|
لماذا تحجبون الحقيقة المدعمة بالمستندات وتكممون الافواه لمصلحة من ؟؟؟؟
السلام عليكم قال تعالى ( ان اريد الا الاصلاح ما استطعت ) صدق الله العظيم لماذا يتم حذف موضوعى المدعم بالاثبات والادلة على ما اقول بدلا من حذف الموضوع ارضاء للاخرين وعدم تقبل الحقيقة المرة كنت اتمنى ان تبحثو وتثبتو العكس ولكن كما قيل لى عن منتداك انه منحاذ للبعض على حساب الاخريين وليست هذه الديمقراطية التى اصبحنا نناشدها فانا لم اخطئ ولم اسب ولكنى وضعت الادلة بالمستندات الرسمية وكان من الواجب من ادارت المنتدى الحياد وطلب اثبات العكس ممكن يكذبنى بالدليل ايضا بمستندات اما سياسة تكميم الافواه والانحياذ للبعض على حساب الاخرين فقد ولى عصره ومضي عهده وانتهى وسوف اظل اطالب بحقي مهما طال الزمن بعيد عن المتخاذلين الضعفاء الذين ارتضو لانفسهم الذل والمهانة وانا عارف ان الادارة بردو هاتحذف الموضوع دا ولو كنت منصفين فعلا اطرحو الموضوع للمناقشة وليس الحذف شكرا على الانحياذ وحذف الحقيقة التى لاتريدون تصديقها |
حقيقة ايه بس يا فنان الورق اللى حضرتك جايبه كوميدى جدا وميدخلش على عيل فى تانية حضانة، حضرتك تصدقه انت حر لكن تجيبه وتفرضه عالناس وعايزهم يصدقوا غصب عنهم تبقى ..... ولا مؤاخذة، ده حتى اللى زور الورق ده معندوش ضمير ومعرفش يفبركه صح :d
الفوتوشوب مليان امكانيات بس اللى عمله مبتدئ جدااااا طب تعبت نفسك وكتبت المنشورين فى قعدة واحدة حاول تغير من نوع الخط او حتى حجمه طب اعمل محازاة نص فى واحد والتانى لا عشان تبقى مبلوعة وحد الشعارات بتاعة الازهر اعلى المنشورات عشان تكون مقنعة شوية :slap1qk6: او شوفلك كام منشور قديم عشان تعرف تزور التوقيعات كويس اللى هلكنى من الضحك ان المنشور الاول بتاريخ 22/11 والرد بتاريخ 23/11 يعنى بعده بيوم عايز تضحك عالناس ظبط تواريخك شوية ياخى لكن عامل كل الاخطاء الهبلة دى وجاى تضحك عالناس وعايزهم يصدقوك عيب عليك يا كابتن! |
يا اخى اتق الله
ما خلاص الموضوع انتهى والناس اتثبتت. وناس اخدت اجازة. وكل المعاهد بتعمل فارق الحوافز من شهر سبعة. وبعدين المنشور الاهبل الى مرفوع ملعوب فى التاريخ بتاعه.والامضاء. |
يا فنان شوف غيرها
اقولك اشتغل فنان او افتح صالون تحياتى يا برنس |
طيب اللى اتتثبت وجاله جواب التعيين يرفع لنا صوره منه
|
دا التوقيع الموجود على المنشور مش توقيع شيخ الأزهر وأنا متأكد من كده لأنى شوفته بيوقع قدامى
|
|
ربنا يسامحك خلعت قلوبنا يا خي
|
على فكرة يا جماعة انا مش متعود ارد على اي موضوع انا كنت باقرأ المواضيع بس وقليل جدا لما كنت برد
بس انا حبيت ارد النهاردة لاني متاكد مليون في الميه من الكلام اللي انا هاقوله وهو ان انا اخدت اجازة سنة بالفعل وسلمت الاجازة النهاردة للمعهد وان شاء الله هاتبدأ من يوم 24/12 وهاسافر يوم28/12 يعني لو مفيش تثبيت بجد كانوا اخترعوا اي كلام كانوا حتى قالوا فيه فترة اختبار علشان ينيمونا كالعادة بس ده محصلش وده معناه انهم صادقين المرة ديه ماهو مش معقول يعملو لنا اجازة سنة وبعد كده يقولوا معلش اصل احنا كنا نايمين الاستاذ الفاضل فنان المحلة محدش بيقول عليك كداب بس ممكن حضرتك يكون اضحك عليك باي ورق والسلام وده ان دل على شئ يدل فقط على طيبة قلبك ونقائك لانك بتصدق اي كلام ومتزعلش ياسيدي من الهجوم العنيف عليك الناس بس عايزة تفرح واحنا المصريين مش بنحب حد يجي في وسط الفرحة ويزعلنا هو ده اللي حضرتك عملته علشان كده الهجوم كان شديد شوية معلش يا استاذنا الفاضل متزعلش وتحياتي الى كل الزملاء الافاضل والسلام عليكم ورحمة الله وبركاته |
اقتباس:
حضرتك محافظه ايه ؟ |
للزميلة عطر الجنة1 انا من محافظة الغربية
|
ما الغرض من هذا التشكيك
ارجو التوضيح؟؟؟؟؟؟؟؟؟؟ |
اقتباس:
شكرالحضرتك على الرد ولكن هل استلام خطاب التثبيت شرط لعمل الاجازه |
لماذا لا تصدقون كلام فنان المحلة المدعم بالخيابة والكلام الفاضى والمستندات المضروبة
|
الغرض في نفس يعقوب
|
اخر الكلام الناس استلموا الاجازة وسافروا من شهر . انتوا بتتكلموا فى ايه؟
|
طب يا جماعة الله يكرمكم اللي اتثبتوا جالهم التعيين من أول ما اشتغلوا ولا السنين دي كلها راحت علينا وإيه مصير فلوس التأمينات والمعاشات وصندوق التكافل اللي انخصموا منا طول الفترة دي
|
السلام عليكم هذا هو حال الازهرية للاسف التخلف والجهل والتشكيك انا لم ارتكب جريمة انى اردت التنبية بما يحاك وراء الكواليس واتمنى ان اكون مخطئ لانى ببساطة زيكم وتعبان اكتر منكم وربنا يعلم باللى انا فيه كويس ومستقبلى اللى ضاع بسبب شيخ الامنصر بتاعكم كنت اتمنى ان يطرح الموضوع للنقاش بدون الهجوم الغير مبر وتكون الحجة بالحجة ولوثبت انى مخطئ كنت ساقدم اعتذار للجميع وانا في قمة السعادة لانى اتمنى مثلكم ان استقر ولكنى تعلمت من مسؤلى الازهر ان لا اثق فيهم باى حاى من الاحوال كل ما اردته ان نكون حريصين على مستقبلنا مع العلم انى اول من نسق الاضرابات بمنطقة طنطا الازهرية وهددت وكيل المنطقة بالاضراب عن الطعام داخل مكتبه في شهر رمضان وكنت على اتم استعداد لتحمل المسئولية واكون كبش الفداء لانى معلوم ومعرف في المنطقة للجميع ولن اخاف من احد الا الله ومادمت اطالب بحقي لن اخشى احد كنا نطالب بحقنا بالتثبيت في شهر مضان ونحن صيام في عز الحر وانتم نائمون تحت المروح ولن تشغلو بالكم باى شئ وفي النهاية عندما اردت طرح مستندات رسمية للمناقشة لكى نكون يد واحدة كان الجزاء االتهكم والسخرية وبانى مزور وانى من زور تلك المستندات استاذ محمد فوزى اسلوبك في الكلام يدل انك جاهل ولا تعرف اسلوب الحوار الراقي وانا اتجنب مناقشة الجهال ولكنى اقول لك بعد اتهامى بالتزوير والسخرية منى اتق الله واعلم انك معلم اجيال ولا يجب اتهام الناس بالباطل اما الاستاذ اللى بيقولى ( روح افتحلك صالون احسنلك ) اذا اردت ان تعرف من هو علاء رافت اكتب في محرك البحث جوجل اسمى وسوف تعرف من هو الفنان التشكيلى علاء رافت الى جميع الاخوة الاعضاء المحترمين الذين ردو على الموضوع باسلوب راق ومحترم سواء بالتصديق او النفي اشكركم على احترامكم وتحضركم وهذه اخلاق معلمى الاجيال واعتذر لكم جميعا عن اى اسائة من جانبي دون قصد وسوف اترك لكم المنتدى الى الابد واتمنى ان تعلمو الاعضاء كيفية احترام الاخر تحياتى لكم جميعا وبالاخص الاستاذ سعيد موسى اترككم في رعاية الله وامنه ووعد انى لن ادخل هذا المتندى الى الابد والسلام عليكم ورحمة الله وبركاته |
| جميع الأوقات بتوقيت GMT +2. الساعة الآن 10:21 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.