|
انت ناوى على انى كلية ان شاء الله
السلام عليكم
عاوز اقولكم يا شباب انتوا ناويين على انى كلية ان شاء الله طب ولا هندسة او صيدلة او تربية او اقتصاد وسياسة او السن او اعلام او تجارة او اداب او حقوق او كليات عسكرية ولا معاهد انا عن نفسى ادبى حاليا وناوى على تجارة ان شاء الله اسئلتى ليكم 1-نفسك تدخل كلية ايه بعد ما تخلص الثانوية ؟ 2-سبب دخولك ليها ؟ 3-والنتائج المترتبة على اختيارك ؟ |
مشكور على الموضوع ...
1-نفسك تدخل كلية ايه بعد ما تخلص الثانوية ؟ السن ... ان شاء الله 2-سبب دخولك ليها ؟ بحب اللغات ..... ونفسى اتعلم فيها اكتر من لغة باذن الله 3-والنتائج المترتبة على اختيارك ؟ اتفوق فيها ... ان شاء الله واذا امكن اسافر البلد اللى اخترت اتعلم لغتها باذن الله |
شكرا على اجاباتك
|
1-نفسك تدخل كلية ايه بعد ما تخلص الثانوية ؟
كلية عسكرية بإذن الله 2-سبب دخولك ليها ؟ مش عارف حاسس مكانى هناك 3-والنتائج المترتبة على اختيارك ؟ أبويا وأمى حيدبحونى ههههه عشان مش عايزينى أدخلها |
1-نفسك تدخل كلية ايه بعد ما تخلص الثانوية ؟
كلية حاسبات و معلومات 2-سبب دخولك ليها؟ شغوب بتعلم لغات البرمجة 3-والنتائج المترتبة على اختيارك ؟ من غير تريقة اتفوق على بيل جيتس و اعمل شركة احسن من ميكروسوفت |
اقتباس:
|
اتمني طب بشري ان شاء الله بأذن الله (ادعولي :))
ليه؟؟ عشان دا حلم حياتي و اقدر اخدم ديني و وطني و اسرتي و ارفع اسمهم فووووووق النتايج ؟؟ أن ان شاء الله احس اني رديت ولو جزء يسيط من جمايل اسرتي عليا كفايا اشوف البسمة في وشهم ادعولي بالله عليكو ان اخش طب بشري |
1-نفسك تدخل كلية ايه بعد ما تخلص الثانوية ؟
* نفسى فى اعلااااااااااااااااااااااااااااااااااااااااااااااا اااااااااااااااااام او سياحه وفنادق 2-سبب دخولك ليها ؟ عاوزه اطلع مضيفه طيران او مذيعه 3-والنتائج المترتبة على اختيارك ؟ هبقى سعيده فى حياتى لان دول ترفيه وهيخلونى اشوف الدنيا وهسعد بابا وماما :d |
رد
اقتباس:
|
اقتباس:
اقتباس:
|
1-نفسك تدخل كلية ايه بعد ما تخلص الثانوية ؟
كلية حاسبات و معلومات ان شاء الله 2-سبب دخولك ليها؟ بحب البرمجة 3-والنتائج المترتبة على اختيارك ؟ اتفوق فى المجال اللى بحبه بإذن الله واخدم بلدى ودينى |
اقتباس:
شكرا |
انا ناوى على هندسة منصورة انشاء الله ادعولى ياشباب
|
نفسك تدخل كلية ايه؟
طب بشري باذن الله( يارب ) سبب دخول الكلية؟ اسمى مهنة في الكون كفاية اني اكون سبب في رفع الم عن انسان النتايج : اني اكون باحثة في المجال مش مجرد دكتورة عادية خريجة طب بشري طبعا كل ده بامر الله |
1-نفسك تدخل كلية ايه بعد ما تخلص الثانوية ؟ اقتـصاد و عـلوم سـياسه إن شاء الله ... لـو مـكنش ليـا نـصيب فيهـا ... يبـقى الـسن . 2-سبب دخولك ليها ؟ سـياسه و اقتـصاد .. عشان دى رغبه والدتى نفسها تشوفنـى فـى المـكان دهـ الـسن ... انا بـحب اللغـات جدا و ناوى إن شاء الله اتوسع فيها 3-والنتائج المترتبة على اختيارك ؟ سـعادهـ اهـلى .. هتـكون نتـيجه لأى عـمل نتـاجه جـيد . |
يارب حقق لكل واحد امنيته ويخش الكليه اللى هو عايزها
|
تعرفوا انا لو خشيت الكليه اللى انا عايزها هعمل معاكم احلى واجب شربات بقا وجاتووه بس السنة تعدى واكيد هتعدى بس على خير انشاء الله والا ايه
|
اكيد يا معلم بس قول يا رب وربك هيسهلها
|
ان شاء الله ...... الكل يدخل الكلية اللى بيحلم بيها
ربنا يوفقنا ..... باذن الله |
ان شاء الله هندسة قسم عمارة لانى فعلا نفسى ادخلها
|
1-نفسك تدخل كلية ايه بعد ما تخلص الثانوية ؟
نفسى ادخل صيدله 2-سبب دخولك ليها ؟ انى بحب المجال ده بحب الشغل فى المعمل 3-والنتائج المترتبة على اختيارك ؟ افرح اهلى طبعا واانا طبعاهفرح انى حققت حلم حياتى ونفسى اكون انسانه بارزه فى المجال ده واخترع دوا لمرض لسه مكتشفوش دوا ليه لحد دلوقت وبكده اخدم دينى ووطنى واخليهم يفتخرو بيا ده طبعا حلم بس ان شاء الله هحقق ولو جزء منه ادعولى بس وربنا يحققلكو اللى تتمنوه |
1-نفسك تدخل كلية ايه بعد ما تخلص الثانوية ؟
ان شاء الله هندسة ( ميكانيكا طيران ) 2-سبب دخولك ليها ؟ بص هوه مش فارقة عندي ان شالله حتي لو معهد خدمة اجنماعية عشان انا عندي منطق ان انا ممكن اخدم ديني وبلدي في اي مجال لكن الهندسة هي المجال الاكثر ابداعا وخصوصا الميكانيكا وسهل اني ابدع فيها وكمان مناسبة لميولي جدا بغض النظر عن الوظيفة او المنظر انا ان شاء الله داخلها حبا في علمها فقط .... 3-والنتائج المترتبة على اختيارك ؟ النتائج دي بقه في علم الغيب لايعلمها الاسبحانه جلى وعلى لكن رايي ان ده هيكون بعون الله بداية لمجهود كبير وجبار عشان احقق جزء من اهدافي لان دخول الكلية ماهو الا البداية بالنسبة ليا والله الموفق والمستعان |
نفسك تدخل ايه بعد ما تخلص ثانوي ؟!
هندسة . . . . ميكانيكا باور . . . أو طيران سبب دخولك ليها ؟! عشان أثبت للعالم إني موجود :) النتائج المترتبة علي اختيارك ؟! أفرح نفسي أول حاجة وأبقي عملت حاجة تشرف .. وأفرح اللي حوليا كلهم بقة |
نفسى ادخل طب اسنان سبب دخولى حاسة انه انسب حاجة هو وصيدلة للبنات فبيبقى على حسب الميول وكمان دى رغبة اهلى اللى بعمل كل حاجة علشان اسعدهم النتايج المترتبة على دخولى اكيد هرضى ربنا علشان مقصرتش فى واجبى وكمان هفرح اهلى ومش مشكلة انا اهم حاجة رضيت ربى واهلى يارب وفقنا كلنا وندخل اللى احنا عاوزينه |
1-نفسك تدخل كلية ايه بعد ما تخلص الثانوية ؟
كلية الحربية 2-سبب دخولك ليها ؟ نفسي ابقي حاجة حلوة في العائلة وكمان في المجتمع 3-والنتائج المترتبة على اختيارك ؟ كل الناس بتقولي انت هتقبل فيها ان شاء الله:blush: __________________ سبحان الله وبحمده سبحان الله العظيم |
[b]1-نفسك تدخل كلية ايه بعد ما تخلص الثانوية
اقتصاد وعلوم سياسية بأذن الله 2-سبب دخولك ليها؟ الكلية الوحيدة اللي شايفة نفسي فيها عشان انا سياسية اوي 3-والنتائج المترتبة على اختيارك ؟ يعني بأذن الله اشتغل في وزارة الخارجية او في المجال السياسي واحاول افيد البلد دي بأذن الله ادعولي |
| جميع الأوقات بتوقيت GMT +2. الساعة الآن 11:17 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.