|
أرجو المشورة من أخوانى
السلام عليكم كما تعلمون انى اعمل مدرسا بالازهر كنت متعاقدا من 2005 وثبت لكن اليوم جائتنى وظيفة فى مشروع أوائل الخريجين ولا أدرى هل أذهب أم أظل فى التدريس الوظيفة فى الجامعة باحث شئون تعليم الدرجة الثالثة النوعية لوظائف التعليم ارجو من عنده علم بطبيعة هذه الوظيفة والماديات ان يفيدنى ولكم جزيل الشكر |
مقدر حيرتك استاذ هشام قارن الوظيفتين (معلم / باحث شئون تعليم) من جميع النواحى ثم اتخذ القرار: - ايهما اقرب من محل سكنك واسهل فى الوصول؟ - ايهما اكبر راتبا واسرع فى الترقى للوظائف الاعلى؟ - ايهما اسهل فى طبيعة العمل؟ - ايهما افضل مستقبلا (ماديا واجتماعيا ووظيفيا) على المدى البعيد؟ مع وضع النقاط الاتية فى الاعتبار عند اتخاذ القرار: 1- انك مثبت ولك شهادة خبرة رسمية بـ 6 سنوات يمكن الاستفادة بها 2- انك قد تعودت تماما على وظيفتك الحالية وعلى دراية بادق تفاصيلها 3- اجازة 3 شهور تقريبا كل عام 4- راتب جيد نوعا ما بعد اضافة حافز الاداء الشهر المقبل وانتظر راى باقى الزملاء وربنا يوفقك لما فيه الخير |
اخى العزيز هشام انا كنت مقدم فى مسابقه الاوائل الشهر الماضى لانى كنت متخلف عن التقديم فهل الاسماء ظهرت ام لا ارجو منك الرد بسرعه
|
يمكنك السؤال عن الوظيفة في الجامعة أفضل وعن طبيعة عملها
و على الرغم من موضوع الخبرات التي مارستها في عملك كمعلم و على الرغم أنه قد يكون الامتيازات المالية افضل في الازهر نوعا ما ( وسيكون الفارق ضئيل مقارنة بالزيادات التي تاخذها الجامعة ) لكن العمل الجامعي و حسب ما ذكرت من الوظيفة التي اعلنت بها ّ باحث شئون تعليم " فأجد ان وظيفتك الجديدة أفضل و اقوى بكثير فالعمل في الجامعة لا يقارن بعملك الحالي...وخصوصا في ظل عدم وجود سياسة ولا نظام حالي في التعليم الازهري عسى ان يصلح الله بك التعليم الازهري مما هو فيه من ركود شديد لكن عليك عمل استخارة لله قبل كل شئ |
عليك بصلاة الإستخارة
|
السلام عليكم انا خريج لغة عربية بايتاى البارود واستلام الجواب الاحد القادم فما الوظيفة المحتملة بانسبة لى مع العلم انى مثبت حديثا بالازهر تعاقد 2006 ؟
|
هشام رووووووووووووووح وسيب المعهد الجامعه افضل ماليا بكثييييييييير وبامكانك التحضير بجانب وظيفتك ثم انها واحد اقدميتك فى التدريس راحت وفى الجامعه هتكون من يناير 2012 يعنى كانك بتختار بين وظيفتين جديدتين
|
السلام عليكم وبعد التحية عاوز افادة منكم جيلى شغل تانى غير الازهر الجهة المرشح لها طلبت منى ان اتى ب اخلاء طرفى من المعهد الذى ادرس فية ولن يتم تسلمى العمل الا باخلاء الطرف وليس الاستقالة عاوزين اخلاء طرف ويكون لة تاريخ
ثانيا بالنسبة للاستقالة هل هيتم الموافقة عليها علطول ام ستاخذ مدة وان تم الموافقة عليها هل ساخذها مينفعشى اسيب المعهد وامشى علطول والا سوف ا تنازل على المدة السابقة وهى عملى بالازهر فى فترة التعاقد لانى لو جبت اخلاء طرف سوف يتم حساب المدة السابقة لى فى الوظيفة الجديدة نتمنى الرد بالتفصيل وما هو المانع من اخلاء الطرف بالازهر وما هى صيغتة وماهى اجرائتة وما هى صيغتة الاستقالة بالتفصيل لهذا السبب وما المانع بالاكتفاء بالمنطقة فقط دون الرجوع للحسين بهذة الاستقالة |
جزى الله خيرا كل من رد على الموضوع بالنسبة للاستاذ محمد فوزى فالمقارنة ظالمة لان المعهد فى بلدى اما الكلية فتقريبا تبعد 80 كيلو!! الراتب الله اعلم بس تقريبا مش هتفرق كثير! الاخ hesham123 الله أعلم ممكن تتصل بهم فى التنظيم والادارة وهم يفيدوك أ/مصطفى محمود وظيفة باحث شئون تعليم علمت انه عمل ادارى وهذا مسمى فقط! الاخ عبود ابوزيد على حسب ترتيبك Khaled Soliman ان شاء الله teacher120 والله يامحمود اللى محيرنى بعد الكلية لانها فى تفهنا وانا من نبروه يعنى المسافة تقريبا 80 ك!!واربع مواصلات !! وانا والله نفسى اسيب التدريس بس المشكلة خايف لاندم تانى لانه عمل غير مغرى كما علمت اليوم من زميل لى النيابة ربنا يوفقك |
على فكرة يامحمود انا سألت وانا فى التنظيم والادارة عن موضوع ضم الخدمة فقالوا انها تضم تلقائيا
قلتلهم فى الازهر قالوا لن تضم قالوا فى كتاب دورى سنة 2011 بيقول بالضم وقلت اقدم طلب فى التنظيم والادارة لضم المدة قالت الموظفة لا قدمه فى جهة عملك من كلامها حسيت ان الموضوع مفروغ منه وان شاء الله لن تضيع السنوات هباءا |
ترتيبى ال11
|
ياجماعه الوظيفه بتاعت باحث
دى وظيفه ادارى بالجامعه وليس شء اخر لانى سالت فيها |
عبود
الموظف اللى فى التنظيم قالى ان اول 3 بيتعينوا فى الكلية |
بصراحة الجامعه افضل
|
لقد ذهبت الى التنظيم والادارة واستلمت خطابا بتعيينى اخصائى تدريس فهل اذا ذهبت الى المنطقة ووافقت على الوظيفة يكون هناك فرق فى المرتب القديم والجديد لانهم اخبرو ان الحد الادنى لمرتبات الاوائل 843 جنيها ام اظل فى وظيفتى القديمة واحتفظ بسنوات العمل التى مضت؟
|
أخي الأستاذ هشام
جاءني مثل ما جاءك وهو خطاب تعيين في الكلية والمسمي الوظيفي " مدرس مادة " طبعا انا قلت هابقي مدرس مساعد لآني حاصل علي ماجستير وجريت علي الكلية افهم معني مدرس مادة طلعت هابقي مدرس الأجزاء العملية من المواد وللايضاح المادة عندنا في الكلية مقسمة ل 100 درجة 40 أعمال سنة و 30 عملي و 30 للامتحان النظري ( كلية التربية الرياضية ) وفهمت اني مش هابقي تبع اعضاء هيئة التدريس !!!!! قلتلهم ازاي قالولي هتبقي وظيفتك الأساسية هيبقي تدريس المواد العملية او الأجزاء العملية من المواد لكن هتبقي موجود في الدرجة المالية علي اساس إداري يعني زي اي موظف في الكلية يعني يوم مايكرمك ربنا هتبقي أمين الكلية ويمكن أمين الجامعة كلها قول آمين خلاصة الكلام انا عرفت ان الراتب زي ماهو وصحيح هيتقالي في الرايحة والجاية يادكتور لكن يافرحتي بالالقاب فكتبت تنازل عن التعيين ورجعة تاني للازهر وخصوصا اني شغال في أخصائي تاهيل رياضي في نادي آخر النهار و شغل الجامعة يبقي معناه اني هاقيم في القاهرة وانا اساسا من الفيوم يعني 80 كيلو سفر برده وده غير كمان التحكمات الوظيفية لكن الأزهر ربنا يخلية لينا الواحد فيه مريح دماغة بس هو ناقصه ان الحرس القديم ( الموجهين وإدارات المعاهد وإدارات المناطق ..... إلخ ) يتوكلوا علي الله ويطلعوا معاش ويسيبو لينا الأزهر علشان نعمله نهضة بجد تحياتي |
المرتب ده الاجمالى
يعنى لسه فيه مستقطعات |
يعنى اتوكل على الله وابقى مكانى بالرغم مما نعانيه من العقول المتحجرة!
جزاك الله خيرا طب لازم اعمل تنازل عن الوظيفة ولا مااروحش وخلاص؟ اقتباس:
|
هشام القاضي يتمني لك التوفيق في الوظيفة الجديدة ولالالالا تنسي تفهنا
|
اقتباس:
لا اعمل استخارة برده واسأل علي الراتب وعلي المميزات يمكن تكون أفضل من الأزهر لأن نظام كل كلية تختلف عن التانية وفي بدلات وبدلات تغذية وحاجات تانية انا سمعت ان جامعة الأسكندرية فيها حاجات زي كده وبرده نظام كل جامعة بيختلف يعني في جامعات لازم تتنازلي عن التعيين وفي جامعات ماتروحش اساسا وهما هيجيبوا اللي بعدك بمجرد مايعدي 60 يوم علي ما اعتقد من تاريخ الخطاب وبرده اسال وماتستعجلش واسال تاني وتالت وعاشر واسال ناس عندك في الكلية علي نظام الباحث وهو نظام يخليك موظف وتكمل ماجستير ودكتوراه وبمجرد مناييجي مسابقة في الكلية تعيين مدرسين تقدم ويبقي ليك الأولوية اسأل علي النظام ده لأن الجامعات في المحافظات بتبقي أسهل من الجامعات في القاهرة تحياتي لك |
حبيب قلبى القاضى
سلملى عليه جدا وهو حد ينسى تفهنا!! اقتباس:
|
اشكرك اخى الكريم على اهتمامك ومتابعتك وان شاء الله اعمل بنصيحتك الغالية
اقتباس:
|
| جميع الأوقات بتوقيت GMT +2. الساعة الآن 11:10 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.