جدول تجارة عربي قاهرة 2012 كامل جميع المجموعات
 

المجموعات أ / ب / ج / د انتظام

مجموعة أ => حرف أ كله

مجموعة ب => من ب الى ظ

مجموعة ج => من ع الى محمدين

مجموعة د => من محمود الى الاخر

نبتدي :-

أولا الفرقة الاولى المجموعة أ

http://www.facebook.com/photo.php?fb...&type=1&ref=nf

ثانيا الفرقة الاولى ,, المجموعة د


http://www.facebook.com/photo.php?fb...&type=1&ref=nf

ثالثا الفرقة الاولى ... المجموعة ب

http://www.facebook.com/photo.php?fb...&type=1&ref=nf

رابعا الفرقة الاولى ... المجموعة ج

http://www.facebook.com/photo.php?fb...&type=1&ref=nf

طب و تجارة انجليزى ؟؟

ج مجموعه ج يا باشا :)

ممكن اعرف ازاى اعرف المجموعة بتاعتى لو سمحت

المجموعات أ / ب / ج / د انتظام
مجموعة أ => حرف أ كله
مجموعة ب => من ب الى ظ
مجموعة ج => من ع الى محمدين
مجموعة د => من محمود الى الاخر

^^

حد فيكوا سمع عن دكتور شوقى بشادى ناس كتير بتقول انه سئ لكن انا مش مقتنعه زى المدرسين ناااس كتير تشكر فى واحد وانت متستريحش معاه وناس تقول عليه رخم وتاخد معاه ويطلع زى الفل بس شديد وكده او العكس اصل شوفت على الفيس الكلام انهم بيقولوا ان مجموعه ا اللى هى مجموعتى ان شاء الله دكتور المحاسبه سئ فبلاش الكلام ده بقينا شبه البغبغانات اللى بتردد كلام من غير متعرف تفألوا بالله خيرا يا جماعه

لا ماتقلقيش .. هايطلع سئ وهاتقتنعي :p

ماهو انا كنت زيك كدا في الاول برده بقول بغبغانات

بس بعد ما خلص الترم انضميت لسرب البغبغانات دا

وكل سنة لازم الراجل دا يعلم على ناس والناس دي تنضم لسرب البغبغانات لغاية ما بقى اكبر سرب في الكلية !!

عليكي وعلى ورق الدروس والسكاشن وربنا يسترها علينا وعليكي

على فكره بقى انا شوفت محاضرات مكتوبه للمحاسبه وفهمتها اه مذكرتهاش لكن فهمتها ولذيذه جدااااا جداااا

طب انا عايزة اعرف لو سمحتم ان الدكاترة اللى ف المجموووعه ((ب)) كووويسييييييين ولااااااااااااااا :(

وحش في ان هوا المفروض مايديش سنة اولي .. للأسف هوا دكتور دماغ والله

وفعلا بجد راجل دماغه عالية اوي اوي في المحاسبة .. يعنى بالرغم من انى قرفان منه بس بحترم دماغه اوي

بس مشكلته ان هوا مستواه في الشرح ماينفعش يدي سنة اولي خاااااااالص

لان حتى طريقة شرحه انتى هاتاخدي بالك منها

هاتلاقيه بيخش في حاجات غريبة وبيقول مصطلحات هوا بيتهيأله انك عارفاها

بس في حقيقة الامر هوا مش مدرك ان انتي لسه ماتعرفيش يعنى ايه داين ومدين اصلا !!

وغير كدا امتحاناته بيجيب فيها تريكس كتيرة وعايزة واحد مصحصح ..

والمعظم في سنة اولي بيبقى في البطيــــخ وبيعمل القوايم المالية بالعافية اصلا

فهمتي بقى هوا وحش ليه ؟ انا مش بعيب فيه والله كشخص

بالعكس هوا كشخص بررررررررنس ومش هاتدركي الكلام دا الا اما توصلي لسنة رابعة

لكن فعلا شرحه لا يتوافق تماما مع مستوي سنة اولي

الفهم غير التطبيق .. انتى اه ممكن تبقى فاهمة حلو اوي واللى هوا خلاص انتى ميه ميه

وتيجي بقى تمسكي الورقة والقلم عشان تعملي قايمة ولا ميزانية .. هاتلاقي نفسك بتقولي ايه القرف دا

وبعدين المحاسبة المالية اول اسبوعين هايبقى فيها رغى كتير ومستهلك

وحاجات كلها نظري ومش هاتنفعك في الامتحان .. الحاجات دي بتنفع في الانترفيوهات بس .. بعدين يعنى

لكن بالنسبالك انتى العملي بيبدأ من قيود اليومية وتحديدا في الفصل الخامس

احمد فهمى (ادارة) ..

برنس الجيل بس معظم شرحه انجليش عشان هوا اصلا دكتور لتجارة انجليش مش عربي

على الديب (رياضة) ..

دا وكيل الكلية على فكرة .. راجل تمام برده وابقي ركزي في اخر محاضراته عشان بيدي الزتونة في الاخر

صبري العطار (محاسبة) ..

دا الانتيخ اللدود بتاع شوقي بشادي ..

حتى لما الكتب تنزل ان شاء الله هاتلاقي الكتاب مكتوب عليه شوقى بشادي وصبري العطار

راجل مبالغ فيه .. هوا شرحه كويس بس عايز تركيز ومتابعة ويكون نفسك طويـــــــل اوي معاه

لو من النوع اللى بيزهق بسرعة يبقى تفكك منه وعليكي وعلى ورق الدروس والتطبيقات

محمد المحمدي (سلوكية) ..

الراجل دا من اكتر الدكاترة المثقفين في الكلية ..

وراجل متدين جدا لدرجة انه بيفصل البنات عن الشباب في المدرج

بس مشكلته انه مبالغ فيه برده لدرجة تشل .. والمحاضرة بتاعته طويلة وبتزهق بسرعة

فيه دكاترة كدا تحضري محاضراتهم تحسي ان الوقت جري بسرعة

لكن دا بقى محاضرته بتبقى طويلة ومملة وبتنوم الواحد !

بردووووووو عليكي وعلى ورق الدروس والتطبيقات بتاعته

طب بالنسبة لدكاترة المجموعة د

مجموعتي المفضلة اللى قضيت فيها 4 سنين :d

أميرة فؤاد (سلوكية) ..

دكتورة مش عايز اقول انها باردة .. بس تشل شوية

وكل الدكاترة الستات اساسا اللى في الكلية تقريبا شلل

فيما عدا دكتورة صافيناز بتاعة محاسبة ودي برنسيسة فعلا

بس عموما امتحاناتها معقولة لا هيا صعبة ولا هيا ايزي

ماتقلقش منها يعنى

عدلى أنيس .. موارد

سمعت اسمه كتير بس ماصادفش انه درسلي في سنة من السنين

ويالتالى مش هاقدر اديك فيد باك عنه والا هابقى بظلمه وحرام

هشام البحيري .. ادارة

دكتور مليان ومكلبظ .. بس دمه خفيف جدا وبيقعد يهزر طول المحاضرة

بس مشكلته انه بيتعصب بسرعة وبيتنرفز من اقل حاجة

وشرحه زي الفل وهاتستمتع بمحاضرته جدا يعنى

وامتحاناته حلوة ومعقولة وتصحيحة كويس برده .. لااااا تقلق

منصور حامد .. محاسبة مالية

شغااااااال يونيفرسال

اهم حاجة تحضر واول ما التطبيقات تنزل تشتريها وتحل اول بأول وماتهملش في المادة دي

عشان كدا كدا الترم الاول بيعدي صاروخ اصلا ومش هاتحس بيه

الايام هاتجري بيك وفجأة هاتلاقي نفسك لابس في الامتحان .. فاخلي بالك بقى

لبنى فريد .. رياضة

ماعرفهاش .. بس عموما في الرياضة اهم حاجة تمرن ايدك على الحل الكتير

المادة مش صعبة .. وهاتحضر المحاضرة ان شاء الله هاتفهم ماتقلقش

وهاتحس ان المسائل حلوة ومش صعبة ..

وهاتبقى بتقول طيب خلاص أجل المذاكرة لبعدين مانا هاعرف احل

بس لما المنهج هايتراكم فوق بعضه هاتلاقي نفسك تايه ومش عارف تعمل ايه

فاتابع اول بأول ومرن ايدك على طول في المسائل .. حتى لو هاتحل المسألة مرتين تلاته مش مهم