|
ما رأيك فى مقتل العقيد معمر القذافى ؟!!
بصراحه كل واحد يدخل يقول رايه فى اللى حصل للقذافى هل انت مع اللى حصله وشايفه يستاهل ام متعاطف معه لانه كبير فى السن ولا يفكر جيدا ام ماهو شعورك اتجاهه ؟؟ |
اقتباس:
thanx 4 nice topic |
تعقيبا على كلامك يا اية ما ينفعشي نشمت في حد زي ما دينا بيقول وخصوصا لو كان مسلم
انا معاكي انه عمل بلاوي الدنيا كلها ويستاهل كل اللي حصله لكن نقول اننا فرحانين فيه واحسن والكلام ده لا |
سبحان المعز المذل
|
ا .. بصراحة كنت داخلة وفى نيتى ماردش كنت عايزة اشوف الآراء بس لكن بما إن الموضوع فى أوله ... : من الطبيعى ان نهايته تكون القتل و دا كان متوقع و منتظر بس القتل بالطريقة دى !! .. هممم كان ممكن يتقتل بشكل غير دا >< و احيانا التجاوزات بتكون هى الحل الأسرع و الأنجز << انا قلت حل بس ماعتقدش إنه حلال خصوصا انهم مش عايزين يدفنوه كمان >> صعبة اوى دى اول تعليق ليا اما شوفته كان "لا حول و لا قوة الا بالله العلي العظيم" .. مَن قتلَ يُقتل ولو بعد حين بجد نهاية مفزعة اوى >< |
|
انا زعلت جدا
و اليبين حيفضلوا طول عمرهم همج و متخلفين هو مش عملهم حاجة عشان ده كله و حفضل اقول الثورة اللبيلية باطلة باطلة |
يستاهل كل الى حصل له لكننا كمسلمين نرفض الاهانة لاىشخص
|
على الرغم من أنى تمنيتها له
وأراه يستحق الموت مرات بعدد الآلاف التى قتلها إلا أننى أتأثر بموته ولا أستطيع الفرح ربما يكون جلال الموت وإنَّا لله وإنَّا إليه راجعون |
انا بصراحه اتأثرت بالمشاهد الي شوفتها دي وخصوصا بأنه مسلم
فين العفة والتسامح أو حتي الصبر لمحاكمته وفي النهايه دي اخرته |
الظلم عمره مبيدوم .. وهي دي النهايه المتوقعه للقذافي وف الموت عبره لا شماته مقدرش أقول اني فرحت لما مات لكن لكل طاغيه يوم وهو جه يومه ... مشكور ع التوبيك |
انا عن نفسى ارى ان القذافى لايجب ان يتم التعامل معه بهذا الشكل
لقد قبضوا عليه ولم يظهر اى مقاومة فما الحاجة اذا الى ضربه بالرصاص حتى الموت بدلا من محاكمته هو واعوانه وهذا اكبر دليل على مستقبل ليبيا الفاسد بسبب انعدام الامن وانتشار البلطجه وعدم مبالاه السلطات وشكرا لكل اللى رد على الموضوع,, |
السلام عليكم ورحمة الله وبركاته {...وَمَن يُشْرِكْ بِاللَّهِ فَكَأَنَّمَا خَرَّ مِنَ السَّمَاء فَتَخْطَفُهُ الطَّيْرُ أَوْ تَهْوِي بِهِ الرِّيحُ فِي مَكَانٍ سَحِيقٍ }الحج31 أنه كان يدعي الالوهية والنبوة ،، ويقول للأفارقه أنه ملك الملوك ، !!وأمير المؤمنين !! ويشتري رضاهم بالمال !! وغيره وغيره,, واقرأوا تاريخه وضلالاته التي أخرجته من انه يكون مسلم ، كما يقول البعض عليه! واعرفوا آراء علماء السنة فيه أمثال: الشيخ محمد العريفي ، والشيخ عائض القرني، والشيخ سلمان العودة ,,, . .. {إِنَّ اللّهَ لاَ يَغْفِرُ أَن يُشْرَكَ بِهِ وَيَغْفِرُ مَا دُونَ ذَلِكَ لِمَن يَشَاءُ وَمَن يُشْرِكْ بِاللّهِ فَقَدْ ضَلَّ ضَلاَلاً بَعِيداً }النساء116 .. {...إِنَّهُ مَن يُشْرِكْ بِاللّهِ فَقَدْ حَرَّمَ اللّهُ عَلَيهِ الْجَنَّةَ وَمَأْوَاهُ النَّارُ وَمَا لِلظَّالِمِينَ مِنْ أَنصَارٍ }المائدة72 .. والسلام عليكم ورحمة الله وبركاته |
اقتباس:
لم يجدوا منه مقاومة ، لانه ظالم وأصحاب الضمير انفضوا منه وانشقوا عنه .. هم ليسوا بلطجه ،لأنهم كل عائلة فيها الجريح وفيها القتيل فكيف يتركوه يتحاكم؟؟!!! . والحق يقال ! .. وحسابه علي الله .. |
أخد أقل من جزاءه وحسابه فى الآخرة
هذا ما يستحقه شعرت بالفرحة عشان الشعب الليبى اللى اتعذب بسببه وربنا ينصر جميع الشعوب العربية لكنى مش هنكر شعرت ببعض الضيق عندما رأيته ليس تعاطفا معه ولكن لانى اعمل ان هذا الانسان من افعاله يمكن بيتعذب دلوقت يعنى مش عارفة هو لى عمل فى نفسه كدة أين ماله وسلطانه وهو الآن يحاسبه الله لكن انا بحس بالبشرى لما بشوف شهيد وبتمنى اكون زيه على العموم الحمد لله الذى نصر الحق على الباطل |
بس ده واحد مجنون ومش عاقل ده غير انه عنده فوبيات كتير جدا هى اللى دفعته للى عمله
انا متهياقلى لو اتحاكم مش هيتسجن وهيدخل مستشفى المجانين لانه مش طبيعى |
اقتباس:
بس كل شئ أنتهي وهو قابل رب كريم .. |
ونعم بالله
|
انا شايف خلاص يعنى هو راح لربه وحسابه عنده الكلام ملوش لازمة دلوقتى |
اقتباس:
عذرا الشعب الليبيى شعب عظيم تحمل الكثير من هذا الطاغيه الذى يُدعى معمر القذافى لا تقولى انه لم يفعل لهم شئ ان كنتى تريدى ان تتكلمى فقولى كلمه حق ولا تقولى انها ثوره باطله فهذا هو المعنى الحقيقى للثوره اما بالنسبه لموته فليس بمفاجأه فلكل ظالم نهايه واللهم لا شماته..اللهم لا شماته ولى تعليق صغير ارى ان معظم الردود تقول انه مجنون وعنده فوبيا وحاجات كده يعنى بقاله 42 سنه مجنون اكيد لأ :excl: ولا كبير فى السن دى بتغظنى اوى;) بردوا قالوها على مبارك:d ايه هو ربنا مش هيحاسب الكبار فى السن؟ من اخطأ يعاقب ولا دلوقتى كلهم بقوا مجانين وكبار فى السن شكرا لصاحب الموضوع تقبل مرورى |
اقتباس:
وإن صح أن الشعب همجى فاللوم على حاكمه الذي أهمل لارتقاء بسلوكيات الشعب وتعليمه لو تكلمنا عن ظاهر الرجل فى الدنيا فقد ارتكب بجنونه حماقات تدخله الموسوعة كأكبر متعاظم فى العصر الحديث والعياذ بالله وهل نفس القذافى إلا كواحدة من آلاف الأنفس التى قتلها أما عن باطنه .. وهل هو فى الجنة أم فى فى النار فلا نؤله أنفسنا , الله وحده العالم بذلك ونسأل الله لنا وله ولأمواتنا جميعاً الرحمة والمغفرة وما قلنا ما قلناه إلا لالتماس العظة والعبرة يُعَمِّرُ الحاكمُ في بلادنا ألفَ سنهْ وعندما يذهبُ ـ مضْطراً ـ إلى ضريحِهِ يهنّئُ المشَيِّعُون بعضَهُمْ وترقصُ الأزهارُ خلفَ نعشهِ والأحْصِنَهْ |
انا عن نفسي اري انه ظلم كثير ويستحق هذه النهايه ولكن؟؟؟؟؟؟؟؟؟؟؟؟ نحن مسلمين ونعلم ان اكرام الميت دفنه وعدم التمثيل بالجثه واذا لم يستطع الليبيين التسامح معه فكان يجب قتله بشكل لائق لانه في وجهة نظري حد غير مسئول عن تصرافاته مجنون رسمي
|
الميت لا يجوز عليه إلا الرحمة
حزنت لإنتزاع الرحمة من قلوب البشر وأعتقد أنه كان مريض عقلى أو أن طول فترة سلطانه وسطوته غيبت عقله كما قال دكتور أحمد عكاشة ربنا يرحمه ويحاسبه على قدر نواياه وهو سبحانه وتعالى أعلم بحال عقله هل مسئول عن أفعاله أم لا ولعل نهايته تكون عظة لغيره من أصحاب المسئوليات خالص تحياتى لصاحب الموضوع |
اقتباس:
فعلاً ربنا يعلم بيه وبحاله .. |
ولكن هذا دمر الفائدة التى كانت ستعود على الشعب الليبى وعلى المصريين ايضا عند محاكمته
فكنا سنعرف كيف قام بالعديد من العمليات الارهابيه وكيف عمل جاسوسا لفرنسا وايطاليا وغيرهم وبذلك كنا لنقدر على حمايه انفسنا منهم على الاقل ولكن ما الفائده التى عادت على اى احد من قتله ؟؟ فلو كان حوكم من الممكن بل من المرجح ان ياخذ اعدام على اعتبار قتله لليبين وسوال اخر من قتله من الثوار المدنيين اليس من المفترض ان تتم محاكمته لقتله احد ابناء شعبه ام هى بلطجه وكل ما حد يكون مضايقنى او قتلى اخويا اروح اقتله ومفيش قضاء او تحقيقات فى البلد؟؟؟؟ |
صحيح انه كان ظالم كبييير جدااااااااا بس لا يجوز قتله لانك اتمسك اسير اعزل
كان لازم تتم محاكمته بالعدل انما كدا لا والف لا ثانيا التمثيل بالجثة بشع جدا ودا حرام وربنا هيحاسبنا للاسف بعض افراد الشعب الليبي تغمرهم الهمجية وطبيعة البربر هي ثورة واسقطت ظالما لكن انا شايفة ان الشعب الليبي كان عايش ف مستوى مادي كويس جدااااا المرتبات هناك عالية جدااااااااا سواء للمواطن او المقيم الاقتصاد كان زي الفل صحيح انه مخه لاسع بس عمل حاجات كتير كويسة ولما يؤدي انكار المنكر لمنكر اكبر منه فدا لا يجوز يعني الشعب الليبي هيعد 100 سنة يمكن عشان يبني الخراب اللي حصل دا غير خساير الارواح وعمليات ال****** والتوحش اللي حصلت والاقتصاد اللي انهار والناتو مش هيسيب ليبيا ف حالها الناتو مبيعملش بلاش مصلحته عشان ياخد النفط الليبي ببلاش ل50سنة كمان قدااام عموما اللي حصل حصل وربنا يصلح احوال بلاد المسلمين |
لا موتته كانت كتير بشعه
وفيها انتهاك لحرمة الانسان وكمان كان اعزل المفروض كان يتحاكم مهي مبارك واعوانه عملوا البلاوي والهوايل ومع ذلك ما اتهان نصف الاهانه اللي اتهانا القذافي |
لكل من يقول انه يستحق\\
بجد رايكم ايه فى انه اتعرض وهو ميت فى سوق اللحوم امام الشعب الليبى كالكلب اليس هو انسان مثلنا؟؟؟؟؟؟؟؟؟؟؟ انه شعب همج ومتخلف |
يجماعة انا اتولت و عيشت في ليبيا اكتر من 11 سنة و رجعت بعد الاحداث الاخيرة
و انا اضرا بكتير منكم بالوضع هناك و الشعب عامل ازاي مع احترامي ليكم جميعا و الناس الي بتقول ان الشعب الليبي عانة منة كتير يعاني الليبين الي كانو بيبقوا مولودين في سنة ثورة الفاتح الي هو عملها بيروحوا بس يقولو للحكومة انا مولود في السنة الفلانية حيوصلهم كل شهر 9 تلاف دينار ليبي ده غير عربية اخر موديل السنة الجديدة لدرجة اني فاكرة ان و احد جارنة كان من موليد السنة دي عمل اجانس عريبات من كتر العربيات الي بتوصلوا كل سنة ده اولا ثانيا الي مش من مواليد السنة دي يعني لبيين عادين حتي لوا واخدين الجنسية علي كل طفل بيتولد بيتكمله حاجة اسمها الكتيب و يوصلوهم كل شهر من 6 الي 9 تلاف دينار ليبلي علي الشخص الواحد ثالثا الي بيقولوا البطالة والشباب الشباب هناك كانوا لما يتخرجوا يروحوا للحكومة تعينهم و مش بش كدة لاء ده مش بيروحو ا الشغا اصلا يعي يقعد في البيت او يروح يشتغل شغلانة تانية و يوصلو كل شهر مرتبة علي داير المليم يعني انا فاكرة ان هناك كان فية شغلانة مثلا مدرس يكون بيشتغلها اكتر من واحد لكن من البيت و و احد بس هو الي بيروح و يدواوم رابعا الاسعار مقارنة بسيطة بين الاسعار في مصر والاسعار في ليبيا كيش الشيبسي الحجم العائلي مصر = 3 حنية ليبيا = نص دينار زي نص جنية في مصر شكارة الرز مصر = معرفش ب100 و كام ليبيا = 5 دينار و كمان التمونين بيدهللك ب2 دينار بس الخروف بتاع العيد بمناسبة انننا داخلين علي العيد انا فاكرة اننا اشنرناه السنة الي فاتت ب 210 دينار بس يعني 210 جنية و غيره وغيره من بلاوي و ملاين بيخدوها لا يصدقها عقل يعني كان ناقصهم اية عشان يعملو ثورة يعني انت لو عندك كل ده حتعمل ثورة ليه |
| جميع الأوقات بتوقيت GMT +2. الساعة الآن 09:19 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.