|
مصالح مصالح مصالح
بسم الله الرحمن الرحيم السلام عليكم ورحمه الله وبركاته قد اقتنعت حقا فى هذه الايام :: ان معرفة الاشخاص ببعض هى ليس مجرد الا لمصالح شخصية فقد الانسان يبحث عن الشخص الذى سوف يقضى معه مصلحة وبعد ذلك بعد انتهاء هذه المصلحة :( ،،، تنتهى العلاقة :( و ينتهى كل شئ ........ :confused::confused: ينسى الايام التى قد قضاها معا فى حلوة ومرة :(:mad: ينساها بمجرد مصالح :eek::eek: هل فعلا المصالح اقوى من العلاقات ؟؟ :eek: نعم انها علاقات الحب الزائفة !! :( لا اقصد حب "الحبيبين" انما اقصد ؛؛؛؛؛ معرفة الاشخاص بعضها ببعض هل يوجد بينهم حب ؟؟ اقول الاجابة هى :- بالتأكيد يوجد حب بينهم ولكن ،،،،،،، حب زائف ينتهى بمجرد انهاء المصلحة الشخصية أى بمعنى أصح ليس حب الأخ لأخيه ولكن حب الأخ للمصله التى سوف يقضيها له من يحاول أن يعطيه إحساس الأخوه حتى تنقضى هذه المصلحه هذا هو حال الزمن من وجهة نظرى رايت كثيرا وخدعت كثير فى اناس اعطيت لهم كل حب بصدق وكان جزائى ان ارى انه ليس مجرد الامصلحة اضحك على حال الدنيا كم هى غريبة !! ان تكون انسان صادق يضحكون عليك !! :mad: اليس هذا مضحك فعلا ؟؟:mad: فالدنيا ,,, اقولها بانها فقط ليست الا مصالح شخصية :mad::mad::mad: |
اقتباس:
انا معاك فعلاً مصالح بالتلاته اقتباس:
بس بتعرف حبيبك او صحبك وبتعلم عليه بارك الله فيك يا ابوحميد لموضوعك الجميل جداً الهادف شكراً |
جميل موضوعك يا محمد
فى ناس يعرفونى علشان اعملهم مصلحة او اكتر وبعد كده ممكن يشوفونى ومايسلموش لدرجة انى بقيت مش بآمن لحد ابداً بتعامل بنفس مفهوم المصالح لان تقريبا مبقاش فى حد كويس يتصاحب البنات بصراحة بقوا فى قمة الندالة طبعا مش كلهم بس جزء كبير منهم وأشكرك على الموضوع |
هو لحد دلوقتي مش كل الناس يتوع مصالح لكن غالبا في المرحله الجايه هتبقي كل الناس كدا في ظل الظروف الجميله دي
وربنا يهدي وشكرا يا محمد علي الموضوع |
اقتباس:
لا طبعا ..... ليست الا دى بتدل على القصر وده معناه ان مفيش استثناءات :o وده صعب جدا انه يحصل يعنى لو قابلت واحد ولا اتنين ولا حتى ميه كده ده مش معناه ان كل اللى هتقابلهم كده وده انا بعتبره تفكير سلبى لان اى حد هتعرفه بعد كده هتبقى حاطط المعنى ده ف بالك " معرفة مصلحه" وبالتالى هتحكم عليه من المنطلق ده ده مجرد رأى وبعدين بقى يا استاذ محمد حضرتك عممت على اللى تعرفهم يعنى انا منهم :mad: |
ياااااااااجماعة والله العظيم لسه فى ناس كويسة
ومش شرط نتعامل مع اللى بتوع المصالح زى مابيعملونا يمكن يتعلموا منا |
اقتباس:
الشكر لله جزاك الله خيراً على المرور يا درش |
اقتباس:
الأجمل هو مرورك يا مه لكن الشكر لله وبجد رأيك كتير واقعى فعلاً الإنسان مننا بقى بيعامل الناس وهو متوقع الخيانه ودى حاجه بجد بتتعبنى جدااااً إنى أبقى فى عز فرحتى بدور أشوف الخنجر هيجى فى ظهرى من مين وغالباً بيجى من أقرب الناس ليا لما خلاص تعبت |
اقتباس:
وبإذن الله ربنا معانا يمهل ولا يهمل يـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــارب |
اقتباس:
أنا مقولتش إن الناس كلها وحشه بس بجد أغلبهم وحشين وبتوع مصلحتهم الواحد من كتر ما إتلسع بقى بينفخ فى الزبادى وبعدين ياباشا محدش يقدر يقول عنك حاجه دا إنت ملاك :D |
مش كل الدنيا
بس الاغلب لان محدش متجرحش ومحدش متألمش بس مش معني كده اننا نبعد عن الناس لان ده هو اكبر جرح اننا مش نتعامل مع الناس واحنا كده ممكن بنظلم ناس كتير احنا مهمين في حياتهم مشكله الجرح انه بيخلي قدمنا الحياه الوحش زي الكويس ونظلمهم ونعمم شكرا لموضوعك |
اقتباس:
الطيب فى الزمن ده بقى بيتهان ويتقال عليه عبيط |
اقتباس:
ومش نعرف ناس تعرفنا عشان مصالحها اجمل حب واجمل صداقه واجمل اخوه اللي بتكون لله يعني مش ورها اي غموض او مصالح |
اقتباس:
على غنه يتجرح من سهام غدر الخونه والمصلحنجيه يبقى كده بيظلم نفسه لأن فعلاً زى ما فيه الوحش فيه الحلو بس المشكله إن الأغلب بقى وحش ووحش أوووى لما الواحد بقى بيشك فى نفسه والإنسان مننا لما بيحب حد اووووى بيخاف الخيانه تيجى منه فبيشك فيه أوووى وبيتعب نفسياً جداااً لما يحس إن الخيانه ممكن تيجى منه فدى حاجه انا بعانى منها إننا مبقتش عارف أشك فى مين ولا أصدق مين |
اقتباس:
أو يظلم ناس بسبب ناس بس ربنا سبحانه وتعالى ميرضاش بالظلم وإن شاء الله الكذب ملوش رجلين بس الواحد بيتعب من كتر الجروح ضربتين على الرأس توجع بالك بقه على طول ضربات |
اقتباس:
انت تفكر في كده لو انت قبل كده خونت او جرحت او ظلمت حد لو كده حيبقي ربنا بيرد حق اللي عملت فيه كده لكن اي حاجه تانيه بتقي اختبار من الله لعبده ومتفتكرش ان الله حيسيب حقك لما بيحب حد اووووى بيخاف الخيانه تيجى منه فبيشك فيه أوووى وبيتعب نفسياً جداااً طبيعي لاز تخاف لانك بتخاف علي الحب اللي بتحبه بس لو خان يبقي العيب عليك انك اخترت غلط مخترتش اللي يستهال حبك |
جميل موضوعك يامحمد ده زمن المصالح مصالح بين الدول الافراد الاخ ممكن يمضى اخوه على شيك لو احتاج منه فلوس الزمن ده بتاع شيلنى واشيلك سمعتها اكتر من مرة انا مليش اب ابويا وابوك الجنيه الصداقة دى على القهوة والاخوة فى البيت إنما الحب الحقيقى ده تسمعه فى شريط لمحمد فواد |
اقتباس:
حالنا بقى يخنق:mad: |
اقتباس:
أمال إنت شايفها إيه قدامك حالنا بقى يخنق:mad: |
موضوع جميل بس فية ناس كتير كدا بس مش الكل وانا الحمد لله معايا صحبة بمعنى الكلمة مفيش اى مصلحة بينا بس انا بردة قبلت بتصاحب علشان مصلحتهاa
|
كلامك جميل اوى يا سادات و بيصور واقع موجود فعلا محدش يقدر ينكره و لكن احنا اللى وصلنا نفسنا لكدة
لما بعدنا عن ربنا و تعاليمه و سنة رسوله و لما كمان قربنا من الشيطان و مراجعاته و قربنا من النفس الأمارة بالسوء احنا اللى عملنا فى نفسنا كدة و لكن نرجع نقول برده ان مش الناس كلها كدة لسه الدنيا بخير و ربنا يرزقنا بالصحبة اللى نحشر معها على " لا إله إلا الله " و تكون صحبتنا فى الجنة (((((( نعيب زماننا و العيب فينا و ما لزماننا عيب سوانا )))))))) |
انا من رايى ان الكلام ده صحيح كل الناس حاليا ما عليها سوى ان تبحث عن مصلحتها ود هيظهر اكتر فى الايام الجايه
|
ازيك يا سادات انا اول مالقيت اسمك واسم الموضوع مصالح
قلت تباه عاملو ليا بس الحمد لله ماجرستنيش وطلعت بتتكلم عموما بس مش كل الناس بتتعرف على الناس التانية عشان مصالح ومش كلوا بيفكر كدا فى حاجة اسمها ظروف مصلحة هيا اللى جمعتك بحد فبتبؤا ماشيين فى طريق واحد خلصت المصلحة اللى بعدها باه هيترتب على طريقة تعاملكوا مع بعض وعلى طبع كل واحد فيكم ياانكم تكلموا بعض تانى او انكم تسلموا على بعض بس اذا صادفتوا بص بنظرة تفاؤل للدنيا عشان تقدر تاخد منها كل اللى انت عايزو مصلحة بردو |
صح والله
والظاهرة ي انتشرت كتير الايام دي ربنا يتولنا برحمته |
موضوعك تحفة يا محمد بجد جميل جدااااااااااااا و حصل معايا كتييييييييييييييييييييييييير اوى اوى
بس انا بقى خلاص خدت قرار انى هعامل الكل مصلحة بس من نوع خاص شوية بمعنى انى هعاملهم كويس جداااااااااااااااااااااااا معاملة الاسلام يعنى و لما يخونونى مصلحتى هى انى هتعلم خبرة و هستفيد من تجربة هما خدو مصلحة منى بخيانة و انا هاخد مصلحة منهم بخيانتهم ........ بص فى جملة شهيرة جداااااااااااااااااا بتقول ان لم تكن الدنيا حزينة لم اتيناها نبكى ............لو فكرت فى الجملة دى كويس_ احنا بنصرخ مش بنبكى بس _ بس عشان نتنفس لاننا لو مش صرخنا جهازنا التنفسى مش هيعمل يارب تكون فهمت وجهة نظرى |
فى الحقيقه دا الغالب من الناس
لكن مازال هناك الحب فى الله بدون مصلحه وكالعاده موضوع مميز لعضو مميز مشكور على تلك المواضيع التى تناقش قضايا هامه ننتظر المزيد وفقك الله لما يحبه ويرضاه |
| جميع الأوقات بتوقيت GMT +2. الساعة الآن 02:22 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.