"الوزراء"يقرر مكافأة للعاملين الإداريين بـ"التعليم" تصرف فى يناير
 

حوافز جديدة للاداريين

وافق مجلس الوزراء على إقرار مكافأة شهرية للعاملين الإداريين بوزارة التربية والتعليم ع
 

وافق مجلس الوزراء على إقرار مكافأة شهرية للعاملين الإداريين بوزارة التربية والتعليم على مستوى المحافظات بمقدار 50 % من الراتب الأساسى تصرف من أول يناير 2012.

والله كلامك صح مفيش خوف من المعلمين اصلهم فراخ بيضاء

يعنى كده الادارى يصرف كام 25% القديمة + 90% شهر يوليه +50% الجديدة

ارجوا الى عنده معلومات يفيدنا بسرعة اما قلت وجهت نظرى

الحكومة تقرر مكأفاة شهرية للاداريين بالتربية والتعليم 50% من يناير القادم
 

بعد ان قررت الحكومة مكافاة شهرية 50% للاداريين بالتربية والتعليم من يناير القاد بذلك كم تصبح حوافزهم هل وصلت 200% ام لا

حتى الان الصورة غير واضحة ولاعزاء لنا نحن المعلمون

ان لله وان اليه راجعون فينا نحن المعلمون

يا جماعه حد يعرفنا ما مصير الترقية بعد التدريب اليوم جابوا 4 ورقات مش عارف مين يملاء البينات فيها

حاجة اخر قرف كادر اية بقى وزفت اية مع احترامى للسادة الاداريين اللى بييجوا زى البشوات الساعة 9 وبيمشوا 12

الروضة فارسكور دمياط
 

فوضى الابتزاز بالاضرابات والامتناع عن العمل ستدخلنا فى دوامة لخراب البلد ، والمفترض استقرار وانتهاء الفترة الانتقالية ثم مطالبة الحكومة الجديدة بما هو حق ، وأعتقد أنه من الصحيح أولا : الاهتمام بالحد الأدنى للأجور مع إلغاء كل أنواع الحوافز والمكافآت والبدلات ثاني : إعادة النظر عن طريق مجلس الشعب فى موضوع الحوافز والبدلات ...... الخ ثالثا ك ربط أى حافز أو مكافأة أو بدل بعمل غير عادى وبضوابط فعلية أو لظروف عمل خاصة ووقف مهزلة المسميات والابتزازات دون أداء بل مع تدنى الأداء بشكل فاضح ، حتى مثلا أن كثيرا من الأطباء لا يذهبون للعمل سوى سويعات قليلة فى الأسبوع وكثير من الموظفين لهم أعمال خارجية ومصالح يداومون عليها أكثر من وظيفتهم ... وهكذا ...للعلم أنا معلم بالمعاش وأدرى تماما الانفلات والتدنى فى الأداء لحد الفوضى أحيانا ..... ناس مظلومة فعلا وكثيرون عالة ومثبطون وانتهازيون .

لاطبعا
هذه خمسين بدلا من 83 % التى منع صرفها

حتي الخمسين في الميه ايلي لسه ما جتشي اصلا يعني ممكن علي ما يناير ياتي تتغير الحكومة تاني وما يخدوش حاجة
وجدنا الزملاء الافاضل يعترضون عليها قبل صرفها

نحن المعلمون لنا شىء آخر وهو تجريم الدروس الخصوصية (لمن يعطوها)

تفتكرو ياجماعة عندما كان يخطئ المعلم خطأ فادح كان يعاقب، فاكرين كان اية العقاب كان يتم تحويله لعمل ادارى (دعوة عامة لعمل مصيبة)

الاداريين لهم حق باقى 200%

بس الخبر بيقول ان الزيادة لجميع العاملين بالتربية والتعليم ....... مش الاداريين بس واللى اية

50% مكافأة للعاملين بالتربية والتعليم.. من أول يناير
 

مجلس الوزراء بتشكيله الجديد برئاسة الجنزوري:
50% مكافأة للعاملين بالتربية والتعليم.. من أول يناير
ترشيد 22 مليار جنيه لخفض العجز في الموازنة
حدد مجلس الوزراء في اجتماعه أمس برئاسة د. كمال الجنزوري الحد الأقصي للأجور ليكون 35 مثل الحد الأدني. وإرجاء الضريبة العقارية لمدة عام بدلا من يناير القادم واعفاء 23 ألفا و679 فلاحا من فوائد بنك التنمية والائتمان الزراعي. وقيمتها 153 مليونا و700 ألف جنيه وصرف مكافأة شهرية للإداريين والعاملين بوزارة التربية والتعليم بواقع 50% من المرتب الأساسي اعتبارا من الشهر المقبل.. وتقرر ترشيد 22 مليار جنيه لخفض عجز الموازنة وميزان المدفوعات.
ناشد مجلس الوزراء في اجتماعه أمس برئاسة الدكتور كمال الجنزوري رئيس الوزراء والمواطنين المصريين من كافة الأطياف وكافة الأعمار وكل مصري شريف اعلاء مصلحة مصر العليا ووضعها فوق كل اعتبار.
أعرب المجلس عن أسفه الشديد للأحداث التي شهدتها البلاد خلال الأيام الأخيرة والتي أدمت قلوب كافة المصريين.
صرحت بذلك فايزة أبو النجا وزيرة التخطيط والتعاون الدولي عقب اجتماع المجلس وقالت ان جميع الأمور المتعلقة بتلك الأحداث قيد التحقيق أمام النيابة.
اتخذ المجلس عددا من القرارات للتيسير علي صغار المزارعين والفلاحين وتخفيف الأعباء عن كاهلهم, وكذلك إنهاء حالات الحبس لعدد منهم التي جاءت نتيجة تعثرهم في سداد فوائد الديون لبنك التنمية والائتمان الزراعي.
فقد قرر المجلس في اجتماعه برئاسة الدكتور كمال الجنزوري رئيس الوزراء إعفاء المزارعين من سداد 153 مليونا و700 ألف جنيه تمثل قيمة الفوائد علي قروض المزارعين, حيث يستفيد من هذا القرار 23 ألفا و779 مزارعا.
صرحت بذلك فايزة أبو النجا وزيرة التخطيط والتعاون الدولي, وقالت إن مجلس الوزراء قرر أيضا إعادة جدولة مديونية المزارعين والفلاحين لبنك التنمية والائتمان الزراعي علي خمس سنوات, وكذلك العمل علي دفع الحكومة للمستحقات علي 25 مسجونا من الذين حصلوا علي قروض استثمارية من البنك وصدرت ضدهم الأحكام لتعثرهم في السداد, حيث سيتم سداد أربعة ملايين و800 ألف جنيه تمهيدا للإفراج عنهم.
كما اتخذ مجلس الوزراء قرارا بإعفاء 37 ألفا و930 فلاحا من دفع 282 مليون جنيه لبنك التنمية والائتمان الزراعي, وهو المبلغ الذي يمثل الفوائد المستحقة عليهم بنسبة 21% من إجمالي قيمة الفوائد.
قرر المجلس أيضا دعم فروق أسعار توريد القطن لتشمل مليونا ونصف المليون قنطار يصعب علي الفلاح تسويقها حتي الآن, وذلك بواقع مائة جنيه لكل قنطار قطن شعر بإجمالي 150 مليون جنيه.
قرر المجلس إرجاء العمل بالقانون رقم 196 لسنة 2008 الخاص بالضريبة العقارية لمدة عام ابتداء من يناير القادم الموعد الذي كان محددا لبدء تطبيق القانون.
قالت فايزة أبو النجا إن الهدف من الارجاء هو اتمام الدراسات الخاصة بهذا القانون. والنظر في حد الاعفاء. واعفاء المسكن الخاص واعداد القانون في صورته الجديدة تمهيدا لعرضه علي البرلمان المقبل لإجراء التعديلات عليه.
كما قرر المجلس ارجاء العمل بقانون التأمينات الاجتماعية والمعاشات حتي أول يوليو 2013 بما يسمح بمراجعة بعض بنوده واعداد لائحته التنفيذية.
قرر مجلس الوزراء اتخاذ عدد من الاجراءات الجديدة بتحفيز الاستثمار من خلال تعديل القانون رقم 8 لسنة 1997 بما يتيح اجراء التسوية للمشكلات التي تواجه عددا من الاستثمارات والمستثمرين العرب والاجانب في مصر.
صرحت فايزة أبو النجا بأن هذا القرار يعطي رسالة ايجابية للمستثمرين بأن الدولة تحترم تعاقداتها وفي نفس الوقت تسترد حقوقها خاصة فيما يتعلق بفروق أسعار الاراضي التي منحت للمشروعات بأقل من أسعارها الحقيقية.
قالت ان هذا القرار يجنب مصر لجوء المستثمرين للتحكيم الدولي لفض المنازعات في بعض المشروعات.
أضافت أبو النجا ان اللجنة الوزارية التي شكلتها الحكومة السابقة لبحث المشكلات الاستثمارية وتسوية المنازعات بشأنها بحثت 17 حالة منازعة وتم التوصل الي شبه اتفاق مع 7 حالات ولم يتبق أمامها سوي 3 حالات بعد الانتهاء من 10حالات كاملة.
وافق المجلس علي مشروع قانون يجيز لوزير المالية اضافة مادة جديدة علي قانون المبيعات تسمح بوضع علامة علي سلع معينة لابد أن يورد المنتج ضريبة عليها.
هذه الضريبة لا تحمل أية أعباء جديدة علي المستهلك. ولكنها تمنع التهرب الضريبي وتزيد من العوائد السيادية للدولة.:022yb4::022yb4::022yb4:

50% لجميع العاملين بالتربية والتعليم من يناير 2012
 

هل المعلمين لهم الحق في ال50 % .. وشكرا

خطوة شجاعة وجريئة فى وقت عصيب اللهم وفق اللهم انصر هذا الرجل ووفقه لما فيه صلاح البلاد والعباداللهم جنبه شياطين الانس والجن وجنب بلدنا ماهى مقبلة عليه من مصير مجهول واهدى كل عاصى يا ارحم الراحمين

ايه يا جماعة انتم مستكترين 50% على الاداريين ليه ده اجمالى الحافز اللى هيصرفوه بعد الزياده دى لو جت هتكون 165% مش 200% مع العلم ان تم اقرار الحافز 200% لجميع العاملين فى الدولة وبعدين مهم بيشاركو فى اعمال الامتحانات زى المدرسين فى التنظيم والمراقبة لاكن شوفو حافز المدرسين كام ده بيعدى 200% غير مكافأة الامتحانات وبعدين مع احترامى للسادة المدرسين لاكن فين المدرس اللى بيروح المدرسة كل يوم ولا بيفضل فى مقر عمله من الساعة 7,30 صباحا لحد الساعة 2 بعد الظهر إذا كان مبيروحوش فى الاجازات سواء اجازة نصف العام او اجازة اخر العام (الصيف يعنى) لاكن الادارى اللى بيقولو عليه مش مدلع كده زى المدرس وبعدين كمان لو جينا نتكلم عن الشهادات مهو فيه ادارى معاه بكالوريوس بردو وحتى لو معاه دبلوم او معهد طب مهو بيترقى فى السلم الوظيفى زيه زى اى حد دا احنا لو جينا نبص على هيكل الاجور بنلاقى المدرس اللى لسه متعين بيحصل على دخل اكبر من الادارى اللى بقالو سنين فى الوظيفة وبعدين ما انتم المدرسين اللى بتاخدو بردو دخل الادارى تحت عباءة الدروس الخصوصيه ولا انا غلطانه
على فكرة انا لست مدرسة ولا ادارية ولا امت لوزارة التعليم بصله بس الردود استفزتنى

شكلى اتسرعتولم اقرا الموضوع كاملا وفهمت ان جميع العاملين تشمل المدرسين اللهم لا حول ولا قوة الا بالله والله المستعان يارب شويةعدل كدة مش فارقة اخصائى ام مدرس بطباشيرة كلنا محلك سر

مجلس الوزراء بتشكيله الجديد برئاسة الجنزوري: 50% مكافأة للعاملين بالتربية والتعليم..
 

مجلس الوزراء بتشكيله الجديد برئاسة الجنزوري:
50% مكافأة للعاملين بالتربية والتعليم.. من أول يناير
ترشيد 22 مليار جنيه لخفض العجز في الموازنة
حدد مجلس الوزراء في اجتماعه أمس برئاسة د. كمال الجنزوري الحد الأقصي للأجور ليكون 35 مثل الحد الأدني. وإرجاء الضريبة العقارية لمدة عام بدلا من يناير القادم واعفاء 23 ألفا و679 فلاحا من فوائد بنك التنمية والائتمان الزراعي. وقيمتها 153 مليونا و700 ألف جنيه وصرف مكافأة شهرية للإداريين والعاملين بوزارة التربية والتعليم بواقع 50% من المرتب الأساسي اعتبارا من الشهر المقبل.. وتقرر ترشيد 22 مليار جنيه لخفض عجز الموازنة وميزان المدفوعات.
ناشد مجلس الوزراء في اجتماعه أمس برئاسة الدكتور كمال الجنزوري رئيس الوزراء والمواطنين المصريين من كافة الأطياف وكافة الأعمار وكل مصري شريف اعلاء مصلحة مصر العليا ووضعها فوق كل اعتبار.

هل معنى جميع العاملين بالتربية والتعليم ( كل من يعمل بالتربية والتعليم من ادارى وعامل ومعلم وغيره) ؟
او هناك معنى اخر لهذا المفهوم

جميع العاملين بالتربية والتعليم يعنى كل من يعمل بالتربية والتعليم

لا أظن أن المعلمين لهم نصيب فيها
جزاكم الله خيراً على الخبر

لم تتضح بعد
الله المستعان

الصابرين بخير
جزيل الشكر على نقل الخبر

لا داعى للاستعجال
فلم تتضح الحقائق بعد

مشكوووووووووووور على الخبر

الحمد لله رب العالمين

الخمسين فى المائة لجميع العاملين بالتربية والتعليم وعليك أخى الكريم صياغة الخبر كما هو ولا تقطع منه جزء وشكرا

الإداريين فسروها على أدهم فقط أصلهم هما أصل العملية التعليمية ههههههه

ياجماعة التربية والتعليم تعتمد فقط على الإداريين وهما يستاهلو 600 فى المائة ههههه

ألف مبروك للإداريين

ألف مبروك للإدارين

اخى الحبيب اتمنى من يقوم بالتعليق على اى خبر التاكد من المعلومة قبل اعلانة فيا اخى الكريم مجموع كل الحوافز التى نحصل عليها هى حوالى 110% فقط وتم استبعاد قيمةالمكافأة حوالى83%من ال200% دون باقى العاملين بالدولة وحتى المحافظات التى وافق فيها عدد من المحافظين على صرف الحوافز لنا كاملة200% تم سحب هذا القرار وسيتم خطم هذه المبالغ ممن صرفها من المكافأة ولك وافر تحياتى

ردا علي المدرسين الحاقدين علي الاداريين
 

بسم الله الرحمن الرحيم
الاخوة المدرسين المحترمين لماذا كل هذا الهجوم علي الاداريين
البعض يقول ان الاداريين يحصلون علي اكثر من 200% والله العظيم انا في الازهر والحوافز 100%
يعنى اقل من التربية والتعليم ب17% ومتكلمناش
والبعض يقول علي المكافاة الشهرية المقدرة ب50% من شهر يناير القادم انها بدل قعدة
بذمتك انت تعرف تقوم بعمل الاداري ومسؤلية الاداري دا الكرسي اللي بتقعد عليه سيادتك عهدة الادارى يعنى لو اتكسر يتحاسب الاداري مصاريف الطلبة لو نقص مليم يتحاسب الاداري مرتب سيادتك ومالياتك كلها لو نقص مليم يتحاسب الاداري لو نقص كتاب للطالب او ورق الامتحانات يتحاسب الاداري لو سيادتك مكسل وعامل مرضي ولو عايز اجازة وقصر الاداري يتحاسب وكل ما في المدرسة او المعهد الازهري عهدة الاداري ويبقي مكفي علي الملفات وغياب الطلاب وعمل كارنيهات وملفات الموظفين ومرتبات وتوريدات وان سيادتك بتدخل الحصة ........ واخر السنة تلاقي ثلاث ارباع الطلبة واخدين دور تان في مادتك لكن لو فيه حساب زي الاداري ما بيتحاسب مكانش وصلنا لهذا الحال
واخيرا
من المفترض ان كل مدرس يقوم بعمل الكاتب
ليه
علشان لما يبقي مسؤل بمدرسة ميجيش واحد زى حالتنا يغطى عليه
الاداري اللي السادة المدرسين محقرينه دا عقل المدرسة الرئيسى
بدونه الكل لايص
واتحدى مدرس ان يعرف يكتب الاجازة العارضة.........................
الرحمة........ ارحموا من في الارض يرحمكم من في السماء...........

للاداريين فقط؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الأخوة الاداريين

نحن نتمنى لكم زيادة فى المرتبات

وان شاء الله مرتباتنا هتزيد فى يناير واما نشوف هيعملوا ايه لنا

ادعوا لنا انتم
وبعدين الاداريين يستحقوا كل حاجة

يا جماعة اهم حاجة ان الموظفين كلهم يتساو فى المرتبات

لنا الله نحن المعلمون والاخصائيون

شكرا لسيادتكم
استأذن سياتك انا محتاج لصورة من القرار الوزارى ورقمه ضرورى جدا

شكرا لسيادتكم
ارجو من سيادتكم صورة من القرار الوزارى ورقمه لنسبة 50 % للعاملين والاداريين بالتربية والتعليم
وفقكم الله