|
لمن ستعطى صوتك!!!!
السلام عليكم ورحمة الله وبركاته يا رب الجميع يكون بخير اكيد بعد الثورة العظيمة اللى حصلت فى البلد دى اول خطوة على الطريق الصحيح وما ننساش نقرا الفاتحة لروح الشهداء الى كانوا السبب فى اللى احنا فيه ده ويا ريت اى واحد نزل صوت يقول صوت لمين واللى لسه يقول بيفكر فى مين او قرر يصوت لمين |
انا نفسي ادى صوتى للحرية والعدالة بس مش هينفع لانى انا 17 سنة مكملتش 18 بس لو كان ليا صوت كنت هديه للحرية والعدالة
|
قررت ألا أصوت بعد اليوم
إلا لمستقبل أولادى وبلادى فرزت وفتشت ودورت وقررت بمشيئة الله لكن الإعلان عنه يؤجل لمساء يوم 2012/1/4:d شكرا جزيلا:078111rg3: |
اقتباس:
معلش بقا خيرها فى غيرها :d وممكن تلحقى الرئاسة بس انتى ليكى وجهة نظر ورائ وده المهم انك محددة اختيارك |
احتمال كبير للنور او الحرية والعدالة ان شاء الله ..
|
اقتباس:
اكيد كلنا هنصوت للمستقبل يا استاذ رضا بس حضرتك معتبره سر ليه :cool: احنا خلاص فى عصر الديمقراطية :022yb4: يا ريت نعرف رايك بكل صراحة ووضوح :) |
اقتباس:
يعنى انت محدد هدفك يا طاهر وهو التيار الاسلامى مهما كان سواء نور او حرية وعدالة |
لأنها ديمقراطية حقيقية
والاختيار كان صعبا وسط كل هذا الكم من القوائم والفردى فهذا فقط يشعرك بأنك فى عرس حقيقى أو فرح شعبى يجمع الكل إلا من رفض مشاركتنا فصوتى بإذن الله جمع ثلاث فئات اخوان وفد سلفى( قائمة - فردى) والاختيار يميزه أنهم من الشباب إن شاء الله تعالى بالمرحلة الثالثة شكرا جزيلا |
السلام عليكم ورحمة الله وبركاته
لازلت أتردد بين النور أو الحرية والعدالة ولكن فى داخلي نسبة ((( الحرية والعدالة))) تفوق قليلاً نسبة حزب النور لازالت الفرصة أمامى لأنني سأرشح في المرحلة الثانية ربما سأختار ((( الحرية والعدالة))) أتمنى أن يفوز الأصلح لقيادة بلدي وأن أوفق لاختياره شكراً لموضوعك الجميل دمتَ بخير |
اقتباس:
لكن لوظهر حد لديه كفاءة وبه مقومات المهمة .. ممكن انتخبه برضه ..:) وانا المرحلة التانية ;) |
اقتباس:
بالتوفيق ان شااء الله ويا رب يكون اختيار فى صالح البلد بس ليه الوفد فى النص كده هو فى معركة ولا حااجة هههـ:d |
اقتباس:
وعليكم السلام ورحمة الله وبركاته شكررا لحضرتك على ابداء رايك فى الموضوع لحد دلوقتى اغلبية الناس هتختار الحررية والعدالة شكررا لمشاركتك الرائعة |
اقتباس:
اقتباس:
وانا كمان مرحلة تانية بس انا كنت بشوفك مؤيد للميدان فى الفترة الاخيرة وبتنزل واللى فى الميدان مش عاوزين الحرية والعدالة علشان ما نزلوش معاهم |
الثورة مستمرة |
..............................................
|
اقتباس:
تمام وده اول اختيار بعيدا عن الاخوان والثورة مستمرة هو قوائم شباب الثورة وللاسف اغلب الناس ما تعرفش عنها شئ لان مفيش معاهم امكانيات يعملوا دعاية انتخابية زى باقى الاحزاب |
اقتباس:
ومؤيد اغلب الاراء لكن مختلف فى شىء بسيط مع الميدان .. وكمان لان الحرية والعدالة هو اكثر حزب لديه وعى سياسى بالنسبالى بجانب انه مناسب لفكرى .. بجانب انى عاوز ادى فرصة للاسلاميين .. بصراحة جربنا حاجات كتير ..نديهم فرصة زى ملايين غيرهم .. وحتة عدم نزولهم لم تعوق انتخابى لهم ..لكن اختلف معهم فيها .. وكمان الميدان لايوجد حزب حقيقى يمثله ;) لو وجد هنتخب اعضاءه ..:) |
اقتباس:
اكيد دى وجهة نظرك وتحترم وناس كتير برضو بتقول كده ليه ما نجربش الاسلامين ما جربنا ناس كتير يعنى ومفيش فايدة ازاى قوائم الثورة مستمرة بتمثل شباب الثورة والميدان |
عدلت المشاركة فتكرر الرد !!
معذرة .. + مش اى حد بيتكلم باسم الميدان !! والحزب ده مليان ناس كبيرة فى السن مش شباب .. وكمان مختلف معه فكرا ..:) |
اقتباس:
انت بتقول لو فى للميدان حزب هنتخبه وبعدين قلت مش متفق فكرا طيب ما طبيعى مش كل اللى فى الميدان هيكونوا متفقين فى الفكر وعلى فكرة الحزب ده بيضم اعضاء سابقين فى الاخوان ومن مختلف التيارات |
اقتباس:
الميدان كبير على فكرة عكس ماتراه فى الشاشة .. ممكن يكون على الناحية التانية ..لكن انا فى الميدان لا ارى احد منهم يدعو له..لا ارى الا ليبراليين وسلفيين وشعب :) لكن حتى لو حزب وكله شباب ثورجى ..لكن فكره مخالف لى لن انتخبه ..;) يعنى هذا الحزب مبنى على مبدا اشتراكى ..كما اسمع ..انا لا اؤيد الاشتراكية .. اختلفنا ..خلاص |
انا عطيت للوسط والحرية والعدالة ماكنتش حابة ادي للحرية والعدالة بس مالقتش غيرهم :d مع اني كنت حباهم وكنت نازلة وناوية ارشحهم لكن ال حصل النهاردة خلاني مش طايقة سيرتهم وفالنهاية ربنا يولي من يصلح |
اقتباس:
المفروض يكون الميدان واحد ززى ثورة 25 يناير بس الظاهر دلوقتى كل جماعة بياخدوا جنب ويعيشوا مع نفسهم وما بقاش فى هدف واحد |
طبعا انا بقا شاركت واختارت انهارده فعلا .. وكان اختيارى بعد صلاة الاستخارة واختارت الحــــــــــــــــــــــــــرية والعدألـــــــــــــــة عن اقتناع كامل .. لان معظم اللى من محافظتى فيه سبق و بذلوا مجهود رائع فى خدمة الناس فعلا وبحق .. ونتمنى فعلا ان يفوز الاصلح اللى يسعى لخدمة البلد .. جزاكم الله خيرا على الموضوع .. |
اقتباس:
ربنا يقدم اللى فيه الخير لمصر ان شااء الله بس هو حصل ايه انهارده من الاخوان علشان تقولى كده ؟؟؟ وبسمع ان الوسط ده فيه فلول |
اقتباس:
ان شااء الله يكون اختبار موفق بس برضو مش عاوزين نختار على اساس محدود خدمات وكده المفروض يكون انسان مثقف ودارس وعارف ايه بيحصل فى البلد وفى الخارج وليه فى الاقتصاد وكده عاوزين ناس تعرف تشرع صح تعرف تحاسب الحكومة صح شكررا لمرورك الجميل |
اقتباس:
ياارب ان شاء الله .. على رأي اخويا لو فيه قاضي محترم فاللجنة كانت اللجنة اتقفلت ، دعايا قدام اللجنة ، وناس برا واقفين يستقبلوا الناخبين معاهم ورق ويشاوروا للناس اعمل هنا وهنا وهنا وندخل جوا نفس الموضوع وكل خمس دقايق ترجع تعيد عشان الناس مش تنسى :angry2: وقدام الكل عادي جداً ماتنسيش الميزان فالورقة الاولى والموزة والساقية فالتانية لا والارقام كمان 21 و 24 ، حفظتهم من كتر مااتقالوا فوق دماغي :d وستات وبنات كبار وصغيرين ودنيا ، ووانا خارجة وخلاص حطيت صوتي وحدة بتقولي عملتي ايه ؟ هو امتحان ؟؟ بصراحة اسلوب مافيش خاالص اناكرهت نفسي وانا واقفة لكن فالنهاية لو حد عرف اناصوت على مين كان زماني مطرودة من البلد :d الوسط ال نازل عندنا كانوا اخوان اساساً وشخصيات كويسة يعني .. |
اقتباس:
يعنى لامفر :p والمفروض حضرتك كنت قولتلها انتى مالك ايه اللى حشرك مفيش مكان :d ؟؟:angry2: عشان ما تقعدش تعمل كده مع ناس تانية ..وكام واحد يقللها كده لحد ماتزهق وتكتئب وتعرف ان الشعب مش محتاج واصى .. |
اقتباس:
ازاى ده يحصل امال فين الشرطة والجيش واللجان الشعبية كل ده مش موجود بعدين ده كله مخالف يعنى مش عارف هما بيعملوا كده ليه والمفروض فى اللجان يكون فى مندوبين لجميع المرشحين بس ما يتكلموش مع الناس خالص يبقوا وافقين وخلاص ولو عمل حااجة من حق القاضى يخرجه برا هما هياخدوا اسلوب الحزب الوطنى ولا ايه بعدين كان عندك السلفيين كويسين:d |
اقتباس:
هههههه فعلاً لا مفر :d بس والله مش عشان هما اخوان بس بجد الموقف خلاني افقد اعصابي .. المشكلة ان كلهم يعرفوني ويعرفوا بابا ;) فلو قلت كلمة كدا او كدا عيب يلا كتمتها فقلبي وربنا يصبرني لاء دول مش بيكتئبوا دول ضد الاكتئاب ضد الملل ضد الزهق وضد كل حاجة يلا ربنا يديهم الصحة :d |
اقتباس:
ماشفتش شرطة لكن الجيش كان واقف عادي اللجان الشعبية اخوان بردو :d انا اصلاً ماشفتش حد غير الحرية والعدالة النور مع انه نازل بس ماشفتش حد من ناحيته خالص ولا الوسط كمان الجو كلو كان للحرية والعدالة :d النور قايمته قوية فمراكز تانية عندنا لاء العدالة مسيطرين :d |
اقتباس:
العموم حضرتك مش هتقوللها انتى مالك كده فى وشها .. :blush: مش ده القصد ..يعنى تقوللها شكرا لحضرتك انا هختار ..المفروض تفهم ;) وهى طالما قالت للاخوان يبقى اكيد عاوزة مصلحة حضرتك :friendsxs3: :d الف مبروك ..لحضرتك عقبالنا المرحلة الثانية (الحرية والعدالة ان شاء الله ) .. جزاكم الله خيرا |
أنا اديت الحرية والعدالة طبعاً فى الاستطلاع هنا
لكن لسه مجاش الدور علينا فى اللجان إن عشت هيبقى يوم 14/12 وطبعاً عشان ابقى صريح الاختيار ده عملاً بمبدأ بضدها تعرف الأشياء فلا يوجد الأفضل على الساحة من وجة نظرى الوصولية والانتهازية هى السمة المسيطرة وطبعاً أفضل الموجودين هو اللى اخترته والله المستعان نسأله تعالى أن يختار لنا .. إنا تحيرنا |
اقتباس:
خلى اللى يغنى يغنى لكن لانجعله يؤثر فى قرارنا ويوم فى حب مصر حقيقى يستحق منا الكثير والكثير والناس مش هتتغيير فى يوم ولاحتى سنة المهم هقول لك كما قلت لأخوتى بعد الاستفتاء الماضى وبعدما اختفوا فى الطابور لمدة أربع ساعات حمد الله ع السلامة وبالنجاح والتوفيق يانقاء ويطرح البركه فى صوتك ويكون من حظ الأغلبية :d شكرا جزيلا |
اقتباس:
المهم يكون اختيار سليم ان شااء الله عقبال لما ننتخب احنا كمان :d شكررا لمشاركتك فى الموضوع |
اقتباس:
المفروض :006et4: ع عيني وراسي وانابحترمهم اساساً لكن المنظر كان صعب :rolleyes: الله يبارك فحضرتك ان شاء الله بالتوفيق جزاانا واياكم .. |
اقتباس:
الحرية والعدالة مسيطر بقا طيب فين النور يا جماعة دول اخواتكم برضو ههههـ:) بالتوفيق يا استاذ محمود واختيار موفق ان شااء الله شكررا لمشاركتك المميزة |
للأسف عندى 17 سنة :( ... بس لو أقدر أصوت ... أدى صوتى طبعاً http://www.hurryh.com/Uploadedimage/...8%A7%D8%B1.jpg |
اقتباس:
فعلاً هو يوم فحب مصر ويمكن دا ال هون عليا واجمل شيء اني اخيراً حسيت ان صوتي مسموع ومؤثر اكيد مش هنتغير بين ليلة وضحاها ويمكن عشان كدا جزء جوايا كان عاذر ال بيحصل وال سمعت عنه بس اول خطوة وان شاء الله الجاي هيبقى احسن ههههه الله يسلم حضرتك الطابور فعلاً كان طويل والدنيا زحمة .. ياارب جميعاً ، وعقبال الباقي فالمرحلتين التانية والتالتة ان شاء الله ياااااااارب يامستر ولو ان المؤشرات غير مبشرة :d لكن ربنا يولي من يصلح وال فيه خير لمصر |
اقتباس:
طبعا حضرتك .. اكيد بديهى اننا راعينا الحاجات دى .. وكمان فى الفردى اتاحنا الفرص للجميع لخدمة البلد .. لكن كلامى انى كنت محتارة بين اختياريين والحمد لله ربنا الهمنى الاختيار .. ولا املك الا ان ادعو الله ان اكون احسنت الاختيار وان نكون اختارنا من يصلح .. جزاكم الله خيرا .. |
|
زي ما حضرتك قلت ان بعد الثورة العظيمة دخلنا في تجربة ديمقراطية.
انا اعطيت صوتي لمن تسبب في وصولنا الى انتخابات ديمقراطية و هم شباب الثورة اللي اتشرف ان انسب نفسي ليهم. قائمة الثورة مستمرة (حزب التيار المصري , ائتلاف شباب الثورة) |
ان شاء الله يوم 14 .. الحرية و العدالة ..
|
| جميع الأوقات بتوقيت GMT +2. الساعة الآن 01:29 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.