واحد اسلامى دخل الانتخابات
 

واحد اسلامى دخل الانتخابات
.
.
.
.
... .
.
نجح ، قالوا : بسبب الشعارات الدينية.
سقط ، قالوا : خايب ودخلها ليه أساساً .
قاطع الانتخابات ، قالوا : شفتم السلبية وبيتكلم عن الايجابية والمشاركة ؟!!
... دخل بأغلبية ، قالوا : عشان يكوش على المقاعد وتبقى دولة دينية.
... ... ... دخل بثلث المقاعد ، قالوا : عشان حق الفيتو ويعترضلنا في كل حاجة.
دخل بأقلية ، قالوا : شفتم .. ده حجمهم الحقيقى.
ساب لهم البلد ومشى ,قالوا : سابولنا البلد خربانة وطفشوا.
ساب الأرض وراح المريخ , قالوا : شفتم ... حايعمل غزو عربي وينشر الوهابية .
رجع تاني يزورهم , قالوا : عاوز يبقى زي الخوميني ويمسك الحكم .
رفع عليهم قضية سبّ قالوا : بيسئ استخدام الحق العام وضد حرية التعبير واحنا كنا بنهزر
فقد اعصابه وشتمهم قالك شوفت السفاله
سابهم وراح اعتكف قالك شوفت الدروشه
زهق ورمى نفسه ف النيل قالك انتحر بن الكفره
قعد على جنب يقرا قرآن، قالوا بيعزم علينا
قال حسبى الله و نعم الوكيل، قالوا بيحسبن علينا
قام راح شغله، قالوا طمعان فى الدنيا
نزل التحرير، قالوا ركب الثورة
سابلهم التحرير، قالوا خان الثورة
ربى دقنه، قالوا متمسك بالمظهر مش الجوهر
حلق دقنه، قالوا منافق
(منقول)

جزاك الله خيرا

جزاك الله خيرا أستاذى الفاضل و بارك الله فيك

لو واحد إسلامى دخل البرلمان هيقولوا عليه إيييييه؟
 

صدقتم فلا شىء يعجبهم

جزاكم الله خيرا

وجزاكم مثله
شكرا للمرور

ما الفرق بين الاسلامى والمسلم؟!

سؤال تقيل اوي يا فوزي

الاسلامىفمنذ قيام ثورة إيران الإسلامية ومنذ قيام الحركة الإسلامية في أفغانستان ضد الاتحاد السوفييتي وانتهت بحكومة طالبان الإسلامية، ونحن العرب نسمع صفة إسلامي تطلق على الفرد المسلم، وهذا خطأ لغوي وديني. بتنا نردده ونستعمله بوعي أو بلا وعي.

اما المسلم هو نعت إنسان (شخص) يدين بالإسلام
كـ رياض رجل مسلم - سامية امرأة مسلمة.

وهناك فرق بين عندما تقول انا مسلم او انا سلفى (ولايجوز لمسلم متابع لسنة الله ورسوله ان لا يقول ان سلفى خشية التفرقة بين المسلمين لان كلنا سلفيين
عندما تقول انا مسلم فهناك مذاهب اخرى على نفس دينك مثل الشيعة فهم كمان مسلمون فلابد ان ان تقول انا سلفى للانكم تتبعون سنة الله ورسولة والصحابة وليس كل من يطلق عليه سلفى يبقى متشدد وعنده كل شىء حرام فهو لايخترع شىء من عنده ويحرمه
كله من اتباع القرأن والسنة والعلماء الافاضل

حسب ما اعلم ..
الاسلامى هو الشخض الذى يدخل السياسة و يريد تطبيق شرع الله ,,
هناك مسلم ديانة .. لكن لايطلق عليه اسلامى لماذا ؟؟
لانه لايريد ان يطبق شرع الله ..
فلا اعلم كيف يكون مسلم ولايريد تطبيق شرعه اوجزء من شرعه على اقل تقدير !!
اظنك عييت الكلام ,, :028ja7:

جزاكم الله خيرا جميعا
على التوضيح
فالاعلام يقول على الذى يريد تطبيق الشريعة هو الإسلامى
وهذا ما نسمعه من الناس جميعا


ولا يجب على كل انسان ان يقول انا سلفى لكى يتبع السنة
فالسلفية كما نعرف فهم القرءان والسنة بفهم سلف الأمة
والاهم هو اتباع المنهج والقرأن والسنة بصرف النظر عن المسميات

هههههههههه
نعم فرضا الناس غاية مستحيلة

يعنى انت قسمت المسلمين نوعين
نوع اسمه (اسلامى) وده عايز يطبق شرع الله
ونوع تانى اسمه (مسلم) وده مش عايز يطبق شرع الله

حضرتك جبت المعلومة دى منين عايز اعرف مصدرها مهم جدا لو سمحت

انا لم اقسم يا عزيزى ,, الاعلام هو الذى ليل نهار يفرق بين المسلم والاسلامى !!
يقول على المسلم سلفى او اخوانى او حركات سياسية اسلامية اخرى لفظة ( اسلامى –اسلاميين)
اما المواطن العادى فيقول عليه مسلم - المسلمين ..
المقصود ان هناك مسلم يعمل بالسياسة ملتزم يريد تطبيق شرع الله فيطلقون عليه (اسلامى )
..
طب انا اسالك مش فيه ليبراليين بيقولوا احنا مسلمين ,, ليه بيقولوا عليهم ليبراليين ؟؟
..
ولا هيه الاسلامى بتزعل والليبرالى حلوة ..!! :cool:
.............
ياصديقى بالتضاد تعرف الاشياء ..
تحياتى ,,

مخدتش من حضرتك جواب
طب مين الاحسن الاسلامى ولا المسلم؟!

موصلتكش ومش هتوصلك .. عارف ليه ؟؟
لانك اصلا عاوز تؤكد فكرة فى دماغك ,, وهى ان الاسلاميين يدعون الاسلام وحدهم ومادونهم كفرة
تاكيدا لمقولة الليبرالى والعلمانى ( ما انا مسلم هو انا كافر ) ..
عشان كده انت مش متقبلها او مش عجباك ..
يا استاذ محمد هذه الاشياء هى من صنع الاعلام فى المقام الاول .. يريدون ان يكون التيار الاسلامى فى جنب منقطع عن الناس ..
والدليل .. مرة يقولوا عليهم سلفيين ومرة وهابيين .. الخ
عاوزين يكون لهم اسم يحير المواطن ولاينتمون لاسم الاسلام نفسه .. يرغم ان هذه الاسماء لم تكن منتشرة نهائى فى عهد النظام البائد .. لكن بعد ظهرو الاسلاميين بقوة ,, بدات الحملة الاعلامية ..
ظلاميين – رجعيين –اصوليين .. وهابيين –بدويين - سلفيين - متشددين ...الخ
..
فى المقابل كان الرد بنفس الفعل .. من بعض الاسلاميين بان الليبرالية كفر والعلمانية هى اللادينية ..الخ
بس التمس لهم العذر ,, لان لم يظهر ليبرالى ليقول لهم باننا لانريد ليبرالية وعلمانية الغرب ..
وهذا لم ياتى الا بعد ان نشط الاسلاميين فى توضيحها .. حسب علماء هذه الافكار ..
وبعدها تغيرت اراء كثيرة امثال حمزاوى والبرادعى وغيرهم وبداو ينظرون الى ان مايدعون اليه لم يجد صدى لدى المجتمع ..المتدين بطبيعة الحال والذى يرفض التشدد ايضا فهو مجتمع وسطى ..
..
اما من افضل ,, الله يعلمها
لكن من رايى ان من يسعى الى تطبيق شريعته هو الافضل .. خير الناس انفعهم للناس ..
وليس المسلم ,, الذى ليس له دور بالتاكيد ..
يارب اكون وضحت شوية
والف شكر ..

استاذى .. :022yb4:
بنتعلم من حضرتك ;)
الف مبروك على الاشراف