|
الصداقة بين البنت و الولد!!!!!!!!!!!!!!!!!!!!!!
السلام عليكم ورحمة الله وبركاته
الصداقة مابين البنت والولد عن ظاهرة الصداقة المنتشرة مابين البنات والشباب اسمحولى اقول للبنت والولد كلمتين قبل ماادخل فى الموضوع بقول للبنت.. حبيبتى من قلة البنات تبقى صديقتك (ولد) وبقول للولد.. من قلة الولاد يبقى صديقك (بنت) دى كانت البداية وكملوا معايا لكن ...من غير زعل.. الى البنات.. حبايبى ازاى بتقدروا تكلموا ولاد فى التليفون .. مبتحسوش ولو للحظة انكوا بتعملوا حاجه غلط.. ايوه اكيد عارفين انه حاجه غلط .. لانكوا مش بس بتكلموا ولاد فى التليفون ده انتوا كمان اول مابتحسوا ان بابا او ماما او اخوكى او اختك قريبين منك بتكلميه كأنه بنت .. يعنى بتكدبى على أهلك.. بالاضافه لكده فواتير التليفون اللى بتيجى مرتفعة مش بتحسى بالذنب لانها من كلامك مع ولد مش واحده صاحبتك.. ممكن تقوليلى احنا بنتكلم كلام عادى .. فهقلك وليه متتصليش بصاحبتك بدل ماتتصلى (بصاحبك) مش كله كلام هتقوليلى مش عارفه ليه بيحصل ده بس بحس براحه اكتر وانا بتكلم معاه فبفضله على صحباتى فهقلك اكيد طبعا هتحسى براحه لان الشيطان موجود.. امال هو لازمته ايه .. ده يبقى فشل فى مهمته لو ماخلاكيش تفضلى صاحبك على صاحبتك ياترى هتسيبى الشيطان هو اللى ينتصر ولا هتنصرى حبك لربنا وأّمانتك مع أهلك ..لكى الاختيار.. عارفه حبيبتى ممكن تقوليلى الملل والزهق هما اللى بيدفعوكى لكده وكمان انك شايفاهاه انها بقت حاجه عادية كل البنات بتعملها.. حبيبتى والله انا حاسه بيكى الملل والفراغ ويمكن مفيش حد حاسس بيكى لامن صحباتك ولامن اهلك ويمكن الشخص ده اكتر واحد بيفهمك وحاجات تانية كتير.. لكن اسمحى لنفسك انك تفكرى ولو دقيقه واسألى نفسك (هل انا راضية عن نفسى وانا بكلم ولد؟؟) ( ياترى ربنا راضى عنى وانا بكلم ولد ولا مش راضى وزعلان منى) جاوبى على الأسئلة دى بصراحه لازم تجاوبى دلوقتى.. قبل ماتتسألى من الملكين فى القبر ومن ربنا يوم القيامة.. وسيبك من البنات اللى حسسوكى انها حاجه عادية لان زى مافى كتير بيكلموا ولاد فى الاكتر منهم مش بيكلموا ولاد وكمان احنا كلنا فى الهوا سوا ..فمثلا انا زيك مش بلاقى حد معايا ومش بلاقى حد يفهمنى واخواتى ولاد ومامتى وبابا مش موجودين يعنى طول اليوم لوحدى .. يعنى وحده من كل النواحى .. لكن عمرى مافكرت اصاحب ولاد ممكن تقوليلى يمكن يافجر مفيش ولد فكر يكلمك وحاول يكسب صداقتك فخللى الطابق مستور ههههههههه بصراحه كنت اتمنى لكن للأسف كتير حاولوا يكلمونى ويكسبوا صداقتى لكن ده طريق وكل واحد بيختار طريقه وانا مختاره طريقى ان كلام او صداقة الولاد ممنوع لان زى ماقلت فى البداية مش من قلة البنات اصاحب ولاد او اكلم ولاد او اطلب حاجه من ولاد. وكمان بنات كتير زيّنا مش بيكلموا ولاد فاتشجعـــــــــــــى ولو كنتى انتى بتكلمى ولد قوليها لنفسك مش هكلم ولاد تانى واستغفرى ربنا وأأكد ليكى انك هتذيدى فى نظر نفسك مليون مره وكمان هتذيدى فى نظر اى ولد كنتى بتكلميه مليون مره بس لازم ماترجعيش تكلميه تانى وماتقوليليش مقدرتش ومش هقدر.. لازم تصممى .. وساعدى نفسك وابعدى عن الاسباب اللى بتساعدك انك تكلميه وادعى ربنا انه يعينك وان شاء الله هتلاقى نفسك بقيتى قادرة تعيشى من غير كلام ولاد. الى الشباب.. اسمحولى أسألكوا واتمنى الاقى اجابات منكوا انتوا بتستفادوا ايه لما بتكلموا بنت فى التليفون ولما بتخرجوا مع بنت؟؟؟ لو كانت البنت دى اختكوا كنتوا هترضوا ده ليها هتقوليلى احنا اخواتنا البنات مايعملوش كده اصلا فأنا هقول ليكو حديث للرسول صلى الله عليه وسلم(حب لأخيك ماتحبه لنفسك) مادمتوا انتوا مابتحبوش يحصل ده لاخواتكوا وماترضوش بيه ليهم يبقى فى نفس الوقت ماترضوش بيه لبنات الناس واعتبروهم اخواتكم ممكن فعلا الاقى شباب بيقول عادى وفيها ايه لما اكلم بنت ومافيهاش حاجه لما اختى تكلم ولد بصراحه لو كان فى شباب كده يبقى ونعم الرجوله.. ولاتعليق وطلب صغير من شباب منتدى استاذ عمرو خالد ياريت شباب المنتدى يوضحوا للبنات نظرتهم ايه للبنت اللى بتتكلم فى التليفون مع ولد ولو كانت البنت دى اختهم كانوا هيتصرفوا معاها ازاى؟؟؟ الموضوع ده كبير واتمنى ان الشباب والبنات يشاركوا بوجهات نظرهم وبأرائهم الصداقة موضوع حاليا فى غاية الأهمية وفى نفس الوقت فى غاية الخطورة ولازم مناقشة وتوضيح من جانب جميع الأطراف ************************************************** ******************** البنات قلوبها رقيقه وحساسه فهى لاتشعر بها وحسب بل تنظر خلالها الى الدنيا وترى بها أحلامها الجميله ولهذا لاتنظر الفتاه الى الشاب بعينيها لكنها تراه بقلبها .. حيث أنها تتفقد من حولها من الشباب وتبحث من بينهم على فارس أحلامها وترى أن كلمة الشباب او الجنس الآخر يعنى عندها حباُ كبيراُ تتمنى ان تعيشه بقلبها وبكل ذره من كيانها إذن فالموضوع بحث عن الحب ليس صداقه كما تدعى الكثيرات أى أن الحب هو هدف كبير وهام فى حد ذاته بل هو هدف أساسى تسعى إليه البنات (ياريت يااخوتى متكدبوش على نفسكم وتقولولى صداقه لان مفيش صداقه مابين بنت وولد على الإطلاق) كيف أحب.. هذا هو السؤال التى تطرحه دائما الفتاه على نفسها .. لكن قبل ان تطرق البنت باب الحب يجب عليها ان تجيب على الأسئلة الآتيه ...كيف احب؟ ومتى أحب؟ ومن احب؟ فأولا اذا كان الحب هو النور الذى يشرق فى القلب.. فان الحب عند الفتاه يجب ان يعنى لديها كلمه واحده وهى (الزواج) فهذه هى النافذه الشرعيه التى ترضى الله وترضى الأهل وترضى الضمير وماعدا ذلك يعد طريقا مسدودا نهايته معروفه.. أنتِ فى عينيه.. بداية الشاب أكثر عقلانيه من البنت فى رؤيته ولايحكم على الأمور بقلبه أولاً بل هو اكثر قدره من الفتاه على وزن الأمور بالعقل والمنطق والحسابات واقل استخداماً للعاطفه منها.. والان ماهى نظرة الشاب للفتاه؟؟ - يحترم الشاب الفتاه الجاده التى تضع حدوداً فى تعاملها مع الشباب وتكبر فى نظره من تتقى الله فى زيها وحجابها ويقول(هذه ممنوع الاقتراب منها) -يتمنى الشاب الزواج من بنت محترمه ويبحث عمن يكون هو اول حب فى حياتها ولايتصور ان يتزوج بمن فرطت ومنحت كلمات ولمسات لأحد غيره ويظن ان كل فتاه تلبس ملابسا ملفته وتتبسط فى تعاملها مع الرجال تريده ان يلهو معها - قد يندفع الشاب الى علاقه عاطفيه مع فتاه لكن حين تأخذ العلاقه منعطفا حسياً يحتقر الشاب فتاته فى اعماق نفسه لأنها اعطته حقاً ليس له - يعيش كثير من الشباب حاله من التناقض.. فرغم انبهاره بالنموذج الغربى المفتوح فى علاقة الشاب والفتاه الا ان الرجل الشرقى مازال كامناً فى اعماقه فهو يلهو مع فتاه ولكنه لايفكر الزواج منها - ولايثق الشاب فى فتاته لسببين.. الاول هو انها كذبت على اهلها وتحايلت عليهم للخروج معه. الثانى هو انها خرجت معه هو بالذات ويسأل نفسه مالذى يمنعها من الكذب والتحايل علىٌ كما خانت ثقة أهلها؟ ومالذى يمنعها من معرفة شاب غيرى والخروج معه؟ فالآن بعد أن عرفتى نظرة الشباب ورأيهم فى البنات أنصحك بأن تكونى قويه.. كونى قويه بإيمانك وإيثارك لما يرضى الله تعالى على هواك وعاطفتك. كونى قويه بعلمك ان الله يراكى ويسمعك ويغار عليكى ..قال رسول الله صلى الله عليه وسلم إن الله يغار والمؤمن يغار وغيرة الله ان يأتى المؤمن ماحرم عليه كونى قوية ولاتبدأى الخطوة الاولى وقولى لا لنظرات قد تدفعك لعلاقه لاترضى الله فالخطوه الاولى هى النظره ثم يأتى الابتسام والسلام والموعد واللقاء ..وقال الله تعالى ( وقل للمؤمنات يغضضن من أبصارهن ) كونى قوية ولاتدعى أحداً يجرك نحو الحرام خطوه بخطوه فقد تكون البداية لمسه واحده يقول عنها رسول الله صلى الله عليه وسلم ( لأن يطعن أحدكم بمخيط من حديد خير له من أن يمس امرأه لاتحل له) أما الحب.. فسوف يدق بابك بإذن الله لأن من ترك شيئاً لله ابدله الله ماهو خير منه.. فتوجهى بالدعاء الخالص لله تعالى أن يرزقك بزوجا صالحا محباً تعيشين معه أجمل وأحلى قصة حب منقول عن الكاتبه د/ هند أحمد ************************************************** ********* الشباب اتقوا ربنا فى بنات الناس وساعدوهم فى انهم يعرفوا انهم جواهر ثمينه ومايصحش انهم يقللوا من شأنهم قصاد اى ولد وحتى لو كان الولد ده انت عارفه ان الكلام ده ممكن يجرح اى بنت.. لكن ده الصح وده واجبكوا فمش علشان ماتزعلوش البنات تسايروهم. فعلشان خاطر ربنا وقفوهم عند حدهم لانكوا لما بتحرجوهم.. مره فى مره مش هيفكروا يكلموكوا وهيترددوا مليون مره لو فكروا يكلموا اى ولد تانى. اعذرونى يابنات انى بحرض الشباب عليكوا.. لكن لازم مواجهه وعمل ايجابى من الشباب خاصة للبنات اللى ماقروش الموضوع وماعندهمش اى حد ينصحهم. وانتوا يابنات نصيحه منى ليكواماتسمعوش كلام اى واحده بتقول ليكوا ان كلام الولاد عادى ومافيهوش حاجه من الآخر ده طريق للضياع واعرفى كويس ان البنت اللى تقول ليكى كده انسانه مستهتره وحياتها ماشيه غلط حتى لو كانت البنت دى قريبتك مش صاحبتك.. فدورى انتى على الصح والغلط واعرفيه وماتستنيش تاخدى رأى حد خاصة وانتى عارفه ان الرأى ده معارض لأخلاقك وقيمك ومبادئك. دى كانت بعض اجزاء الموضوع لكن لسه الموضوع كبير جدا وفضولى بيدفعنى انى أسأل الأسئلة دى ... ورجاء خاص اللى يعرفوا اجابه يجاوبوااااااا 1-البنات والولاد اللى بنشوفهم واقفين مع بعض فى الكليات .. ايه نهاية وقوفهم مع بعض.. هل هيتجوزوا بعض.. ولا مجرد مابيخلصوا كليه كل واحد بيروح فى طريق.. 2-والبنات والولاد اللى بيكلموا بعض فى التليفون.. ايه نهاية كلامهم مع بعض .. جواز ولا ايه بالظبط |
بصو يا جماعة معلش الموضوع طويل انا عارفة بس بجد حاولو تقروه
ع فكرة انا ناقلاه و كمان سبت اسم اللى كاتباه سبت كل حاجة زى ماهى يعنى انا كل دورى انى جبته مش اكتر بس بجد انا مقتنعة تماما بكل كلمة فيه |
بصي يا حبيبتي انا تقريبا ما قريتش غير اول فقره بس فهمت قصدك انا مقتنعه بصداقة الولد والبنت جدا مش شرط زي ما بتقولي في التليفون وكدا لا يمكن انا اقصد اكتر زمالة الولد والبنت سواء كان في العمل او الدراسه او النت او اي مكان ممكن نتبادل فيه الحديث واه فعلا قلة بنات وقلة ولاد انا تقريبا غالب اصدقائي البنات طلعو فشنك وهتقوليلي دوري وانتي تلاقي مش كل زي بعضه هقولك بدور وزي ما قلتلك مش شرط تليفوانت وحاجات او كلام يغضب ربنا وما يكونش من ورا الاهل لازم كل حاجة باستشارة ماما عشان ما تبقيش بتخوني ثقتهم او بتعملي حاجة غلط لما تاخدي الرفض وانتي تعملي اللي في دماغك بردو هنا نقول خيانه للثقه دي دا رأيي المتواضع وميرسي على الموضوع يا جميل |
بصراحة الله ينور عليكى كلامك صحيح شكرا ليكى بجد
|
مش معنى ان الاب والام موافقين يبقى الله راضى عن كلامك مع الولد يا همسة
|
السلام عليكم ورحمه الله وبركاته موضوع جميل وهادف ومميز شكرا على المجهود الرائع والافكار المتبادلة من الجميع واحب اضيف على كلامكم فى كثير من الاحيان تكون صداقه الولد و البنت اقوى بكتير من صداقه البنت للبنت او الولد للولد خصوصا المعروف ان هناك غيره بين البنات كما ان الولد يستطيع ان ينصحك بعقله اكتر من البنت لانه عاطفيه زياده ان بصراحه بحس ان صداقه الولاد و البنات احسن من البنت للبنت خاصه اذا كانت تمر البنت بحب فى حياتها مثلا فبتجده هو الناصح الجيد لها لانه ولد مثل حبيبها و ايضا اذا احتاجته فى مواقف الشده او مشكله مثلا فصديقتها البنت فى النهايه بنت مثلها لا تستطيع ان تساعدها فى مواقف الشده التى تحتاج الى ولد و خاصه اذا كانت البنت ليس لها اخوات ولاد |
اقتباس:
اي حاجة مش تغضب ربنا يعني معلش انا دلوقتي محتاجه محاضره وحاجه مهمه وولد شرحهالي يبئا انا كدا خلاص اغضبت ربنا ولما يطلب مني ولد حاجة في حدود زمالتنا في الدراسه امشي واسيبه مع نفسه كمان الحال ع النت انا دلوقتي بكلم حضرتك ع المنتدى يعني بكلم ولد طيب ما ع الشات نفس الوضع بنتكلم في موضوع معين ولا انا شايفاه ولا هو شايفني انا بقول اي حاجة مش تغضب ربنا ومش شرط بس موافقة الاهل يعني صح الوقوف مع ولد لواحدنا لفترات في الكليه حرام حتى لو مش بنقول حاجة غلط والرسول قال اتقو الشبهات كمان الوضع بالنسبه للتليفون اساسا صوت المرأه عوره |
اقتباس:
وانا معاك في نقطة الصداقه بين الولد والبنت افضل بكتير بسبب الغيره اللي ممكن تنشأ بين بنتين ودا الموجود فعلا وكمان لما البنت مش بيكون ليها اخوات اولاد ويكون لها صديق زي الاخ بيخاف عليها وبينصحها |
صح يا همسة
بس الكلام على التليفون زى ماقولتى حرام شرعا وكذلك الوقوف ثم ماينفعشى التعامل غير بكامل الحذر وعلى فكرة الغيرة بتكون من البنات كلها لان دة طبعهم نظرا لوسائل اعلامنا فى هذا العصر |
اقتباس:
عشان ما نقعش في الغلط وبردو لو وقعنا لازم نتوب وباب التوبه مفتوح بالنسبه للغيره بين بنتين او ولدين ف دي مش بترجع للاعلام بس يعني مثلا ممكن تكون الحقد بسبب الدراسه ودي الاعلام مش ليه يد فيها |
دة فى رايك الشخصى انما انا عارف انا بقول ايه
ثانيا الاولاد كذلك بتكون بينهم غيره وممكن واحد يسيب صاحبه عشان بنت انا دخلت فى تارب كتير وانا وصديق روحى واتفدت كتير فى امان الله وشكرا على الاهتمام |
اقتباس:
بس اقصد مش هو السبب الوحيد والغيره موجوده بين اي اتنين صحاب ولاد او بنات واسباب فقدان الصداقه كتير بس انا اتكلمت عن الدراسه لان هي السبب اللي خلاني افقدت صديقة عمري بس والعفو يا جميل |
اقتباس:
ثانيا بصى يا حبيبة قلبى فى فرق كبيييييييييير بين زمالة الشغل او الدلااسة و انك تكلمى ولد سواء نت او اى حاجة تانية حتى لو كلامكم مش فيه اى حاجة اكتر من انكم اخوات بصى انا هسالك اسئلة و رديلى عليها اوكى 1- لو الرسول _ص_معانا كان هينفع البنات تكلم ولاد ده لو بيحفظها القران مش ينفع 2- انتى بتعامليه كاخوكى مش تثقى فيه هو لو هو مين معلش يا شباب يعنى الولاد ساعات كتير بتعمل حاجات كتير عشان تعمل حاجة معينة فى دماغها 3- انتم بتتعاملو كاخوات يعنى اكيد بتخافى عليه كاخوكى طيب مش ممكن قلبه يتعلق بيكى و انتى مش بتحبيه هتعذبيه و ع فكرة ده حصل كتير جداااااااااااااا و ممكن العكس 4- حبيبتى البنت بتميل للكلام مع الولد و العكس لان دى فطرة بس اللى بيجاهد نفسه ربنا يجازيه كل الخيييييييييييييييير حبيبتى مش عايزاك تزعلى منى و ياريت تتقبلى رايى |
اقتباس:
|
اقتباس:
ورايك وضحته بدون ما تقوله شكراااااا ع مرورك |
اقتباس:
|
اقتباس:
اما بالنسبة للمنتدى حبيبتى احنا بنتكلم كلنا قدام بعض و مش معنى ده انى بقولك ان كلامك مش مظبوط انتى وضحتى كلامكم بس قصدى ان انت مش بتكلميه هو ده كانك بتتكلمى فى برنامج ع التليفزيون فى ولاد بيسمعوكى و فى بنات برده ياريت مش تزعلى منى احنا بندردش مع بعض كاخوات |
انا شايفة ان صداقة الولد و البنت مافيهاش اي غلط مدام في حدود الاحترام والبنت المحترمة اللي عاوزة تحافظ على نفسها بتقدر تخلي الولد ما يتعداش حدوده اما البنت المستهترة فهي بردو اللي بتوقع نفسها في الغلط و بتسمحله انه يتعدى حدوده معاها وطبعا الصداقة لازم يكون للاهل علم بيها عشان البنت ما تبقاش بتخون ثقة اهلها فيها
|
بجد موضوع جميل جدااااااااااااا ملم مشكوووووووووووووووووووووووووورة على المجهود الرائع
اما بالنسبة للصداقة بين بنت وولد كلة كلام فاضى بتدا فى الاول باحنا هنتكلم زى الاخوات (اكيد علشان يكسب ثقة الساذجة اللى يعينى مفيش حد فاهمها فى البيت وولد غريب هو اللى هيفهمها) اما عن سبب اقتناعى بان دة كلام فاضى ان فى مبدا بيقول الحاجة اللى تخاف تعملها ادام الناس يبقى اكيد انت بتعمل حاجة غلط وكمان انا مش اقنعت بسهولة لازم كنت اجرب بس طبعا كان باشراف من اخويا الكبير (فاهم فى الجامعة بقى لازم يكون فاهم اكتر منى) المهم كنا بنتكلم كتابة ساعات انا اتكلم وساعات اخويا يتكلم على انة انا وما اجملة من كلام معسول (اكيد ناقلة من موقع ولا من كتاب) ومع هم المذاكرة الواحد عايز حد يهدى نفسة بكلمتين الموضوع بدا يكبر وصور وشوية طلب رقم الموبايل ساعتها اتاكدت ان كلة هجس زى مابيقوا وزى ما انا مخنوقة من المذاكرة هو مخنوق ودا مجرد ترفية ووقت لذيذ بنرغى فية احلى حاجة ان اخويا كان معايا فى كل الكلام علشان يثبت ليا ويقنعنى بانة غلط ومش معنى ان معظم البنات بتعمل كدة يبقى لازم اجارى العصر واعمل زيهم واخيرااااااا علشان انا اتكلمت كتير انا فى مبادئى برضو (كتير ملهاش حصر) ان البنت زى التحفة او الجوهرة اللى فى متحف كل الناس واخدة بالها منها اى خدش بسيط الناس بتاخد بالها منة فلازم تحافظ على الجوهرة لحد مايجى اللى يستحق الجوهرة دى وتقدميها كانها هدية جميلة |
وانا معاكي ياريهام
بصي هرد على اسألتك بس بعدين لان النت وحش وانا داخله من موبايلي بس هقولك حاجه واحده مؤقتأ اذا كنا في المنتدى كلنا بنتكلم قدام بعض ف ع الشات بنتكلم قدام الاهل ودول اهم وفي الجامعه انتي بتتكلمي مع ولد قدام مليون بني آدم وسيبك من كده اهم حاجه تكوني بتراقبي ربنا في السر والعلن وطبعا ياحبي عمري ما ارعل منكو ابدا تقبلي مروري |
ارق ملاك موضوع رائع كعادتك ولكنى ارى تحامل على الشباب فانت توجهى لوما للشباب وتقولين لهم اتقوا الله
مع ان هناك من البنات ما يسعون لصداقة الشباب وانا عن نفسى اصادق فتيات فى اطار صداقة اخوية واذهب عندهم فى البيت واكلم ابائهم وامهاتهم وكثيرا ما احل مشاكل تحدث بينهم انا ارى اذا كان الامر كذلك فما الضرر |
اقتباس:
بعدين جزئية ان البنت بتفرض على اى حد احترامها اكيد انا متفقة معاكى لان مش معنى كلامى ان مافيش تعامل بينى و بين الولاد بس فى حدود الضرورة يعنى لو حد احتاج منى حاجة او العكس بس بيبقى ع اد الضرورة انتى فاهمانى |
اقتباس:
|
هو يا جماعة احنا قولنا كلام كتير وكله كلام مفيد بس اخر نقطة احب اوضحها ان لو فى صداقة فعلا بين ولد و بنت ميكونش فى خوف من كلام الناس علشان لو فى خوف من الناس هيفتكرو ان فى شئ مش مظبوط انا عن نفسى ليا واحدة صحبتى زى اختى تقريبا ويكمن اكتر اروح عندهم البيت واكل معاهم وعاف مامتها وخيلنها وجدتها وجدها لانها وحيدة بسبب وفاه والدها المشكلة يا جماعة كلام الناس مش كلهم نيتهم صافية واكيد لازم الاحترام يكون شئ اساسى بينهم امام الناس ووراء الناس وعلى راى المغنى جورج الى انا مش بحبو كلام الناس لا بيقدم ولا يأخر وشكراا |
بسم الله الرحمن الرحيم
اسمحيلى انا بعترض على كلامك ده لان العلاقه بين الولد والبنت ممكن تكون علاقه بريئه جدااا
ومش شرط انا الكلام فى الموبايل فى فى حاجه خارجه ممكن مثلا يكون فى العلم المهم انا البنت تكون وصقه من نفسها وتقدر تحافظ على نفسها |
اقتباس:
لا بس انا قصدى اننا كده مش بنتكلم لوحدنا يعنى مثلا انا لما اكتب موضوع زى ده مش بكتبه و انما عارفة مين هيقراه يعنى كان ممكن اوى مافيش حد يقراه غير بنات او غر ولاد فاهمانى و بعدين صراحة كده انا مقتنعة تماما ان البنت لو عايزة تعمل حاجة هتعملها لو الكون كله وقف ضدها بس في فرق بين البنت اللى بتتحكم فى نفسها و البنت الضعيفة اوكى اما يا حبيبة قلبى بالنسبة للكلام فى الجامعة قدام مليون واحد و واحدة ليه الكلام اصلا (الا فى الضرورة ) و اكيد طبعا مراقبة ربنا هى الاهم بس الاتزام بدين ربنا مراقبة لربنا حاولى كده تسالى فى حكم الدين و انتى عارفة كويس مين اللى تاخدى منه الفتوى |
اقتباس:
بعدين البنات ارق من الولاد يعنى لو كلمتهم جامد شوية لاما هيعيطو لاما هيطلعو بره الموضوع اصلا بس بالنسبة للعلاقة الاخوية هقولك حاجة انا كل الشباب اللى ع المنتدى او كل الشباب المسلم عامكة بعاملهم كاخواتى و بحبهم و الله كاخواتى يمكن عشان مش عندى اخوات ولاد كبار بس المهم مش معنى ده اننا نتكلم يعنى بمعنى اخوات لو فى مشكلة عند حد فيهم و عايز رايى اوكى انما مش كلام غير كده انت فاهمنى لان متهيالى مافيش كلام غير كده لو اخوات بس لاننا اخوات فى الاسلام مش اخوات بجد ياريت اكون قدرت اوصل فكرتى |
يجماعه بصراحه كده البنات و الولاد اللى قاله ان الصداقه بين الولد والبنت متنفعش لاما اتخدعم من واحد فى 1000000 او واحده فى 1000000 وطبقوا ده على جميع الحالات
ده اولا ثانيا فى حاجات بتحصل للولد مينفعش يقلها لولد زيه لان رده هيبقى تقليدى لازم يكون مصاحب بنت فى حدود الادب والاتزام وياخد رايها مفيش حاجه هتأثر يعنى لما الواد يحكى للبنت مشكله يشوف وجهه نظر البنت بالنسبه للمشكله دى وكذلك للولد ولما حضرتك تكبرى مش هيبقى ليكى اصدقتء عمل؟ مش هتكلميهم وتقولى حرام؟ مهو اللى يمشى على ده هيمشى على ده وعلى فكره انا هوايتى انى اعمل اصحاب مش من ناحيه ولد او بنت المهم اصدقاء واللى اعرفه لو البنت واثقه من نفسها ومؤمنه بربها سبحانه وتعالى لو الولد ده ابليس متخفى مش هيقدر يئذيها وان الاعمال بالنيات فالصداقه بين الولد والبنت فعلا مش عيب نهاااااااااااائى |
اقتباس:
كلام الناس لا كلام الناس كده او كده مش هيسكت بس ساعات بيبقى فى اسباب و كلامى مش عليك انا بتكلم عامة نرجع للموضوع انت بتقول انك ليك صديقة و اهلها عارفين و عارفينك بس سؤالى سيبك من اهلها هل انت تحب ان الرسول _ص_يقابلك فى يوم و يقولك مين دى تقوله صديقتى مع العلم ان الرسول _ص_كان بيمنع الرجال انهم يطلعو قبل النساء من المسجد بعد الصلاة |
اقتباس:
هتقولى بيتكلمو كلام عادى طيب انت مش معايا ان الكلام العادى ده ممكن يخليهمك يتعلقو ببعض او واحد فيهم يتعلق بالتانى متهيالى سمعنا كتير عن حاجات زى كده اما بالنسبة للثقة فى النفس الثقة مطلوبة اه بس غلط لما تزيد انت عارف ده بيفكرنى براجل قعد يقول انا مافيش واحدة تخلينى اعجب بيها و ...........و الكلام ده و اتعامل مع البنات عادى لحد ما اتعلق بواحدة و ترتب ع كده حاجات كتير جدا غلط ربنا قادر بيورينا اانا ولا حاجة من غيره ربنا قال اننا نتجنب اى وسيلة من وسائل الاختلاط بقدر المستطاع لما نقول اصل احنا اقوياء هيورينا انه هو الاقوى سبحانه الجبار |
اقتباس:
هطبقى ده هناك يارق ملاك؟والله مش هتنفعى ابدا خلى بالك كويس قووووووووى مندخلش الدين فى كل حاجه على الفاضيه والملايانه عشان منقلبش المواجع بس بقى افتكرى حاجه ان الرسول مكنش بيسلم على النساء يدا بيد حضرتك مسلمتيش على اولاد يد بيد حتى لو كان استاذك؟ |
اقتباس:
هههههههههههههههههههههههههههههههههههههههههههههههههه ه والله عمرى ما اتخدعت من اى ولد لانى و لله الحمد مافيش ولد يقدر عليا اوكى اما بالنسبة لاصدقاء العمل حدود كلامى معاهم فى العمل فقط لا غير اما بالنسبة للمشاكل انا قلت قبل كده ماهو فى قسم للمشاكل وبنات وولاد بيكتبو رايهم ثم الولد اللى ليه اخت بنت ماهى بنت مش بيكلمها ليه و العكس صحيح و بالنسبة لموضوع الثقة انا رديت عليه قبل كده |
اقتباس:
افرضى 2 غلابه مبيعرفوش نت ؟ |
اقتباس:
زى ايه اللى عايز يطلب علم شرعى و ما فيش مكان بيعلم العلم الشرعى قريب منه و برده مش عنده نت عارف هيعمل ايه هيتصرف هيسمع شيوخ هيشترى كتب و الله اللى عايز يعمل حاجة لو حطها فى دماغه بجد و مش قعدنا نعجز فى نفسنا هنلاقى 1000000005612526312حل و طريقة معلش انا مش عايزاك تتضايق احنا بنتناقش و كل واحد بيقول رايه و فى الاخر كل واحد بيعمل اللى هيقتنع بيه و هما اللى مسئول ع نفسه هو اللى هيتسال مش احنا سواء هو صح او غلط الاختلاف فى الراى لا يفسد للود قضية |
اقتباس:
ده اكيد بس افتكرى حضرتك قدام هتحتاجى لصداقه الولد ولا لاء لصداقه ها ولما والنبى ميحصلش ده ابقى تعالى قوليلى على نفس المنتدى بتاعنا ده انك مصاحبتيش حد وده مستحيل لان لسه دورها مجاش فى حياتك عشان كده بتقولى كده |
بسم الله الرحمن الرحيم
اقتباس:
وهى مشكله ان حد فيهم يتعللق بالتانى او حتى يحب التانى انا مش شايف ان دى مشكله ثم الحب مش حرام المهم انه يكون حب برىء وصادق نهايته الجواز |
اقتباس:
بعدين متهيالى الزواج طريقه معروف و الشباب عارفين كده كويس متهيالى يعنى وبعدين معلش يا جماعة اعذرونى لو مش قدرت اكمل معاكم المناقشة الجميلة دى بس عندى مذاكرة و ان شاء الله هكمل معاكم فى يوم تانى لو قفلت |
اقتباس:
هطبقى ده هناك يارق ملاك؟والله مش هتنفعى ابدا خلى بالك كويس قووووووووى مندخلش الدين فى كل حاجه على الفاضيه والملايانه عشان منقلبش المواجع بس بقى افتكرى حاجه ان الرسول مكنش بيسلم على النساء يدا بيد حضرتك مسلمتيش على اولاد يد بيد حتى لو كان استاذك؟ ممكن ردك |
اقتباس:
و من عينيا هبقى اجى ان شاء الله و اقول ع المنتدى بس تبقى اعمل انت موضوع متعلق بكده و انا هبقى اقول كده فيه بعدين معلش يعنى انا مش فاهمة دور صداقة الولد فى حياتى:D |
المشاركة الأصلية كتبت بواسطة ارق ملاك هههههههههههههههههههههههههههههه كلام الناس لا كلام الناس كده او كده مش هيسكت بس ساعات بيبقى فى اسباب و كلامى مش عليك انا بتكلم عامة نرجع للموضوع انت بتقول انك ليك صديقة و اهلها عارفين و عارفينك بس سؤالى سيبك من اهلها هل انت تحب ان الرسول _ص_يقابلك فى يوم و يقولك مين دى تقوله صديقتى مع العلم ان الرسول _ص_كان بيمنع الرجال انهم يطلعو قبل النساء من المسجد بعد الصلاة \\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\ عزيزى ارق ملاك الاعمال بالنيات وانا اقول لك اكتر من اختى انت كده هتعمل زى بقيت الناس فى تفكيرهم |
اقتباس:
و الحمد لله انا من ساعة ما التزمت و الله ايى ما مست ايد اى راجل حتلى ازواج عماتى و خالاتى و ابن خالى اصغر منى بسنتين و مش هقولك احنا اخوات اد ايه و متربيين مع بعض و الله ما بسلم عليه |
اقتباس:
بس انا سالتك سؤال انت تحب ان الرسول _ص_لما يشوفك يشوفك معاها و تقوله دى صديقتى و بعدين ع فكرة انا بنت :D |
بسم الله الرحمن الرحيم
اقتباس:
بصى انتى من كلامك انك ملتزمه جدا ورافضه فكرت الصداقه بين الوبد والبنت طيب منين بتقولى كده ومنين ببتكلمى مع الاولاد على النت مهى دى برده تعتبر صداقه ولا يفرق الكلام فى الموبايل من الكلام على الانترنت |
اقتباس:
مع العلم انى فعلا بسال عن موضوع الكتابة فى المواضيع |
المفروض انك لما ترفضى العكلام ين الولد والبنت ترفضيها بكل اشكالها
مافيش فراق بين الكلام ع المواضيع و الكلام ع الشات |
انا مش عارف انتو بتتكلمو فى ايه
الموضوع ده معروف اساسا الاختلاط ليه شروط انه يكون فى ضروره انه يكون فى مكان عام انه يكون فى احترام و يستحسن يكون الاتنين بيبصو على الارض مش باصين لبعض يعنى اما اجى اسأل واحده على محاضره زى ما بتقولو لازم يكون تابع للشروط دى و كمان لازم تكون المحاضره مش هعرف اجيبها من صحابى الولاد تانى حاجه الكلام بين الولد و البنت على المنتدى لا صداقه ولا حاجه لان من الاخر الكلام اللى بيتقال ادام كل الناس الموجودين هتقولى مهو فى الكليه مثلا بيبقى ادام كل الناس بس هنا كل الناس شايفه الكلام و عارفه ايه اللى بيتقال تختلف طبعا و بعدين اتعودوا اما حد ييجو يقول نصيحه او يقول حاجه مش نقوله منتا بتعمل كذا و ليه بتكلم كذا ده مش صح مش عشان انا بعمل حاجه غلط اقول للى ادامى منتا كمان بتعمل لان كمان فى ناس تانيه ونا منهم انصح الواحد و ممكن تكون النصيحه دى انا مش بنفذها بس يمكن عايز اللى ادامى يبقى احسن منى او مثلا نفسى اخد ثواب فى الشخيه اللى ادامى مادام مش عارف اخد ثواب فى نفسى بلاش اى حد يقول نصيحه يلاقى الهجوم ده عليه شكرا يا ارق ملاك على الموضوع الجميل ده:) |
اقتباس:
و كمان بتكلم كانى بتكلم مع بنات_سورى يا شباب_بس مش بقول اى حاجة غير ع اد الموضوع او شكر لصاحب الموضوع يعنى تقدر تقول كده مش بكلم اشخاص بكلم مواضيع و بعدين فى حاجة تانية انا زى ماقلتن قبل كده العلاقة الاخوية بين البنت و الولد مقتصرة ع لو فى مشكلة زى قسم المشاكل مثلا او الرسايل الخاصة يعنى هقول لك ع حاجة لو حد مثلا بعتلك مشكلة ع الخاص و قالك انه عايز رايك و انت قادر تساعده هترفض بس فى الوقت ده انا مش بتكلم انا برد ع اد الموضوع زى بالضبط لما اجى اتكلم مع مدرس او بائع فى محل ده يعتبر كلام بس صراحة انا زى ما قلت قبل كده انا فعلا بحاول افكر و اسال فى موضوع المنتديات |
بسم الله الرحمن الرحيم
اقتباس:
معنى كلامك انه بالتمسك بهذه الشروط ممكن الاخطلات بين الولد والبنت وده الى انا بحاول اوصله |
اقتباس:
بس بالعقل ازاى الشروط دى تبقى موجوده و يبقى فى صداقه؟! صعب شويه يعنى انا بقولك الكلام عند الضروره لكن الصداقه بقى صباح الخير صباح النور ايه الاخبار عملتى ايه فى كذا اه مش عارف كان ايه و انت ايه اخبارك هتيجى الكليه بكره ولا لا مش عارف هاجى ولا لا طيب يلا اشوفك بعدين فهمت قصدى؟ |
اقتباس:
بجد شكرااااااااااااااا جداااااااااااااااا ليك |
| جميع الأوقات بتوقيت GMT +2. الساعة الآن 08:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.