خبر محزن جدا جدا جدا عن التثبيت
 

تأكدت اليوم من مصدر موثوق من شخصة من واحد مرتشى من بلد بجوارنا بيعمل ضم للمدرسين والعمال بمبلغ كبير المهم

قــــــــــــــــــــــــــــــال
لا يوجد تثبيت نهائى حتى فى شهر 7 ولا اى شهر
لسببين
الاول / المالية لم توافق نهائى لأنة لا يوجد دعم مالى وموفرة درجات الازهر لوزارة تانية

الثانى /غباء مستشاريين الازهر وكبار الازهر عن معنى كلمة تثبيت حتى رئيس قطاع المعاهد الازهرية لا يعرف شىء
والله العظيم هذا الرجل المرتشى دفعتلة 20000 لنسيبى والله العظيم عشان يتعين فراش
والله فى منزلة بتركن سيارة رجل كبير جدا فى الازهر والله العظيم واعرف هذا الشيخ شخصيا وبيسوق العربية والله واحد ادارى فى معهد
حسبى الله ونعم الوكيل

والدليل على كلامى اليوم إتصلت بالموظف الخاص بالتثبيت فى القليوبية قال لى بعتو لينا منشور بيقول إرسلو ملفات المتعاقدين لشؤن العاملين بالحسين قلت لة إزاى والتنظيم والادارة بيقول رجعنا الملفات وبنرسل الاسماء وحتى القليوبية من المحافظات الثمانية الاوائل فى التثبيت قال لى معرفش هما طلبينها لية
ارجوكم حد يفهمنى ولو واحد من القليوبية يكلم مجدى عبدالله الخاص بذلك عن التثبيت

........................................ لا تعليق

ياأخي ما ذكرته صحيح ، بالطبع الدولة فوضى عارمة ، ومفيش توفير اعتمادات مالية ، ووزير المالية صرح بأنه لا سبيل إلآ الاستدانة ، وبالطبع التربية والتعليم صوتها عالي ،لذا فقد أخذ الأولية واستحوذت التربية والتلعليم على الدرجات المالية التي خرجت من المالية وتثبيت المتعاقدين ، ومدرسوها أقوياء ، والأزهر في نظر الحكومة مجموعة من الدراويش ، فسوف يكونون الضحية ، فلا كرامة لنا كأزهريين عندهم ، هذا من ناحية ، الناحية الأخرى أن شيخ الأزهر استدرج إلى ميدان ليس له ، وهو تسويق وتمرير لعبة السياسة ، ليكون حائط صد أمام مطالب الإسلاميين بتطبيق الشريعة ، وبالطبع قد يكون هذا دوره الحقيقي الذي يقتنع به ، كرجل فلسفة خريج السوربون ، أو أنه مغلوب على أمره ولا يستطيع رد الأوامر التي تصدر إليه من المجلس العسكري لأنه به علة ، قد يمسكها عليه المجلس العسكري في ظل هذا الهياج الشعبي للثورة بقانون الغدر ، وهي كونه من أتباع النظام السابق ، وعضو لجنة السياسات ،فبدلا من أن يقولوا له اركن واعتزل ، فهو يجاهد حتى يبقى في مكانه ويهمل مطالب معلمي الأزهر
لذا فليعلم كل المعلمين أن شيخ الأزهر سيضحي بكم جميعاً حفاظا على منصبه ، فالقضية توازن مصالح

استاذ ضويحى تلعن الظروف والواسطة والظلم وانت جزء كبير فيها بما فعلته وحكيته انت بلسانك انك دفعت 20 الف جنيه لتعيين احد اقاربك فراش، تصفه بانه مرتشى ونسيت انك راشى وكلاكما فى النار بنص حديث رسول الله صلى الله عليه وسلم، والعجيب انك تقول حسبى الله ونعم الوكيل!! ونحن ايضا نقولها فيمن اوصلنا لهذا الحال، كان احرى بك ان تصمت وتستغفر ربك عما فعلته لا ان تقع فى الخطا وتريدنا ان نغضب معك ونشهر سيوفنا فى واقع ساهمت انت فى تشكيله، وان كان كلامك صحيحا فنحن على يقين انه سينال من الله ما يستحق، ولن يضيع حقنا فى التثبيت ان شاء الله.

كلامك اشبه بالخيال
ولكننى لا انكره

تكلمت فصدقت يا استاذ محمد فوزى نحن لنا دور كبير فى هذه المنظومة الفاسدة نحن من ساعدنا على انتشار الرشوة والآن نندم ونقول حسبنا الله ونعم الوكيل .
لو كل واحد وقف فى وش المرتشى وقال لأ مكناشى بقى حالنا هو ده الحال فساد فى فساد من أكبر راس فى البلد الى أصغر راس فى البلد .

بطلب من ربنا يسامحنى على هذا العمل ولكن حلالوها لى بأنها مش رشوة ولكن هذا المبلغ بيدخل تبرع فى بناء معهد وبعد ذلك كل من ساهم فى بناء هذا المعهد بيرفعو قضية لضمهم فى المعهد
فأريد أن اعرف هذا حرام ولا

يا جماعه الراجل ايه العمله علشان تهاجموه الدولة كله كانت رشاوى ال عاوز عداد نور لازم الرشوه ال عاوز 2جنيه عيش لازم يقدم رشوه ( طبعا سيجاره مثلا ) ال عاوز تزكرة قطار للسفر لازم الرشوه
البلد كلها كده واكيد ربنا راح يغفر له ولن يغفر للقابض الرشوه لان ليس باليد حيلة

طبعا فيه فرق بين الرشوه للتعين علشان بتاخد حق غيرك اما التبرع لبناء معهد مع الوعد بالتعيين فيه مايبقاش رشوه وجزاك الله كل خير لأن الدوله مابتبنيش معاهد أزهرية وغالبية المعاهد بتبني بالجهود الذاتيه القائمة علي التبرع يعني لومفيش تبرع مفيش معاهد جديده ولا أنا غلطان مش هو ده الواقع

لا حول ولا قوة الا بالله وحسبى الله ونعم الوكيل

يسلم فمك والله
 

والله انت قلت اللي الواحد ما يعرفش يقوله فعلا....

جزاك الله خيرا

فيلسوف المنتدى

مستر محمد فوزى

كلام منطقي وهوه ده الواقع ال مش قادرين نصدقهلان كل البراهين بدل علي عدم التثبيت بدليل سمعنا كذا مره عن التثبيت ومفيش تنفيذ كله كلام في كلامياجماعة التربية والتعليم اتثبتت في ايام بعد صدور قرار تثبيت كل من مر عليه 3سنوات واستلموا جوابات التثبيت اغلبية المصالح حصلوا علي حقوقهم علشان كانوا مصرين علي اخد حقوقهم وكانوا يد واحدة وفيه عزيمهلازممممممممم يكون فيه وقفه وبجد ومفيش فيها رجعه ال بأخد حقوقنا ياجماعه بيموتوا روح العزيمه فيكم ببطئ علشان تيأسوا وتستسلمواوالله انا حزينه من ال بشوفه وبسمعه من مسئولين الازهر ال همه اامة الاسلام لازممممممممم ترجعوا للأذهر كرمتوا وعراقته من الفاسدين لازمممممممم صوتكم يسمع انتم معاكم حق وعددكم كبير وهمه مستحيل يستغنوا عنكم لأن ده مصدر خوف بالنسبه لمسئولين الازهر ويعرضهم لخطرربنا يوفقكم

قول حق جذاك الله خيرا استاذنا

حسبى الله ونعم الوكيل فى العمم اللى عايزه الحرق

ربنا ما يفرحك
زى ما نغصت علينا فرحتنا

فلتقل خيرا او لتصمت ارحمونا بقا

بلاش تشكيك وانتظرو حتي يظهر الحق

جزاكم الله كل خير اخوانى ولكن وجدت نفسى اكتب هذه الكلمات بانفعال وبدون ترتيب فخرجت كما قراتموها وارجو الا يكون فى كلامى قسوة على صاحب الموضوع وربنا يهدينا جميعا ويصلح من شاننا اللهم امين.

"فاسالوا اهل الذكر ان كنتم لا تعلمون"

اما يكون كل الظلم ده فى الازهر فين يكون العدل حسبى الله ونعم الوكيل

انا بطلت من زمان ادخل واشارك
لاني كل ما اخل دمي بتحرق
وبندم المنتدى باظ وغار في داهية
واحد يقول معلومة والتاني ينكرها ومع كل واحد دليل

مين ضويحى ده اللى بيقول كلام ومصدق نفسه
وهو كما ذكر فاسدبرضو
ياخوانا خلينا ف موضوع الاسماء وسيبكم من ضويحى وغيره
طاب عادى ممكن ضويحى ده يكون عربجى او واحد وخلاص
يعنى انتم اعطيتوه اكبر من حجمه بردودكم الكثيرة عليه
وهو من الاساس كلامه مايدخلش المخ اساسا