أيهما أفضل، امتحان واحد ولا امتحانين؟
 

تضع امتحان فى مستوى الطالب المتوسط لكلا المعهدين مادامت طريقة الشرح والأساليب المستخدمة واحدة كأنهم فى معهد واحد
وبعدين انا ماكنتش اعرف انك انجليزى يابو فوزى انا كنت فاكرك شرعى .

الامتحان الواحد لابد ان يكون متناسبا مع جميع التلاميذ الممتاز والجيد والمقبول والضعيف لابد ان يكون هناك اسئلة للكل

اخى الحبيب محمد فوزى لو عملت ا متحانين افضل حتى لا تضيع درجات اعمال السنة على الطلاب ذو المستوى الاقل

وحتى لايحبط الطلاب الضعاف من نتيجة اول امتحان
http://dc05.arabsh.com/i/01978/xxgj3sgv3wnf.gif

امتحانين
أفضل ان شاء الله تعالى

توكل علي الله
أمتحانين أفضل من وجهة نظري

لابد ان اتراعى الفروق الفرديه بين التلاميذ واكيد هناك اختلاف فى المنطقه والبيئة الكائن بها المعهدين

ارى ان تضع امتحانين تراعى فى كلا منهما الفروق الفرديه ايضا حتى تسطيع ان تقيم كل تلميذ على حده

بارك الله فيك مستر طاهر على الافادة، وكلام حضرتك معروف تربويا انه كلما زادت الصعوبة فى التعليم (كشرح وطريقة تدريس او تقويم) بالنسبة للطلاب الضعاف بيؤثر عليهم ويجبلهم احباط، والعكس صحيح بالنسبة للطلاب المتفوقين، وغالبا ساضع امتحانين متفاوتين فى المستوى

شكرا على الافادة يا مستر، طريقة الشرح والاساليب واحدة وده اللى مخلى الواحد متردد فى انه يضع امتحانين لكنى اميل الى ذلك، وانا مدرس انجليزى وهكتبها فى البروفايل ان شاء الله :d

بس فى حالتى الطالب الضعيف فى المعهد القوى ممتاز بالنسبة لطالب المعهد الضعيف، وحتى لو غطى الامتحان جميع المستويات بالنسبة لمعهد فمش هيغطى نفس المستويات فى المعهد التانى، يعنى هيكون المستوى (العام) لسهولة او صعوبة الامتحان غير مناسب لكلا المعهدين، اكيد حضرتك فاهمنى

وجهة نظر تستحق الاحترام والتقدير اخى الاستاذ حسن، جزاك الله خيرا

شكرا اخى الاستاذ عوض على الافادة
جزاك الله كل خير اخى الكريم

شكرا يا كنج على الافادة والراى

جزاك الله خيرا مستر احمد على الراى والافادة، والمعهدين فعلا فى مكانين مختلفين

أخى الأستاذ محمد فوزى الإمتحان لا يوضع على مستوى الطلاب. يجب أن يكون الإختبار معيارياً standard test يقيس مدى إلمام الطالب ومقدار إكتسابه للمهارات والمعارف اللغوية التى قمت بتدريسها. والإمتحان لا يقيس مستوى التذكر فقط بل يقيس الفهم والتطبيق أيضاً. ومن الممكن أن يتضمن الإختبار ثلاث مستويات للطالب الضعيف والمتوسط والممتاز. أن تضع إختباراً واحداً مُتقناً خير لك وللطلاب من إنفاق وقتك ومجهودك فى وضع إختبارين. والمقارنة هنا بين المعهدين مفيدة جداً. سوف تتمكن من معرفة مستوى الطلاب بدقة وما هو الجهد المطلوب لعلاج الطلاب ضعاف المستوى.

شكرا لحضرتك استاذ محمد على كلامك واهتمامك وتحليلك التربوى السليم، لكنى اعرف تماما المستوى بين طلاب المعهدين بناء على مواقف تقييم سابقة، وبناء عليه قمت بتنفيذ ما يشبه خطة تقويم ضمنية اثناء اليوم الدراسى للطلاب ضعاف المستوى، ولكنها لم تؤتى ثمارها المرجوة لضعف التأسيس فى المادة فى المرحلة الدراسية السابقة، وهذا ما جعلنى أطرح التساؤل السابق، اختبار واحد للجميع ام اختبارين لكل معهد اختبار

بما ان حضرتك مدرس انجليزي ممكن توض لي طريقة احتساب الدرجات في اعمال السنة
اريد طريقتها بالنسبة المئوية

والله لحد الان محتار فى طريقة حسابها وكل ما اسال حد الاقى اجابة مختلفة، بس واحد صاحبى امبارح قالى على طريقة ظريفة ان كل امتحان يكون من 15 درجة، والامتحانين من 30، وكل عشر درجات يحسبوا درجة فى اعمال السنة، والدرجة الرابعة دى بتاعة النشاط والسلوك، ايه رايك؟!!!!

موجود في المنشور ان المادة التي نهايتها الكلية 20 درجة الأختبارات 1.5
والمواظبة والسلوك نصف درجة

سوف ابحث عن المنشور واقراه لكى افهم

اشكرك كثيرا علي الأهتمام

انا اليوم فهمت المقصود بالمنشور

عايزين واحد يوضحلنا درجاااااااااات اعماال السنة فى الانجليزى لو سمحتوا والامتحان يبقى من كام وازاى تحسب اعمال السنة ضرورى بس واحد يكون فاهم

ياريت تفهمنا معاك استاذ رضا

مستنى مع حضرتك حد يفهمنا اكتر

امتحان اللغة الأنجليزية من 20 درجة تيرم اول و20 درجة تيرم تاني
فيكون المجموع 40 درجة
20% من 40 درجة تعني 8 درجات ستكون مقسومة علي التيرمين
اي 4 درجات تيرم اول ومثلها تيرم تاني
منهم 3 درجات متوسط الختبارين
و1 درجة للسلوك والمواظبة والنشاط
بالنسبة للاختبارين
يتم اجراء اختبارين مثلا الأختبار الواحد من 15 درجة
فيكون مجموع الأختبارين 30 درجة
عند قسمتهما علي 10 يعطي 3 درجات وهي الدرجة المطلوبة لللأختبارين التحريين
يتم جمع درجتي الطالب مثلا حصل في الأختبار الأول علي 12 من 15
وفي الثاني حصل علي 13 من 15
يتم جمع 12+13= 25
ثم نقسم علي 10 فيكون الناتج 2.5
اي انه حصل علي 2.5 من 3 درجات
ثم تضافاليها الدرجة التي يعطيها المعلم للطالب في السلوك





لكن السؤال اذا حصل الطالب مثلا علي درجات مثل 10+12= 22 فعند القسمة يكون
2.2 وهذه كيف تضاف للدرجة النهائية


ا

بارك الله فيكى استاذة رضا على المجهود الكبير، نفس الطريقة اللى كنت ناوى اعملها، وبالنسبة للنقطة الاخيرة فاتكلمت فيها انهاردة مع احد الزملاء واتفقنا على الاتى:

20 درجة = 2 درجة
21 درجة = 2 درجة بالتقريب الى الاقرب
22 درجة = 2 درجة ،،، ،،، ،،،
23 درجة = 2.5 درجة ،،، ،،، ،،،
24 درجة = 2.5 درجة ،،، ،،، ،،،
25 درجة = 2.5 درجة
وهكذا ....
ودرجة السلوك والنشاط لجميع التلاميذ

يعنى اخر كلام نعمل امتحان من 15

يا مستر الامتحان السهل سهل على الكل والصعب بيبقي نسبي

رايي ضع امتحان واحد سهل للجميع وخللى المستويات العليا لبلوم مثل التقويم والتركيب 10% من الامتحان بس

والباقي مستويات دنيا مثل التذكر والفهم والتطبيق

ايوة من 15 انا عملته انهارده من 15 وكله تمام والحسبة بسيطة وسهلة

نفذت الاختبار وطبعته وصورته والحمد لله، اختبار واحد للمعهدين يميل للسهولة ليناسب الجميع، شكرا لحضرتك مستر عبدالكريم

ما هو الافضل بعد توقيع ولى الامر على ورقة الامتحان، ان يحتفظ بها الطالب ام احتفظ بها معى؟

بالتوفيق يا مستر

ربنا يعلى الازهر

لالالالالالالالالالالالا............احتفظ بالنسخة لانها هتروح لقسم الجودة بالمنطقة وهيشرف عليها الموجه

اول مرة اسمع المعلومة دى، ده موجود فى المنشور يا مستر ولا حضرتك عرفت ازاى؟

الف شكر يا اساتذة وربنا معاكم

شكرا على المرور

المفروض الختبار يوقع عليه المدرس الول ثم يتم ارسال نسخة للادارة ( المنطقة)
ايضا قم بتجميع ورق الأختبار من الطلاب لان هذا اكثر ضمانا لك

جزاك الله خيرا على النصيحة