كارهة للأحياء
 

السلام عليكم ورحمة الله وبركاته:
اولا: معذرة لكل اللى بيحبو الاحيا(مع انهم مش كتييير)
ثانيا :انا الاحياء دى اكبر مشكله عندى بكرهها بكرهها بكرهها وصعبه جدددددددددددا وحتى المدرسين بتوعها نفسهم بيقولولنا كده وبعدين كمان بيقولولنا الواحد يفضل يذاكر ويطحن فيها وفى الاخر تيجى اسئله مش متوقعه ف الامتحان تحس انك مش مذاكر حاجه
ورسوووومات وحفظ وكلام كتيييير وحاجه تنرفز بصراحه
وانا المفروض ناويه على علمى علوم ان شاء الله فلازم احبها او حتى اتقبلها شوييه
فيعنى لو سمحتو بعد اذنكو تقولولى اى حاجه عشان احبها او تقولولى طريقة مذاكره كويسه ليها لانى مش بعرف اذاكرها خالص


بليييييييييييييييييييييييييييييييييييييييييييييز تساعدونى

هى فعلا مشكلتها فى الرسم انا مش عارف ارسمهم

علشان تحفظى بسرعة اقرئي الحاجة ممرتين او تلاتة بالكتير اوى وسمعيها لنفسك واكيد هتغلطي او تنسي حاجة فهتثبت في دماغك اكتر لانك نسيتيها قبل كده فهمت ولا لسا ياريت الرد

مشكووووووووووووووووووووووووور

كلامك صح والله ويا ريت حد ينزل لنا اى حاجة علسان نفهم اى حاجة

كلامك صح والله ويا ريت حد ينزل لنا اى حاجة علسان نفهم اى حاجة

اهاا بس انا مبحبش الحفظ وبقعد وقت لغاية لما احفظ ولو حفظت بسرعه بنسى بسرعه

احنا معاكم

حولي تحفظي واللي تحفظيه اكتبيه هيثنت اكتر

منا بردوا مشكلتى الاحياء ؟

حل حلو احفظو و اكتبو اللى حفظتوه و لما تحبو تراجعوا راجعو اللى انتو كتبتوه علشان ده بيكون على اسلوبكم انتو مش اسلوب الكتب فالمراجعة هاتكون احسن . و ارمو الكتاب .

اول حاجه تساعدكم هو التقرب من الله عزوجل
النيه فى المذاكره (يعنى منقولش صعبه قبل ما نذاكر )
ان شاء الله مع حل اسئله تكونوا افضل

فعلا انا بذاكر المادة وبعد اسبوع كانى ماذاكرتش حاجة

انا عكسك تماما .. الاحياء دي انا بموووووووووووووووووووووووووووت فيها

بتحب تحفظ انت لكن انا بحب مواد الفهم زى الرياضة والكمياء

الاحياء سهله ا ن شاء الله
 

اولا لاتحكمي علي اي ماده غير لما تذاكريها مرة واتنين ومفيش حاجه صعبه للي يذاكر ويجتهد بس ممكن سكون ميولك لمواد تانيه اكتر بس لو انتي حبيتي الماده دي هتكون سهله ان شاء الله ... او ممكن يكون المدرس هو اللي مصعب عليك الماده
المهم استعسذي بالله ثم صلي ركعتين ثم ابدأي في مذاكرة اسهل فيها وتدرجي فيها هتلاقيها سهله ان شاء الله ولو ملقتيش فايده بقي اضغطي علي نفسك وذاكريها علشان الامتحان علشان ربنا يوفقك وتنجحي

واتمني من الله ان يوفق جميع طلابنا

وانا برضه مش بحب الاحياء
عشان انا مش بحب احفظ
بس انا ان شاء الله هخش علمي رياضة
فمش فارقة اوي بس هي طبعا مادة مهمة جدا

أنا أ/ وليد عباس مدرس أحياء وجيولوجيا أنصحك بعمل مقارنات وملخصات وخرائط مفاهيم وجداول والتدريب على الرسم وحل امتحانات كثيرةوالتدرب على مسائل الوراثة والبيولوجيا الجزيئية

بصى متبصيش لأحياء أولى ثانوى دى لأنها جايبة من كل فيلم اغنية انما احياء الثانوية العامة مترابطة مع بعضها وأغلبها فهم وكمان هتستمتعى بيها جداااا

مفيش حاجة صعبة مع الإصرار والعزيمة وطاعة المولى عز وجل

ممكن رقم تيليفونك علشان نشوف الهم الى احنا فيه

ولله اللى عايز يذاكر بيذاكر انشا الله لو الماده ديه اصعب ماده فى العالم
واللى عايز يفهم بيفهم
ولو حتى انتى بتكرهى الماده ديه
فى ناس كتيره مبتقبلهاش بس بتحل وبتجيب درجات عاليه
وامتحانات الاحياء بتيجى من بين السطور
يعنى لازم تكونى على درايه بكل حاجه فيها بالروسومات والملحوظات والكلام الكتير
هيا حاجه تزهق جدا الصراحه
بس اعملى اللى عليكى وحاولى تعدى منها بدرجه عاليه الترم ده عشان ربنا يسهل فى تانيه و تالته عليكى
وهى الاحياء كده
اى حاجه تذاكريها فيها متفوتيهاش
اعتبرى ان كل كلمه فى منهج الاحياء هتيجى فى الامتحان واستحملى المذاكره وربنا هيديكى على قد تعبك
اهى الثانويه حاجه لازم نعديها زى اللى قبلها عشان ربنا يكرمنا
وشكراااااااااااااااااااااا

مشكوررررررررررررررر

ازاى بتقولى ان انتى كارهها وانتى لسه ناويه على علمى علوم ان شاء الله يعنى انتى لسه مش جربتيها لوانتى فى اولى لسه او فى تانيه وبتقولى كده على اساس احياء اولى ممكن تكون احياء اولى رزلة شويه بس احياء تالته واضحة ولذيذة وعايزة مذاكرة وبس واى مادة حتى لو كانت ايه بتبقى حاجة تانيه خالص بعد ماتتذاكر والله الاحياء جميلة بس عايزة مذاكرة اول باول حتى لوكان صفحة او فقره صغيرة وسهله جداااااااااااااااااا بس مع المذاكرة ومتخافيش من اولها لسه فيه فيزياء ومواد تانيه خالص

أسهل حل
 

أولا:السلام عليكم و رحمة الله و بركاته

اسمحوا لى أن أقول رأيىو هو:
أى مادة مش عارفة تذاكريها هى أنك تقومى من النوم تصلى الفجر و تدعى ربنا و باعدين تذاكريى براحتك ما توضعيش الامتحان فى اعتبارك
وبعدين اتفرجى على الفيديوهات الموجودة و بعدين راجعى معاها و إن شاء الله هتلاقيها سهلة جدا
الحمد لله أنا بعمل كده
السلام عليكم و رحمة الله و بركاته

انا مشكلتى ما بحبش احفظ بحب الفهم و انا مش فارقا معايه ببصله علشان انا انشاء الله علمى رياضه

لو عصفوره محطوطه فى مكان ومش عارفه تدخل من هيخرجها الا ال دخلها واحنا للاسف مدرسين الاحياء بيكرهونا فى الاحياء ودخلوا فى دماغنا ان الاحياء دى حاجه صعبه مين ال هيحببنا فى الماده بقى

ارجو ان تهتمى بيها اكثر

حاولي تفهميها ومتحفظهاش وخودي المعلومات ع انها بس فهم هتحسي بسهولتها جداااااااااااا

انا كماااااان عندي مشكله في الحفظ و تعبت من الاحياء لدرجه اني بقيت مش عايزه اذاكرها و حاااااسه اني مش نافعه فيها خااااااااااااالص

انا كنت ناويه ادخل علمي علوووم بس شكلي هغير رأيي بعد المنهج الجميييل ده ههههههههههههههه

بجد محتاجين طرق لمذاكره الاحياااااااء يا جماااااااااعه

المشكلة مش في الاحياء المشكلة في التعليم حفظ وتلقين فقط ناسيين اهم جزء التجريب العملي.
والله لو جربنا عملي هنفهم فهنحفظ
يعني مثلا الخليه ليه منشوفهاش ع الميكرسكوب لييييييه وعايزنا ننفع بالنظام ده
عليا النعمه هنجيب صفر

هيه فعلا مشكلتها انها في معظمها حفظ
بس لو حبيت الماده مع مدرس شرحه حلو هاتفهمها مش هاتحفظها
والرسومات يعني مش صعبه اوي

الحل الوحيد لمذاكرة الاحياء دي هى الملازم ( الملخصات ) بمعني أصح ..
يعني مش هتلاقي أحلي من مذكرة كتاب الامتحان ( الكتاب الصغير ده ) ده فيه كُل الخلاصه بجد جربي و مش هتندمي ..
و لو منفعتش يبقي عليكي و علي المُدرس الخاص للأحياء و تحكيله مشكلتك و ان شاء الله هيساعدك
اتمني أكون أفدتك بحاجه .

هو فاضل شهر ذاكرى ورجعى فيه كتير لان المراجعة تؤدى الى التفوق والاحياء مادة بتحتاج مرجعات كتيييييييير

ربنا يوفقنا ويوفقك

بصوا انا كنت فاهمه لحد اخر البلهارسيا وحفظاهم صم بعد كدا بقا مفيش ميح
مش عارفه اعمل ايه؟؟؟؟