|
اعتصام جميع المعلمين الغير مثبتين علي مستوي الجمهورية . نبدأ بالدقهلية..ارجو التثبيت
السلام عليكم ورحمة الله وبركاته بداية .. شكرا لكل واحد دخل الصفحة وشكرا لاهتمامكم بالموضوع طبعا مش محتاجين كلام كتير لكن خلاصة الموضوع لحد امتي هنفضل شغالين في الاحلام وبس ولامتي هنفضل ناخد 134 جنيه و105 جنيه بالذمة فيه خريج جامعة يقبض كده لازم نطلب حقنا صفوت النحاس " التنظيم والادارة " نفسه قال .. أنا مش متخيل موظف حكومي وغير مثبت يعني الناس عارفة ان لينا حق في طلبنا بالتثبيت المطلوب كل معلمي الحصة علي مستوي الجمهورية تعمل اعتصام مفتوح بداية من يوم 1 فبراير القادم علي اساس ان الكل هيكون خلص امتحانات وفي اجازة كل مجموعة في محافظتها هتقف قدام المحافظة لان قرار التثبيت من المحافظ مش وكيل الوزارة وهنطلب التثبيت كلنا مع بعض ولا تنازل انا من الدقهلية وباذن الله كل معلمي الدقهلية اللي بالحصة والعقد العادي هيكونوا معايا يوم 1 فبراير الساعة 9 بالضبط امام المحافظة ومفيش حد هيتأخر الهمة يارجالة .. صوتنا لما يكون مع بعض الكل هيسمعه وهيعمله الف حساب معادنا 1 فبراير 2012 وبالمناسبة انا هتصل ببرنامج معتز الدمرداش " مصر الجديدة " .. وبرنامج مني الشاذلي " العاشرة مساءا " وهعرفهم معاد الاعتصام عشان يذاع علي الفضائيات وصوتنا يوصل !! مفيش تأخير الثبيت حقنا |
بس الليشغال لسة بالعقد المؤقت نظام 130 جنيه يروح برضه الاعتصام ولا لازم يعديسنة عليالعقد المؤقت عشان التثبيت
|
الكل ان شاء الله يشارك ولا ضاع حق وراءه مطالب
|
الله المستعان لا بديل عن التثبيت
|
المعياد يوم 22 يناير فى القليوبية امام مبنى المحافظة احنا اتفقنا على كده مش اول فيراير فى صفحة المعلمين الجدد
|
والله عنك حق كفايه قلة قيمة ومهزلة . كنت متخيل ان بعد الثورة هتنتهى الاسماء الكاريكاتيرية ( عقد مكافاة شاملة - عقد مميز - او حتى المسميات القديمة الحصة )
انا مش عارف الشخص المسئول عن الماليات الخاصة بينا الى هى 110 - 115 - 130 ازاى بيجيلو قلب وادية بتسمحلو انه يمضى على هذا الاعتماد الهزيل . مازال هناك شخص او مجموعة اشخاص لا تريد الخير لنا ومازالت الايدى الطويلة التى تسطوا على حق الغير موجودة |
الدقهلية .. موعدنا اول يوم في شهر فبراير
الاربعاء 1 فبراير 2012 اعتصام المعلمين بالدقهلية اما م مبني المحافظة الساعة 9 صباحا |
هل مؤقتين الغربية تم تثبتهم أرجو الرد
|
عاش شباب الثورة
آخر المستجدات الوقفة هتبدأ من يوم 30 يناير 2011 وهنبات هناك ومش ماشيين خااااااااالص عقد مميز او تثبيت .. هو ده طلبنا الناس كلها استجابت وهتكون موجودة ليه متكونش انت كمان معانا ؟ تم التنسيق مع ادارات نبروه .. بلقاس .. بني عبيد .. منية النصر .. دكرنس .. وجاري التنسيق مع ادارات اخري( السنبلاوين .. شربين .. المنزلة .. ميت سلسيل .. ميت غمر ) سارع واحجز مكانك في ثورة المعلمين للمطالبة بحقوقنا لامته هنفضل نايميين ياشباب فات سنة علي ثورة 25 يناير ولسه الحال زي ماهو وبرده بنقبض 150 جنيه وبيتخصم منهم كمان هل انت راضي عن وضعك ؟! طب ليه ساكت عَلِّي صوتك وطالب بحقك ثورة المعلمين بالدقهلية ابتداءا من 30 يناير 2011 و31 يناير 2011 و 1 فبراير 2012 و................... وحتي تلبية مطالبنا كاااااااااااااااااااااملة عاش شباب الثورة |
في الشرقيه 22/1 ان شاء الله
|
معاكم ولكن !!!
مع كل من عمل ثلاث سنوات او اكثر دون تثبيت ولكن !!!!!!!!!!!!! لست مع من لم يقضى هذة المدة او انقطع بسبب سفرة للخارج فهناك من المنقطعين من بالبلدى كدا ( جرب حظة برا ومنفعش عاوز يرجع لنفس مكانة ويثبت كماااااااان عفوووووووووووووووووووا ليس لك الحق
|
...
العاشرة مساءا 38552300 38552309 el3shera..dreams.tv 90 دقيقة 90min..elmehwar.tv ابراهيم حجازي ihegazy..ahram.org.eg محمود سعد saad.mashakel..gmail.com مصر الجديدة .. معتز الدمرداش 09000200 اي نقطتين باللون الاسود اختصار لحرف at لأنه لا يظهرعلي المنتدي اي ايميل |
شعور سخيف
إنك تحس بإن وطنك شيء ضعيف صوتك ضعيف رأيك ضعيف إنك تبيع قلبك وجسمك وإنك تبيع قلمك وإسمك ما يجيبوش حق الرغيف سألوا جحا عن سر ضحكه قالك أصل اتنين وشبكو اللى كان من تحت ميت واللى كان من فوق كفيف دا شعور سخيف وشعور سخيف إنك تكون رمز الشحاتة تبنى مبنى للشحاتة تعمل وزراة للشحاتة يا ساقية دورى ... عدى فوقى ودوسى نصبوا عليا وشحتونى فلوسى ربطونى فيكى .. حتى ما اتغميت هما اللى فرحوا ووحدى أنا اتغميت أنا اللى صاحب البيت عايش بدون لازمة ولما مرة شكيت إدونى بالجزمة |
مع كل من عمل ثلاث سنوات او اكثر دون تثبيت ولكن !!!!!!!!!!!!! لست مع من لم يقضى هذة المدة او انقطع بسبب سفرة للخارج فهناك من المنقطعين من بالبلدى كدا ( جرب حظة برا ومنفعش عاوز يرجع لنفس مكانة ويثبت كماااااااان عفوووووووووووووووووووا ليس لك الحق |
ايها السادة بالبلدى كدا اعرف واحد راح الامارات وعمل انقطاع ولما لقا زمايلة اثبتوا رجع وعمل تظلم ورجعوة العمل على امل انة يثبت فى موضوع الاعتصامات دا ويعمل اجازة ويرجع تانى الامارات بأى حق واحد زى دا يطالب بتثبيت ؟؟؟؟؟؟؟؟؟؟؟؟؟؟؟؟؟؟؟؟؟؟؟ وطبعا لاينفع 130 جنية مرتب ربنا معااكو بس يااريت تفهموا المثال الللى قولتة والله العظيم دا واقعى وشفتة ادامى
|
يااخ " مدرس وخلاص " انت شفت حالة شاذة ومخالفة الاخ الي راح جرب حظه في سفر ومنفعش ورجع وسط زحمة االاعتصامات ورجع بالحصة او بعقد انت شايفه مخالف ومايستحقش بلغ عنه وكيل الوزارة او المحافظ لكن ماتقتلش ناس تانية بتحارب بقالها سنين عشان تاخد حقوقها انا واحد من الناس مدرسة جنب بيتي اول ماتخرجت كانت فاضية ومفيش فيها ولا مدرس رياضيات وتطوعت للعمل بدون مقابل وكتبت اقرار علي نفسي اني مش عايز مقابل ولا يحق لي المطالبة باي حقوق اذا لم يتم التعاقد معي بعد ذلك وقدمت لمدير الادرة كل الضمانات الا انه كان ضعيف الشخصية وبيخاف شويتين فرفض ولما نزلت مسابقة في الادارة بعد الثورة قدمت واشتغلت الحمد لله .. سيبنا بقي نطالب بحقنا وحق زمايلنا اللي بيشتغلوا من قبل الثورة كلنا لازم نتثبت او علي الاقل عقد مميز والتثبيت هو الصح وهو ده حقنا د/ صفوت النحاس .. ( التنظيم والادارة ) قال انه مينفعش يبقي فيه موظف حكومي وبعقد او مؤقت .. لازم تكون وظيفة ثابتة والحد الادني لاي حد يبدأ هذا العام بحوالي 800 جنيه يبقي عايزنا نقبل يا" مدرس وخلاص " بشغل بالحصة " ياريته بعقد كمان " وبمرتب 134 جنيه ومش بنقبضهم كمان وحياتك انا بصرف قدهم علي المواصلات عشان اروح مدرستي كل يوم لاتراجع لا استسلام مش راجعين غير وجواب التعيين في ادينا معادنا يوم 30 يناير . اوعي تتأخر |
غضب المؤقتين قادم لا تراجع عن التثبيت
|
وقفة المعلمين النمقطعين بالشرقية 22/1 امام مديرية التربية والتعليم بالزقازيق
وفي بني سويف من النهارده |
الله يعينكم يارجالة .. رئيس الوزراء عرف بموضوع الاحتجاجات في بعض المحافظات .. عايزين همة كمان
صوتنا بدأ يوصل يارجالة |
السيد .. جمال العربي .. وزير التربية والتعليم
قال علي قناة الرحمة ان معلمي الحصة مش تبع الوزارة واننا زي العامل اللي بيتأجر وتديله آخر اليوم أجرته باليومية يعني احنا سايبين السفر والقبض بالالوفات بره عشان سيادته ييجي يقولنا انتم مش تبعنا لااااااااااااااااا انسي مش راجعين .. مش راجعين غير والتثبيت في ادينا |
التثبيت التثبيت الله المستعان الدقهلية موعدنا اول فبرايرررررررررررررررررررررررررررررر متنسوش
|
المعاد اتغير يافاروق
الوقفة هتبدأ من يوم 30 وحتي نهاية الاجازة لغاية مايستجيبوا لينا ياريت تكلمني عشان ننسق مع بعض |
ربنا يلطــــــــــــف
|
الى الاستاذ شريف حسن
هى دى الرجالة ربنا معاكو
واحنا معاكو بس ياريت الاستاذ شريف حسن يقرا ويشوف الناس اللى بتعرف تتحرك مش بالصبر وطولة البال اللى بيكلم عنها على فكرة يا استاذ شريف انا كنت زى حضرتك لحد التجربة اثبتتلى ان اللى صوته عالى ومشاغب حتى ولو على الباطل بيعرف ياخد حقه لكن الادب والصبر وطولة البال اللى بتنول الامل دى بتعمل للواحدة بلاده لازم كلنا نقف معاكوا ومع نفسنا وناخد حقنا وكفاية لحد كده الناس قبل كده كانت بتشتغل بالحصة سنة وتانى سنة تمضى عقد مميز واحنا قعدنا بالحصة 3 سنين وكنا بناخد 9 و26 جنية بالماجستير كمان ادى اخرت الشهادات والتعليم انا معاكو ونفسى بنى مزار تفوق من الغيبوبة اللى هى فيها بقى كفاية اوى لحد كده لازم نتحرك |
ربنا معاكم ويوفقكم
|
شكرا لكل اللي دخل الصفحة وشارك وعلق
ونتمني مشاركتكم معانا امم المحافظة يوم 30 يناير القادم والاعتصام مستمر حتي تلبية مطلبنا وهو التثبيت |
هام جدا لقد تم الاتفاق بالامس يوم الاحد الموافق 22/1/2012 على اننا نجتمع غدا يوم الثلاثاء الموافق 24/1/2012 الساعه التاسعه 9 صباحا امام المديريه لمقابله السيد وكيل اول الوزارة محمد حسيب وعرض كل المشكلات التى قابلتنا فى المديريات التعليميه وشكرا
ادارة ثورة معلمين التعاقد بالشرقيه |
عاش يارجالة
لا تنازل عن التثبيت ازاي تبقي خريج جامعة وتاخد مرتب زي ده وازاي تقبل انك تكون مؤقت وازاي وزير التربية والتعليم يشبه المدرسين اللي بالحصة .. " بعمال اليومية " ازاي يتجرأ ويقول اللفظ ده علي المعلم |
هل بعد كل هذا التعليم والشهادات
يجي الوزير يقول علينا "" عمال باليومية " بقي هو ده اللي جاي يدافع عن حقوقنا ؟!! |
ان شاء الله لا تراجع عن التثبيت للجميع
|
تظاهرة للمعلمون ببنى سويف تطالب برحيل وزير التربية والتعليم
بنى سويف - عمرو رجب : تظاهر السبت اكثر من 200 من المعلمين المتعاقدين بمديرية التربية والتعليم ببنى سويف، امام ديوان عام محافظة بنى سويف، مطالبين برحيل جمال العربى وزير التربية والتعليم، اعتراضا على تصريحات الوزير، والذى اكد فيها عدم وجود ميزانية تسمح بزيادة اجور هؤلاء المعلمين . واشتكى المحتجون من انتهاء عقودهم المؤقتة بنهاية العام الدراسى، مشيرين الى انها لا تدخل ضمن ميزانية التربية والتعليم، وانما تخضع لميزانية المحافظات، اضافة الى عدم حصولهم على مرتباتهم منذ اكثر من شهرين، رغم تدني تلك المرتبات والتى قد لا تصل الى اكثر من 180 فى الشهر. كما طالب المعلمين بضرورة عمل عقود أفضل لهم، وادخالهم ضمن ميزانية التربية والتعليم حتى يتساوا، مهددين بتكرار المظاهرات داخل محافظة بنى سويف حتى الاستجابة لمطالبهم، او الدخول فى اعتصام مفتوح امام وزارة التربية والتعليم حتى الاستجابة لمطالبهم. يذكر أن هؤلاء المحتجيمن هم من خريجى كليات الاداب والتربية، وقد عملوا كمدرسين حصة لعدة سنوات، ويعود الاستغناء عنهم الى رؤية الوزارة لعدم الاحتياج اليهم، وسبق وان تظاهر هؤلاء المعلمون عدة مرات حتى وافق لهم المستشار ماهر بيبرس على العودة للعمل مرة اخرى بالتربية والتعليم بعقود مؤقتة من داخل صناديق المحافظة . هذا الخبر نقلا عن موقع مصراوي عاش رجالة بني سويف كلنا معاكم .. الدقهلية .. يبدأ الاعتصام يوم 30 يناير 2011 الساعة التاسعة صباحا .. أمام المحافظة |
الأخوه الافاضل انا اداره بلقاس وبدعو كل اللى بيعملو بالحصه فى ادراتنا المشاركه معنا فى هذه الوقفه من يوم 30 يناير 2012 أمام مبنى المحافظه لان ده الطريق الوحيد لتحقيق مطالبنا فياريت مفيش حد يتخاذل لعلها تكون خطوه خير
|
اقتباس:
كلنا معاك ياباشا وعلي تواصل باذن الله |
من غرفة العمليات تم تعديل الموعد والمكان الموعد .. 1 فبراير 2012 المكان .. مديرية التربية والتعليم بالدقهلية .. المنصورة التجمع في التاسعة صباحا ولا تأخير سبب تعديل الموعد .. اجراء انتخابات مجلس الشوري يومي 29 و 30 يناير وبالتالي فلن يسمعنا احد رجاء .. كل من يشارك يقوم باخبار جميع الزملاء بالموعد والمكان الجديد .. |
اعتصام معلمي الحصة بالدقهلية اول فبراير .. ادخل تواصل معنا
رجالة الدقهلية عاش الرجالة العدد كبير جدا والحمد لله اعتصامنا مفتوح ويبدأ بمديرية التربية والتعليم بالمنصورة حتي يتم الاستجابة لمطالبنا كل معلمي الحصة من جميع الادارات هتشارك ادارة شرق المنصورة ادارة غرب المنصورة ادراة بلقاس ادارة شربين ادارة السنبلاوين ادراة ميت غمر ادارة نبروه ادارة دكرنس ادارة منية النصر ادارة ميت سلسيل ادارة المنزلة وباقي الادارات من غرفة العمليات تم تعديل الموعد والمكان الموعد .. 1 فبراير 2012 المكان .. مديرية التربية والتعليم بالدقهلية .. المنصورة التجمع في التاسعة صباحا ولا تأخير سبب تعديل الموعد .. اجراء انتخابات مجلس الشوري يومي 29 و 30 يناير وبالتالي فلن يسمعنا احد رجاء كل من يشارك يقوم باخبار جميع الزملاء بالموعد والمكان الجديد .. !!! |
الشرقية قطعوا طريق السكة الحديد ...
وعشان كده المحافظ اصدر قرار بتعيين كل المعلمين المؤقتين ... دون دبلوم تربوي ولا سنوات خبرة ولا اختبار كادر |
الشرقية والقليوبية طلعلهم قرارات تعيين .. ومحافظ الشرقية رجع في كلامه تاني فقطعوا الطريق امام المحافظة
قامت محافظات البحيرة وبني سويف وقنا وعدة محافظات بوقفات احتجاجية اما المحافظات وديوان المديرية الدور اللي جاي في المنصورة .. يوم 1 فبراير 2012 اما م مديرية التربية والتعليم لا تراجع ولا تنازل عن التثبيت |
شكرا لكل المعلمين اللي اتصلوا عليا وأبدوا استعدادهم للمشاركة في الاعتصام
باذن الله سوف يكلل هذا المجهود بالنجاح وسوف يرضخ جميع المسئولين لطلباتنا ولن نتراجع عن التثبيت موفقين ان شاء الله وعلي تواصل باستمرار . |
إن شاء الله ربنا يقوينا ومش راجعين إلا ومعانا قرار التعيين وبدون شروط أسوه بباقي المحافظات
|
ربنا يوفقكم يا شباب مصر
|
معاك ان شاء الله حتى يتم التثبيت مثل المحافظات الاخرى واكد الميعادمع الناس علشان يكون فيه تنسيق
ونكون متحدين......................نتمنى الخيرللجميع |
ربنا يوفق الجميع لما فيه الخير
واحنا معاكم لكى ناخذ حقوقنا كاملة ويتم التعيين والتثبيت دون شروط مثل المحافظات الاخرى ويجب ان يكون مدرسى الحصة بالدقهليه يد واحده ونكون متحدين ومتفقين لكى نحصل على حقوقنا كاملة وربنا معانا ونتمنى الخير والتوفيق للجميع |
هااااااااااااااااام
ارجو المطالبه بعوده المنقطعين عن العمل لظروف قهريه مثل محافظه الغربيه والشرقيه وغيرهم
|
اقتباس:
بس انا رديت عليكى لما بتقولى( الكل هنا نايم باين رجاله بلدنا ماتوا فى 73 والباقى مات فى 25 ولا حد فاهم اى حاجة ولا عارف اى حاجة مش عارفة ايه البلد المستفزة دى ) وقولتلك مش ده المقياس اللى حضرتك هتحكمى بيه على الرجولة عايزة بقى تتظاهرى انتى حرة ده شئ يرجعلك انما الرجولة ملهاش دعوة وبعدين لما بقول اصبرى يبقى تصبرى زى باقى زمايلك المعلمين الافاضل اللى اشتغلوا بالحصة سنين كتيرة ثم عقد مميز ثم معلم مساعد سنتين وحصول على دبلومة و icdl كمان ثم امتحان كادر ثم تعيين عايزة حضرتك بقى علشان الثورة خلاص اى حاجة وبس ومليش دعوة بغيرى احمدى ربنا ان الثورة ثبتتك على معلم مساعد اصلا http://www.thanwya.com/vb/showthread.php?t=399898 |
سمعنا اخبار عن تثبيت بمحافظات البحيرة والشرقية والقليوبية ويقال ان بني سويف في الطريق هل من جديد ؟؟ الدقهلية علي موعدها الاول من فبراير القادم امام مديرية التربية والتلعيم
|
الى الاخ m_adel_143 هام وضرورى
هوالميعاد يوم الاربعاء 1 فبراير 2012 كلنا متفقين على هذا الميعاد ومعلهش خلاف الخلاف على المكان هنقف فين بالضبط عند مبنى المحافظه فى المنصوره ولا امام مديرية التربية والتعليم بالدقهليه ليه ادخل على هذا الرابط رابط معلمى الحصه بالدقهليه sk=wall&filter=12[/URL] وياريت نتفق على مكان محدد علشان متفرقش وتقولى هتعمل ايه |
المكان امام المحافظة ده آخر مكان ...
وياريت نعرف الجميع .. انا ااكتشفت صدفة ان فيه مجموعتين .. الاولي عند المحافظة والتانية عند المديرية المكان الرئيسي هو المحافظة وباذن الله هكون علي تواصل مع الجانبين عشان الكل يكون موجود عند المحافظة موفقين ان شاء الله |
الدور عليكي يا دقهلية أدعوا معايا وقولوا يارب يوفقنا والله المستعان
|
يارب ان شاء اللة خير لينا كلنا
|
الى الاخm_adel_143 جزاكم الله خيرا على التوضيح وان شاء الله معاكم وربنا يوفقنا وان شاء الله هنبلغ كل الناس علشان ناخذ حقنا ونتساوى بالمحافظات الاخرى
وربنا يوفقنا لمافيه الخير |
| جميع الأوقات بتوقيت GMT +2. الساعة الآن 11:16 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.