|
الادارة ضعيفة والقسم فاشل
بسم الله الرحمن الرحيم http://img150.imageshack.us/img150/6110/aaaft5.png أفضل مكان للتعبير عن رأيك داخل الحمام بهذه العبارة أبدا حديثى وبخاصة عن القسم الاكثر سخافة (اقتراحات وحلول) هذا القسم ما هو الا عبارة عن ما يسمه بمتنفس الحرية فى دولة ديكتاتورية شانه شأن جرائد المعارضة دليل على الحرية لكنه فى نفس الوقت خدعة من تستطير الديكتاتورية القسم اسمه مقترحات وحلول ولكنه فى نفس الوقت مقترحات بدون حلول تجد الكثير من المواضيع والمشكل والاقتراحات وتجد القليل من الحلول تجد الجميع يدخل ويرحب بالفكرة وتجد ان الادارة فى نفس الوقت عاجزة عن تنفيذ اى مقترح سقط القناع عن هذه الإدارة أثبتت فشلها التام وعجزها عن أتخاذ اى قرار الا بكلمة واحده وهى (موافقة) وبعدها ينقل الموضوع الى الصفحات التالية وينسه وتنسى المقترحات حتى مدير المنتدى السيد الفاضل / عصام وقف عاجزا عن اتخاذ اى قرار مع انه مدير للمنتدى بالاسم تمت العديد والعديد من المناقشات اليوم داخل القسم وفى النهاية خلصنا الى نتيجة وحده ان الإدارة عاجزة عن اتخاذ اى موقف دون الرجوع الى الاستاذ اشرف اقتراحات وحلول إسم سخيف لقسم غاية فى السخافة اليس من المناسب وقد قام السيد أشرف بدخول المنتدى اكثر من مرة المرور بهذا القسم للاطلاع على المشاكل والاقتراحات لكنه للاسف مر على المنتدى مرور الكرام شأنه شأن الموظف الذى يمضى الحضور ويثبت حاله ثم يهم بالانصراف http://img397.imageshack.us/img397/1853/dddddvg7.png وبقيت المقترحات والمشاكل والحلول كما هى فى انتظار التنفيذ هذا اذا ما تم التنفيذ لذلك اتقدم باقتراح بسيط هو دمج قسم اقتراحات ومشاكل مع قسم جرس الفسحة ويكفينا ضحك على عقولنا وشكرا |
عندك حق هيا شكلها مش هتيجي لبر غير لما ننفذ الخطة ونعمل فضيحة واختها جلاجل بص هو فيه نتجتين يااما الموقف ده هيتحل ويبقي كله تمام يااما المنتدي ده هيتحل ويتباع خردا واي حاجة قديمه للبيع :d |
اقتباس:
لا إن شاء الله الموقف هيتحل حقنن للدماء الصلاحيات للادارة و المقترحات اللى اتوافق عليها تتنفذ وكفاية بئا فرقعه على الفاضى |
طب اشمعنه موضوعي يعني اللي محطوط في الموضوع :d دعايه مثلا:d |
اقتباس:
لا مش دعايةولا حاجة دى اول صفحة بس فى القسم شوفى فيه كام اقتراح وكام طلب ايه اللى اتنفذ من الطلبات دى غير المقترح ده الوحيد الذى تم تنفيذه والباقى قيد الترحيل http://img291.imageshack.us/img291/8...aaaaaaadh7.png ولو عرفتى السبب هيبطل العجب |
بصو يا جماعة انا قلتن اقتراح قبل كده فى مشكلة مشابهة و هو ان لازم الكل يشترك فى ادارة المنتدى
بمعنى اى عضو عايز حاجة معينة فى قسم معين هيبعتها للمشرف و هيبقى فى اجنماع مشرفين اداريين و مشرفين يتناقشو فيه الحاجات دى و بعدين المشرفين الاداريين مع الادارة و كل ده ع الياهو يعنى فى ميعاد محدد انما كده احنا بنتكلم و بس |
مشكله الاستاذ اشرف انه مبيثقش في حد ومن غير سبب مقنع محدش هيسرقه يعني وحتي مبيحاولش يدافع عن نفسه وبرضه من غير سبب مقنع:d |
يا حبى احنا هنا بنتكلم و خلاص
انا وصلت لدرجه انى بقيت بقول رأيى و خلاص و مش منتظر الرد و الله بقول الكلمه و مش بزعل لو حد مردش عليا او اهتم بكلامى لان هوا ده بقى الطبيعى هنا كذا موضوع بقول رأيى فيه و محدش بيوافق او بيرفض حتى كانى مكتبتش حاجه عادى يعنى انا اتعودت على كده بقيت برد على الاقتراحات عشان احس ان انا موجود مش اكتر:d |
اقتباس:
اقتباس:
بقولك مدير المنتدى الاستاذ عصام مش عارف ياخد قرار منفرد يبئا المشرف الغلبان هو اللى هياخد قرار :D اقتباس:
ايه الدماغ الجامدة دى اقتباس:
بزمتك كلامك ده مش يعقد وانا فعلا عندى حق لما اقول ان الادارة ملهاش الحق انها تاخد قرار الا بعد ما اشرف يوافق عليه وان قسم اقتراحات ده قسم غبى وسخيف وملوش اى لزمة غير انه زينه على الفاضى |
بصو يا جماعه
انا فى ردى الاول مش قصدى منه ان الواحد المفروض يستسلم و يبدأ يتعايش مع الوضع الحالى انا قصدت فى ردى ان مهما رأيى قوبل بالموافقه او الرفض او التجاهل لازم اعبر عنه و يبقى ليا كلمتى و رأيى بس ده مش معناه ان انا مع التجاهل ده بالعكس انا ونا بقول رأيى فى اقتراح ببقى متأكد بنسبه كبيره ان الاداره هتتجاهله بس بقوله برده يمكن يعجب الاعضاء و يحصل اجماع عليه و يمكن يعنى حد ينظر فيه شويه من الاداره لكن احنا مش هنقعد نقترح و نقول اراء و الاداره مش عارف ياريت اقول غير مقتنعه بالاقتراحات و الاراء بالعكس تتبع نظام التثبيت اى التسجيد موافقه طبعا بدون نقاش و فى الاخر مفيش تنفيذ و ده للاسف ممكن يخلى الناس بعد كده متهتمش باى اقتراحات تتقال و يمكن ميبقاش بعد كده فى اقتراحات اصلا يارب تكون وجهة نظرى وصلت:) |
مهو ده نفس النظام اللى احنا ماشين عليه يا ايمن مبدا يمكن حد يبص على الموضوع تدخل تحط موضوع تمام او اقتراح مفيش بعد كده وتلقى الكل داخل ايه الجمال ده ايه ايه الافكار دى ياسلام عليك يابنى وعلى دماغك وفى الاخر الاقتراح ياخد دورة حياته الطبيعية ويتنقل صفحة 6 |
اقتباس:
طب انت عايز تغير دورة حياته الطبيعية يا اسلام :confused: ده انت غريب اوي :D |
اقتباس:
اقتباس:
نفسى نكسر القاعدة الكلام امبارح كان جميل اوى والنقاش كان اجمل لكن كان ناقصنا التنفيذ المدير دخل اكثر من مرة مهنش عليه يرد على اى من المواضيع الموجوده والادارة اثبتت انها عاجزة ان اخذ اى قرار بدون موافقة المدير ودورها بيتمثل فى كلمة (موافقة) حتى الاستاذ عصام اتضح ان صلاحياته متخلهوش ياخد قرار بدون الرجوع ليه |
بص انا أصلا معترض ان يكون فيه مديرين للموقع
المركب اللي فيها ريسين تغرق او تتقسم نصين .. ده مايمنعش ان فيه بحارة .. قصدي إداريين هو اهم حاجة مدير الموقع ايا كان يهتم بيه ولما يشاور الأعضاء في قرار وتوافق الأغلبية ويبقى في صالح المنتدى ينفذه |
اقتباس:
اقتباس:
مش معاك لان كده انتا بتقتل مبدأ الديمقراطية فى الاختيار والتعامل اهم صفة من صفات المدير انه يكون قيادى فى اسلوبة وتعامله دبلوماسى فى قرارته وفى نفس الوقت تكون قرارته ملزمة لكن اللى بشوفه هنا ان فى قرارت مش بتتنفذ قسم مليان اقتراحات وحلول ومناقشات فين التنفيذ لكل الكلام ده ؟ الله يرحم مجلس الشعب الخاص بالمنتدى كلام كلام كلام |
ههههههههههههههههه
اسلام احنا هنطرد علي ايدك خف شويه والنبي |
اقتباس:
اقتباس:
انا بعبر عن رأى بدون ما اجرح فى حد انا بقول كلام واقعى بكل صراحة ومش بفترى على حد ولو فيه كلمة وحده غلط من الكلام ده اطردونى |
بسم الله الرحمن الرحيم السلام عليكم ورحمه الله وبركاته أولاً معاليك عضو قديم هنه فى المنتدى ومريت بالإشراف وكنت مشرف إدارى وعلى ما أعتقد إن حضرتك عارف إن مكان الموضوع ده إقتراحات ومشاكل ثانياً إنتا ليه فى معظم مواضيعك محسسنى إننا شغالين عندك هتضغط على الزورار هنفذ المقترح ثالثاً ليه معظم مواضيعك دائماً بتسعى فيها لإثبات فشل الإداره يابنى فيه حاجه إسمها الصبر والعقل إصبر على رزقك وإتصرف بعقلك بدل ما هنقعد هنه فى الموضوع نتكلم ونشد مع بعض وكل واحد له رأيه كنا مرينا على مواضيع المنتدى شوفنا إيه مكرر إيه كويس إيه وحش عملنا حاجه مفيده ونخلى النقد ده بعدين هو أنا عشان إدارى وإنت عضو كده يبقى أنا المسؤل وإنت ملكش دعوه ولا أنا الحكومه الجباره بقه وإنت المواطن الغلبان على العموم يا جماعه ياريت الصبر وتستهدو بالله وتسبكو بقه من روح الثورجيه اللى وخداكو دى عندكو موضوع متثبت أشرف طالب فيه ناس مصممين ومدرسين وكلام جميل خالص مقابل المال حد فكر يشوف حد حد قال أنا ممكن أنفذ ولا إنتو بتنسو الخير وتدورو على الشر على العموم أنا مش رادد فى الموضوع ده تانى لأنه أقل من إنى أرد عليه مرتين سلام عليكم |
اقتباس:
سبحان الله ربنا بيحبني اخيرا حد قال اني مش انفع يا اخي الموضوع بتاعي كان مفتوح ليه انت مش دخلت وقولت لاء مش هينفع ليه ؟؟؟ وبعدين ايه موضوع لو عرفتي السبب بطل العجب يعني ايه انا دفعت فلوس يعني ههه ولا ايه قصدق لو اني بقيت مشرف دي مزعلاك اوي كده ليه انت مدخلتش من الاول قولت لاء اخي لو انت عايز تصلح أبدأ بنفسك ومش تقعد تقول اداره فاشله يعني كل الناس دب غلط وانت اللي صح ياعمي احنا هنا كلنا بنكمل بعض سلبياتنا كلنا بتتجمع مع بعض بتوصلنا لفشل ايجابياتنا كلها بتتجمع مع بعض بتوصلنا لنجاح مش كل حاجه أداره ادراه راجع نفسك وأبدأ بنفسك ده لو عايز تصلح جزاكم الله كل الخير وانا موجود في اي وقت والسلام عليكم ورحمة الله وبركاته |
اقتباس:
وعليكم السلام ورحمة الله وبركاته نورت المحكمه يا كبير:D |
يا شباب عايزين نتناقش فى هدوء
ووجهة الرأى تكون بطريقة غير جارحة لتجنب المشاكل وراجع تانى للتعليق على المحتوى |
أرجو المرور على القسم من الاعضاء
وياريت تشوف هل كل المقترحات الموجوده قابلة للتنفيذ؟ |
هههههههههههه
افضل طريقه لاسعاد الناس أن تتركهم في حالهم :d الكلام حيجيب صداع وانا مش ناقص :) |
اقتباس:
من الاخر انا نفسي في حاجة واحدة بس الحل الي انا شايفو لحسم المشكلات دي كلها وعلشان بجد انا بدأت ازهق زي ما زهقت زمان ..... عبقرينو يبقى بينا وبينو حوار مفتوح نحط فيه النقط على الحروف وهو يرد على كل الكلام ده يعني البرنامج بتاعو المفروض هو الي يتسأل الاول مش يقعد يسأل ... علشان لو هو مش فاضي يكمل الصلاحيات بتاعة استاذ عصام وهما الاتنين يكملو بعض علشان السفينة لما تكتر في الخروق الركاب في الاول بيقعدو يسدو في الخروق دي وهيقعدو يسدو فيها لحد ما يزهقو ويلاقو ان مفيش امل خصوصا لو كان القبطان قاعد في الكبينة بتاعتو مش بيكلم حد حتى طاقم السفينة كل الي بيعملوه يهدو في الركاب ويطمنوهم .... |
اقتباس:
عليكم السلام :) اقتباس:
الموضوع نقاشى بالدرجة الاولى اقتباس:
بالعكس انتا يمكن اكفاء مشرف على القسم ده فى الوقت الحالى وحتى اشعار اخر |
مهلا وانتظر الاستاذ عصام فى القريب العاجل
|
اقتباس:
اقتباس:
سلامتك :) اقتباس:
فهمك والله يامحمود وده اللى انا قصده الصلاحيات كاملة مع الاستاذ عصام وبكده يقدر يكمل الاستاذ اشرف فى حال عدم وجوده مش كل اقتراح او مشكلة القى الرد التقليدى موافقة وفى انتظار الاستاذ اشرف اقتباس:
منتظر حضرتك يا استاذى الفاضل |
انا اقسمت لك يا استاذ عصام وليك يا سادات ان اشرف لن يعطيك اي صلاحيات لأني اعرفه جيدا زي ما قلتلكم عشرة عمر في المنتدى
وعلفكرة يا جماعة انا اقدم عضو هنا في المنتدى الى الآن يعني العضو الوحيد اللي ما زال مستمر اشرف يستغل الادارة لاغراض شخصية يعني استغل انه صاحب الموقع وبدأ يعمل اعلانات علشان يكسب وبيحاول يستغله بشتى الطرق لن اتطرق الى مواضيع جانبيه ولكن أقولها الآن لكل الادارة لاحالية الكفأ منهم والغير كفأ دعو الادارة وشانها وأقول لكم لا تندمن على غدر الزمان فلطالما ... رقصت على جسس الأسود كلاب لا تحسبن برقصها تعلوا اسيادها ... تبقى الاسود أسود والكلاب كلاب فتعالوا لكي نكون اسود ونظل اسودا حتى لو متنا ودعو الكلاب فمها رقصت على جثثنا لن تكون ابدا اسود ولكن ان لن اقبل ان أكون حتى اسد ميت سأحاول سواء كنت عضو في الادارة أم لا وانا لا اريد الادارة اساسا ولا الاشراف ولا اي تكليف انا اقدر اجمع الاعضاء بمحبتي ليهم دون انتظار الادارة سنعمل في صمت اتمنى ان تكون رسالتي وصلت |
بقولك ايه يا سولومون ما ايه رايك نجيب من الاخر :d انا وانتا عارفين ان الموضوع ملوش نتيجه مهما الناس اتكلمت ماتقول انتا عاوز ايه او ايه طلباتك عالطول بدل يعني اللف والدوران :d اهو علي الاقل لما عبقرينو يصدرلك الطرشه يبقي عداك العيب وازح :d |
اقتباس:
اقتباس:
وصلت يا بشمهندس :) بالمناسبة انا قولت نفس الكلام ده للاستاذ عاصم والسادات محدش صدقنى |
اقتباس:
ولو عداك العيب يبقي استني العيب الي بعده:D |
خلاص خلصت
خالص ونهائيا على أخر الزمن ......... ........................ |
اقتباس:
اهلا بك في صفوف الاعضاء من جديد وانا اطلب ازالتي من الاشراف سأعود الى صفوف الاعضاء اريد ان اكون عضوا فقط وانت استاذ عصام ستكون معي والدعوة مفتوحة سأقوم بعمل موضوع اسمه استقالة جماعية من الاشراف وليس من العضوية من يرغب يتفضل بالتضامن معنا |
من وأنا في أولى ثانوي ورأيي في الإدارة زي ما هو
بدام مفيش صلاحيات كاملة للإدارة الجديدة طبعًا |
اقتباس:
ربنا هدى النفوس وياريت ننهة هذا الموضوع تم والحمد تغير الالقاب لجميع الاعضاء وانتظر من الاخ يورى الرد على الرسالة وبها كل التفاصيل الرسالة اتتك على البريد الاليكترونى ياريت فى اسرع وقت ممكن |
| جميع الأوقات بتوقيت GMT +2. الساعة الآن 05:40 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.