|
المطالبة باسقاط الجنسية المصرية عن عصام الحضرى!
المطالبة باسقاط الجنسية المصرية عن عصام الحضرى!
أرسل نبيه الوحش المحامي انذارا الي اللواء حبيب العادلي وزير الداخلية يطالب فيه بإسقاط الجنسية المصرية عن المدعو عصام الحضري حارس مرمي منتخب مصر والنادي الاهلي لهروبه الي سويسرا، أكد الإنذار أن اللاعب الكبير هرب من مصر ضاربا عرض الحائط بالتقاليد والعادات العريقة لناديه الكبير ومتجاهلا مشاعر ملايين المصريين والعرب الذي صنعوا نجوميته وخائنا لبلده مصر الحبيبة خيانة عظمي ليس لأنه قدوة فحسب، ولكن لاستهانته بالرابطة التي تجري في العروق مجري الدم وهي رابطة الولاء والانتماء والتي يرمز لها بالجنسية، مفضلا عليها بعض الدولارات واليورو والشيكل الأمر الذي لا يستحق معه الاحتفاظ بتلك الجنسية العظيمة التي يتهافت القاصي والداني علي الحصول عليها بأي ثمن. |
شكرا للخبر ياحودا
|
اتمنى ان ده ميحصلش مهما كان نلتمس للحضرى العذر
|
ياااااااااااااااااه وصلت لكده!!!!!
الجنسيه مابتسقطش غير بحكم قضائي ولازم يكون خيانه للدوله ... مش لما واحد يكون مصلحجي شويه يبقى نسقط عنه الجنسيه صحيح دمي اتحرق من اللي عمله لكن مش للدرجه دي |
هو ايه اللي حصل عشان يعملوا فيه كده والله انا مستغربه اوي
|
لا ياعم متوصلش للدرجه دي دا ايه الهبل دا يسقطوا عنه الجنسيه ليه ياعم دا الي بيسافر علي اسرائيل مبيعملوش معاه كدا هيعملوا مع دا كدا وهو معملش حاجه يعني غير انه بيدور علي مصلحته انما الراجل مكفرش
|
ياااااااااه على تفاهة البلد
والله دية ناس فاضية وادوا للموضوع اكبر من حقة كانوا عملوا الهوليلة دية مع الجريدة الى نزلت صور الرسول عليه الصلاة والسلام والله عالم فى قمه التفاهه والفضى يارب ارحمنا بقى |
مشكله عصام بس
انه سافر و هوا كان مرتبط بعقد مع الاهلى ولازم يوفى بيه او يمشى بموافقه النادى لكن ايه دخل الجنسيه المصريه فى الكلام ده دى حاجه و دى حاجه هوا اى حديطلع يقول كلمتين و خلاص؟ |
ايه كل ده
براحة شوية على الحضرى مش معنى انه راح بالطريقة دى يبقى يتحكم عليه بالاعدام!!!!!!!!! |
أنا أعرف لما الأب يعاقب ابنة أنة يضربة ويشتمة أو يزعل منة مش يقطع رقبتة
واللى بيحصل للحضرى دة أكبر غباء ولازم نتحكم فى تصرفاتنا معاة شوية يعنى مش نروح نلغى لة الجنسية ودة كفاية اللى عملة فى كاس الأمم 2008 معانا وفى 2006. صدقونى اللى بنعملة فى الحضرى دة كاننا بنقطع رقبتة بالضبط ودة غلط. وشكرا يا أسطورة على الموضوع. |
لاوالنبي:D |
احمد2020
بيان هام
مهما يكون الحضرى شال الاهلى و المنتخب ده جزاته ده مستقبله وهو حر فيه وكان له الحق فى انهاء التعاقد مع النادى الاهلى ده مصلحة للنادى الاهلى علشان يدى فرصة للاخرين :rolleyes: |
اقتباس:
شوفت ازاى |
شكرآ لكل اللى ردوا فى الموضوع
وفعلآ هى كده وسعت قوى مش لدرجة اسقاط الجنسية يعنى ! |
اشمعني الحضري؟؟؟؟؟؟؟؟؟؟!!!!!!!!
غيره كتير وكتير وكتير هربوا من الانديه دون ذكر اسمائهم وماعملوش معاهم كده المفروض اللي يسقط عليه الجنسيه واحد زي اللي ماحضرش الامم الفريقيه واتكبر انه بيلعب في احسن الدوريات ده اللي يسقط عليه الجنسيه مش عصام الحضري |
بكرة يطالبوا باعدامه
|
مهي بقت سلطه اللي يطلع يقول مهدور دمها واللي يطلع يقول اسقاط الجنسيه واللي يطلع يقول بول النبي واللي يطلع يقول ارضاع الكبير هيييييصه والله ما احنا فالحين طول ما فينا اللي ولا فاهم في اي حاجة ده وبيتكلم اكنه بيقول قرآن طول ما احنا وبلدنا هنفضل ورا :mad: |
اسف انا عارف اني غلس بس استحملوني ههههههههههههههههههههههههههههههههههههههه اسمحولي اضحك علي كل كلمه قرأتها ومدخلتشي دماغي هههههههههههههههههههههههههههههههههه نبدأ الحضري حر في مستقبله وهو مش خاين كما يدعلي البعض الحضري اسد مصر الحضري مش انا اللي هتكلم عنه لا التاريخ هو اللي بيتكلم عنه الحضري الحضري الحضري يسقطو الجنسيه عن الحضري اه مش الحضري ده الجاسوس الاسرائيلي علي مصر مش الحضري ده اللي ناهب فلوس البلد وهرب بيها لسويسرا مش الحضري اللي نصب علي الشعب كله وضحك عليهم وخد فلوسهم ايه يجدعان جنسية ايه وعبط ايه روحو شوفوا الناس اللي واكله عرقنا روحوا شوفوا الناس اللي واخده فلوسنا ورحو شوفو الناس اللي خاينين لبلدهم وقولوا نسقط جنسيتهم اسف من الاخر يعني كل اللي بيحصل ده عبط عبط وهبل اسف بجد حضري ايه وجنسيه ايه الراجل ربنا معاه ويوفقه يجدعان سبحان الله مستقبله يابلد وهو حر فيه كل واحد يحط نفسه مكانه خلاص كلها كام سنه وهيقعد في البيت ايه ياجدعان احنا شعب وحش كده ليه لو الفقير سرق ربع جنيه حرامي ويحاكم ولو الباشا الكبير هو اللي سارق البلد ربنا يباركلنا فيه راجل شريف احنا ديما كده بنجري وراء حجات عبيطه اوي انا اسف علي الاطاله ربنا يوفقك ياحضري يارب ربنا معاك انا بحبك اوي ياحضري مع اني زمالكاوي بس انا مش فرحان في الاهلي والله انا كل اللي يهمني دلوقتي المنتخب الوطني |
حرام عليكم والله كده الحضرى ميستهلشى منا كل ده الحضرى ده حامى حمه الشباك المصريه والاهلويه وانا بقول ان الاهلى ومصر مش هيسبو يضيع منهم بالساهل وخاصتآ المنتخب . مش معنى انا الحضرى احتراف انه اجرم ولا انه هرب الحضرى انسان لزم يعيش لنفسو شويه وهو قال انه اتربه فى نادى الاهلى وعاش فيه اكتر معاش فى بيته . ومنكرشى الجميل وده شىء جميل منه. مش معول ده يحصل ابدآ وياخذ اى جنسيه اخره وان شخصين اتمنى ذلك |
حرام يا جماعه عصام إدى أكتر مما خد سيبو الراجل ياخد فرصته بقه ويخلى بقيت الحراس تاخد فرصتها |
| جميع الأوقات بتوقيت GMT +2. الساعة الآن 07:15 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.