|
ما معني الحقيقه......؟
الحقيقة ........................... عندما جلست وحدي في اناء الليل المظلم تذكرت كلمه الحقيقه . ماذا تعني الحقيقه ؟ .الحقيقه : مهما كانت مره فالمجامله اكثر مرارا. الحقيقه : تدوم والمجامله تموت في وقتها . الحقيقه : تحب الصدق تكره الكدب تلازم الحياه لا تقبل المجامله . الحقيقه : يصعب علي الانسان تصديقها لانها واقع حقيقي لا تخفي عنه . الحقيقه : عندما تكون حلوه يذكرها الانسان دائما . وعندما تكون مره يخبأها وراء ابتسامات زافا . الحقيقه : تنفرد بانها واحده لا تقبل التكرر والتغير . الحقيقه : جزء من الماضي لتبقي حقيقه في الحاضر لتصبح مجهوله في المستقبل . الحقيقه عندما نتجهالها نخسر كثير من الاشياء المهمه في حياتنا واحيانا تكون العظيمه في حياتنا . وتصبح المجالمه اساس في التعامل بيننا احيانا اننا لا نواجهه الناس بحيقيقتهم حتي لا يواجهونا بحقيقتنا . او تكون وراء منفاقات تخفي مصالح . الحقيقه هي انا هي حياتي التي اعيش عليها الحقيقه هيه منبع موطني هي اهلي وناسي هي اصحابي وذكرياتي لماذا تخفي ايها الانسان الحقيقه وتستعمل النفاق والمجاملات هل تقبل ان يضحك عليك انسانا اخر ببعض الكلمات ليقول للانسان اخر حقيقتك انه يخدع انه المنافق الذي لا يصاحب ولا يصدق اخي اختي الحقيقه هيه انت يمكنك او باستطعتك انك تفخر بيها لانها انت وانت لا بدا انك تفخر بذاتك تفخر انك انسان ولا تنسي التواضع فانه اسمي المعاني ولا تنسي انه كما تدين تدان فاذا اصبحت انت والمجامله والنفاق شيء واحد فتذكر انه سياتي عليك انسان هو والمجامله والنفاق شيء واحد ليقوله اليك بقلم : طمعانه في رضاك يارحمن اتمني اني اشوف ردودكم وانه يعجبكم |
اقتباس:
ربنا يكرمك يارب اقتباس:
ياريت توضحيها اكون شاكره اقتباس:
ما شاء الله عليكى وربنا يخليلك قلمك ويخليهولنا |
موضوع رائع يا اسماء
بس ساعات بتكون المجامله مطلوبه برده او مش مجامله بالظبط بس اوضح وجهة نظرى بطريقه لذيذه مش اقولها جافه كده لان بطبيعة اى انسان انه مبيحبش يبان غلطان |
اقتباس:
شكرا لمرورك العطر ومستنيه مرروك تاني |
اقتباس:
بس المجامله ممكن تكون كويسه اوي لما تساعد بيها انسان علي استكمال نشاطه بمعني ان لما يكون في فرد بيعمل عمل بيتحتاج فعلا ان حد يشجعه مش كده لكن مش لما يكون انسان سيئه وانا اقوله انك شخص ممتاز لما يكون شخص بيعمل الشر واقوله انت انسان رائع صح.؟ شكرا لمرورك ايمن ومرورك رائع ايضا |
جميلة اوى اوى ما شاء الله عليكى
|
موضوع جميل و تسلم ايديكى و يسلم قلمك لأن كل حاجة كتبها فعلا ((( حقيقة )))
|
اقتباس:
شكرا ليكي ولمرورك اقتباس:
شكرا لمرورك |
الحقيق هنه أن ردى لن يعبر عن جمال الموضوع وإن قلت سوف أصمت لأنى لا أجد ما أعبر به سوف تقولى مجامله فالخيط رفيع بينهم الحيره الآن تملأنى كيف أعبر لكى سيدتى عن إمتنانى وشكرى لهذا الموضوع الذى به من المعانى والعبر إذا ما فهمها القارىء رفع لها القبعه جزاك الله خيراً |
نفسى اعرف بتجيبى الكلام دة منين
براحة علينا انتى وقلمك شوية كدة مش هنقدر بس بجد موضوع حرام لو قولنا عليه رائع مش لاقية كلمه اكبر منها علشان اقولها تسلم ايدك حبيبتى والله مش مجاملة بجد حقيقة |
اخي اختي الحقيقه هيه انت يمكنك او باستطعتك انك تفخر بيها لانها انت وانت لا بدا انك تفخر بذاتك تفخر انك انسان ولا تنسي التواضع فانه اسمي المعاني ولا تنسي انه كما تدين تدان فاذا اصبحت انت والمجامله والنفاق شيء واحد فتذكر انه سياتي عليك انسان هو والمجامله والنفاق شيء واحد ليقوله اليك كلامك جميل جدا جدا جدا تسلم ايدك اختي الكريمة وجزاكي الله كل كل خير الحقيقة شئ جميل لمن يقدره ولا يعرف النفاق |
اقتباس:
|
اقتباس:
جزانا وااياك وكمان جزاك الله كل خير محمد علي مرروك الذي اسعدني اقتباس:
شكرا لمرروك الجميل |
اقتباس:
شكرا لمرورك العطر ومرورك جميل ايضا اقتباس:
حضرتك نورت الموضوع بدون مجامله انا سعيده جدا بمرورك حضرتك |
جميل جدا جداااااااااااا جدااااااااااااااااااااااااااااااااا
تسلم ايدك الجميله ويسلم قلمك دومتى لنا بكل خير جزاكى الله كل خير حبيبتى |
السلام عليكم ورحمة الله وبركاتة بحيكي علي الفكرة يا اسماء بس مش بحيكي علي الاسلوب اللي اتكتب بيه الموضوع لانه اسلوب بدائي جدا وعلي اد ما هو بدائي علي اد ما هو ضيع معاني كتير في وسط الكلام فكلماتك ضعيفه جدا واسلوبك اضعف للغاية ولكن الفكرة قدرت انا استخلصها ولكن ده كان بصعوبه بالغه مش خطأ مني لاء خطأ منك انتي عشان تنقلتي بين معنين في كلماتك خلطي بين حاجات كتيرة وده يدل علي عدم الفهم الكامل للموضوع ادي الحقيقة الجافة يا اسماء بس انا مقصدش حاجة منها ان الحقيقة لما بتكون جافه بتبقي عامله زي الشتيمه بزمتك انتي هتسمعيلي كدا طبعا لاء نيجي بقى للموضوع عشان اللي انا كتبته مجرد مقدمه عشان اوصلك فكرة معينه فيه فرق كبير اوي بين المجامله والنفاق المجامله انتي كتبتي حاجة انا اقولك ماشاء الله جميله بس لو تعملي مثلا الكلمه دي كذا تبقي جميله اوي بس هيا كدا رهيبه بجد ادي المجامله ياتري من ورا المجامله دي انا عايز مثلا منك فلوس عايز منك مصلحة؟ عايز منك شكر لاء طبعا انا بجاملك كنوع من التشجيع ---- النفاق لكن مثلا لما انتي تبقي بتسبي وبتشتمي وانا ليا عندك مصلحه او خايف منك اقولك لاء فعلا عندك حق انتي مش غلطانه ليه بقى ؟ عشان انا عايز منك حاجة ولو قولتلك الحقيقة هخسره او هتتعطل المصلحة وعلي فكرة الحقيقة مش عكسها المجامله السبب المجامله : بتحمل جزءكبير اوي من الصدق والتشجيع والاحترام معا ً لكن الحقيقة ممكن نقول ان عكسها نفاق لان النفاق : لا يحمل اي شئ من الحقيقة بل هو كذب مقنع فهمتي دلوقتي ايه معني الحقيقة ؟ او بمعني تاني حقيقة الحقيقة تقبلي مروري |
اقتباس:
جزانا واياكي شكرا لمرروك العطر |
اقتباس:
|
انتي زعلتي ولا ايه يا اسماء
انا بس كنت بشرحلك معني الحقيقة بوجهه نظري انا ورأيي الشخصي بس كنت عايز اسئلك ياتري ده معني الحقيقة كمصطلح يمكن تطبيقة علي كل حاجة كافة ولا ده كان بناءا ً علي مواقف شخصية حصلت معاكي وبعدين دي كانت مجرد مقدمه بخضك بس مش اكتر :) |
من غير مجامله
وبكل صدق ما شاء الله على هذا الموضوع الرائع بيمثل الاحساس الصادق والتلقائيه والمرونه والبساطه ما أحلى تلك الاساليب فى عصرنا هذا الى الامام دائما ربنا يبارك فيكى سلمت يداكى |
ما شاء الله كلامك جميل وتعريف صحيح للحقيقة الحقيقه : مهما كانت مره فالمجامله اكثر مرارا
|
اقتباس:
حضرتك نورتي موضوعي السبيط جزاكي الله كل خير علي مرروك المتواضع اقتباس:
الحمد لله انه عجبك |
اقتباس:
ده رايك وعليا ان احترمه |
رد مكررررر
|
زي ما قولتلك يا اسماء نتناقش هنا
بس انا عايز افهمك حاجة صغيره انا بدأت بأسلوب مش شرط يكون الكلام ده ينطبق عليكي لاء انا عايز أوصلك منه رساله عايزك تقوليلي لو شخص قدامي وحش بكل المقاييس وبيعمل كل الذنوب وكل مالا عين رأت ولا أذن سمعت ولا خطر علي قلب بشر بس انا حاسس جواه بذره أمل اقوله بص يابني انت وحش وغير محترم وهتروح جهنم و مفيش بني ادم بيحبك ولا اقوله بص والله انت كويس وانا حاسس ان جواك خير بس ياريت لو تغير كذا وكذا وكذا دي مجامله والتانيه حقيقه جافه ونقد هدام صح ولا ايه ؟ |
اقتباس:
احنا ممكن نكبر الذره ديه ونخليها ذرات وبعديها حياه كلها امل انا بتكلم عن الحقيقه اللي بيخفيها الناس الانسان اللي بيخفي اصله عشان كده قولت الحقيقه منبع موطني النفاق اللي اقصده نفاق اني قدامك اقولك عنك كلام كويسه جدا وقدام غيره اغلط فيك واقول عيوبك وده مش كلامي ده كلام الرسول ايه المنافق ثلاث اذا حدث كذب واذا وعد اخلف واذا اؤتمن خان وكلام ربنا في سوره المنافقون ((اذا جاءك المنافقون قالوا نشهد انك لرسول الله والله يعلم انك لرسول والله يشهد ان المنافقين لكذبون )) المجامله بقي حاجتين الاول اني اجمالك عشان عندي مصالحه عندك وطبعا ديه بتكون واضحه كتير في امور من حياتنا الثاني ان لما يكون في شخص بيعمل عمل كويس بس اي عمل في بدايته بيكون محتاج تشجيع انا لما بكتب حاجه هنا في المنتدي بجد فعلا بحتاج كل رد فيكم عشان اتشجع واكتب اكتر نرجع للشخص بيكون محتاج حد يقوله حلو جميل رائع انا كده حشجعه انهع ينتج اكتر لكن انت تعلم جيدا ان هناك مجاملات زافه صح.............؟ |
اقتباس:
اقتباس:
تمام فيه مجاملات زائفه بس ميصحش اننا نقول عليها مجاملات اساسا لان المجاملات الزائفه نفاق ده لو عرفنا اصلا نطلق عليها كلمه مجاملات بس صدقيني الحقيقة فيه اوقات بتكون مينفعش تتقال لانها ممكن تحبط الواحد وتخليه لو عنده أمل واحد يفقده ومادام انتي بتقولي فيه وفيه يبقي انتي دي عن مواقف حصلت معاكي من وجهه نظرك انتي متعمميش معني الحقيقة لان لكل واحد وجهه نظر فرديه في الموضوع ده قائمه علي مواقف حصلت معاه يبقي نحط تعريف لكل حاجة النقد البناء : بتكون الحقيقة بس من خلال صياغه طيبه النقد الهدام : قد يكون الحقيقة بس بدون اي تجميل النفاق : قول عكس الحقيقة تماما وورائها مصلحة شخصيه او مخافه المجاملة : قول الحقيقة بس من خلال صياغه طيبه يبقي المجامله هنا النقد البناء او ممكن تكون حب او ممكن تكون احترام يعني مثلا علي سبيل المثال - لانك بتاخدي كل مثال انه حقيقه - استاذ عصام ( صوت الحق ) غلط غلطه مثلا انا لا يمكن اقدر اقوله يااستاذ عصام حضرتك غلط في كذا لاء اقوله بطريقه كويسه هقوله يااستاذ عصام متهيألي ان دي ممكن الناس تفهمها غلط او مش هقوله كدا كمان لاء هقوله بأسلوب اكثر تأدب هقوله ممكن الناس تفهمها مش صح تخيلي بقى السبب : احترام وحب مثال تاني السادات غلط غلطه معينه او اي حد من اصدقائي اللي بحبهم في المنتدي هنا انا لا يمكن هوبخه واقوله كذا وكذا وكذا لاء هقوله رأيي بس بطريقة كويسه .. هجامله واقوله الحقيقة وسط المجامله السبب : حب وتقدير صديق ليا بعتله بوكيه ورد مهو اني ابعتله بوكيه ورد ده اهداء ومجامله اذن يبقي سوء الفهم اللي حصل بينا اني بقول الحقيقة مش عكسها المجامله عكسها النفاق والكذب اظن كدا نجحت اني اوصلك فين سوء الفهم :) ولو مش مقتنعه انا معاكي وتحت امرك :) |
بجد مواضيعك مميزة يا أسماء شكرا ليكى
جزاكم الله خيرا |
اقتباس:
الحقيقه تحب الصدق تكره الكدب اللي هو النفاق كلامك يكمل كلامي وليس معنها ان كلامي غلط ولا ان كلامك غلط انا قولت ان الحقيه هيه انا هيه انت انت الشخص حقيقه في ذات نفسك انت باستطعتك او بامكانك ان تفخر بيها لما مثلا يكون في شخص بابه شغال شغل مش ولا بد يروح ميقولش لاصحابه كده طب مهي ديه حقيقه الشغل ده هو اللي في الاصل رباااااااااااه لما مثلا يكون في عيب خلقي في شخص بيخفيه عن الناس طب مهي ديه حقيقه ربنا خلقه كده بس اكيد اكيد عوضه من ناحيه اخري ليه انا مواجهش الحقيقه بنفسي لنفسي لما يكون في شخص كبير غلط زي مانت بتقول اروح بكل بساطه ونتكلم في الموضوع من وجهه نظره ومن وجهه نظري ومن وجهه نظرك يعني من كل الجوانب انا معاك ان الحقيقه بتجرح احيانا بس ده واقع انت عارف انا ممكن اقول لك حقيقتك عشان اسعدك في موضوع بمعني لو انت مجروح بس مش حاسس انك مجروح انا اجرحك بكلامي عشان تفوق من الوهم اللي ساكن جواك بس انا لما اجرحك حجرجك بالحقيقه ان فعلا انت انجرحت انت فعلا انكدب عليك عشان تعرف قيمه نفسك عشان متكونش وهم وتكمل فيه لو الحقيقه مره وحد جه واجهك بيها لو بيحبك يعني حيبقي عشان نصلح عيوبك اللي فيك |
اقتباس:
عشان كدا يا اسماء انا قولتلك ان الحقيقة مش عكسها المجاملة ومش دايما ينفع نقول الحقيقة - اللي هي بمفهومك - ساعات بيكون عندي حاجات مينفعش اعترف بيها بقول ان الله حليم ستار وخلاص ومبحبش حد يعرف عني حاجة يعني مش في كل الاوقات وطبعا قول الحقيقة ميمنعش اننا نتكلم بذوق ونجامل في كلامنا عشان نقدر نوصل فكرتنا عشان فيه نااس كتيييييير بتزعل لما الانسان يقول الحقيقة بدون اي اطارات او مجاملات فمن رأيي واحنا بنقول الحقيقة نراعي نتكلم بأسلوب كويس كلمات تتخلل القلب ويتقبلها العقل عشان نوصل للي احنا عايزينه لان الحقيقة جافه بدون اي شئ بتبقي نقد هدام - لو وحشه - شكرا علي وقت حضرتك مع اني عارف انك هتقوليلي زي المرا اللي فاتت اقتباس:
مجرد شوية ذوق علي العموم شكرا لمناقشة الجميلة :) |
اخر حاجه بقي
احنا نراعي الاخرين عند المواجهه بالحقيقه ولا نجرحهم حتي لا ياتي يوم ننجرح نحن ايضا من الحقيقه |
اقتباس:
صدقت .. :) |
لي عودة للتحدث معكم ان شاء الله
|
في انتظارك يازيزو
ياصديقي العزيز :) |
لقد وضعت الرد قبل ذلك ثلاث مرات وللاسف الشديد حين اعتماد الرد كان المنتدى يقع حينها
ولكني لم اتعلم من خطاي في كل مرة فكل مرة لا اخذ كوبي من ردي ولكن الآن تعلمت وساضع ردي واتمنى الا احتاج الى الكوبي إن مصدر معظم مشاكلنا هو عدم قولنا الحقيقة ن الأكاذيب التي تتفوه حتى ولو كانت لغرض الحفاظ على مشاعر الآخرين ، دائمًا ما تصبح عادة لديك فلو أنك أخبرت الناس ببساطة بحقيقة ما تعنيه لأصبحت في حال أفضل وأكثر سعادة ولتجنبت الوقوع في المواقف الاجتماعية السخيفة ، سيعرف الآخرون حقيقتك ، ومن ثم يصبحون أكثر صراحة وصدقًا معك . سوف يكفون عن توقع أن تدع ى ما ليس بك . فلن يكونوا في حاجة لأن يختبروك لكي يكتشفوا نواياك . لن تكون في حاجة لخلف أعذارا لعدم فعل الأشياء التي لم تكن ترغب في فعلها ، أو تقديم مبررات لتفضيلك عمل تلك الأشياء التي ترغب في فعلها ، لأنهم جميعًا سوف يعرفون تلك الأشياء . إن قولك الحقيقة وكونك ذاتك شيئان مترابطان على نحو لا يقبل الانفصام . فالشخص القوي يقول ما يعني . أما الشخص الضعيف ، فإنه يكذب كي يرضي الآخرين . إن الشخص القوي يجعل الحقيقة مشكلة تتعلق بالآخرين . أما الشخص الضعيف . فإنه يخفي الحقيقة داخله ويشكو من معاملته على نحو جائر . ولكن ماذا لو أن قول الحقيقة يجرح مشاعر الآخرين ؟ ليس من المفترض أن تقول للآخرين إن قول الحقيقة المفترض الكلام هي حقيقة شعورك بما تقوله ، ورغبتك فيه ، وحبك له ، ومقصدك منه . أما إذا أساءت الحقيقة لمشاعر الآخرين ، فإن المسئولية تقع عليهم في التعامل مع ذلك . أما اذا كذبت عليهم من اجل اسعادهم فهم بكل تأكيد سيعرفون سوف تساورهم الريبة تجاه ما تقول ، ويعانون من التناقضات التي يجدونها في حديثك قل الحقيقة . وإن جرحت فإنها تجرح لمرة واحدة . أما الأكاذيب فتجرح الجميع طوال الوقت . إنني أعرف الحقيقة بقولي الحقيقة . إنني أتعلم الحقيقة بالاستماع إليها. عش حياتك كي تجعل من الحقيقة صديقًا لك . إن ا لحقيقة هي بداية الحرية . إن الحقيقة هي الحرية إن الناس لن يقولوا لك الحقيقة التي تستطيع سماعها . إن بمقدورك أن تنال حب الآخرين فقط عندما تستطيع سماع الحقيقة التي ترد على ألسنتهم . وفي النهاية اشكرك اختي الفاضلة لقد تحدثت في اطار الموضوع والمعنى المستشف ولكني اختلف معك اخي احمد فان الموضوع واضح وبطريقة مذهلى على الفور وعند قرائتي له ، ادركت ما تعنيه اختنا الفاضلة ان الاسلوب ليس بيسير انا اعرف ذلك ولكن هذا ان دل فانما يدل على انسانة ذات فكر وحس مرهف تجيد اختيار الكلمات بالرغم من صعوبتها ليس من الداعي ان تكون الكلمات مرتبه فلقد اتفقنا اخي احمد انه يجب علينا ان ندع العنان لأقلامنا ان تكتب دون أن نتخدل فيما تكتب وبممارستنا وخبراتنا في الكتابة سنجد اعمالنا كلها بعد ذلك ابداعا ولكن بالرغم من اختلاف وجهات النظر بينكم الا اني سعيد فهذا حقا ما اريده في المنتدى ان نقوم بطرح آرائنا لنتعلم منها حتى ولو كانت تلك الآراء متعارضة تلك هي الحقيقة التي اريدها منكم والحقيقة الأهم هي الانسانة التي اجبرتني على احترام قلمها أختي الفاضلة طمعانة في رضاك يا رحمن دمتي للمنتدى بكل خير |
اقتباس:
اشكرك يازيزو علي مناقشتك وتعالي ناخد كل جزء من ردك علي حدا اقتباس:
هنا انتوا الاتنين بتختلفوا معايا مصممين ان الحقيقة عكسها المجامله وبكوننا نقول ان الحقيقة عكسها المجامله يبقي احنا حطيناها في جانب التضاد يعني وضعنا تعريف ليها انها كذب وهنا بنختلف جدا المجامله هي محاولة ان تكون لطيفا ومع ذلك هتقول الصدق بس بشكل انيق هنا كان الاختلاف انتوا بتتكلموا في موضوع وبتوضحوا معاني وانا بوضح معني تاني بوضح فروق واختلافات ما بين الكذب والمجامله اتكلمتوا عن حاجات انا مسلم بيها من زمان ولكن تبدو من الوهله الأولي انكم مختلفين معايا مع انكم بتأيدوا كلامي دي الحكاية في الجزئيه دي اقتباس:
وهنا نفس الموضوع تماما انتوا معتقدين اشد الاعتقاد ان الحقيقة كسها المجامله رغم وجود فرق فقول الحقيقة الجافه مش من طبعي لاء انا اقول الحقيقة بس بشكل انيق شكل يتقبله الغير لان الغرض من قول الحقيقة أصلا هو ان الانسان يفيد اللي قدامه فازاي هفيدك اصلا وانت هتسمعلي وانت مش متقبل كلامي طبعا مستحيل يبقي فيه طرق وآداب نقول بيها الحقيقة اقتباس:
في دي بختلف معاك يازيزو .. لما يبقي الناس كلها بتزعل منك لما بتقول الحقيقة الجافه يبقي الغلط مش منهم ولا الغلط منك الغلط في اسلوبك اللي بتوصل فيه الحقيقة انا كنت من فترة كدا بقول الحقيقة بس بجانب خاطئ جانب منفر بس لجئت لجانب تاني دلوقتي وهو اني اقول الحقيقة بس مع بعض الذوق والذوق اللي بستخدمه مش بيضيع اي جانب من جوانب الحقيقة لاء ده بيسمحلي اقول الحقيقة كامله وبيجبر اللي قدامي انه يسمح نصيحتي او الكلام اللي عايز اقوله اقتباس:
يمكن دي وجهات نظر بس فيه سقطات لغوية كتير وادبيه كتير وعقليه كتير برده انا ملاحظها انا .. يمكن اختلاف فكري .. الله اعلم بس انا عند اعتقادي ان فيه سقطات كتير في الموضوع .. تختلف علي المستوي اللي يتقبله كل واحد او اللي اعتاد عليه كل واحد ثانيا انا مش بقول صعبه انا بقول مش محكمه بالنسبالي متدلش علي اللي هيا عايزه توصله بالنسبالي يعني هيا فشلت انها توصلني المعني لانها مزجت بين معاني كتير وبختلف معاك اشد الاختلاف اننا بنكتب ما نشعر به ومش شرط يكون مرتب اذن يبقي متكتبليش او دون ده في مذكراتك انت لاني لازم الاقي طريقه افهم بيها انت كاتب ايه الاحساس مبيكفيش لازم الاسلوب المنظم المرتب السلس عشان اقدر اوصل الفكرة وإلا لو انت بتكتب باحساسك بس خلاص ياسيدي انا هكتب شعر بالعاميه وبالفصحي والهيراطيقي و البرتغالي في نفس القصيده لاء منضيعش مقاييس ومعايير باسم الاحساس ومش كل اللي بيتكتب ابداع يا زيزو بس اللي اقدر اقلهولك لو بتكتب عشان انت حاسس بكدا ومش مهم الاسلوب متكتبش قدام حد عشان مش هيفهمك يااما تعمل الحاجة صح يااما متعملهاش دي وجهه نظري في الانسان اللي بيكتب حاجة وميعاملش الناس انها بتفهم من منظوره هوا يمكن بتحصل معايا احيانا بس ببدأ اتعلم كل مرة حصل ايه يعني مثلا كان فيه عضوة تانيه هنا بتستخدم نفس الاسلوب بتكلم الناس من منطلق انهم قاعدين معاها في البيت وبيتكلموا معاها وعايشين المواقف معاها بتخلي العقل يتوه علي العموم انا سعيد بالمناقشة معاكم بس كل اللي بطلبه منكم بقى انكم بس تحددوا مناقشتكم عن ايه انا بتكلم ان الحقيقه مش عاكسها المجامله الحقيقه عكسها النفاق ولو قريت ردي تاني يازيزو هتلاقيني واضع تعريف لكل مفهوم من المفاهيم دي فلو فيه اختلاف علي تعريف المفاهيم فأهلا وسهلا وتحت امركم لو مصرين ان الحقيقة عكسها المجامله والمجامله بتساوي النفاق فده شئ يرجع لكم ولكن انا هفضل اجامل دايما مادام المجامله مش هتضيع معاني الحقيقه ولكن اللي هيطلب مني الحقيقة الجافه هقولهاله بس لما يجي ويزعل هقوله انت اللي طلبت انا كان ممكن اوصلهالك بشكل احسن شكرا ويمكن العيب مني رأيي خطأ يحتمل الصـــواب ورأيي الغير صواب يحتمل الخطأ :) |
اقتباس:
وانا بشكرك جدا علي الكلام الرائع ده في حقي انا مجتيش نقطه في نهر بالنسبه لحضرتك جزاك الله كل خير استاذ عبد العظيم شكرا بجد وعن جد لمرورك الرائع |
اقتباس:
بس ياريت تراعي شعور الاخرين من فضلك |
اقتباس:
خلاص حضرتك خدي بالغلابيه دي حاجة ترجعلك انا بقول رأيي مش حتما رأيي هو الصح :) اقتباس:
يمكن فهمي بطئ او بمعني اصح افقي ضيق :) اقتباس:
:) بس عايز اسأل سؤال هو حضرتك عملاها عشان تعجبنا ولا متعجبناش ولا عشان مناقشة ولو عملااها عشان تعجبنا ومتعجبناش ليه حضرتك محطتيهاش في ابداعات الاعضاء مع اني كنت هقولك نفس الرأي :) وشكرا علي مناقشة حضرتك |
بسم الله الرحمن الرحيم السلام عليكم ورحمه الله وبركته أخ أحمد .. أختى أسماء كلامكم إنتو الإتنين صحيح ولا غبار عليه مفهومك إنتو الإتنين لحقيقه صحيح 100% لكن أسماء بتتكلم عن الحقيقه كحقيقه دون الإهتمام بالجانب الجوهرى منها بمعنى أصح زى القانون بينطق الحكم مستند إلى الأدله والبراهين رغم إن ممكن يكون القاضى مقتنع ببراءه المتهم لكن الدله ضده هنه بقه بيدخل رأى أحمد وهو روح الحقيقه تماماً مثل روح القانون الحقيقه الخفيه فرأيكم إنتو الإتنين لو إندمج فى رأى واحد سوف نخرج منه بمفهوم الحقيقه الصحيح 100% لى تعليق آخر على إسلوبكم فى الحديث مع بعضكم البعض أشعر من طريقتك الكلام بينكم بالثقل فردك يا أحمد على أسماء من البدايه أشعر فيه نوع من التعجيز ورد أسماء عليك أشعر فيه بنوع من الإهمال وأخذ الحديث بينكم كريقه إلى النزاع البارد فأرجو منكم إبداء الرأى بطريقه أجمل حتى لا يأخذ عنكم القراء فكره صحيح فهنا شعارنا الإحترام الأدب لأمانه فى إبداء الرأى وليس التعجيز والتقليل من شأن بعضنا لبعض صديقى وأخى أحمد اقتباس:
أما الإسلوب فبيطور مع كثره الكتابه أرجو أن تتقبلو مرورى |
اقتباس:
اظن انك عارفني كويس يعني مش بتفرق كتير المعلومات في دماغي ومش هتفرق تطلع ولا لاء كل الحكاية اني كنت بصحح مفهوم بطريقه معينه واللي استخدمته ممكن يكون نقد هدام بعض الشئ مع اني قولت اني بحيها جدا علي الفكرة بالنسبه بقى ياسادات انك اخدت كلامي من جانب تاني هو انا قولت يكتب اللي مش حاسه انا قولت يكتب اللي حاسه وبعدين ينقحه كلامي بيتاخد من جانب تاني - العكس - لكن مش مشكلة انا سعيد بالمناقشة :) |
اقتباس:
يعني انا مقولتش خالص ان كلامه غلط اقتباس:
اقتباس:
وانا بحترم احمد وبحترم كل راي يتقال في اي موضوع ليا واستاذ زيزو فهم انا كنت عوزه اوصل ايه وبجد قال اللي انا عوزه اكتبه شكرا ليك مره تانيه |
اقتباس:
بس بجد منوراني شكرا لمرورك الجميل |
الحقيقة التي اريدها هنا
اأن نكون داتئما متعاونين نتقبل كل منا راي الآخر صدقوني قسما بالله سننمي فكرنا وثقافتنا سويا واتحداك يا احمد ان لم تكمن قد استفدت ولو 1 % من اسماء واتحداكي يا اسماء انكي استفدتي ايضا من رد احمد وانا استفدت من ردودكم الكثير فليكن حوارنا من اجل الثقافة والعلم وبالله عليكم يجب اتن تجمعنا روح المحبة |
اقتباس:
شكرا ً علي الموضوع الرائع |
وانا فعلا استفد من احمد
وشكرا ياحمد لمرورك شكرا جدا زيزو لاهتمامك الرائع |
| جميع الأوقات بتوقيت GMT +2. الساعة الآن 07:39 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.