|
عشان هدخل جامعة خاصة ابقى فاشلة ؟!!
السلام عليكم و رحمه الله و بركاته أنا طالبة فى 3 ثانوى بس الحظ ما حالفنى و جبت مجموع اقل من مجموع الكليه اللى انا بحلم بيها اللى هى كلية الطب البشرى بس انا عامه جايبه 92% مش واقعه اوى يعنى فأنا مش عايزة اضيع حلم عمرى بأنى ادخل طب فما بقى قدامى غير انى ادخله بس فى جامعه خاصة و طبعا نظرة الناس للجامعات الخاصه على انها للفاشلين فقط دى بتحبطنى احباط و بتخلينى فعلاا ما اعرف اركز فى مذاكرتى و فعلا انا عايزة اجيب مجموع عالى السنة دى لكن كل ما اتكلم معحد انى داخله جامعه خاصه بيحسسنى انى فاشله و جايبه 50% لحد بجد ما يأست من كل حاجه هو انا مش من حقى احلم بحاجه و اسعى اليها بجد تعبت من نظرة الناس ليا حتى قبل ما ادخل الكليه ؟؟!! يعنى انا لما اتخرج مش هبقى طبيبه زى زى اى حد متخرج من جامعه حكوميه أنا بس عايزة اعرف أنا بكده ابقى فاشله :( آسفه لو طولت عليكم لكن بجد محتاجه رأيكم جداا |
ياريت متزعليش مني هو الموضوع ملوش اي علاقه بالفشل انا واحد صاحبي السنه اللي فاتت لحق صيدله وملحقش طب دخلها خاص عادي مع انه طالب شاطر وكان يقدر يدخل صيدله
فدي ملهاش اي علاقه بالفشل لأن اصلا اللي هيجيب 50% ويدخل طب خاص مش هيعرف يمشي فيها عشان الانجليش وصعوبة المواد ما اود ان اقوله ان المشكله هي مشكلة نظام تعليمي كامل انا مبقولش دا له علاقه بالفشل لا خالص والله بس انا حزين من فكرة ان يكون ف حاجه اصلا اسمها جامعه خاصه يعني وكأنها اعاده لعصور زمان ان التعليم هيبقى بفلوس اللي معاه فلوس يدخل الكليه اللي عاوزها واللي معاهوش ميلزموش يعني مثلا في ناس جايبين 70% وداخلين طب خاص او هندسه خاص وفي غيرهم جايبين زي حضرتك كدا مثلا 92% او 93% بس مش معاهم فلوس يدخلوا هل يجوز ان الاول عشان الفلوس يدخل والتاني لا انا اتمنى ييجي اليوم ويلغوا فيه التعليم الخاص دا خاااالص واسف لو رأيي انا كمان زعلك |
لآإ طبـَعاً مش فآإشلة بالعگس تماماً انتـٓي اآچتهدي وچبتي مچموع چميل وقدر الله ومآإ شآء فعل
وبقولگ حآإجه مش تبوصي لگلآإم النآس ونظرة انتَي رگزي ف مذإإگرتك وحلمگ وإن شـآإء الله تبقي دگتوره قد الدنيـَآ ؛) ربنآإ يوفقگ :) |
اقتباس:
وربنآإ يصلحـٓ الحآإل ..! |
اقتباس:
و ان من الظلم ان التعليم الخاص يكون متاح بس للى معاه فلوس و بس لكن احيانا بيكون الحل الوحيد اللى بيبقى قدامنا و انا مثلا كان حلم حياتى جامعه القاهره لكن مش هتيجى لو عملت ايه بس ما قدرت انى اتخلى عن حلمى وانا ما زعلت من رأى حضرتك بل بحترمه جداا بس ده نظام بلدنا و ده تعليمنا اللى بتمنى انه يتغير و يكون العلم متاح للجميع مش للى معاهم فلوس و بسس |
اقتباس:
وربنا يبارك فيك <<ادتنى امل فى الحياه وحسستنى انى عملت حاجه و ربنا يوفقك انت كمان و تحقق اللى انت عايزه |
اقتباس:
|
اقتباس:
|
انتي لو بصيتي لكلام الناس في اي حاجة هتتعقدي
ملكيش دعوة بحد و خليكي في نفسك و مزاكرتك و بس و اللي عايز يتعلم بيتعلم في اي حتة و هما محسسينا ان الحكومة هي الاملة ده تلت ارباع الخريجين في اي كلية بيتخرجوا مش فاهمين حاجة اصلا توكلي علي الله و ربنا يوفقك |
اقتباس:
و انا اصلا خلاص اتعقدت انا و الله من دلوقتى وانا لسه ما دخلت الكليه بقيت بتكسف ارد على سؤال الناس انتى عايزة تدخلى ايه حسسونى انها حاجه غلط !;) و مهما احاول ابين ليهم ان الجامعه الخاصه مش بالبشاعه و الانحلال اللى متصورينه بس لا حياة لمن تنادى :bosyht9: وميرسى على ردك وربنا يوفقك انت كمان فى دراستك |
وايه الفشل فى كده انتى مجموعك مش وحش يعنى متفوقة والناس مالهاش فى خاص ولاعادى طالما فى طب خلاص احنا عندنا ناس فى خاص والناس بتقدرهم ولوانى انا باتضايق عشان انا لو ماجبتش مجموع مثلا بيكون فى ناس اقل منى فى المجموع وبيحققوا اللى انا اعوزه بس طالماانتى متفوقة خلاص الى الامام وربنا معاكى ياقمر وكلنا نحقق اللى نعوزه ان شاء الله بس اهم حاجة زاكرى وماتفكريش الا بعد الامتحان
|
اقتباس:
|
اقتباس:
و معاكى حق انا لو كنت جايبه مجموع الطب عام و هبص للى دخل طب و اقل منى فى المجموع انا فعلا هدايق لكن من الاحسن ان كل واحد يفكر فى نفسه و بس و يثبت نفسه سواء كان متخرج من حكومه او خاص كلاهما بيتسجلوا فى النقابه التابعة لمهنتهم و لكل من الخاص و العام مميزات و عيوب ومفيش جامعه مالهاش عيوب |
اقتباس:
لان بكده حضرتك بتظلمى طلبه كتير جايبين مجموع كليات قمه فى جامعات حكومه و ما دخلوها و دخلوا جامعه خاصه لان التدريب العملى فيها احسن وما حد قال ان الجامعات الحكومة وحشه لكن زى ما فى فى الخاص ناس داخله كليات قمه و هى ما تستحقهاش و ده عيب الخاص زى ما فيه فى الجامعات الحكومة ناس بتدخل بمجاميع عاليه و ما بينجحوا فى الكلية مش مقياس الفشل او النجاح او الكفاءه بطالب الجامعه الخاصه و الجامعه الحكومة الفيصل بينهم هو العمل بعد التخرج و مين اللى هيبقى حاجه بجد بعد تخرجه لان الدراسه الجامعيه اى كان هى فى جامعه ايه مش هى نهاية المطاف |
لا ابداً مش فاشلة خالص ,, يكفيكي شرف ونبل الهدف انتي باذن الله رايحة أعظم كلية في نظر الناس (طبعاً أنا بحب الهندسة فبقول الهندسة أحلى:p)
ومش بعيد تكون نظرة الناس دي نظرة حقد وإن كانت من الأقربييييييييين بالتوفيق يا دكتورة المستقبل وشدي حيلك عشان تبقي جراحة قلب مشهورة وشاطرة باذن الله |
اقتباس:
بجد ربنا يباركلك و تكون احسن مهندس باذن الله و فعلا اكتر ناس بيبقى جواهم الحقد اللى كنت فاكراهم القريبين منى للأسف |
المشكلة ان دلوقتى محدش بيحب ينصح حد
يعنى الحقد الزمان دا كبير ومفيش حد دلوقتى عايز يكون فى حد احسن منة لو اخدنا على كلام الناس وكدا عمرنا ما هننفع لان الناس مش بتعجبهم حاجة اصلا وبعدين فى ناس بتكون متفوقة بس نصيبها كدا انها مثلا متجبش المجموع الى هى عايزاه فا تحاول بكل الطرق انها توصل للى هيا عايزة طالما عارفة قدرة نفسك كويس انا مش عارفة اقولك كل الى جويا بس اتمنا تكونى فهمتى انا قصدى اية اتمنالك التوفيق |
اقتباس:
انا اختي معيدة في كلية صيدلة و عارف بقلك ايه كويس تلت ارباع الطلبة بيتخرجوا مش عارفين حاجة لان التعليم الجامعي في مصر سئ جدا بدليل ان جامعتنا تصنيفها في الحضيض علي المستوي العالمي و الفكرة مش خاص او عام لان فعلا معظم الخريجين طالعين ميفهموش حاجة |
اقتباس:
|
اقتباس:
|
اقتباس:
كلهم بره افضل خمسمائه جامعة علي العالم جامعة اسكندرية الوحيدة اللي مرة اخدت تصنيف في سنة مش فاكرها الفكرة مش الانضباط ،، التعليم نفسه ملهوش معني يعني اعرف ناس بيلم كام درجة عملي علي شفوي علي كام درجة في الورقة و ينجح و يجيب جيد و في الحقيقة هو متعلمش حاجة اصلا ،، هو اسمه نجح و خلاص و الغريب في التعليم المصري ان غالبا الشغل ملهوش اي علاقة بالتعليم ماعدا كلية الطب مثلا و اغلب مهارات العمل بتكتسبها بعد كده في الشغل احنا بلد شهادات مش بلد تعليم |
يا نهار ابيض ؟؟؟
فاشله ايه؟؟؟ بعد الشر عادى جدا يا قمر وربنا يوفقك يا رب |
اقتباس:
والله انتى كلامك صح جداا و لما حد بيتكلم معايا فى موضوع الكلية ده بقوله نفس الكلام انا ممكن ادخل اى كليه تانيه حكومة بس كل اللى انا بفكر فيه انى مش عايزة اضيع حلمى بالطب مادام هو متاح ليا فى جامعه خاصة و إن شاء الله هجتهد و هكون حاجه فى مجالى من غير ما حد يجى يتهمنى بالفشل لمجرد انى داخله خاص من غير ما يكون فاهم حاجه اصلا و ميرسى يا قمر على ردك و بالتوفيق ليكى انتى كمان |
اقتباس:
و لا الحكومة برضه على فكرة لان فيه كتير ما بيقدروا يمشوا فى الالكليه برغم انهم متفوقين فى الثانويه هو تقريبا ان الموضوع كله فى ايد الطالب لا الا يكون له قيمه و يتعلم بجد فى اى مكان هو بيدرس فيه و يكون بيطلع على ل جديد فى مجاله لا يكون واحد عادى لا زود حاجه فى مجاله و لا نقصه ده رأيى بصراحه وميرسى على توضيح وجهة نظرك |
اقتباس:
وربنا يوفقك انتى كمان |
اقتباس:
فعلا كلامك صح بس نصيحة سيبك بقى من الموضوع ده وخليكى فى المذاكرة وطالما انتى حابة الطب كده هاتحققى نجاح كبير ان شاء الله |
هكلمك بصراحه ومن غير زعل لأن ربنا هيحاسبني علي كلامي انا ليا ابن عمتي دخل بشري خاص اوك وهو كان جايب مش فاكر باين 97 و4 حاجه زي كده وفرقت معاه علي 1 % يعني مستواه كويس :cool: فهل هو كده فاشل ؟! لأ ابداً ليه ؟ الفكره هنا انك مخدتيش مكان حد صحيح ان مثلا واحد جاب 98 والتاني 97 التاني دخل بفلوسه بشري خاص والاول دخل اسنان مثلاً مش تكافؤ فرص ! لكن تكافؤ مستقبل بمعني مش شرط خريج الطب الخاص انه يكون شاطر! ممكن انت تخش تجاره وتتعين فيها برقبه اطباء الخاص وخصوصاً مش هكدب عليكي نظام التعليم عندهم مش عاجبني يعني فيه برانشات انا خدتها بسأله فيها مييييييح ! وجايب امتيازات! اسأله يقولي هيا اسئله معينه الي بتيجي بنحفظها بس! طب ازاي!!! انتي عملتي الي عليكي وربنا وفقك بس مجموعك اوك للأسف مش هيحقق حلمك ربنا جعلك سبب تاني تحققيه بيه ! هتكلم بأسلوب ممكن يزعلك هنا بس سوري هو الي جاب مثلاً 99 ربنا اداله توفيق وقدرات وكده انتي في المقابل ربنا اداكي قدره انك تحققي نفس الحلم بس بسبيل تاني خديها بالمنطلق ده:) لأنك مش فاشله ومتسيبيش حد يقولك كده <_< كل ما في الأمر ربنا خد من هنا حط هنا والنتيجه واحده^_^ بس نصيحه هتخشيها أجتهدي فيها .. دي ارواح ناس مش لعبه عشان تحفظي معرفش الdeltoid بتعمل ايه وانتي مش فاهمه الي بيتقال بس لمجرد التقدير!! لأ خلي دخولك الكليه دي لسبب أنك تبقي دكتوره شاطره وممكن تتعيني وحصلت مع واحد جارنا بس كان اسنان خاص وفوله ناو والله وخصوصاً ان طب لزيزه اوي والله عن الثانوي وهتحبيها يا دكتوره بإذن الله بالتوفيق ،، |
اقتباس:
|
اقتباس:
كتير!؟!؟!؟!؟! دي الأغلبيه الكااااااااسحه! احنا معانا الأول ع المحافظه هيشيل مادتين الترم ده! الكليه تختلف خااااااااالص عن الثانوي الكلمه دي مفهمتهاش غير لما دخلتها والله ممكن اقل مجموع ف الكليه يطلع الأول عليها والعكس صحيح! |
اقتباس:
|
اقتباس:
أنت في كليه زي كليتنا للاسف تقدر تجيب امتياز عاااااااالي بسؤالين تحفظهم وانت داخل ! دي حاجه تقرف :mad: ولا نافعين عايزين تقدير وخلاص والله والله والله لو سألت اي حد من العيال دي مش هيبقي عارف بتتكلم عن ايه ! تسأله عن الشريان الفلاني هو كان حافظ عنه حاجه وسايب الباقي .. وكأننا في ثانوي ! دي ارواح ناس !!! |
اقتباس:
طب مش تديني اي تحذير كده هههههه ربنا يوفقك يا دوك ساره isA |
اقتباس:
|
اقتباس:
تؤتؤتؤتؤ امال فين الكلمتين الي كنتي حطاهم في توبيك دول عن المثابره والكلام الكويس ده! دنا كنت هعيط :unsure: بصي يا دوك ساره والله هتنوليها don't worry متستعجليش ع الهم :d ربنا معاكي |
اقتباس:
|
اقتباس:
:d الكهربيه ذاكريها من المعلم فظييييييييييع بجد ربنا معاكي وبدل ما تدلي ع الخير تفعليه بإذن الله |
اقتباس:
|
اقتباس:
ادعيلي انجح في الانجليزي :d الأنجليزي هيموتني :p:p |
اقتباس:
|
اقتباس:
ماده عندنا اسمها الانجليزي مصطلحات طبيه علي حاجات عسل :d يارب مشيلش الماده دي بس |
اقتباس:
|
اقتباس:
انا في الثانوي السنتين 25 انجلش و كل المواد عندي امتيازات مرتفعه ف الكليه بإذن الله بس اهو بقي ماده تيييييييت ملهاش تلاتين لازمه ... بس بتنضافش للتراكمي :d ربنا معايا "يارب يارب يارب" ومعاكو "يارب":cool: |
اقتباس:
|
اقتباس:
|
اقتباس:
للاسف نظام التعليم المصري يساعد جدا علي الحفظ انا باخد رياضة 2 و الناس بتحفظ طرق الحل لو سالتي اي حد يعني ايه تفاضل و تكامل او يشرح حاجة من قوانين نيوتن ميعرفش طبعا لانه بيعرف يحل و خلاص حافظ قوانين ممشي بيهم حاله في ناس لا ،، لازم تفهم كل اللي بتاخده ،،و تشغل دماغها الطالب يقدر يستفاد و يتعلم و يفهم من المكان اللي هو فيه بس المشكلة نوعية الطلبة ديه قليلة جدا و هما بيبقوا العلماء اللي بتتكلمي عليهم و بيسافروا بره الفكرة ان لازم نظام التعليم يقوم علي كده يبقي نظام المذاكرة و نظام الامتحان يجبرك علي الفهم و ان الحفظ ميفيدش |
اقتباس:
اه التعليم المصري كدا فعلا بس لازم تحدد التعليم نفسه ولا التعليم العالي لأن الموضوع كله عن التعليم العالي ودا مينفعش تعمم فيه انا مثلا ف كلية هندسه ذاكرت الى حد ما كبير والحمدلله دخلت الامتحانات في مادتين محلتش فيهم ولا سؤال يبقى مكانش حفظ اهو هو كلام حضرتك صح بس على كليات وكليات يعني في كليات زي حاسبات ومعلومات والكترونيات وهندسه والحاجات دي لازم بتفهم وتطبق وتحل المووضوع مش بالتفاهه دي يعني انا لحد دلوقتي مش عارف احل التكاملات يعني لا مفيش حاجه اسمها بتحفظها وتحل عليها وخلاص ماهو انت لو مش فاهم مش هتعرف تحل وبما انك ف رياضه اتنين افتح امتحان 2008 ولو انت فعلا بتحفظ رجل حل الامتحان الامتحان بتاع 2008 مفيش ع ما اتذكر غير طالب واحد ع مستوى الجمهورية اللي جاب فيه الفل مارك |
اقتباس:
|
اقتباس:
|
اقتباس:
بس احن كنا 2010 جتلنا امتحانات صعبه ف سنه تانيه عادي مش لازم يعني ولو تفتكري بالاخص امتحان الرياضه كان اصعب امتحان رياضه ف تاريخ تانيه ثانوي يعتبر ومعاه الانجليش انما الباقي كان عادي يعني الى حد ما كبير |
اقتباس:
الطالب مظلوم نظام التعليم نفسه هو اللي بيساعد علي الحفظ و ده غلط المفروض نظام التعليم يبقي بيقيس فهم الطالب امتحان 2008 ده فلته محصلتش قبلها و غالبا مش هتتكرر الطالب ممكن يختار بايده يمشي في اي طريق بس انا رايي ان نظام التعليم هو اللي لازم يجبره علي كده مش نسيبها لدماغ كل واحد :) |
| جميع الأوقات بتوقيت GMT +2. الساعة الآن 06:16 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.