|
الاضراب لاقاله الوزير
مش عاوزين زيادات مش عاوزين فلوس عاوزين يبقى لنا كلمه وتحترم عاوزين يبقى لنا كيان المظاهرة القادمه لاقاله الوزير فقط وليخرج كل معلم حر فى 8/10 وليجلس فى بيته كل متخاذل ارتضى لنفسه ان يلبس ثوب النساء وتبرأ من ثوب الرجوله كلنا ايد واحده لاقاله الوزير
|
كلام حضرتك ليس له أى منطق الوزير ده كويس جداً هو يعنى الحل هو اقالته ، هو يعنى لو جه وزير جديد معنى كده كل المشكلات هتحل والمعلم هياخد اعلى مرتب فى الدولة للأسف البعض يستغل مناخ الديمقراطية والحرية بعد الثورة بشكل خاطى وفوضوى فليس من المنطقى ان تحل مشكلات 30 عاما من الفساد والظلم فى شهور قليلة فعلينا أن نصبر خاصة حدثت بعض الأمور الطيبة فى الوزارة بعد الثورة ومنذ مجىء الدكتور أحمد جمال الدين وزير التعليم مثل تعيين المعلمين وزيادة إلى حد ما مرضية فى الأجور كبداية فى ظل الظروف الصعبة التى تمر بها البلاد وأن كنا نأمل فى الزيادة فى المستقبل القريب .
|
وزير بيستهبل ازاى يوافق على حرمان المعلم اول أ من الزياده الجديده ده ماشى بمبدأ فرق تسد وشرف نفسه عديم الشرف
|
احنا عايزين الوزير لحد اما يعدل قانون الكادر وبعدين نشوف علشان هو أصلا السبب فيه
|
صدقونى كلهم شله حراميه وماصدقوا خلصوا من شيخ المنصر
|
هو يعنى ظلم ال30 سنة مايجيش الا على دماغ المعلم ما كل الناس زادت وكل الفئات زادت الا المعلم اين العدالة وكل من يدافع عن الظلم ظالم
قال معقل بن يسار المزني سمعت رسول الله صلى الله عليه وسلم يقول (ما من عبد يسترعيه الله رعية يموت يوم يموت وهو غاش لرعيته إلا حرم الله عليه الجنة).المصدر: صحيح مسلم. |
ماكل المصالح تحسنت الا المدرسين يعنى عند المدرسين البلد بتمر وتمر وتمر وكل المصالح اصبحت افضل من التربية والتعليم واصبح العاملين فى هذه الوزارة اقل فئة فى المجتمع واللى عاوز يعرف شوف مرتب الزراعة ومرتب المدرس
بلاش فضايح |
الفئات التى لم تزد تستاهل
لأنهم قيادات المدارس وهم من أفسدوا الإضرابات حرصا على ظهور مدارسهم أنها تمام يا أفندم مدير مدرستى اليوم تعصب لما عرف حقيقة الموضوع و بيقول هنعمل اضراب بس اللى وضح لى أن هيئة التدريس استرخت خلاص !!!!! |
اتقوا اللة يامدرسين احنا فى ظروف صعبة
|
البلد تسير الى الوراء بنفس المنطق مشى حسنى جاء شرف ويا قلب لا تحزن
|
المشكلة مش في إقالة الوزير هيجيبوا وزير نفس العينة ونفس الدماغ ونفس السياسة ويبقى الاسم تغير شخص وخلاص المهم الناس اللي مستفدتش دي أصايها الضرر كمان انا واحد من الناس مش هترقي من الدرجة التانية للأولى لاني بعد ماخد دورة الترقية ومصاريف وبهدلة ومواصلات واختبار وبعدين ندخل الكادر للدرجة الأولى وسفر وتدريب وبهدلة وبعدين يشيل مني 25 % من أساسي 1/ 7 / 2011 وبعدين يعطيهم لي في الكادر على أساسي العام الماضي 1 / 7 /2010 ونفس الكلام لأصحاب الدرجة التالتة اللي هيدخلوا الدرجة التانية !!!!! بالذمة ده كلام حد عاقل ؟ حد في الدنيا أو في أي مصلحة بيترقى يدخل امتحانين !! وبعدين يقل في المرتب !! يا خبر اسود على العقول .
|
اقتباس:
|
اقتباس:
ثانيا يا أخ ناصر انت عندك مشكلة في لغتك...لسانك دايما يحدف شمال...يعني انا مش نازل الاعتصام ده...انا كده في نظرك متخاذل البس ثوب النساء؟ ( ربنا اعلم باللي انا لابسه دلوقتي) ثالثا قوللي يا سيادة الكولونيل ناصر...انت فاهم ديناميكيات العمل في موازنة الدولة ولا لأ ؟ يعني هل تعرف مثلا حدود كل وزير في الانفاق على وزارته؟ هل تعرف صلاحيات كل مسئول فيما يتعلق بباب الاجور في الموازنة؟ طيب هل شفت وزير قبل كده فتح كل الملفات المحظورة او معظمها قبل هذا الوزير؟ مين قبل كدة اتكلم في ضرورة وجود كادر للمعلم؟مين اتكلم في عدم جواز قيام المعلم بأعمال تشغله عن التدريس زي الامن وخلافه؟مين قضى على العقاب الفوري للمعلم دون تحقيق لمجرد خبر في وسائل الاعلام عن ضرب تلميذ او ما شابه؟ نفسي تقارن بين الوزير ده ومن سبقه : احمد زكي بدر بتاع فضيحة مدرسة حلوان - يسري الجمل اللي خرب مشروع قانون الكادر - حسين كامل بهاء الدين اللي عمل مرة جايزة 10 جنيه للطالب اللي يبلغ عن معلم مدخن...يبقى المعلم مجرم والطلبة بصاصين - احمد فتحي سرور اللي شوه التاريخ وجعل من مبارك باني مصر الحديثة ...كأن محمد علي ده قضى عمره بيلعب طاولة ثم قوللي لو مشي جمال الدين ممكن الموازنة تتحرك والتضخم ينزل؟ عارف لو مشاكلنا كلها او شوية منها سببها جمال الدين والله انا كنت طالبت انه يتعلق على فلقة قدام الناس...لكن المسألة أكبر من كده ومش هتتحل في يوم...أمريكا اخدت 18 سنة لاصلاح تعليمها ومعلميها ...تفتكر احنا محتاجين نصبر قد ايه؟ |
اقتباس:
|
اقتباس:
انت كشفتني ازاي؟؟ دا أنا يا أخي متخفي وواخد اسم مستعار و بشتغل مدرس للتمويه عشان محدش يعرف اني من بتوع أمريكا...دا حتى الهامبورجر والعياذ بالله قاطعته...وبعد ده كله تيجي انت وتكشفني بص بقى انا خلاص تعبت ولازم اعترف انا تنظيم امريكاني اسعى لتدمير التعليم المصري من خلال الكوكاكولا ووجبات الهوت دوج ونشر البنطلونات الجينز بين المعلمين بالتقسيط ربنا يكرمك ما يحرمك...وينعم عليك باللي في بالي ... ويرحم تلاميذك يارب اشوفك زي ما أنا عاوز |
لابد من الاضراب حتى اسقاط الوزير التنبل البارد وقرطاس الوزرا قرف ولاد الك0000000000000000000ب
|
المشلكة مبقتش فى الوزير المشكلة بقت فى الحكومة
لان السياسة المتبعة هى هى والعقول لم تتغير و نفس النهج القديم ما زال موجود حتى لو الوزير ده مشى ( مع انه مش وحش قوى ) هيجى شخص تانى هيتبع نفس التخطيط والنظام اللى شغل لأنه مش بيصرف من جيبه ولا بمزاجه هو بينفذ الأوامر للأسف |
اقتباس:
|
أحلي حاجة أن المدير لن يستفيد لأنه كان ضد الإضراب
|
اقتباس:
|
يا إخوانى كلنا فى مركب واحد بلاش الإسلوب القذر ده , نحن أفضل فئات المجتمع نتحدث بإسلوب أرقى من ذلك ,
البلد فيها فلوس بدليل الموازنة العامة للمرتبات 80 فى المائة من الرتبات بدلات المستشارين يكلفوا الدولة 22 مليار قناة السويس البترول , لو فى إصلاح قل لى أمارة علشان أعرف ؟ حتى الحد الأقصى استثنى رئاسة الجمهورية و هيئة قناة السويس و البترول و البنوك و غيرها . لماذا ؟ أجب؟ لماذا التأخير فى و ضع الحد الأدنى و الحد الأقصى ؟ أجب ؟ راتب الوزير أيام نظيف 10الآف جنيه و فى حكومة الثورة أصبح 30ألف جنية. رواتب و بدلات توضع على سى دى لا يعرفها أحد و أسأل بتوع البريد ؟ لماذا لم يتم هيكلة الأجور حتى الآن ؟ أليس أول مطلب فى الثورة العدالة الإجتماعية ؟ أخيرا : و الله لو لم نضع حد لهذه المهزلة نستاهل ضرب الشباشب ثمان حالات ضرب للمدرسين منهم من ذهب للمستشفى الحل إعتصام و إضراب حتى إقالة هذا الوزير الذى يحرض أولياء الأمور عل المدرسين و عمال يكذب ليل ونهار و يضلل الإعلام و هناك قنوات تتحدث بإسم الحكومة منها cbc و المحور و غيرهما . إعتصام و إضراب , إعتصام و إضراب , إعتصام و إضراب ,إعتصام و إضراب ,إعتصام و إضراب ,إعتصام و إضراب ,إعتصام و إضراب , |
اقتباس:
|
لا يوجد حل فعلا غير الاضراب لانه وزير غير فاهم المعلمين
|
اقتباس:
|
اقتباس:
ممكن حضرتك تراجع كلامي وتقوللي اين الكلام القذر فيه؟ثم راجع كلام غيري وقارن أينا كان اكثر ادبا؟ومن فضلك لا تلمني على الاسلوب الساخر لأنه من وسائل الاقناع وليس بغرض تسفيه احد والعياذ بالله...وأنا اعترف للجميع اني أراني أقلكم شأنا وأصغركم مقاما إلا أني لا استحي ان اقول رأيي وقناعاتي يا أخي الحبيب...كل الموارد اللي انت قلت عليها موجودة فعلا لكنها لا تفي بكل الطلبات التي قدمتها كل الفئات واعلم ان بلدنا بدأت بالفعل الاقتراض من الخارج حتى تنتشل اقتصادنا من عثرته وليس صعبا ان تتأكد من ذلك عبر المواقع الاخبارية واعلم ان الدولة ان اضطرت للاستجابة للمطالب الفئوية كلها في نفس اللحظة سوف تعوض هذا الاستنزاف من خلال وسيلة من اثنتين : إما الاقتراض من الخارج وده معناه انتقاص من السيادة الوطنيةداخليا وخارجيا يعني هتلاقي مصر العظيمة دي ماشية في ديل اي دولة تقبل تسلفنا ... والامثلة على ده كتير سابقا وحاليا ولا يتسع المجال للاحاطة بها الوسيلة الثانية هي طبع الفلوس ده يعني انتقاص قيمة الجنيه يعني الواردات يزيد سعرها بشكل مذهل مما يعني اننا نضطر نستغنى عن جزء من وارداتنا اللي منها أو معظمها سلع غذائية زي القمح وغيره...يعني لما كل الموظفين يزيدوا زيادات غير محسوبة تلاقي التأثير فورا في طوابير العيش...يزيد على ده زيادة معدلات التضخم يعني زيادة الاسعار اللي هتأكل اي زيادة( واحنا مجربين قبل كدة ) كمان يزيد المبلغ المخصص لخدمة الدين الخارجي والداخلي(الفوائد) في الموازنة ...ده معناه ان مشروعات التنمية لازم تقل طيب هل يكفي الحد الاقصى لتمويل الحد الادنى؟بالطبع لا...لكن برضه لازم الحكومة تعمل حد اقصى بس ياخد نصيبه من الدراسة لأن له اضرار...تخيل لو عندنا عالم كبير مثلا هل تكره انه ياخد مليون جنيه في الشهر ويخترع لنا دواء لفيروس سي مثلا؟....اذن احنا محتاجين حد اقصى يحقق العدالة لكن ميخليش الكفاءات تهرب مننا الصين عشان تبقى الصين كان كل الناس فيها بتشتغل بدون مقابل في مشروع انتاج الصلب ايام الزعيم ماوتسي تونج...الكل كان بيشتغل بعد ساعات عمله الرسمية مجانا...الطبيب والمهندس والمعلم واحنا والله مش اقل من الصين لو قرأتم كلامي بتمعن...وما اعتبرتوش اني متآمر او موالي للحكومة...وكمان كان عندكم استعداد لتقبل المنطق اعتقد ان وجهة نظركم في الاضرابات هتتغير على الاقل في ظروفنا دي واقعدوا بالعافية |
اقتباس:
|
حسبنا الله ونعم الوكيل لقد خاف من غضب الشباب فأعطاهم حقهم وبغبائه فكر أننا لانستطيع أن نزلزل الأرض تحت قدميه المعلم أول (أ) والأعلى منه سيجبروك على الاستقالة يا صاحب الفكر الصهيونى فرق تسد معلم أول (أ)..مقهورة |
اقتباس:
طيب انا نفسي ترد ع الموضوع نفسه مش على شكلي اللي انت مشفتوش ولا دمي اللس لسة مجربتش خفته ولا تقله زي ما قولتلك قبل كده...انت لازم تكمل اضرابك ...أكيد من حسن حظ اولادنا انك مش هتدخل الفصل |
اقتباس:
|
| جميع الأوقات بتوقيت GMT +2. الساعة الآن 05:18 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.