طالبات الصف الأول الثانوى
 

السلام عليكم عزيزاتى الطالبات :
يسعدنى أن أقترح عليكم هذا الموضوع والذى نسبة فائدته للجميع كبيرة جدا ان شاء الله .
من المعلوم أن منهج الصف الأول الثانوى به بعض العقبات حيث أن المنهج أصبح كبيرا والمواد الدراسية صارت أكثر اتساعا
لذا أقترح من خلال موضوعى هذا أن نساعد بعضنا نحن الطالبات وذلك من خلال :
ان ترسل الطالبة السؤال الذى يصعب عليها فهمه أو حله فى أى مادة من المواد وتشرح كل طالبة وجهة نظرها فى الحل ومن ثم تختار الطالبة الحل الأقرب والأكثر اقناعا وذلك من خلال كتابة الردود فى الموضوع .
وهكذا نستطيع أن نعاون بعضنا فى حل الأسئلة الصعبة ويمكن أيضا أن نستشير المدرسين الموقرين اللذين فى بوابة الثانوية العامة حتى تعم الفائدة للجميع .
وعسى الله أن يوفقنى ويوفق الجميع .
* وشكرا *
:078111rg3::d:078111rg3::d

فكرة جميله وانا معاكى ان شاء الله
وكل سنة وانتو طيبين

[quote=فلة الصداقة;4092446]شكرا ليكى يا صفا وربنا يوفقك يا قمر [/quote

شكرا ياجميل ..ولو في اى اسئله في المنهج عايزة تسأليها انا تحت امرك نساعد بعض ان شاء الله :)
يارب كله يدخل موضوعك ونفيد بعض بإذن الله

[QUOTE=صفا2010;4092825]متشكرة جدا ياقمر وربنا يخليكى وكل سنة وانتى طيبة وعيد أضحى سعيد وان شاء الله تكون أولى ثانوى سنة تعاون بيننا
وبين كل الطالبات ويارب يوفقك ويوفقنا جميعا وأى أسئلة أنا تحت أمرك .
:av4056bb7jp3::078111rg3::022yb4::022yb4:

فكرة حلوة يابنات وانا معاكم ان شاء الله وربنا يوفقنا جميعا يارب وكل بنوتة تحقق امانيها يارب
وياريت نتعرف على بعض الاول لو مش يضايقكم يا بنات :p:)

طبعا مش يضاينى أبدا انى أتعرف عليكى وعلى العموم أنا فلة الصداقة وأنا طالبة فى الصف الأول الثانوى ، ومبسوطة كتير
ان فكرتى عجبتك ويارب يوفقك ويوفقنا جميعا ، واى أسئلة أنا فى الخدمة وكمان معانا صديقتنا صفا وان شاء الله الفائدة تعم على الجميع وشكرا أوى .
:022yb4::av4056bb7jp3::078111rg3:

نورتينا يا " طالبة التفوق "
وبإذن الله نساعد كلنا بعض
كنت عايزة اسألكوا عاملين ايه في البلاغه؟
انا محتاسه فيها جدا ومش بعرف احل عليها كويس :(
ياترى انتو زيي ولا انا بس ؟:(

ازيك يا صفا يارب تكونى فى أحسن حال ، بالنسبة للبلاغة فأنا مذاكرة فيهالحد التعبير الحقيقى والمجازى ولسة عايزة ابدأ
فى التشبيه ، لكن عندنا فى النصوص بيكون فى مظاهر الجمال استعارة مكنية و كناية والمجاز المرسل زى نص عنترة والخنساء كدة والمفروض ان احنا هناخد الحاجات دى فى التيرم التانى بالتفصيل وانا بتلغبط فيهم بردوه والمشكلة انى كل ما أسأل على شرحهم يقولولى هناخدهم فى التيرم التانى فياريت لو نقدر نساعد بعض أو نحاول نلاقى ليهم تفسير ، وان شاء الله يكون خير .
:d:d:d:d

بارك الله فيكن ، ولكن هل للطلبة مكان معكن هنا فى هذا المشروع العظيم ؟

أنا منتظر الجواب .

وجزاكن الله كل خير وزادنى وإياكم تفوقــــــــــــــــــــا.

ربنا يوفقكم يا بنوتات يارب
أنا الحمد لله بعرفهم شوية بس اوقات بتلخبط فى انواع التشبيه ;)
ولو أى واحدة عندها سؤال ممكن تتفضل تساله واحنا نساعدها لو نعرف :d
ربنا يوفقنا جميعا يارب

شكرا ياقمر على ردك
انا مشكلتى لما بييجى بيت شعر مش فاهمه معناه مش ببقى عارفه استخرج منه تعبير مجازى او استخرج المطلوب لانى مش فهماه يعنى مثلا:
عين نوع التشبيه في :
وجاهل مده في جهله ضحكى *** حتى اتته يد فراسه وفم
اذا رأيت نيوب الليث بارزة *** فلا تظنن ان الليث يبتسم
طبعا انا مفهمتش ولا كلمه * ملحوظه : السؤال ده ص 124 في الاضواء رقم 6
وهو متجاوب بس ده مثال يعنى ..
ودى مشكله :(

ربنا يوفقنا جميعا بإذن الله ياقمر
وانا في الخدمه في اى سؤال ان شاء الله

يارب يوفقنا جميعا يا طالبة التفوق بس زى ما انتى شايفة يعنى مثلا زى المثال اللى صفا بعتته احنا نعمل ايه لو مش فاهمين النص اللى هو جايبه لينا وبالتالى مش هنقدر نفهم سؤال البلاغة ، يارب نقدر نلاقى حل ان شاء الله .
:bosyht9::bosyht9:

لا شكر على واجب يا صفا ، وانا قريت السؤال واللى فهمته ان الاجابة بتعتمد على فهمنا للنص مش مجرد مذاكرتنا للدرس ،بس بردوه انا معاكى ان كلاماته صعبة التفسير ، وعلى العموم انا كتبت لطالبة التفوق اسألها وان شاء الله يكون عندها حل ، وانا كمان لسة مش ذاكرت الدرس وان شاء الله لما أذاكره وقدرت اوصل لحل أكيد هقولك فورا ومش تقلقى من حاجة يا قمر
:av4056bb7jp3:

أهلا وسهلا بيكى يا صديقتنا الجديدة وبجد مبسوطة جدا على انضمامك لينا ياقمر ، والحمد لله انك كويسة فى البلاغة وان شاء الله تستمرى فى ذلك ، وفعلا عندك حق فى حكاية الابيات اللى مش عندنا فى المنهج وان شاء الله هحاول ألاقى حل وأى جديد مؤكد هبلغ الجميع ان شاء الله ، وسعيدة ان الموضوع عجبك ويارب دايما أقدر أفيد كل الأصدقاء .
:022yb4::d:av4056bb7jp3::078111rg3::078111rg3:

البيت ده هو وبتاع المعالى ومن يطلب العذراء لم يغلها المهر الحمد لله اشهر مثالين اعرفهم على التشبيه الضمنى ههههههههههه وفهمت بيهم التشبيه الضمنى شوية
معاكم حق فى إن ابيات بتكون من ره بتكون معانيها صعبة بس انا بحاول ارجح المعنى بالسياق ولو معرفتش بحاول اجيب اى ادلة وبعد ده كله طبع التوفيق على ربنا ربنا يجعل التوفيق حليفنا يارب يا بنات :d وبصوا
بصراحة يعنى انا مطنشة شوية السنة دى باخد الاساسيات بس واى درجات :d
على فكرة انا اسمى الاء وانتم بقى كل واحدة تقول اسمها
واسفة على الاطالة
وياريت درجات تالتة اعدادى بالمرة :d وهدفكم وناويين علمى ولاا دبى ورياضة ولا علوم
طووووووووووووووولت اوى سورى دوشتكم

الموضوع أكثر من رائع يا فلة الصداقة
وبجد فى ناس كتير هتستفيد منه وأتمنى انى اكون مشاركة فيه

شكرا اوى على ردك يا الاء :)
وفعلا توفيق ربنا هو اهم حاجه .. وربنا يوفقنا جميعا
انا اسمى صفا .. مجموعى في 3 اعدادى 294.5من300
وبإذن الله علمى علوم :)
انا بردو السنة دى واخده راحتى شويتين تلاته كده :) ..علشان لسه اللى جاى اصعب بكتير

ربنا يوفقنا جميعا ان شاء الله
ولو في اى اسئله حضرتك عايز اجابتها بإذن الله نحاول نجاوبها
وبصراحه معرفش اقول رأيي لانى مش صاحبة الموضوع
بس اكيد كلنا هنساعد بعض ان شاء الله

شكرا جدا على ردك
وبإذن الله طول ما احنا بنساعد بعض كل حاجه هتبقى سهله :)

:dربنا يوفقك يارب يا قمر وتحققى كل احلامك
أنا بقى كنت 295 من 300 :d وبرده ان شاء الله ناوية علمى علوم بس خايفة من الاحياء عشان فيها حفظ وانا مش بحب احفظ وبرده فيها رسم ومش بعرف ارسم اوى
ادعووولى :d

ماشاء الله .. ربنا يوفقك
وبإذن الله احياء تالته متبقاش حفظ اوى زى اولى

------------------------------------------------------------------------------------------------------------

بارك الله فيكِ ووفقكن جميعا

اللغة اللغة العربية من أكثر المواد حبا وقربا لى فأى

أسئلة فى النحو أو البلاغة أو غير ذلك أو فى مادة

أخرى فأنا لن أتأخر عنكن.

وفقنى الله وإياكم...............:slap1qk6:

وفيك بارك واللهَ أسألُ أنْ يوفقنا جميعاً لكلِِ ما يحبُ ويرضى :)
وأنا أيضاً منْ محبى اللغةِ العربيةِ خاصةً النحو والبلاغة :) فهى لغةٌ زاخرةٌ بالجواهرِ مؤثرةٌ معانيها
وختاماً : أسألُ اللهَ أنْ يجعلَ التوفيق حليفَنا
واللهُ ولىُ التوفيقٍ
بالمناسبة بقى :) أعرب ماتحته خط

ازيك يا آلاء ومبسوطة انى عرفت اسمك يا طالبة التفوق ، أنا بردوه واخدة راحتى شوية السنة دى لأنى بعتبرها فسحة بين تالتة اعدادى وتانية وتالتة ثانوى ، وانا معاكى ان الأبيات اللى بتكون من بره بتعتمد على فهم الطالب وحسن تفسيره للمعنى مش مجرد مذاكرتنا للبلاغة فقط ، وان شاء الله يكون ربنا معانا جميعا ، وأنا اسمى آية ومجموعى فى تالتة اعدادى هو 292 و نص من 300 وان شاء الله علمى علوم ونفسى أدخل كلية طب أو كلية علوم ، وعلى فكرة انتى مش دوشتينا ولا حاجة هههههههههه .
:d:022yb4::d:022yb4:

متشكرة جدا ليكى يا قمر وسعيدة ان الموضوع عجبك وطبعا يشرفنى انك تكونى مشاركة فيه وتكونى صديقة لينا ، وأى اسئلة انا فى الخدمة .
:022yb4::022yb4::d

ما شاء الله على هذا المجموع الرائع ويارب دايما تكونى من المتفوقين وبالتوفيق ياقمر .
:romarioxp6::av4056bb7jp3::028ja7::028ja7:

ماشاء الله وان شاء الله من المتفوقين دايما ، وعلى فكرة انا بحب علم الأحياء لأنه من الطبيعة ، بيخلينى أكتشف ملامحها وأعرف عنها أكتر وكأنه بياخدنى لعالم تانى ، عشان كدة انا واثقة انه هيكون سهل ان شاء الله رغم انى لسة هاخده فى التيرم التانى أما حاليا أنا باخد فيزياء بس من المواد العلمية .
:av4056bb7jp3::av4056bb7jp3:

==================================================


خاصة/ مفعول مطلق منصوب بالفتحة.

النحو/ مفعول به منصوب بالفتحة.

مؤثرة/ خبر مقدم مرفوع بالضمة.

معانيها / مبتدأ مؤخر مرفوع بالضمة والهاء ضمير مبنى فى محل جر مضاف إليه.

أن مصدرية لا محل لها من الإعراب

يجعل/ فعل مضارع منصوب بالفتحة

========================

ووفقنى الله وإياكن...........................:friendsxs3:

سؤال فى علم الفيزياء
 

السلام عليكم أصدقائى :
أتمنى أن تكونوا بخير وعلى أفضل حال ، والآن حان وقت المسابقات والأسئلة :022yb4::022yb4:
وعلى كل محبى علم الفيزياء الاطلاع على هذا السؤال الذى لم أستطع فهمه أو تفسيره حتى الآن وبالتالى لم أستطع حله مع الأسف :bosyht9::bosyht9:
وسؤالى هو :cool::cool:
جسم يتحرك بسرعة متغيرة من الشرق الى الغرب ، فمتى يكون اتجاه العجلة :
1) من الشرق الى الغرب .
2) من الغرب الى الشرق .
مع توضيح نوع العجلة فى كل حالة .
* ملحوظة : هذا السؤال فى الفصل الثانى الدرس الثانى ( السرعة _ العجلة ) .
وآسفة جدا ان كنت قد أثقلت عليكم :d:d:d

ما شاء الله رائع جدا ، ولكن عندى سؤال اذا سمحت لى :
لماذا عربت كلمة النحو مفعول به منصوب بالفتحة ؟ :028ja7:
وشكرا جزيلا .:078111rg3:
:022yb4::022yb4::022yb4:

=================================================

أشكركِ على مروركِ الطيب ،ولكن هناك قاعدة عامة

إذا أتت كلمتا( خاصة،خصوصا)فى وسط الجملة يعربا

مفعول مطلق وما بعدهما مفعول به لفعل محذوف

تقديره أخص.
======================

وأخيرا وفقنى الله وإياكم......................:romarioxp6::av4056bb7 jp3::bosyht9:

===============================================

أعدكِ بالتفكيرفى هذه المسألة وسأرفع

الحل بأسرع وقت ممكن.

للاسف انا الترم ده كمياء ..ان شاء الله حد يساعدك

آمين يارب اللهم وفقنا جميعا لكل ما تحب وترضى

انا كمان للاسف كيمياء ربنا يوفقك ويوفقنا جميعا
ايه اخبارك يا صفا أنتى وفلة :)

يارب مكنش اتاخرت في الرد
انا اسمي اسراء وانا جايبة في ثالثة اعدادي 295 من 300
انا مبسوطة فعلا من الموضوع ده

شكرا جزيلا لك على هذه المعلومة وبالتوفيق ان شاء الله .
:078111rg3::078111rg3:

شكرا جزيلا على المساعدة وعسى الله أن يوفقنى واياكم .
:078111rg3::078111rg3:

[quote=صفا2010;4110045]للاسف انا الترم ده كمياء ..ان شاء الله حد يساعدك[/quot
متشكرة جدا على اهتمامك يا صفا ويا رب يوفقك فى الكيمياء ان شاء الله

[SIZE="5"]الحمد لله يا آلاء فى أحسن حال ، ويارب تكونى كويسة ومتشكرة أوى على اهتمامك انتى وصفا ويارب يوفقكم فى الكيمياء وان شاء الله تكون سهلة . [/SIZE
:av4056bb7jp3::av4056bb7jp3::lol:

ماشاء الله على المجموع الرائع ده ويا رب دايما من المتفوقين ، وأنا سعيدة ان الموضوع عجبك وأتمنى انك تكونى صديقة مشاركة معانا فيه ، وأى أسئلة ابعتيها فورا من غير تردد وربنا يقدرنا على المساعدة ، وان شاء الله يكون التعاون لنا عنوان.
:d:d:romarioxp6::022yb4::022yb4: