هثبت لك انتى و كل الناس انى اقدر اعمل اللى انا عايزاه و انا بتفكيرى طبعا بعد مشيئة الرحمن |
| جميع الأوقات بتوقيت GMT +2. الساعة الآن 12:37 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.