حد بيروح المدرسة؟؟؟؟؟؟؟؟؟
 

والله دى مشكلة طلبه كتير وانا من ضمنهم بس بس عن نفسى المدرسه بتاعتنا بستفاد منها جدا الحمد لله المدرسين بتوعنا كويسين الحمد لله بس لو انتى غبتى من المدرسه كل اسبوع يومين كويس هيبقى عندك 4 ايام مفيهمش مدرسه ويا ستى كلها شهر بالكتير اوي ومفيش حد هيروح المدرسه تانى عندنا كده متفقين ان محدش هيروح بعد العيد بس بالنسبه لتانيه بيبقى الغياب صعب شويه عن تالته بس المدرسين بيقولولنا ان دى كلها حاجات روتينيه وخلاص وكمان المدرس الى باخد عنده درس احياء قالنا ان الغياب بالنسبه لتانيه وتالته حاجه ثوريه يعنى ملهاش لازمه بس لازم المدرسه تعمل الشويتين بتوعها دول عشان ميبقاش شكلها وحش قدام الاداره ان مفيش طلاب بيروحوها وكده يعنى فحاولى تظبطى نفسك ومذاكرتك الفتره دى بس واستحملى مااحنا لازم نتعب علشان نوصل للى احنا عايزينه مفيش حاجه بتبقى سهله وربنا يوفقك ان شاء الله وتجيبى المجموع اللى تتمنيه

المشكلة ان مدرستي كان فيها مشاكل لانها كانت لسه مبنية وماتسلمتش ولا فيها اثاث وده بعد الراسة كمان بس المدرسين عملوا مشاكل وقدموا شكاوى ف المديرية و حصل مشاكل لناس كتير بسببها علشان كده مشددين ع الغياب علشان في لجان كتير بتيجي علشان تشوف الطلبة بيحضروا و لا عملوا مشاكل وخلاص يعني الوضع عندنا مش زي باقي المدارس

انا رحت يومين من اول الدراسة :blush:

والله انا شايف انى اللى عاوز حاجة بيتعبلها مفيش حاجة بتيجى للواحد وهو نايم فا نتعب شوية احسن ما نتعب طول حياتنا

هههههههههههه زى المدا رس اصلا مش زى الاول يعنى كل اهتامك بالدر وس ومزاكرتك فى بيتك وشكرا على كدة

ينفع تروحي يومين كل اسبوع بالكتير ؟؟

اهم حاجة حاولي تنظمي وقتك

الثانوية العامة دي انا حسة انها 60 في المية تنظيم وقت هي دي مشكلة معظم الطلبة

ملحوظه بسيطه

المدرسه بتهتم بحضور طلاب تانيه ولا تهتم بحضور طلاب تالته

بصى هو انا فى تانيه السنه اللى فاتت كنت بروح تلات ايام فى الاسبوع والكلام دة فى اول تلت شهور وكانوا دمار لان كان لازم نروح وكنت بروح المدرسه الصبح وبعدها دروس للمغرب وبعد كدة اروح اتغدى واعمل واجبات الدروس وانام على الساعه 11 بعدها بصحى الساعه اربعه الفجر واذاكر واروح المدرسه فانتى ممكن تعملى كدة وكلها لبعد العيد ومش هيبقى النظام زى الاول حتى لو فيه ظروف مدرسه مختلفه لازم بيسبوكوا سواء اداره المدرسه او الحملات اللى بتيجى من برة

ولله لو في حد بيشرح بضمير ف المدرسة كنت هروح واشتغل معاه انما المدرس بيطلع وهو مخنوق اصلا ومش ناوي يشتغل

بصي يا بنتي انا رحت يوم الخميس اللي فات وهما بيطلعونا سمعنا المدرسين بيقولو الوزير باعت قرار بفصل كل من يتعدى غيابه 15 متواصل و30 منفصل

هو اكيييد ده هيخلي ناس تروح بس بعد العيد اكييييد هيرجع يقل الحضور 2

نصيحه من اخت ف الله روحي بكرة او يوم انتي شبه فاضيه فيه روحي المدرسة وأسالي على غيابك واسألي المفروض تعملي ايه

اتمنى اني اكون افدتك

هو انا بروح تقريبا 3 او 4 ايام ف الاسبوع بس لما بسأل ف شئون الطلبة ع الغياب او اي مدرس ف المدرسة يقولي طبعا الحضور لازم وفي فصل وكده بس لما بسأل المدرسين ف الدروس بيقولولي مش في غياب وانهم لازم يقولو كده ف المدرسة

انا جالى انذار مش بروح غير كل اسبوعين يوم :o
يلاااااااااا هااااااااااااااااااااااااااااااااااااااااااانت يااااااااااااااااااااااااااااااااااااااااااااااااا اااااااااارب ،،،،،،،،،،

بصي يا بنتي انا باخد عربي عند مستر عندي ف المدرسه ولما سألته قال ف فصل وغياب وكل حاجه بس مش مهم روحوا على الاقل يومين ف الاسبوع وده باذن الله مش هيضرك يعني لو تروحي يومين انتي شبه فاضيه فيهم يبقى خير وبركه وكمان ترويح عن نفسك :d:friendsxs3: