|
تقولوا ايه للى كتب فى الاستمارة ....رياضيات مستوى رفيع..
السلام عليكم ازيكم يا شباب انا داخل السنة اللى جاية ان شاء الله 3 ثانوي واخترت مستوى رفيع رياضة... بس تقريبا انا الوحيد اللى فى المدرسة اللى اخدت رياضة:d:d يعنى انا اعرف ناس كتير فى المدرسة وكلهم(العلمى والادبى)مش هيخدوا غير عربى او e او جغرافيا ايه رأيكم فى الاختيار ده وانتم اخترتم ايه..؟:bosyht9: |
هو أنا كنت هموووت وآخد رياضة مستوى رفيع بس مرضيوش فالبيت وكمان هى منهجها طويل شوية بس تأكد إنك بإرادتك تقدر تعمل اى حااجة..وهى هتبقى تكمله لرياضة 2 إن شاء الله فهتحبها..أنا أخدت انجليزي ولذيذ بردو واى حاجة لازم تبذل فيها مجهوود بس المستوى الرفيع عامة مش بيحتاج يتذااكر غير مثلا أول ما تاخده بعد الدرس على طول وقبل الدرس ممكن تراجعه تانى..حتى الرياضة المستر قالنا كدا وصحابي اللى واخدينها بيعملوا كدا ربنا معااك
|
اقوله انتا راجل بتفهم ....
انك اخترت حاجة هتبذل فيها مجهود هيطلع عينك حتي لو دخلت الكلية اللي بتحبها عشان تفهمه :d و اقولك ربنا يوفقك و منهجها مسلّي جداً و هيحسسك بالتفوق فعلاً علي المنهج الاصلي |
انا اخويا كان واخدها وامتحان رياضة 2 بتاعهم جت فيه مسألة من المستوى الرفيع ومحدش كان عارف يحلها فى لجنته خالص وهو اللى اداهم الاجابة عشان كان واخد مستوى رياضة ... بس ده اخويا بقا :d يارب تبقو زيو وتدخلو كلية الهندسة ان شاء الله :rolleyes:
|
اقتباس:
اقتباس:
ما انا لازم يطلع عينى ...اومال احس بطعم الراحة ازاى...؟!:d اقتباس:
|
انا علوم فاكيد الاحياء مستوى صعبة لكن لو انت كويس فى الرياضة ايه المشكلة انا اخترت احصالوحدى فى المدرسة عشان حسيت ان الاحصا من الرياضة وممكن تشغل دماغى لوعطلت مع ان كله محملنى المسئولية وخصوصا مش باخددرس اهم حاجة اللى تقتنع بيه وبعديبن ذاكروا وبعدين السنة الجاية ابقواشوفوا
|
اقتباس:
بس دا اخويا بقا :d نو كومنت |
اقوله هو انت كدا بتتحدى نفسك وبجد يارييييتك تبقى قد التحدي بس بجد الواحد بياخد المستوى عشان يرفع درجاته مش تجربه فمن رأيي تغيره السنه الجايه وتخليه عربي احسنلك لأن دا مش شيء يتحمل التجربه والمخاطره
|
اقتباس:
|
يا جماعه حسب الدماغ والميول انا مثلا بكره حاجه اسمها رياضه وبحب الانجلش جداااااااااااااااااااااااااا عشان كده خدت انجلش
|
فعلا احنا بناخد الماده دى علشان نرفع بيها الدرجات وعلشان كده ناخد الاسهل
وانا بالنسبالى( الرياضه )صعبه انا واخده (عربى) بس كل واحد وحسب ميوله ربنا ............معاك ;) |
انا كان نفسي اخد رياضة
بس مالقيتش المدرس اللي اخدها معاه |
يا جماعه المستوى ده مفيهوش ميول او عبقريه او تحدى دى درجات ممكن توديك كليه وتبعدك عن كليه يعنى مستقبل ولا احياء ولا رياضه هو يا انجلش لو انت كويس فى الانجلش او عربى لو بتحب الحفظ او مستعد للحفظ انما غير كده انتوا متضمنوش ظروفكم ايه الحكايه مش منظره ولا شطاره ,,,
|
شكرا على الردود
|
أقول له ربنا معاك و نفسى أخدها انا كمان:d |
بص طالما خدت رياضة يبقي انت مقتنع بيها و بتتحدي الناس كلها و هتجيب درجة كويسة بس شوف بقي التأثير علي بقية المواد انا عن نفسي كنت عايز اخد رياضة بس بشرط ان كل العلمي رياضة يخدوا رياضة و علي فكرة اكتر الناس الكويسة في الرياضة مش بيخدوها اصلها مش عفية يعني
|
هقوله كمل يابنى وربنا معاك
عما اللى جابو 10فيها زيادة فى اية |
بص يا كبير
هقولك دوس وما تخافش وولو مش هتعرف تحفظ اربعتاشر درس قراءة انجليزك مش هنفعك فى الامتحان يبقى عليك وع الرياضة ناس تقولك اللى حلو فى الرياضة مأخدهاش انت تقوله هو انا واخدها فرد صدر يعنى هوا انا واخدها عشان يتقال عنى انا واخد رياضة هوا انا واخدها عشان ابقى الوحيد اللى واخدها انا واخدها لانى هيا دى اللى هعرف ابص بيها حتى واحل فيها ع الأقل انا كنت كدا وكنت سايب اجزاء فى التكامل بتيجى اجبارى فى الامتحان ما ذكرتهاش الا فى الايام اللى سبقت الاامتحان وجبت 10 مش هقولك عشان انا بقى الواد العبقرى الجينيس ابو دماغ نووى هقولك بتوفيق من ربنا والامتحان كان سهل وجه فى اللى ذاكرته (كنت مذاكر النمهج كله يعنى) وكنت بادئ فى شهر اربعة تقريبن !! انت لو بدأت دلوقتى تمصمصها كلها وتبقى احسن منى كمان ;) |
| جميع الأوقات بتوقيت GMT +2. الساعة الآن 04:46 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.