|
دعوة لكل من يعمل بنظام الحصة وبيقبض 150 جنية للمطالبة بعقد مميز
إلي كل من يعمل بنظام الحصة سواء مدرسين مواد أو أاخصائيين وبيقبضوا 150 جنية وساكتين لحد امته هيضحكوا علينا كمان وكمان يعني يبقي رجل جامعي وبشتغل وفي اخر الشهر يعطيني 150 جنية اعمل بيهم ايه ارجوا من السادة الزملاء تجميع اكبر عدد من جميع المحافظات للمطالبة بعمل عقد مميز يضمن حياة كريمة وفي سبيل المستقبل للتثبيت والله المستعان
|
فين الوقفه وامتى اولا احنا 105 ومبنقبصش
|
الوقفة ستتم انشاء الله بعد تجميع اكبر عدد ممكن
|
انشاء الله انا معاكم
|
ان شاء اللة معاكم
|
|
انت متأكد من الكلام دة وبعدين مفيش حد بشتغل بالحصه وبيقبض 400 يعني معني كده هيعملوا ل
فى شهر اكتوبر الحالى وصل فاكس من وزارة المالية للمحافظات محدد به مرتب المعلم بالحصة 400 جنيه فى الشهر وعدد المتعاقديين بالدقهلية حسب المصدر 1900 مدرس والمبلغ حوالى 5.5 مليون جنيه مع العلم ان المعلم بالحصة لا بيدخل فى اعمال امتحانات ولا مراقبة ولا خلافه ورغم كده بيتحسب له مبلغ تحت مسمى مكافأة امتحانات اعتقد لو انا متعاقد يلزمنى مبلغ كويس فى الشهر بدل ما هى لبانه كل شوية بنسمعها ان مرتبهم 150 جنيه لا مرتبهم شهريا حسب فاكس المالية الوارد للمحافظة على حسب المصدر 400 جنيه فى الشهر وليس 150 جنيه |
لا بديل عن العقد المميز ولابد من التنسيق مع كل المحافظات لوضع حد لهذه المهزلة يعني ايه حتى 400 جنيه يا اخوانا احنا مش عايشين ال400 جنيه دي مصروف تلميذ في الابتدائي او الاعدادي لمجرد ان ابوه شغال في البترو ل او الكهربا او....... حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل.
|
ياجماعة انا من الدقهلية وغيرت المسمى الوظيفى واتعينت ولكن ياجماعة انتم لازم تروحوه المحافظة وتزنوا على المحافظ ومحدش بيؤخذ حقه غير بكده تخيل اثنين لهم مطالب من المحافظة واحد بيزن على المحافظة وبيعتصم علشان ياخذ حقه مين المحافظة هتبصوا له وتحل مشكلته 150 جنيه ايه اللى بيتكلموا عليه لكم والله العظيم انا عندى استعداد اجيى معكم واقف معاكم واجيب مجموعة تغيير المسمى تتكاتف معكم ولكن لازم تجمعوا بعض اكتر ويكو لكم قوائد من كل الادارات
|
ان شاء الله احنا مش هنسكت الا لما يعملوا لينا عقد مميز
|
الحل الوحيد هو العقد المميز هو بداية التعيين انما العقد بالحصو والمكافاة الشاملة مش هيودى لحاجة
|
ياريت الكل يشارك معانا عشان صوتنا يوصل
|
بالتوفيق
فى الشرقية 110 |
صورة الفاكس لو سمحت
|
يعملو فائض ميزانية ويحطوها فى جيوبهم
http://kll2.com/upfiles/OxR89763.gif |
مشكور استاذ محمد علي صورة الفاكس لأن أنا بصراحة مكنش معايا صورة الفاكس دي
|
وعلمت "الجمهورية" ان الجهاز حدد من بين 30 إلي 40 ألف جنيه كحد اقصي للأجور كمرحلة أولي تطبق علي قيادات الجهاز الحكومي وعددهم 10 آلاف قيادة علي أن يبدأ التنفيذ أول يناير القادم وسيتم علي مرحلتين الأولي أول يناير والثانية بعد 6 أشهر علي اصحاب الكادرات الخاصة من العاملين من الدولة كالقضاة والشرطة ورجال القوات المسلحة والصحفيين والعاملين بالسلك الدبلوماسي وبالرقابة الادارية والمخابرات العامة والجهاز المركزي للمحاسبات..
|
واحنا مش لاقيين ال400 جنية حتي
|
فى محافظة قنا على مستوى الادارات اقسم بالله بنقبض 240 جنيه بس ومعظمنا عندنا اسر متزوجين يعنى وعندنا اطفال احنا معاكم كل مدرسى قنا بنظام العقد الزبالة اللى ب240 جنيه كلنا معاكم
|
الله المستعان
|
يا جماعه عقد مميز ايه بس مش عاوزين مهاطلات لا عقد مميز و لا مؤقت عاوزين تثبيت علطول و بعدين وزير الماليه الجديد بيقول هيثبت العماله المؤقته كلها فنيجي احنا و نطالب بعقد مميز تااااااااااااااااني
لاغني عن التثبيت كفايه قوي كده عاوزينهم يعملوا لنا عقد مميز و نرجع ننادي و نلم بعض تااااني كمان سنتين علشان نتثبت؟؟؟ خدوها من قصيرها احسن |
ان شاء الله مع رئيس الوزراء الجنزوري ووزير المالية الجديد فيه أمل للتثبيت
|
ايه اخر اخبار مدرسى الحصة فى الدقهلية بعد ممسك الوزير الجديد جمال العربى نريد التثبيت فوررا
|
يا جماعة عاوز اعرف اخر الاخبار ايه بالنسبة لمدرسى الحصة فى الدقهلية
|
واحنا كمان في محافظة الفيوم بعد عودة المنقطعين اصبحنا ناخذ 120 جنيه هذا المبلغ المفروض انه يفتح بيت واسرة كبيرة عشان كده لازم نتحد جميعا ونحدد يوم لعمل وقفة امام الوزارة بمصر وكمان نعمل صفحة علي الفيس بوك يا ريت يا جماعة عشان نحدد الميعاد
|
ان شاء الله هيبقي تثبيت علطول مع قانون الكادر الجديد
|
أنا اعرف ناس شغالة بالعقد من 3 شهور في الشرقية و لسه مش خدت حاجة
ده غير المواصالات انا اعرف ناس بتركب 3 مواصلات يعني من الآخر مدرس العقد شغال ببلاش ا ربنا معاكم ياريت تنشروا ميعاد المظاهرة وياريت تشمل التطهير من الفلول عشان أنا جبت جواب ان في مدرسة عايرة تخصصي وقالولي في الادارة لأ ( الكلام ده قبل ماستلم الشغل في المدرسة البعيدة ) لازم شايلها لحد واسطه هذه الاإدارة هي ادارة غرب الزقازق التعليمية |
انا من الشرقيه فعلا ما قبضناش و لا مليم لحد دلوقت و السكرتير في المدرسه بيقول لنا لما تجيبوا العقود
و الاداره بتقول لسه مجتش لنا عقود من المديريه مش عارفه المسئول عن الكلام ده بيعتبرنا ايه بالظبط اكيد مش كائنات حيه طبعا لان لو اي كائن حي هيحتاج ياكل دول بيعتبرونا موتي ..... لو حد عنده تفسير تاني يقول.... |
ممكن حد يقولي متي سيتم التثبيت للعاملين بالعقود الموقتة انا خريج تربية انجليزي 2002 واشتغلت سنتين و انقطعت وبعدها قدمت مرة ثانية في الصيف الماضي
|
ياشباب انا محافظة الغربية وولسه مقبضتش حاجة مش عايزين عقد مميز احنا عايزين تثبيت على طول كفاية الظلم ال احنا شفناه قبل كدا حراممممممممممممممم لازم نقف ايد واحدة
|
لكل المنقطعين بمحافظة الشرقيه sharkiateachers*groups.facebook.com
|
..
الي كل من عاني في نظام الحصة في الدقهلية او غيرها ان شاء الله لو لم يتخذ اجراء مرضي خلا الفترة القادمة وحتي شهر يناير 2012 هيكون فيه اعتصام مفتوح امام محافظة الدقهلية يوم الاربعاء 1/2/2012 لازم نطالب بحقوقنا احنا بنشتغل في مدرسة واتنين وثلاثة وبنقبض 150 وبعد الخصومات 130 فيه خريج جامعة يقبض 130 جنيه دول مايكملوش تمن بنطلون ولا حتي مواصلات اتمني المشاركة من الجميع انا معايا عدد كويس من ادارات مختلفة وياريت باقي الادارات تتفاعل معانا وتعمل حسابها تكون معانا ان شاء الله هكون علي تواصل مع حضراتكم و ده رقمي 01003934511 |
محمد باشا اخبارك ايه ان شاء الله لازم مانسكتشي علي حقوقنا ونطالب بيها لابد عن التثبيت انا معاك في الكلام اللي بتقوله بس هل بقيت الناس معانا وهيشاركوا اتمني من الله ان يكون العدد كتير علشان نعرف نجيب حقنا علي فكره انا لسه ما قبضتش حاجة ومليت استمارت شهر 10 و 11 اللي هيه بـ 150 جنية ههههههههه ولكن الموجة بتاعي كل ما نقوله نيجي لحضرتك علشان تمضي الاستمارة يقولك لا لحسن فيه اعتصامات في المديرية أمال لو 1000 جنية كانوا عملوا فينا ايه
|
معاكوا في الاعتصام
جروب المنقطعين بمحافظة الشرقيه ميعادنا 1/2 /2012 ان شاء الله |
معلمين قنا معاكم ان شاء الله
|
عايزين موقف واضح من الوزارة و يكون في حطوات للتثبيت
|
والله ياجماعة دة اخر ذل انا بروح المدرسة من اول شهر 10 ولا مليم اخدناة وشكلهم برضوة مش هيدونا حاجة والواحد حاسس بانة مهمش وبانة ملوش حق وكمان احساس عدم الاستقرار دة وحش يعنى الى هوة رضينا بالهم والهم موش راضى بينا وعيب اوى لما ابقى تعليم جامعى ومعايا تقدير ودبلومة وكمان الicdlوباخد 150 دة لو خدتهم لا غنا عن طلب حقنا والى لة حق مش بيضيع وطول محنا ايد واحدة موش هنخاف ولا هنتراجع معاكم من ادارة بلقاس
|
ايه الجديد فى الدقهلية بالنسبة لمدرسى الحصة 18 12 2011
|
لازم نعمل مظاهرة عشان نتساوى باصحاب العقود المميزة اللى معظمهم اخدوها عن طريق نواب الوطنى الحرامية
|
سلام عليكم نحن نريد ان ننظم وقفة على مستوى محافظات مصر ننظم حملة شعارها نريدالتثبيت هذا شعارنا انا من بنها نريد التنظيم لنقف وقفة واحداة
|
تم اليوم خلال لقاء اعضاء النقابه ا/مجمود مصطفى (نقيب المعلمين بالمنتزه)و ا/عماد الدين حسانين بخيت(عضو نقابة المنتزه) فى المديريه تم الاتى
1- سوف يتم تثبيت(1425)معلم(عقد داخلى او بالحصه)على درجه معلم مساعد(من امضى ثلاث سنوات) وسوف يتم ذلك قبل 1-7 القادم وسوف نعلن الاسماء قريبا على الموقع وداخل النقابه 2- المرحله الثانيه من تغيير المسمى الوظيفى انتهت وخلصت وسوف يتم تنفيذها فى اجازة نصف العام نظرا للدخول فى امتحانات نصف العام وحرصا على اسقرار العمليه التعليميه وسوف نقوم بنشر الاسماء كامله على الموقع وكذلك فى داخل النقابه هذا وتتمنى نقابة المعلمين بالاسكندريه التوفيق لمعلمى العقود ومعلمى المرحله الثانيه من تغيير المسمى الوظيفى وتعدكم بالتواصل معكم فى اى مشكله خاصه بالمعلمين اخوكم / عماد الدين حسانين بخيت عضو نقاب المعلمين بالمنتزه التواصل 01007928658 http://www.facebook.com/groups/141849369221560/ http://www.facebook.com/pages/نقابة-...oup_2816272552 |
اليوم طلبوا أوراق التعاقد للمعلمين في ادارة غرب المنصورة ممكن حد يسأل ويتأكد |
منين سمعت الكلام ده وامتي بالضبط لآن الأوراق دي مطلوبة من زمان بقالها حوالي شهر واتسلمت في ادارة غرب المنصورة وانا من الادارة دي أنت سمعت ايه يالضبط وضح
|
انا عاوز اعرف اخر الاخبار عن مدرسى الحصة فى الدقهلية الى اشتغلو مارس وابريل 2011 والى تم اتجديد لهم على القديم ولسنا لم ناخذ مليما واحد فياريت حد من المنصورةيروح مديرية التربية والتعليم بالدقهلية فى المنصورة ويسال ويقولنا ايه الاخبار
|
اخر الاخبار ان الورق راح المديرية من شهر تقريبا عشان يتعمل عقود مميزة في شهر يناير عشان كده اخترت اول يوم من شهر فبراير للو قفة امام مبني محافظة الدقهلية في حالة عدم الاستجابة لنا وعمل عقود مميزة واحتساب المدة السابقة التي عملنا بها ضمن مدة الخدمة حتي يتسني لنا التثبيت في اقرب وقت |
موعدااااااا فى الاول من فبراير
|
ان شاء المولى عز وجل لازم نتساوى باللى معاهم عقد مميز لانهم غالبيتهم اخدوا العقود دى من فلول الوطنى قبل الثورة وغالبيتهم واسطة مينفعوش يبقوا مدرسين
|
المعاد اول فبراير
الكل لازم يعرف ويكون موجود |
انا سامع ان فيه ناس قعدت مع محافظ الدقهلية الاربع ال فات 22 12 2011 من بتوع الحصة هحد يسال من المنصورة ويقولنا ايه الاخبار ضرورى
|
انا سمعت برده ان كان فيه قعدة لكن معرفش وصلوا لايه
|
| جميع الأوقات بتوقيت GMT +2. الساعة الآن 10:28 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.