|
صافى يا لبن حليب يا اية......؟
السلام عليكم ازيكم اعضاء الثانوية عاملين اية انا النهاردة هكلمكوا فى موضوع مهم اوى وغريب فى نفس الوقت وكلنا بنعملة حتى انا كنت بعملة لكن خلاص بطلت اعمله لما يكون اتنين زعلانين مع بعض ومتخانقين اية اللى بنعمله .......... عاوزين نصلح بقى ونعمل خير طبعا واللى بيحصل دا فلان بيحبك يا عم ... وميصحش تزعل منه واروح الناحية التانية دا فلان والله زعلان انة مش بيكلمك دا فلان بيسأل عليك والله وبيقلك ازيك ومرة اقول يا عم متزعلش بقى داحنا اخوات وخلينا كدا فرش يلا يا عم بوس على راسة وانت كمان بوس على راسة وصافى يا لبن حليب يا اشطة وكله تمام التمام وعك وليث كله كويس والمشكلة زى ما هى لا ...... والف لا دا مش صلح احنا سبنا المشكلة زى ما هى لسة قائمة بين الاتنين واى فتيل هيولعها تانى عاوزين نتعامل بشكل حضارى عن كداا واسلوب تانى حقوقنا متضعش بيه اللى يصالح حد يتكلم بالحق يدى لكل واحد فيهم حقه ويعرف كل واحد غلطه عشان كل واحد يبقى صافى من جانب التانى مش يكلمة وهو شايل منه هو دا الاسلوب اللى هبدأ اتعامل بيه وهبطل اضحك على فلان واقوله فلان بيحبك وميقدرش على زعلك هبطل اقول صافى يا لبن حليب يا اشطة الا لما كل واحد ياخد حقة ويكون مقتنع تماما بالصلح هو دا الصلح هى دى الايجابية هو دا الصح هى دى الفاعلية |
بصراحه كلامك جميل ومقنع لكن يا اخ مصطفى أوقات بيكون الاتنين زعلانين لأسباب تافهه
أو سوء تفاهم بينهم ويقتضى الحال وقتها اننا نعمل كدا علشان الموضوع ينتهى بسرعه واحنا عارفين اوقات كتير نزعل مع بعض بسرعه ولاسباب تافهه ولما نرجع لبعض بنرجع بسرعه وبدون مقدمات جزاك الله خيرا على الموضوع |
اقتباس:
بس للاسف الطريقه دى ما تنفعش مع كتير مننا ولو ان الحقيقه هى الاساس بس انت المفروض بتصلح كده انت هتولعها زياده ومن رأيى ان الحكايه دى مالهاش اى علاقه بالسلبيه والايجابيه وطبعا مش شرط يكون كلامى صح جزاك الله كل خير صدام |
شكرا مصطفى على الموضوع
تسلم ايدك |
أنا فعلا بعمل الكلام إل انت اتكلمت عليه فى الاول بس بيكون نيتى إنى أصلح مابين الاتنين دول لانها بتبقى أسباب تافه بتخليهم يزعلوا من بعض إنما بصراحة عمرى مجربت الحل إل إنت قولت عليه
|
اقتباس:
شكرا لمرورك استاذه رانيا . |
عن جد يا مصطفى موضوعك المره دى مختلف تماماً ومميز جدااااااااااااااااااااااااً فعلاً كل بيركز على إنهم يتصلحو وخلاص يكلمو بعض بالنسبه له كده الصلح ميعرفش إنهم ممكن يكونى كاتمين الغيظ والمكائد لبعض فلازم قبل الصلح إنهم يصفو جميع الخلافات ويتنقشو فيها واللى له حق عند التانى يأخذه ولازم الطرفين يكونو مرضيين وبكده نكون صلحنا بينهم لأنهم لو إتصلحو ظاهرياً بس هتكون كارثه هيحوشو لبعض وهتبقى القشه الت قسمت ظهر البعير جزاك الله خيراً على موضوعك الجميل يا درش |
اقتباس:
واياكم |
اقتباس:
|
اقتباس:
شكرا لمرورك يا حنان |
بسم الله الرحمن الرحيم أخي الفاضل بارك الله فيك وأشكر حضرتك جدا على هذه الكلمات الرائعة ليس هناك أجمل من ان تجمع بين الناس مرة أخرى وان تحل الخلاف بينهم و بالطبع اقامة الحق مهمة جدا لكن من وجهة نظري أنا أفضل ان أصلح بين الناس وبعد ذلك أقيم الحق بينهم لأن هذا سيكون اسهل بكثير . أشكر حضرتك جدا بارك الله فيك وجعلك من المكرمين دنيا ودين وجعلك قرة عين لوالديك . |
اكيد كلامك صح يا درش
بس ده لا يمنع تهدئة الاوضاع فى الاول يعنى تكون حاجة زى مخدر عشان نقدر نقعد مع بعض وكل واحد ياخد حقه اصل مافيش اتنين مش طايقين بعض يقعدوا مع بعض يصفوا الخلافات لازم ولو اصلاح مؤقت لتهدئة الاوضاع وشكرآ على الموضوع يا مصطفى |
انا معاك يامطفي في كلامك ده لانه تمام صح
لما بيكون ( ا ) مثلا زعلان من (ب) اكيد حد بدأ في الزعل ده مش جم فجاه وقالوا حنزعل من بعض لما مثلا انا بقي اصلحهم علي بعض فين حق المظلوم بنهم فين حق المخدوع بينهم ايه الحق هيه كلمه اسف كلمه اسف مهما كانت طالعه من القلب لا تمحوا ما فعله طب ليه هو مفكرش ان ممكن ده يزعل او يجرح لازم الاول قبل مقول صافي يالبن لا لازم اقعد مع الاتنين واسمع من الاتننين واعرف مين فيهم الغلطان واصفي بنهم صح مش كلام وحورات ملهاش لازمه واللي غلط في التاني يعرف قيمته صح مش هو ملطشه كل شويه يغلط وحد يصلحهم كلامك كله صح مصطفي شكرا جزيلا علي المووضوع |
السلام عليكم ورحمة اللة وبركاتة
اولا انا بحب اشكرك على الموضوع الجميل دة وانا متفق معاك فى ان لازم اصالحهم بس ارجع لكل واحد حقة بس انت عارف للاسف فى بعض الاوقات بتطلع انت الوحش لو حاولت تعمل دة انما لو حاولت تقول صافى يا لبن حليب يا قشطة هتبقى حلو فى نظر الجميع انا معاك ان الاسلوب دة غلط بس صدقنى هوة دة الى ماشى وعلى فكرة الى بيدور على حق الناس اليومين دول بيزعلوا منة وفى النهاية يا رب ردى ما يضيقش حد وشكرا ليك مرة تانية يا درش على الموضوع وجزاك اللة كل خير |
اقتباس:
شكرا يا الغالى على مرورك |
اقتباس:
شكرا لتعقيبك |
اقتباس:
كلمتين حلوين زى ما انت بتقول نخدرهم وهو دا اللى بنتمناه شكرا يا حودا لتعقيبك |
اقتباس:
اللى اقصده يا اسماء شكرا لمرورك |
اقتباس:
دا بس نسعى وشكرا يا جميل لمرورك |
طب انا هجيب كلام منين
بعد هذا الكلام الجميل خلاص راحت عليه اصلى انا عجوز وانتم الشباب شكر على هذا الموضوع اخى الفاضل |
والله كلامك هو الى صح
وخطوتك دى هى الإيجابية شكرا |
بصراحه كده الموضوع ده عجبنى اوى وده فعلا موضوع مميز وانا رأى زى حضرتك بالظبط اصلا انا لو حبيت اصلح بين اى حد لازم اعرف مين اللى غلطان عشان يعرف غلطته علشان انا لما اكون زعلانه محبش حد يجى يقولى خلاص بقه دا احنا خوات والكلام ده
اصل عشان نقدر نرجع صحاب تانى لازم مانكونش شيلين من بعض عشان مانوقفش لبعض على الوحده ولاايه رايكم ياجماعه |
كلامك جميل بس
ما تنساق حديث النبى انه لا يجوز الكذب إلا فى حالتين الكذب على العدوو او الاصلاح بين الناس |
كلام جميل اوى مشكور يا ~ mostafa fathi
بس على فكرة الطريقة دى بتنفع ساعات بس احنا بنقولها بطريقة خفيفة شوية نقول صافى يا لبن حليب يا انجوى فاللى زعلانين بيضحكوا دايما والحمد للة بنرجع احتن من الاول كمان وعلى فكرة اوقات بيكون الزعل حلو اصل مش معقول تكون الحياة كلها حلوة هتبقى روتين ومملة مشكووووووووووووووووووووووووووووووووووووووووووووووو ووووووووووووووووووووووووووووووور |
موضوعك جميل يامصطفى
انا كمان مر معايا الموقف ده هنا ولكن لما اتكلمت مع الاستاذ عصام اقتنعت بكلامه وبئا صافى يالبن حليب يادولسى |
:D:D
اقتباس:
العين على الحاجب متعلى شكرا لمررورك يا فندم |
اقتباس:
شكراً يا استاذ مجدى على تعقيبك |
اقتباس:
فعلاً وهو دا الكلام الصح وفى الاخر بتمحى العداوه اللى بينهم مش صافى حليب وبردو فى خلاف شكراً تمر حنه لمرورك |
اقتباس:
اسمها كذبه بيضاء بتبقى فى الصالح العام مش للمصالح الاخرى ونورت الموضوع يا عاشق الاسلام |
:D
اقتباس:
مش للدرجة يعنى ربنا ميجبش الزعل بالعكس تماما لما تلاقى الناس وتفضفضى مش تزعلى منهم بتخففى عنك شوية انما مش على طول مشاجرة و و ونورتى الموضوع |
اقتباس:
دولسى شكرا يا اسلام على مرورك |
السلام عليكم
بجد الموضوع ده جميل جدا وياريت يكون كله كده بيحب يصلح مش يخرب العلاقه بين الاصحاب وبعضهم |
فعلاً
وشكرا يا الناقد على تعقيبك |
| جميع الأوقات بتوقيت GMT +2. الساعة الآن 06:13 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.