|
ساعدونى ....... انا خلاص هيجيلى اكتئاب
السلام عليكم ورحمه الله وبركاته
يا جماعه انا عاوزة استفيد من خبراتكم السابقه في الثانوى العام وجزاكم الله خيرا في الحقيقه انا عندى 3 مشكلات مخلينى بجد في اكتئاب وحيرة وكمان رفعوا صغطى اولا انا رياضه 2 وجبت في 2 ث 96.5 تمام ه هحكى الموضوع من الاول بس من فضلكم اسمعونى : اول السنه انا رحت اجرب ماده الاحياء جربتها 5 حصص كده وبعدين كرهت الماده دى( لان اول درس قعدت احفظ فيه كتير ولما وصلنا للحصه الخامسه وخلاص هناخد امتحان على كل الى احنا زاكرناه ا اخدنا امتحان حسيت اثناء الامتحان انى مش عارفه احل الامتحان خالص وانى محتارة مش عارفه اجاوب اجابات مناسبه على الاسئله الى قابلتها في الامتحان و ان الاسئله مش مشابهه مع طريقه المذاكرة وفي ناس حلت اسرع منى بكتير وكمان مش عارفه ايه هي الاجابه الى عاوزها السؤا لمن كل الى حفظته ده لان الاسئله جت بشكل غير مباشر قلت يبقي اكيد المشكله انى مش فاهمه الماده كويس رحت لمدرسي اسئله قالى انتى بتسالى في حاجات مش محتاجه فهم ومعقده الدنيا طب انا مش عارفه احل قولتلوا مش عارفه احل قالى انتى مذاكرتيش وطبعا ده غلط لانى قعدت اذاكر 9 ساعات ) بعد كده اتخنقت اوى من الماده دى سبتها ورحت رياضه 2 افتكرت انى هرتاح دخلت رياضه :لقيت في حاجات من الاساسات بتقع منى مش فاكراها وف حاجات بس مش كتير ساعات بحس انى مش قادره افهمها ولما بطبق على دروس الرياضه الاقي دماغى سخنت ومش قادرة اجمع الافكار هل ده الطبيعى بتاع الماده ولا كمان انا مش قادرة اتكيف مع الرياضه طبعا دا مخوفنى جدا جدا جدا جدا جدا اولا المشكله مش الثانويه العامه خاااااااااااالص المشكله بعدين لما ادخل هندسه دراسه هندسه صعبه جدا وممكن ممشيش فيها عشان مشكلتى مع الرياضه دى كل حكايتى ودلوقتى انا عندي 3 مشاكل اولا : خايفه اكون اخترت غلط رياضه 2 وخايفه هندسه متتناسبش مع ميولى وخايفه اكون مصبرتش على نفسي في موضوع احياء ده واكون اتسرعت وف الحاله دى افشل في هندسه وخايفه اكون مش قادرة امشى في رياضه لانى مكبرة المووضوع يعنى بصعب الماده على نفسي بس ممكن تكون مش متناسبه مع قدراتى طب اعرف منين ايه الصح ؟ ثانيا :مش عارفه ايه المعايير الى بيتحدد على اساسها (ايه الافضل ليا رياضه 2 ولا علوم ) وهل طريقتى الى بشتغل بيها رياضه دى بتدل على انى غبيه او مش هقدر امشى فيها (طريقتى : بذاكر ولما باجى احل بحس بصعوبه في التجميع وساعات في حاجات مش بقدر افهمها انا حليت في اليوم ده 30 مساله واخدوا وقت مهول ) بجد يا جماعه لو حد يعرف اختبار بيقيس القدرات واعرف قدراتى هتمشي في ايه بجد حد يساعدنى لانى مش عارفه احل مشكلتى ثالثا : انى غير قادرة على تنظيم وقتى نهائيا بمعنى : اول ما اخد الدرس اسيبه وانام ولما يجى معاد الحصه انسى في اليوم ده انى عليا واجب وبالتلى احضر الحصه من غير ما احل وفايت عليا حاجات كتير جدا وعندى امتحانات تمام ..بس في حاجه غريبه انى انا معروف عنى انى ذكيه على الوسط العائلى زكيه دراسيا طب ازاى ذكيه دراسيا وبيحصلى كل ده احول ادبي يعنى ولا ايه ؟ انا مش عارفه انا عاوزة ايه انا نفسي اعمل الصح والى هنجح فيه بالله عليكم ساعدونى لانى خلاص بجد اتخنقت |
بأمانة انت اتسرعتي أوى فى موضوع الأحياء دة
أعتقد أنك ماحلتيش بنسبة كافية قبل الامتحان لأن ماينفعش الواحد يذاكر من غير ما يحل فى الامتحان مش بييجى يقول سمع الكتاب و يمكن دة الى خلاكى مش عافة تكتبى أية بالضبط أو أن الأسئلة غير مباشرة فعلاً و ساعتها برضة كان لازم تتدربى عليها جامد جداً لان الأسئلة أساسى فى امتحان آخر السنة لازم يبقى فيه مباشر و غير مباشر ماينفعش الأحياء تتحفظ و بس دة غير أن المذاكرة مش بعدد الساعات طبعاً ثم أن مفيش مشكلة دة امتحان تجريبى علشان تختبرى أقصى ما وصلتى له لا أكثر ولا أقل دة كان فصل التغذية باين مش كدة ؟! هو فصل تقيل شوية و محتاج حل كتير بالورقة و القلم علشان يثبت المذاكرة كان من الفصل الثانى هاتلاقى نسبة الفهم بتزيد تدريجياً و أن الأحياء هاتبقى أجمل بكتير ، ثم الفصل الثالث 80 % فهم و 20 % حفظ و هكذا و بخصوص تنظيم الوقت مشكلة المشاكل فى ثانوية عامة فلازم ترجعى اليوم نفسه تذاكرى كل الى خدتيه فى اليوم ركن الدروس بيضيع كل حاجة انت بترجعى من الدرس و الشرح بيبقى لسة فى دماغك فلازم تلحقى تثبتى بسرعة بالمذاكرة ورقة و قلم اتركن لبكرة الشرح بتاع المدرس هايضبع طبعاً لازم جدولك اليومى المواد الى خدتي فيها دروس النهاردة + المواد الى عندك فى الدروس بكرة و الى المفروض هاتكونى مذاكرهم قبل كدة أصلاً يوم الدرس نفسه و طبعاً الرياضة 2 مادام خدتيها لازم تبقى كل يوم |
take it easy
ايه الدلع ده طب ما الفيزيا زى النيله محدش حول ادبى ليه؟؟ واللا عشان حاسه انك بتختارى بين مادتين بصى شوفى ميولك ايه نفسك تمسكى سماعه وتكشفى على العيانين او تحضرى ادويه واللا نفسك تصنعى مكنه او تصلحيها او تصممى بيت ولو ميولك لحاجه من الاتنين لازم هتجيبيها |
انا والهى مش بدلع
|
اقتباس:
انا عارف والله بس بتحطى نفسك فى مكان ممكن تخرجى نفسك منه فى ثانيه شوفى انتى عايوه تبقى ايه وبس ;) |
الاحياء محتاجة صبر و انتي شكلك استعجلتي اوي
متحكميش علي الموضوع من اوله بالنسبة للرياضة هي ملهاش علاقة بالذكاء او الغباء في ناس تحب الرياضة و تعرف تتعامل معاها كويس و ناس تانية متعرفش دي قدرات زي ان مش كل الناس تعرف تذاكر الاحياء انا في رايي تراجعي نفسك و تشوفي ميولك ايه ؟؟؟ لان الثانوية العامة ديه مش اخر مرحلة في مرحلة جامعية اصعب و محتاجة الاختيارات الصح عشان نعرف نمشي فيها |
كلامك صح جدا بس انا بحب الرياضه بس خايفه معرفش امشي في هندسه
|
اقتباس:
طالما انتى بتحبى المادة ...يبقى كده جميل اوى واطمنى انا بمووت فى الانجلش و كان فى 2010 لما كنت فى تانية ثانوى جالنا امتحان انجليش فلة....اسالى عنه اى حد كان هيقولك كان عامل ازاى والله الناس كانت طالعة بيغمى عليها و اسعاف وبتاع بس عشان انا بحب المادة....جبت 24 على الرغم من صعوبة الامتحان فا متخافيش بقى من هندسة....دول فى بتوع معاهد لما بيجيبوا تقدير بيدخلوها معاهد معينة يعنى لو تعرفى الحكاية دى ومن الاخر بقى ....مفيش كلية سهلة البترول متفرقش حاجة عن حقوق فى الصعوبة شيلى الكلام ده من دماغك احسن كده خلصنا مشكلة؟؟...تمام اللى بعده نرجع للاحياء.......مش هكدب عليكى انا اول ما دخلتها كنت زيك كده مقلقة منها و كنت بذاكر الدرس 10000 مرة و انسى واعيد تانى من الاول بس بصراحة الاحياء كانت اهون عندى من الرياضة مليوووووون مرة(بالنسبالى) بس خلاص انت قولتى انك دخلتى رياضة لانك حاباها اللى حصل حصل ومتقعديش بقى تفكرى انك ترجعى للاحياء تانى خلاص دخلتى رياضة يبقى رياضة وتوكلى على الله فيها وان شاء الله هيوفقك خلصنا كمان حاجة اهوه ثالثا دى احنا اتكلمنا فيها قبل كده ;) ومشكلة ان فى حاجات بتقع منك فى الرياضة لانها بتعتمد على قديم عااااااااااااااااااااااااااااااااااااااااااااااااا اااااااااادى جدا وصدقينى مع الوقت هتتعودى وهتتعلمى اكتر عشان كده قولتلك حلى كتير و جربى فى الصعب عشان تفتكرى حتى انا كده دلوقتى.....فى الانجليش اللى انا بحبه انا داخلة الكلية كله بالانجليش وطبعاااااااا مش فاهمة اى حاجة فى اى حاجة ....انا قاعدة بيضة اوى كله بيقولى متخافيش كله كده فى الاول واخرتها شهر هتتعودى وحكاية ان دماغك بتسخن وانت بتحلى دا طبيعى جدا جدا وهتلاقى الكلام ده فى الفيزيا كمان ومش هتلاقيه فى العربى ولا علم النفس لان مخك بيشتغل..........بيطلع من عنده مش زى العربى او علم النفس ...بيخرن معلومات اهم حاجة بقى....انسى خالص انك فى يوم دخلتى احياء عشان انتى قولتى انتى بتحبى الرياضة وخلى الفكرة دى على طول فى بالك اهتمى باكل المكسرات زى اللوز و البندق والكلام ده والسمك بجميع انواعه الحاجات دى بتنمى الذاكرة والذكاء(ومتوفرة مش بنجبها من الصحرا يعنى)....وابعدى عن الكمبيوتر شوية ساعة كده فى اليوم ولا حاجة عشان متزهقيش وحافظى على مواعيد ثابتة لنومك.....بجد هترتاحى موووووووووووت انا كنت عاملة لنفسى مواعيد نوم للساعة 10 كنت بتجن جدا لو عدت 10 عليا وانا لسه صاحية لما حد يقولك دا انا سهران طول الليل عمال اذاكر متعمليش زيه..........وعايزة اقولكوا معلومة لما تنام فى الظلمة.....بيزيد ذكاءك والسهر بعد الساعة 10 بليل (بعد الشر على الجميع) بيزود نسبة الاصابة بــــ............ وكمان هقولكوا على سر جامد موت لما تيجوا تصلوا فى السجود واركوع طولوها اووووووووووووووووى عشان الدم بيوصل للمخ جامد فى اللحظة دى فاالمخ بيكون خلايا جديدة يعنى ذكاء مضاعف;) عمالة اقول اسرار مذاكرة اهوه....يلا اهو كل بثوابه :d بس انا من اللى بيسهروا ل 10 الصبح وبعدين يناموا طول اليوم...عشان لسه الصيف و مش عارفة انام اصلا واخيــــــــــــــــــــرا كل اللى بيحصلك ده عشان انتى كونى فى 2 ثانوى وطالعة من مذاكرة وملحقتيش ترتاحى فى الصيف.....بس متفكريش كتير وكفاية رغى بقى.........ايه الرغى ده كله معلش طولت عليكى:d بس خليكى فاكرة الكلام ده بالتوفيق يا قمر :) |
بصى يا قمر ........... انا مش عارفه ااقولك ايه لو اعرف عنوانك بجد كنت بعتيلك بوكيه ورد اعبر بيه عن اعجابي بيكى وبارائك وكنا بقينا اصحاب جامد وكنت اخدت العنوان ورقم التليفون الارضى والموبايل والبيت والبطاقه وكارنييه الجامعه كمان وانا هدعيلك وانا بصلى وشوفى بقي دعواتى هتعمل ايه هتخيليكى تجيبى امتياز وتبقي معيده في الكليه كمان يلا كفايه رغى بقي
|
هههههههههههههههههههه ههههههههههههه الله يخليــــــــــــــــــــكى يا رب:) وسمع من بؤك ربنا يا عسل كفاية دعواتك بس;)......خلى البوكيه لما اجيب الامتياز:d ربنا يوفقك يا رب:) |
اقتباس:
الفيزيا زى النيله بس :oدى زى الزفت ربنا ياخدها ماده زباااااااااااااااااله |
اقولك رايى بصى اى سنه بنبقى داخلنها واحنا مرعوبين وخايفين منها فده طبيعى عندنا كلنا
وكل السنين ف اولها صعبه وبعد كده بنقول دى كانت اسهل من الى بعدها فتوكلى ع الله و اعملى اللى عليكى ومتشتتيش نفسك |
اقتباس:
ههههههههههههههههههه ليه بس كده..... هى مش صعبة اوى كده على فكرة هى بس محتاجة تخيل وفهم و شوية حفظ وهى هتبقى جميلة جدا |
اقتباس:
|
مين الحلو الامور الا بيقول الفيزياء سهلة حرام والله دى فيها قوانين كله زى بعض والحالة خربان فيها انا لسا اولة ومتعقدة منها امال فى تانيه يا ساتر ^ ^
|
اهم حاجة اللجوء الى الله والاستخارة قبل كل شئ ..اجتهاد وشوية صبر وايمان بالله
ثم بقدراتك فى نفسك وان شاء الله كلة خير |
اقتباس:
مااااشى.......... اتريق.....اتريق على فكرة فيزيا اولى ثانوى اسوا مش فيزيا تانية ثانوى بكتيــــــــــــر يمكن هم بيدوك دلوقتى اى كلام بي فى تانية....كل حاجة هتبقى فاهمها وعارف اصها ايه زى القوانين يعنى |
انا جبت نفس مجموعك فى تانية بس انا كنت فى تانية احياء وكنت كرهههههههههههههههههههههههههههههههههههههههاها اوووووووووووووى والله كانت عقدتى علشان كده نقصت 4 درجات فيها وفى نااس كتييير جايبة 50 بس انا كنت بحفظ كتييييييييير وكانت اكتتتتتتتر مادة بذاكرها والله تقريبا مكنتش بذاكر غيرها وبرده درجاتى مش كويسة ونادمانة لحد دلوقتى انى مدخلتش رياضة 2 ولو الزمن رجع كنت هختار رياضة 2 لانى حابة الرياضة
بسى نصيحة صلى استخارة وادخلى المادة الى حباها وان شاء الله ربنا هيوفقك فيها اووووووى وتبقى حاجة كبيرة ياااارب بس متنسيش تدعيلى |
اقتباس:
انا مشفتش حد لغاية النهارده بيقول سهله دا حتى اللى سابوها قالو يا رب منشوفها تانى انتى اول واحده تقول كده بجد......... دانا خلاص زهقت منها وقرفت منن اول 3 ابواب مش عارفه هنكمل مع بعض ازااااااااااى انا والفيزيا دى والله:bosyht9: وكل باب ف قوانين قد كده والمفروض نحفظها كلها دى حاجه اخر ارف والله |
اقتباس:
|
انا عن نفسى بالنسبالى الفيزياء اسهل من رياضة 2 والكيمياء بمراحل عشان انا حابب الفيزياء والمدرس بيكون عليه دور كبير انو يحببك المادة وعلى فكرة فيزياء 3 ثانوى غير فيزياء اولى ثانوى شكلا وموضوعا واكيد فيزياء ال50 درجة بتاعت الثانوية العامة اقوى من فيزياء اولى ثانوى عشان بيراعو السن وانك لسه مستجد فى ثانوى عام وكمان عشان الناس الادبى يعنى يتعمقوا فى الفيزياء وطالب ادبى ملهوش دعوة بيها وعلى فكرة تلخيص القوانين والحل عليها 60% من الفيزياء و10% تجارب واستنتجات و30% نظرى انا على فكرة جايب 88% فى تانية قانوى وكتير بيقولى انا منفعش علمى عشان المجموع ومش هلاقى كلية بس رزقى على الله ادخل الشىء اللى انا ميولى ليه والكلية من عند ربنا
|
للأسف انتي وقعتي في الأفكار الخزعبلية اللي بيعملوها طلاب الثاوية العامة دلوقتي
و تلاقيهم يقولوا انا اروح اجرب الأول حصتين احياء كده و ولو ممشتش فيها اكمل رياضة و ده طبعا غلط لازم تكوني الأول محدده اختيارك و تتحملي الصعوبات اللي هتواجيها و كل واحد ليه طريقته في الحل و المذاكرة و كذلك سرعته فيبقي محدش يبص للتاني نهائي لأن فيه فروق فردية و لازم تعرفي انك مهما اخترتي لازم هتتعبي و متصدقيش ان في حاجه سهلة خالص و كل حاجه بتيجي بتعب و طالما انت مستحملتيش الاحياء في الأول يبقي انت اكيد مكنتيش عاوزاها و كنت مترددة و طالما اخدتي رياضة 2 يبقي لازم تحاولي تبني في الأساسيات و تحاولي تذاكريها لواحدك و لو حاجه مفهمتيهاش اسألي المدرس و أسألي زميلاتك و متقلقيش هتلاقي كل زمايلك عندهم نفس احساسك و ده كان شعورنا كلنا و شوية كده و هتلاقي الموضوع بقي عادي و علي فكرة انت رياضة 2 مناسبة جدا لمجموعك |
اقتباس:
يالهوووووووووووووويس انا مقولتش انها سهلة بس هى مش صعبة كده والله اللى بيفضل حاطط فى دماغة ان الحاجة صعبة.....عمره ما هينجز فيها وعن خبرة والله العظيم على الرغم انى كنت بحب الفيزيا(شوية يعنى)....بس اقسم بالله انا اللى يشوفنى يوم الامتحان كان هيموت من الضحك عليا بجد من كتر الخوف و اعتقادى ان امتحان الفيزيا هييجى نار كالعادة وميتحلش زى 2008 و 2010 على الرغم من سهولة وتفاهة امتحان الفيزيا اللى عمره ما جه بالسهولة دى فى الثانوية العامة بس بالرعب والتوتر و الاعتقاد الغبى ده اللى انا كنت فيه.......جبت 48.5 مع الاسف شيل الفكرة دة من دماغك احسن متعملش زى |
اقتباس:
بس محدش يقوللى ان الفيزيا سهله عشان هى مش كده:p وميرسى ليكى ...................... |
اقتباس:
بصى هى مش سهله ومش صعبه ازاى بقى هى بتبقى صعبه جدا اما تيجى تزاكريها وبتبقى سهله جدا بعد ماتخلصيها ولا كانك خدتى اى حاجه كل المعلومات اللى فيها بتفتكريها تلقائيا وده طبعا لو زاكرتيها كويس فيه ناس كتير بتحبها اوى اوى اوى زيى كده ومش معنى انى بشتم فيها انى ابقى بكرهها انا على فكره وانا بزاكرها ببقى مبسوط اوى و ساعات بضحك بصوت عالى لما بقرا قانون ن القوانين زى مايكون حد بيزغزغنى عادى يعنى والله مش كل الناس بتكرهها خليكى متفائله هى بس عايزه دماغ ودماغ متكيف كمان يعنى ياريت حته حشيش قبل مزاكرتها كده مثلا ههههههههه |
اقتباس:
بررررررررررررررررررررررررررررررررررررررررررررررررر ررننننننننننننننننننننننننننننسسسسسسسسس:p:cool: |
اقتباس:
:d:d:d:d:d |
اقتباس:
|
اقتباس:
هو ايه ده الحشيش يعنى هههههههههه ده موجود فى كل حته بصى هقولك على الحته اللى بجيب منها 12 شارع ابو المعسل - الجوزه - جمهوريه الغرزه الثقافيه:stickjo4::stickjo4: |
اقتباس:
دي ثانوية عامة لازم نضحي :) |
اقتباس:
لازم تضحى بقى :d |
بسم الله الرحمن الرحيم
مش عارف الرد ده هيتقري ولا لا بس هكتبه و خلاص اولاً : مفيش حاجة صعبة علي الانسان انه يفهمها يعني انتي بتقولي مثلاً ان الرياضة صعبة في الفهم لان في اساسيات كتير وقعت منك فيها ناس كتير عندها نفس المشكلة دي عشان كده المفروض علي المدرس نفسه إنه يراجع عليها لو كان مدرس كويس مراجعش مش مشكلة برضه بإذن الله في مشروع بيتجهز هنا علي المنتدي هيتناول الفكرة دي البدأ بأبسط اساسيات المواد انتقالاً الي المنهج نفسه و بإذن الله تستفادي منه (لو نزل إن شاء الله ) ثانياً: لو هتفضلي فاكرة انك غبية تصرفاتك هتتجه لهذا الاتجاه لكن حطي في دماغك انك ذكية ...لكن من حولك مثلك او افضل منك و الباقي يعتمد علي مجهودك انتي .....لان المجتهد في مصر نصيبه فوق العبقري (عن تجربة ) و بقول في الاخر ان التفوق توفيق من الله سبحانه و تعالي و مجهود منك انتي فحاولي تجمعي بين العاملين دول و ربنا يوفقك و يوفقنا جميعاً |
اقتباس:
|
اقتباس:
|
اقتباس:
|
اقتباس:
بعتني عشان 100 جند :d |
| جميع الأوقات بتوقيت GMT +2. الساعة الآن 09:47 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.