تفسير النشرة الخاص بضم السنوات السابقة للمعلمين الجدد
 

لورجعنا لقانون 39 لسنة 1981 والموجود علي موقع الوزارة نلاحظ

في جدول الاجور الأتي

المعلم المساعد علي الدرجة الثالثة " وتكون لمدة سنتين قابلين لسنة إضافية من وزير التربية والتعليم "
المعلم علي الدرجة الثالثة " ويجب أن يبقي بها 5 سنوات فقط للانتقال الي الدرجة الثانية ودرجة معلم أول .



وبالتالي فإن الفتره بين الدرجة الثانية والثالثة تصبح 8 سنوات " من هنا جاءت النشرة بأن السنتين واجبتين "

لذلك احنا بكده نبدأ نعد 5 سنين فقط للمطالبه بالدرجة الثانية ؟؟؟؟؟؟؟؟؟؟؟؟؟؟؟؟؟؟؟؟



يبأ المفروض نطالب بضم سنوات العقد قبل معلم مساعد


بمعني إنهم يحسبوا ال 8 سنين من تاريخ أول عقد وبكده أعتقد متكنش مخالفه لمبدأ إن السنتين وجوبيتين ؟؟؟؟؟؟؟؟؟

المفروض نسعي لتوصيل هذا المطلب وإلا حقنا هيضيع

هو فى نشرة جت للادارة بضم الخدمة ولا ايه ؟

[quote=اميمة طه;4187603]هو فى نشرة جت للادارة بضم الخدمة ولا ايه ؟[/quote


اقصد النشرة ال جت وبناء عليها تم وقف الضم

كانت مضمونه إن سنوات العمل كمعلم مساعد سنوات واجبة

وبالتالي اقصد أكد صحتها وإن المفروض نسعي لضم السنوات العقد العادي قبل العمل كمعلم مساعد

فى دمياط الضم لسنة الخدمة العامة فقط او الجيش

والله احنا بنحاول هنا في اسكندريه نوصل للوزير ولو ما نفعش هنروح للمديريه للتجمع والمطالبه بحقنا

نطالب بضم جميع سنوات العقد العادى والمميز

ازاي نضيف السنوات اللي فاتت واحنا مش متاكدين اذا كنا على درجة دائمة ام لا !!
 

انا مش عارف اذا كنت على درجة دائمة ولا ايه !

هل يمكن كتابة نص النشرة ؟حضرتك من محافظة ايه ؟وادارة ايه ؟

سنوات العقد المميز هي مضمومة بالفعل لان المفروض يمر 8 سنوات للحصول علي الدرجة الثانية

وقانون الكادر حدد 5 سنوات علي درجة معلم ثم معلم اول " الدرجة الثانية " وبالتالي بعتبروا معلم مساعد درجة

معلم مساعد + معلم = 8 سنوات
معلم مساعد + معلم = الدرجة الثالثة
أما معلم أول = الدرجة الثانية
معلم أول أ = الدرجة الأولي
وهكذا

وصلت ولا لسه

فالمفروض يحسبوا 8 سنين دول من تاريخ أول عقد

عشان محدش يتظلم
لأن فيه ناس اتعقدة وامتحنت كادر
حصلت الي متاعقد من زمان

يسيدي ما النشرة ناس كتير رفعوها علي المنتدي

وهي الي الوزارة بترد فيها علي المديرات بإنه لايجوز ضم فترة العمل كمعلم مساعد لأنهم سنوات واجبة

أشكر الزميلة أ/ زينب عبد الرحمن علي هذا الفهم الدقيق للقوانين التي تهم المعلمين الجدد
وأنا متفق معها تماما ـ وكما ذكرت سابقا ـ في أحقية ضم جميع سنوات العمل السابقة لتعاقد المعلم المساعد ـ مثل سنوات العمل بالحصة وغيرها من تعاقدات عادية واعتبار سنتي المعلم المساعد واجبتين للوصول إلي معلم

اشكرك

لكن ارجو ان تصل هذه الصوره للوزير

" ببساطة يحسبوا الـ 8 سنين من تاريخ أول عقد " للإنتقال للدرجة الثانية ..........
وتباء خلصت

ولا وجوبيتين ولا غيره ومحصلش ظلم لأحد

لاكن المشكله في ضيق عقل الموظف المصري

ارجو ان نتوحد حول هذا الهدف

ياريت فعلا انا اشتغلت 10 سنوات عقد متواصل وبعدين اتثبت من سنتين نفسى اضم كل السنين دى ولا تعتبر ضاعت من عمرى كدا
حرام والله

ياريت وزارة التربية والتعليم تنظر لهذا الموضوع
حرام

يا ريت الكلام ده يحصل فعلا

انا اشتغلت 7 سنين بالحصة و3 بالعقد يعنى 10 سنين

اتمنى انهم يحسبوا المدة كلها لان ده هيفرق جدااااااااااااااااا

يعنى مش معقول يضيعوا علينا السنين دى كلها

مش معقول ان الكل يتساوى رغم وجود فرق فى سنة التخرج

dh vf

kjlنى
نتمنى منكم كتابة تفاصيل ما حدث

المظلومين
 

دلوقتى احنا تعاقد من عام 2006 وتثبيت 7/2011 ومعملناش عقد معلم مساعد ارجوكم افيدونا نحن لانعامل حتى زى الادارى ولا العمال ماذا نفعل نفسى صوتنا يوصل للوزارة

ذي ما قلت اقبل كده المفروض يتم حساب الفترة الزمنية بين الدرجة الثالثة والثانية من تاريخ أول عقد .

لأن احنا بدءنا بعقود عاديه ، وبنتساوي بالناس ال بدءت عقد مميز وإتثبتت ، وبالتالي بتروح سنوات العقد العادي أو الحصة ......الخ


لاكن كنت النهارده في المديرية " الدقهلية " وسألت في التسويات ، بأن لو مفيش إجراءات هم بيتخذوها نتجه للقضاء ؟؟؟؟؟؟؟

فالموظف رد علي بصراحه ، إنهم بعتوا للوزارة وبيوضحولهم إن فيه ثلاث حالات تستحق الضم
وهم مستنين الرد ؟

وإنهم بعتوا اليوم لإستعجال الرد ؟

وبالتالي نصح بأن ننتظر 15 يوما ً وبعده ممكن نفكر في القضاء

احنا مجموعه فى الاداره عندنا فى االجمرك الاسكندريه هنرفع قضيه نطالب بضم المدة

ياريت يضموا سنوات التعاقد لأنه حقنا

يا جماعه كلنا متفقون على ضم الخدمه لان ده حقنا دلوقتى لازم ننظم نفسنا ونشوف هنعمل ايه عشان نجيب حقنا مثلا كل الناس اللى فى اداره واحده تتجمع بعد كده كل الادارات فى محافظه واحده تتجمع ونعمل بقى خطوه لقدام

نتمنى التثبيت بعدد السنوات التي تم العمل فيها

بس المشكله ان شغل الحصه ده ملوش اى عقود فى ايدينا تثبت عملنا طوال هذه السنوات غير الحسابات هى اللى تقدر تثبت اننا اشتغلنا بموجب استمارات الصرف لانهم للاسف مكنوش بيدونا فى ايدينا اى عقود تثيت الشغل ايامها

يا شباب لازم نطالب بضم سنوات العمل بالحصة والتعاقد ونصر على المطالبة بها لأنه حقنا ميبقاش كلام على الفاضى :
1- فى اطار المدينة اللى انت فيها جمع توقيعات كل الناس اللى عملوا بنظام الحصة ثم التعاقد ثم اجتازوا اختبار الكادر وتم تثبيتهم بأى قرار
2- كل واحد فينا يحضر إفادة من المدرسة اللى عمل فيها بأى نظام بسنوات العمل ( سواء من المدرسة أو من الإدارة التعليمية )
3- مطالبة نقابة المعلمين بالمطالبة بتلك الحقوق بقوة وإلا فسيكونون غير جديرين بثقتنا فيهم
4- الذهاب لمحامى متخصص قى القضايا الإدارية
5- سرعة عمل الخطوات السابقة وعدم التكاسل وسرعة الرد وشكرا