|
لطلاب المرحلة الثانية فقط علشان نستفيد
اعرب الجملتين
الطالبان كلاهما مؤدب الطالبان كلاهما مؤدبان وهل فى الجملتين خطأ ام لا |
اقتباس:
مظنش فى خطأ والله أعلم ..ياريت حد يقول الاجابة الصح |
الاجابة الاولى ناقصة والتانية تمام
يا ريت حد يشارك |
ناقصة ولا غلط؟؟
طيب لو ناقصة يبقى ممكن مثلا نقول كلا .. ميتدأ ثان مرفوع بالألف وهما صمير مينى فى محل جر مضاف الية ولا ايييييييييييييييه؟؟ |
المشكلة مش فى كلا
المشكلة فى الخبر هااااااااااااا عرفتى |
يعنى مؤدب صفة للطالبان؟؟ بس لاء ماهو كده يبقى مفيش خبر
بصراحة مش لاقيالها حاجة..قول الاجابة وخلاص |
ثوااااانى ممكن نقول خبر لفعل محذوف تقديره يكون ؟؟
|
انتى جيتى تكحليها عمتيها
وبرضه هسيبك تفكرى على فكرة ده امتحان سابق |
ويبقى يكون مؤدب ..خبر المبتدأ الثانى
وجملة كلاهما يكون مؤدب خبر المبتدأ الأول ....طبعا بخرف..احم احم اية الاجاااااااااابة |
يا نهار ابيض ........طيب اصبر عليا
|
انتى فى اولى ولا تالتة
قبل ما اجاوب |
هو انا انهاردة مفروض هذاكر فيزيا بقى مش عربى الله يخليك قول الاجابة بدل ما اضيع اليوم كله فيها وهى شكلها هايفة بس مش عارفة دماغ الواحد مقفله ليه
لاء انا فى ثالثة اصل انا مش داخلة باسمى |
مؤدب خبر للمبتدأ الثاني كلاهما والجملة الإسمية كلاهما مؤدب.. في محل ...رفع خبر للمبتدأ الأول
|
ده أخر كلام عندى ولو طلع غلط ......
هعيط |
وانا ميخلصنيش زعلك
الاجابة صحيحة مية فى المية السؤال فى امتحان 2008 او 2010على ما اظن وربنا يوفقك |
ويوفقنا جميعاااااااااااا..لو عندك اسئلة تانية اصعب ابقى حطهلنا عشان كلنا نستفيد
وده بقى سؤال هدية وجاوب اعرب المتعجب منه فى الجملتين 1- أعجبت بما تحب 2- أعجبت بما تحبه ....جاوب بقى براحتك خااااالص.........وسلام عليكم |
ده هزار ولا جد
|
هزار اية؟؟
هو ده مش قسم اللغة العربية ولا اية؟ لاء طبعا ده سؤال نحوى ,,وليه اجابة طبعا فى انتظار اجابتك |
الإجابة سهلة
الأولى مبتدأ و توكيد معنوي و خبر و وردت في أحد الكتب النحوية بس مش فاكر الاسم إنه يجوز مبتدأ و مبتدأ ثان و خبر مبتدأ ثاني أما الثانية فمفهاش جواز أبدا مبتدأ و مبتدأ ثان و خبر مبتدأ ثان و للإيضاح لو مشت الجملة من غير كلاهما يعرب توكيد معنوي وكما ذكرت يجوز مبتدأ ثان زي الأولى ولو ممشتش تبقى مبتدأ ثان فقط زي الثانية موثوق من الإجابة !!!!!!!!!!!!!!! |
معلش أنا قصدي بالترتيب على الإجابة أعلاه الجملة الأولى : الطالبان كلاهما مؤدبان
و الثانية : الطالبان كلاهما مؤدب معلش أنا شوفت اللي فوق تحت والعكس ف دي الجمل حسب الترتيب الصحيح للإجابة !! |
انا مش فاهمة من اجابتك حاجة
لكن مش مهم السؤال ده اتجاوب خلاص ممكن تجاوب بقى على السؤال التانى؟؟ |
بصراحة
حليها انتى ومستنى ردك |
ازاى بس أحلها بسرعة كده؟؟
اومال اية فلانتينو البوابة بقى وكلام جامد وكده لالالالالا مش هحلها دلوقتى خالص لازم الكل يدخل ويفكر |
استنى فترة لغاية ما اجمع
|
الاولى : فعل ماض و تاء الفاعل باء حرف جر و ما : اسم موصول مبني في محل جر اسم مجرور تحب : فعل مضارع مرفوع و الفاعل ضمير مستتر تقديره أنت وعلى فكرة ده نوع من الإيجاز بحذف المفعول وجملة صلة الموصول لا محل لها من الإعراب أما شبه الجملة (بما ) متعلق
الثانية : مثل الأولى ماعدا : تحبه : فعل مضارع مرفوع و الفاعل ضمير مستتر تقديره أنت و الهاء ضمير مبني على الضم في محل نصب مفعول به ............... و نفس إعراب الجمل !!! |
طب فين المتعجب منه
|
اقتباس:
لالالا انت ملخبط فى الاجابة...فكر ثانى وحدد بالظبط فين المتعجب منه |
| جميع الأوقات بتوقيت GMT +2. الساعة الآن 11:25 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.