|
ماذا حدث لواجهة المنتدى !!!
السلام عليكم ورحمة الله وبركاته .. اتمنى يكون الجميع بخير .. فى الحقيقة لاحظت من فترة ان قسم النقاش الهادف .. بيموت ببطء .. المواضيع مش متنوعة بدرجة كبيرة .. الاعضاء مش بيحاولوا النقاش ولا حتى بيبدعوا فى المواضيع .. تذكرت يوم ان دخلت الى هذا القسم صدفة .. ووجدت هنا الافكار والنقاشات الهادفة .. والصحبة الرائعة والالفة والحب .. كنا جميعا اخوة نتنافس لكتابة او نقل الموضوعات المفيدة .. لا اجد هذا الان .. قليلون هم من يتواجدوا فى هذا القسم .. والموضوعات احيانا لا تجد فيها نفسك .. وارى انها دائما ثابتة .. لمدة طويلة لان القسم فيه ركود .. ياترى السبب ايه !!! هل نضبت عقولنا ولم يعد لدينا ما نكتب عنه !! ام رحل عنا من كانوا يشجعوننا على الكتابة لما نجده لديهم من اراء ومناقشات جادة مفيدة !!! اسئلة كثيرة تحيرنى .. ماذا حدث لواجهة المنتدى !!! ممكن نفكر ونشارك بعض !! ماذا ينقص قسم النقاش الهادف ليعود كما كان سابقا لنجد فيه النقاش والافكار الجريئة .. لنتشارك الاراء ونفيد ونستفيد .. سؤالى يبحث عن اجابة .. هل من مجيب .. دمتم بخير .. |
للاسف كلامك صحيح وانا شايف السبب ان فى ناس مش بتدخل وناس تانية ما بقتش بتشارك وكل همهما قسم الالعاب والمسابقات ما بقاش همهم يدخلوا يتناقشوا فى مووضوع ويستفيدوا منه بقدر ما همهم يلعبوا ويسلوا نفسهم اتمنى الناس ترجع تكتب تانى فى القسم العام وتشارك ونستفيد جزاكى الله خيرا على الموضوع |
اقتباس:
فعلا مع حضرتك حق .. اكبر قسم بقى فيه مشاركة هو قسم الالعاب والمسابقات .. مش عارفة ليه !! ربما من الاحباط اللى بنعانى منه .. اللى وصلت ليه ان حاليا مش بقى فيه حد مهتم بالاستفادة او المناقشة .. الناس اتغيرت كتير جدا وحتى الاعضاء اتغيروا بقوا بيجروا ورا التفاهات اكتر .. شكرا .. جزاكم الله خيرا لمروركم الكريم :) |
اقتباس:
أنا أفتكر الأيام دي جداً .. كنت بموت ف القسم دا اوي كنت بحبه كتير كان الجدال والنقاش البناء الجميل اللي بيساعد ع الخلاف بإيجابيه وتفهم الآخر وكانت مشكلات كتيره بتحصل وتتحل وكان القسم فيه تفاعل شديد وكنت بدخله ع طول وأشارك للروح اللي كانت فيه والعقول القيمه لكن دلوقتي بالنسبه ليا معدش فيه مواضيع قيمه تستاهل إني أشارك فيها وأدخل واقول رأي الا قليل جداً ودا مزعلني كتير .. لن بقا نادر لما أخش موضوع والأقيه يستحق إني أشارك والأقي ردود تستحق إني أقراها إنما الوقتي التوبيكات بقت ممله ومفيهاش تفاعل ولا تنظيم وتنسيق يساعد ع الرد وكمان القسم دا إفتقد عقليات جميله كنت بتفاعل معاها وكنت بلاقي فيهم الإبداع اللي يسعدني ع إني أشارك بإيجابيه .. ونوصل لشبه إقناع لفكر كل واحد مؤمن بيه وعايز يوصله .. وإن مكناش بنوصل للإقناع ف كان بيكفينا المزاح العقلي اللطيف بالأفكار وتوليد أفكار مختلفه بالنقاش البناء حقيقاً بجد أنا مفتقده للقسم دا كتير ومش بلاقي فيه نفسي .. ولا توبيكات تستحق الرد ف بالتالي بنشارك ف حوارات .. و حوارت فيه توبيكات مفيده برده مش لدرجه التفاهه اللي حضرتكم وصفتوه بيه منكرش ان فيه حاجات تافهه .. لكن برده فيه حاجات مفيده وبالتالي بدأت أشارك ف خبر وتعليق وف قسم ملفات عربيه ولقيت ف قسم ملفات عقول تستحق التعامل معها ع أي حال أتمني القسم يرجع بالروح اللي كانت فيه والعقول ترجع تاني وياريت مستر علي يرجع وهاني الشرقاوي وناس تاني كتير كانت بتمتع بفكر راقي للحوار صراحه جزيل الشكر ع التوبيك صوت العقل أحيييكِ عليه كتير |
احيي حضرتك ع الموضوع :022yb4: اعتقد فيه اسباب ومش سبب واحد فيه مسئولية للاعضاء مسئولية للمشرفين مسئولية لمجلس الادارة الاعضاء واضح ان بئا عندهم سلبية في النقاش انا وغيري من الاعضاء كده . وحضرتك كمان ( فيه موضوعات لحضرتك مردتيش فيها ع مشاركات وده بيسبب احباط للعضو انه يشارك في موضوع ال كاتبه مبيردش عليه ولو بكلمة شكر :() مسئولية المشرفين انهم سايبين القسم بالحالة ( ومش حقدر اوضح اكتر من كده عشان كلامي ميبئاش مجروح ) مسئولية الادارة انها سايبة القسم بالحالة دي برده وكمان ليها قرارات هي شايفاها صح وجت ع حساب اعضاء كان لها تواجد كبير هنا وبصمة واضحة :angry2: ده غير اني مش بشوف تواجد ليهم في القسم هنا واكيد تواجدهم حيكون له ايجابية :) موضوع جميل فعلا وياريت حضرتك مش تزعلي من صراحتي لاني اتعودت عليها ورزقي ع الله :d |
اقتباس:
ياريت بس ازاي :( |
لماذ الحزن علي الماضي والحاضر موجود فلنغير جميعا القسم بانفسنا ونحييه من جديد!! لان لو كل واحد قعد يقول القسم واقف هيفضل واقف طول عمره ولا انتوا ايه رايكوا؟؟!
|
السلام عليكم كلام حضرتك مظبوط اختى فعلا القسم اصبح لا يوجد بة جديد اصبح راكدا تماما اتذكر عندما ادخل فى هذا القسم كنت ارى مواضيع واقرا اراء تجذبنى رغما عنى انى ادخل القسم واشارك فية سواء برد او موضوع كان هناك حالة من التنافس ولكن تنافس ممذوج بطعم المحبة والصحبة الصالحة كم تعرفنا على اخوة افاضل من هذا القسم وماذالو ولكن انقطعت صلتهم بالموقع .... ردا على سؤال حضرتك انا اعتقد بانة السبب الرئيسى هو حالة البلد فاصبح العقل الان لا يستطيع الابتكار وهو يرى هذة الحالة التى اصبحنا فيها فى كل موضوع او غالبية المواضيع ارى فيها هجوم على الطرف الاخر فى خشونة فى المعاملة حتى الردود اصبحت جافة تنفر ولا تشجع واذا رديتى بتردى من قبيل الانصاف او ردة الغائب لغة التخوين ولغة المؤامرة انا شخصيا كرهت ادخل هذة الاقسام لهذا السبب ايضا لو تتبعنا معظم المواضيع هنلاقيها تصب حولين قضية واحدة والكلام تلاقية مكرر لكن كلا باسلوبة الى هنا هو الى فى وسائل الاعلام المسموع والمرئى والمقروء .... فاصبحت الاعضاء عندها المهرب من هذا الجو المشحون هو قسم الترفية ليرفهو عن انفسهم شكرا على طرحك للموضوع جزاكم الله خيرا |
اقتباس:
شكرا حبيبة قلبى .. جزاكى الله خيرا .. حقيقى اسعدنى وجودك .. وحسيت اننا بنتشارك نفس الاحساس .. ربنا يسهل ونقدر نغير الوضع ونبدأ بنفسنا ان شاء الله .. مرة تانية .. نورتى الموضوع حبيبة قلبى :) |
اقتباس:
شكرا استاذ احمد .. جزاكم الله خيراا .. مش زعلت خالص :) ليه هزعل من كلام حضرتك .. بالعكس استفدت بجد .. لفت حضرتك نظرى لشئ مش كنت اخدت بالى منه .. جزاكم الله خيرررااا شكرا للمشاركة الجميلة .. اسعدنى مرور حضرتك :) |
اقتباس:
ربما استاذى .. دى طبيعة البشر نحن ونحزن على ايام كانت سعيدة مرت ولم نجد حتى الان ما يعوض فقدانها .. جميعنا حزين على رفقة المنتدى التى مرت فى حياتنا وعلمتنا الكثير ..ولم نعد نعلم عنهم شئ.. وفعلا مع حضرتك حق نحاول نعرف السلبيات ونحلها ونرجع القسم زى الاول ان شاء الله .. وان كنا فقدنا رفقة المنتدى الطيبة .. ممكن نجد رفقة اخرى طيبة تتفاعل وتشارك بموضوعاتها وتفيد عقولنا .. جزاكم الله خيرا .. كلام حضرتك المختصر المفيد فعلا .. اسعدنى مرور حضرتك .. نورت الموضوع ..:) |
انا اسفة ..مش كان قصدى التفاهة بمعناها .. لكن موضوعات احيانا لا تستحق المشاركة فيها .. لكن فى المسابقات مواضيع جديرة ومحترمة جدا .. دى طبعا الموضوعات الحوارية الرائعة .. ومش نقدر نصنفها كموضوعات بعض الالعاب الغير هادفة .. من غير أسف يا قمر إحنا بنتناقش .... طيب نبقا ناخد خطوه محتاجين مشرفي القسم يحذفو الألعاب الغير هادفه .. طبعا اتمنى معاكى ده .. مستر على كان من الشخصيات المحبوبة جدا . خصوصا بتعليقاته خفيفة الظل .. ولا مواضيع عمل المرأة .. وهانى الشرقاوى وامجد وشيماء وابو شهد وفرح حقيقى مش عارفة دلوقتى عضويتها ايه .. نسأل الله ان يكونوا جميعا بخير .. أه مستر علي قضيته قضيه مش عارفه ليه اصلاً كل ميجدد عضويه ويشترك بعضويه جديده يتوقف .. :excl: وحتي لو كان أخطا مش معقول علاج الخطأ يبقا بالطريقه دي فرح .. دلوقتي عضويتها ورده أمل يا قمر |
مش هضيف عن ال سبقوني كتير واضح ان القسم فقد كتير واتحول من اكتر قسم عليه اقبال الى اقلها ..! الاسباب زي ماذكرها الاعضاء قبلي كتير اعضاء مابقتش موجودة ورحيلها ترك فراغ مش صغير الحلول ممم مش عارفة مالقتش حل عملي ، لكن اتمنى اشوف القسم يرجع زي الاول واحسن لانو وحشني بجد : ( جزاكِ الله خيراً ياقمر عالموضوع المهم .. |
اقتباس:
إن شاء الله بمجهدتنا هيرجع |
مشكور فعلا وربنا يجازينا خير على صالح الاعمال
|
اقتباس:
جزاكم الله خيرا استاذ صوت الامة .. فعلا ده الواقع اللى حاصل .. الناس اصابها الاحباط من احوال البلد .. وكثرة المواضيع السياسية .. والنقاش المستمر فيها ..والبعض بيبقى مش مؤهل للرد على المواضيع السياسية اللى بتبقى موجودة فى القسم .. فممكن من هنا بيحصل ركود فى المواضيع ..فعلا الطبيعى بعد ده ان يلجأ البعض للترفيه بعيدا عن الهموم التى اثقلت كاهلنا .. حقيقى كلام حضرتك رائع .. جزاكم الله خيرا اخى الفاضل .. اسعدنى مرورك جداااا وافادنى كلامك .. نورت الموضوع :) |
طبعا غير بعض المشاركات التافهة عديمة القيمة
|
اقتباس:
طبعا نقاء حبيبتى .. فقد القسم كتير من اعضائه .. لو تفتكرى كانت المواضيع متنوعة وممكن كنا نشارك الجميع الرأى والضحك .. وكنا بنستفاد جدااااااااااا كان فيه موضوعات جميلة ومتنوعة وصحبة طيبة .. لا نملك الا الدعاء ان ربنا يسهل ويرجع القسم يجمعنا ويفيدنا زى ما كان .. لكن ليا سؤال ليه مش بقيتى تكتبى مواضيع زى الاول ..:stickjo4: تعالى نتكاتف ونبدأ بنفسنا ونحاول وان شاء الله تيجى بفايدة .. ونلاقى رفقة طيبة :) جزانا واياكى حبيبة قلبى .. اسعدنى مرورك .. نورتى الموضوع يا قمر :) |
اقتباس:
شكرا .. جزاكم الله خيرا .. شكرا لمرور حضرتك الرائع ..:) |
اقتباس:
طبعا اكيد حضرتك بتبقى فيه مشاركات سطحية .. بس مش نحب نقول تافهة .. لان دى بتبقى على حسب تفكير الشخص نفسه .. واحيانا كتير فيه مشاركات عديمة القيمة فعلا ودى بتبقى مجاملات ليس اكتر او بتبقى لزيادة عدد المشاركات .. نتمنى اننا فعلا نرتقى بالقسم والمنتدى من كل السلبيات الموجودة .. وان شاء الله ربنا يسهل ويرجع القسم زى الاول بجهود الجميع من ادارة واشراف واعضاء .. جزاكم الله خيرااااااا .. شكرا لمرور حضرتك الرائع :) |
يوجد بالقسم موضوعات جيدة وجديرة بالنقاش وتبادل الأراء . الأسباب متنوعة , ولكنها متصلة ببعضها البعض . فكروا فيها جيداً وبنظرة محايدة وواقعية وتعاونوا في حلها , وستنجحون إن شاء الله تعالي في جعل القسم أفضل مما كان عليه . شكراً لكل من ذكرني بالخير . دمتم بكل الود . |
اقتباس:
لاحظت أنه تم الرد علي كل المشاركات في هذا الموضوع إلا مشاركتي هذه !! لا بأس . وعذر عدم الرد مقبول حتي دون أن أعرفه . أطلب من صاحب الموضوع مشكوراً حذف هاتين المشاركتين . خالص تحياتي . |
اقتباس:
طبعا بعتذر لحضرتك لتأخير الرد .. لكن والله العظيم لم ادخل القسم ولم ارى المشاركتين الا الان .. وانا يسعدنى جدا مشاركة حضرتك وليه مش هرد .. لكن الموضوع كان واقف من فترة ففوجئت بالمشاركة دلوقتى .. والحمد الله ان العذر مقبول :d ارجو قبول الاعتذار :) |
اقتباس:
شكرا .. جزاكم الله خيرا استاذى .. اسعدنا وجود حضرتك جداااااا نورت الموضوع :) |
اقتباس:
ههههههههههههههههههههه ولماذا القسم ؟! أنا أصدقك دون أي قسم ( في هذه النقطة ) لم أغضب ولم أنزعج مطلقاً ( هذا عن نفسي أنا فقط ) العذر مقبول عندي كما سبق وقلت . فقط أردت أن ألفت الإنتباه لأحد الأسباب الهامة ( أقول أحدها وليس هو فقط ) التي جعلت القسم فيما هو عليه . صاحب الموضوع متواجد بالمنتدي ويشارك في موضوعات أخري وربما يضع موضوعات جديدة , ولكنه رغم ذلك لا ينظر في موضوعاته هو لمدة يومين ليري من قام بالتعليق عليها . فكيف نطلب من الأعضاء أن تتفاعل , بينما صاحب الموضوع نفسه متواجد ولكنه لا يتفاعل مع من قام بالتعليق في موضوعه ؟! أؤكد مرة ثانية بأن العذر مقبول عندي . ولكن هل هو مقبول عندكِ وأنتِ من كتبتي هذا الموضوع لتنشيط القسم ؟ هل هو عذر مقبول لكل الأعضاء ؟ بالتأكيد سؤالي ليس موجهاً لكِ في حد ذاتك , ولكنه موجه لكل صاحب موضوع . وحتي تتأكدين بأنني لست منزعجاً , فسأقوم بالتعليق علي ردك الثاني ( بالرغم أن نيتي كانت المشاركة لمرة واحدة فقط في هذا الموضوع :d:d) |
اقتباس:
الجملة الأولي باللون الأحمر تتعارض مع الجملة الثانية :d:d أتمني أن يكون هذا قصور في فهمي أنا وطالما أنكم تسعون وراء الأسباب , فهذا هو المطلوب والمأمول . وفقكم المولي عز وجل وسدد خطاكم :):) |
اقتباس:
يا اهلا استاذى .. نورت الموضوع .. ومنتظرة الرد التانى :d:d |
اقتباس:
ههههههههههههههه .. عشان تبرز المعنى وتوضحه :d:d عملنا الموضوع واتمنينا ان نساهم بشىء فى مكان جمع الجميع فى الخير .. دى الجملة الاولى :dاما التانيه فهى رد على جملة حضرتك دى وعليكم البحث عن الأسباب في كيفية جعلهم يشاركوا ويتفاعلوا . شكرا .. جزاكم الله خيرا استاذى .. نورت الموضوع :) |
اقتباس:
تعلمين جيداً بأنني في مقدوري التعليق علي كل جزئية في ردك , ولكني أعلم جيداً بأن هذا سيقود لمنحنيات أخري سيتم فهمها حتماً بصورة خاطئة !! المشرف أياً كان - فرد الادارة , طالما له موضوع بقسم ما , فمثله مثل العضو تماماً ( لابد له من متابعة موضوعه حتي يتفاعل معه الأعضاء ) وإن كان المشرف ليس في مقدوره متابعة مواضيعه , فالأولي به الإكتفاء بمهام الاشراف والتعليق علي موضوعات الأعضاء قدر الامكان ( هذا إن كان في أقسام اشرافه تفاعل كبير جداً من الأعضاء بصورة لا تتيح له الكثير من الوقت ;);)) قليل دائم خير من كثير زائل !! سؤال يحتاج إلي جواب : كيف يكون التفاعل والنقاش إذا قام العضو بالتعليق علي موضوع ما ( سواء لعضو أو لمشرف أو لإداري ) ولكنه لا يجد رداً من صاحب الموضوع ؟!! إن سألتي أي عضو عن عذره في عدم تفاعله , فسيكون لديه من الأعذار ما هو مقتنع به . ( حاولي أن تقرأي ما بين سطور مشاركتي ) التفاعل يتطلب تعاون ( وأشياء أخري ;);)) لم ولن أتدخل فيها أو أذكرها :d:d فكما يُقال ( أهل مكة أدري بشعابها :d:d ) للمرة الثانية كلامي هذا موجه للجميع وليس لكِ أنت فقط . |
اقتباس:
طالما أنكِ مقتنعة بهذه الرؤية , فلا يسعني إلا أن أكرر : أهل مكة أدري بشعابها :):) |
الادارة ترحب بكل تجديد وجديد ونحن معكم نعاونكم في كل ما تحتاجونه وان شاء الله كل الأقسام يحدث بها نشاط وهمة عالية
|
اقتباس:
عارفة ان الكلام موجه للجميع .. وان شاء الله اخد بالى من الجزئية دى فى المستقبل واكيد اللى متابع الموضوع معانا بيستفيد من كلامنا .. جزاكم الله خيرا استاذى .. اسعدنى مرور حضرتك واستفدت كتير .. شكرا للمرور الكريم .. نورت الموضوع :) |
اقتباس:
شكرا .. جزاكم الله خيرا استاذى .. وده عهدنا بكم دايما .. وان شاء الله كل الاقسام يكون فيها تفاعل ومشاركة ايجابية باذن الله .. اسعدنى مرور حضرتك جدا .. نورت الموضوع استاذى :) |
اقتباس:
- يبدو أن جملتي ( حاولي أن تقرأي ما بين سطور مشاركتي ) لم تؤتي ثمارها :d:d - المشكلة ليست هذا القسم فقط , بل أقسام أخري غيره تعاني مما يعاني منه هذا القسم ( وان كانت بدرجات متفاوتة ) - أي توضيح أو تصريح من قبلي أنا ( خصوصاً أنا ) يتم تفسيره بصور تبعد تماماً عن مضمونه . وقد جربت هذا الأمر مراراً ( وأنتِ علي يقين , أقول يقين من هذا ) - أصلحوا ما بينكم أولاً وتعاونوا علي النهوض بكل الأقسام وتصارحوا فيما بينكم عن العيوب والأخطاء ( بنظرة حيادية كما سبق وقلت ) وتناقشوا في كيفية معالجتها , ثم بعدها اطلبوا من الأعضاء أن تتفاعل ( ستجدون أن الأعضاء تفاعلت قبل أن تطلبوا منهم ) - جربي أن تكتبي موضوعاً في قسم المشرفين عن حال الأقسام العامة بالمنتدي , وتناقشوا جميعاً فيما بينكم ( مشرفين وإداريين وأفراد ادارة ) ما هي الأخطاء التي يراها كل منكم في قسم ما ؟! وكيفية علاجها ؟ ولتروا بأنفسكم ( هل يوجد تفاعل ونقاش موضوعي - أقول نقاش وليس تصويت - فيما بينكم بالقدر الذي يتطلب ما ترغبونه من الأعضاء , أم أن ................ ) - ها أنا قد صرحت بأمر واحد ( ويعلم المولي عز وجل أنه خالصاً لوجه سبحانه وتعالي ) فماذا أنتم فاعلون ؟!! أم أن الخلل يكمن في الأعضاء فقط ؟!! - المشاركة الواحدة التي أردتها أصبحت ( 7 ) مشاركات :):) |
اقتباس:
:d:d حضرتك بتعد المشاركات :o الله يرحم ايام القذافى ..لما كنا مش عارفين بيبص فين :d كانت المشاركات ورا بعضها يظهر الزمن اتغير بعد وفاته :( والله اقتراح رائع يا مستر وان شاء الله ننفذه .. واكيد الكل مسئول .. والمواضيع كمان مش بنلاقيها بسهولة وبنتعب فى التفكير:d جزاكم الله خيرا استاذى ..نورت الموضوع للمرة السابعة :d |
اقتباس:
- كانت . ولكن هذا كان أيام عضويتي . أما بدونها , فلست أنا !! - أكثر موضوع شاركت فيه لم يكن موضوع القذافي ( الله لا يرجع أيامه :mad::mad: ) , وإنما كان موضوع روووووز ( علمتني أمريكا ) - وفقكم الله لما فيه الخير والصلاح للمنتدي . كدا بقوا 8 مشاركات ( نفس عدد الأخطاء اللي ذكرها الإخوان للحكومة :d:d ) |
يسلموووووووو مشششششششششششششكور ننتظر جديدك يعطيك العافية
|
اقتباس:
شكرا .. جزاكم الله خيرا استاذى .. وان شاء الله بتعاون الجميع .. هتبقى الامور افضل .. نورت الموضوع استاذى ..:) |
اقتباس:
شكرا .. جزاكم الله خيرا للمرور الكريم .. نورت الموضوع :) |
اقتباس:
اقتباس:
ياريت تساهمي في دفع القسم نحو الافضل وذلك باختيار مواضيع قيمة للمناقشه اقتباس:
ونساعد بعضا شكرا اقتباس:
اقتباس:
واحييك على نشاطك الكبير وعطاءك الامحدود ياشعلة المنتدى المضيئه والمنوره ديما هناك اعضاء خرجو من المنتدى والاسباب عديده وفيه كثير يتواصل على الفيس بوك واهم حاجة هي حالة البلد والظروف الحاليه كلها ادت الى تراجع القسم وقلة الحوارات الهادفه ودعوة لكل الاعضاء للمساهمة في الحوارات الجادة والنافعة شكرا للجميع تحياتي |
شكرا جزيلا ياصوت العقل على موضوعك الجميل والقيم واحييك على نشاطك الكبير وعطاءك اللامحدود ياشعلة المنتدى المضيئه والمنوره دايما هناك اعضاء خرجو من المنتدى والاسباب عديده وفيه كثير يتواصل على الفيس بوك واهم حاجة هي حالة البلد والظروف الحاليه كلها ادت الى تراجع القسم وقلة الحوارات الهادفه ودعوة لكل الاعضاء للمساهمة في الحوارات الجادة والنافعة شكرا للجميع تحياتي [/center][/QUOTE] فعلا استاذتى مع حضرتك حق .. تراجع البعض عن المشاركة يمكن سببه الرئيسى هو ظروف البلد وان احيانا بتبقى المواضيع سياسية فالبعض غير مؤهل للمشاركة فيها .. وحالة الاحباط التى يعانى منها الجميع .. ادت لعدم الاهتمام بعمل مواضيع جديدة .. وفعلا البعض ترك المنتديات دلوقتى لسهولة التواصل على الفيس بوك ..لان فيه تواصل مباشر .. حرية اكتر .. من هنا استسهل البعض وبعدوا عن المنتديات التى تحكمها قوانين .. وحاليا الحمد لله القسم اصبح فيه حركة ومواضيع متنوعة .. وان شاء الله بتعاون الجميع .. هيبقى افضل وافضل .. شكرا .. جزاكم الله خيرا استاذتى ..اسعدنى مرور حضرتك .. شكرا لكلامك الطيب :) نورتى الموضوع :) |
المشكلة .. ان زمان .. كنا بنبدع فى الموضوع .. و الابادع دائماً ما يلاقى نشاط و النشاط يروج القسم فيصبح نشيط !
اما الان .. فالنقل و المواضيع ( الهايفة ) فتسد نفس القارئ و من ينوى ان يضع موضوع برضو ! يعنى بتقفل كل حاجة .. فيقل الاقبال .. عندما يعود المبدعون .. و يبدع من هو موهوب .. اوعدك القسم يرجع 100% :) |
| جميع الأوقات بتوقيت GMT +2. الساعة الآن 09:00 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.