|
سؤال للنقاش والفائدة اتفضل قول رايك ؟؟
بسم الله الرحمن الرحيم انا هخش في الموضوع على طووووول ... عندي كام سؤال كده ياريت تجاوبو .... هل الحل للي احنا فيه توحيد الامة العربية ام توحيد الامة الاسلامية ؟؟؟ ليه قاعدين بنقول اين كرامة العربي اين النخوة العربية الضمير العربي والحلم العربي محدش جاب سيرة الاسلام خالص ؟؟؟ هو انه الاهم العروبة ام الاسلام ؟؟؟ |
المفروض طبعا توحيد الامه الاسلاميه قبل كل شئ
لان الله هو الذى يؤيد المسلمون بنصره فى كل مكان يارب نقدر نوحد الامه الاسلاميه اكيد احنا لينا دور فى هذا التوحيد وربنا يقوى كل مسلم عايز الامه الاسلاميه يعلو شانها وجزاك الله خيرا على طرح هذا الموضوع المهم |
أخى الكريم الإجابة طبعا واضحة ولا تحتاج للتفكير
فالأهم توحيد الأمة الإسلامية وبتوحيدها تتوحد الأمة العربية ولكن ننادى كثيرا بتوحيد الأمة العربية لأن العرب يعرف عنهم النخوة والشهامة والشجاعة كما أنهم يجب أن يكونوا أول من يتوحدوا فالقرآن بلغتهم يدركون معانيه أكثر من غير العرب كما أن المصطفى منهم لذا فأنهم أول من يجب أن يتوحدوا لكن طبعا لا أحد يستطيع أن ينكر أن الحل فى توحيد الأمة الإسلامية |
اقتباس:
ده يعتبر فضل ليهم من ربنا ان الرسول صلى الله عليه وسلم منهم والقرآن بلغتهم ... اما حكاية العرب معروف عنهم نخوة وشجاعة وشهامة معنى كده ان باقي المسلمين غير العرب مش كده ؟؟؟!! لا فرق بين عربي ولا عجمي الا بالتقوى ... وفعلا الحل في توحد الامة الاسلامية اما توحد الامة العربية مش هيعمل حاجة خااااااالص ... |
نعم اسلامية ولكن بذلك انت تتيح للمتربص القول بأننا كمسلمين لانقبل الاخر معنا فلنقل اننا نريدنا العرب سوياً لان من يتعرض للقتل والتشريد
والمذابح في العراق وفلسطين ولبنان ليسوا مسلمين فقط بل من ديانات اخرى فلنوحد انفسنا كعرب ونقوي شوكتنا كمسلمين لاننا لو قوينا كمسلمين ماعاد على الارض شخص غير مسلم ولكننا كما اخبرنا الحبيب صلاة الله عليه وسلامه كثرة ولكن كغثاء السيل . |
اقتباس:
بردو اختلف معاك نوحد نفسنا ونقوي شوكتنا كمسلمين مش عرب ... نوحد نفسنا كعرب على اساس ايه ... اساسا ايه هيا العروبة دي ؟؟؟ |
اقتباس:
COLOR شكرااااااااااااااااا يا مغترب ع الموضوع مع انى حاسة انك تقصد بيه اننا نتكلم فى جزئية تانية و هى اننا نفصل بين اننا نعيش مع اصحاب الديانات الاخرى فى امن و اننا نشاركهم فى كل حاجة او يكون لينا ولاء ليهم اكتر من المسلمين |
اقتباس:
بس من الناحية السياسية وخاصة مع سياسة الغرب المتماشية حاليا فالحل توحيد الامة العربية جميعا لافرق بين مسلم ومسيحى ولا اى ديانة اخرى فيكون الهدف اننا عرب يد واحدة لان لو المسلمين اتوحدوا طب والطوائف التانية اية دورها ماهى بردو جزء من المجتمع العربى ولو اتوحدت كل طائفة على حدا هيكون من الصعب التوحيد العام وهيكون فى مجال لكثرة الفتن واقرب شيبة لهذا ما يحدث فى العراق ولبنان من فتن اقتباس:
اقتباس:
وعلى فكرة الاسلام بيعلمنا العروبة يعنى الاهم والاساس هو الاسلام لو رجعنا لتعاليم دينا الاسلامى وتمسكنا بية اكيد هنتغير للاحسن اقتباس:
جزاك الله خيرا مغترب موضوع فعلا يستحق النقاش |
اقتباس:
انا عامل الموضوع ده علشان مواضيع كتير اوي في المنتدى هنا وناس كتير اعرفهم بره كل حاجة عندهم الوطن العربي الامة العربية طب فين الامة الاسلامة في كلامكو مفييييييييييش وده الي بيجنني !!! |
اقتباس:
بالنسبة للطوائف التانية الي داخل البلاد الاسلامية كانو زمان موجودين بردو ومكنش فيه مشاكل ومكنش فيه حاجة اسمها عروبة بردو جزانا واياكم :) |
بصو يا شباب انا هختلف معاكم شوية
هو حسب معنى كلمة وحدة الى تقصدها فالوحدة انواع وضروب ولو كنت تقصد وحدة شاملة اقلك مستحيل تعمل وحدة اسلامية شاملة لان اولا الفقهاء قسمو العالم الى دار الاسلام ودار الحرب دار الاسلام هى الدول الاسلامية مش العربية ودار الحرب هى الدول غير الاسلامية دى وحدة معنوية انما وحدة مادبة لازم تكون اقليم واحد ودة مستحيل تحققة فى الفوحدة الاسلامية لانها دول مش متصلة جغرافيا فانا شايف ان الوحدة العربية اهم لان الوحدة الاسلامية موجودة فعلا وهى تتمثل فى رابطة الاسلامية ممكن كلامى مش واضح لاكن انا كل الى عاوزكم تعرفوة ان لو خرجتم برة العلاقة الدينية هتدخلو فى اطار الوحدة اللمادية مستحيلة التحقيق انا مش هقدر اشرح لانة موضوع محتاج وقت كتير اوى للشرح وانا ورايا كتابين شريعة وكتاب دولى عام وكتاب مدنى عاوزين يتذاكرو ادعولى بئة عشان انا مضغوط جدا جدا جدا شكرا جدا لمغترب وبس بس مفهوم الوحدة عندك فية غلط شوية ياريت اكون قدرت اوصل كلامى |
السلام عليكم
جزاك الله خيرا أخي العزيز علي هذا الموضوع المهم انا اعرف تماما ان كلامي سيقول البعض عنه أنه يتجه الي السلبية كلامي عبارة عن حديث الرسول صلي الله عليه وسلم حَدَّثَنِي مُحَمَّدُ بْنُ الْمُثَنَّى حَدَّثَنَا الْوَلِيدُ بْنُ مُسْلِمٍ حَدَّثَنَا عَبْدُ الرَّحْمَنِ بْنُ يَزِيدَ بْنِ جَابِرٍ حَدَّثَنِي بُسْرُ بْنُ عُبَيْدِ اللَّهِ الْحَضْرَمِيُّ أَنَّهُ سَمِعَ أَبَا إِدْرِيسَ الْخَوْلَانِيَّ يَقُولُ سَمِعْتُ حُذَيْفَةَ بْنَ الْيَمَانِ يَقُولُا كَانَ النَّاسُ يَسْأَلُونَ رَسُولَ اللَّهِ صَلَّى اللَّهُ عَلَيْهِ وَسَلَّمَ عَنْ الْخَيْرِ وَكُنْتُ أَسْأَلُهُ عَنْ الشَّرِّ مَخَافَةَ أَنْ يُدْرِكَنِي فَقُلْتُ يَا رَسُولَ اللَّهِ إِنَّا كُنَّا فِي جَاهِلِيَّةٍ وَشَرٍّ فَجَاءَنَا اللَّهُ بِهَذَا الْخَيْرِ فَهَلْ بَعْدَ هَذَا الْخَيْرِ شَرٌّ قَالَ نَعَمْ فَقُلْتُ هَلْ بَعْدَ ذَلِكَ الشَّرِّ مِنْ خَيْرٍ قَالَ نَعَمْ وَفِيهِ دَخَنٌ قُلْتُ وَمَا دَخَنُهُ قَالَ قَوْمٌ يَسْتَنُّونَ بِغَيْرِ سُنَّتِي وَيَهْدُونَ بِغَيْرِ هَدْيِي تَعْرِفُ مِنْهُمْ وَتُنْكِرُ فَقُلْتُ هَلْ بَعْدَ ذَلِكَ الْخَيْرِ مِنْ شَرٍّ قَالَ نَعَمْ دُعَاةٌ عَلَى أَبْوَابِ جَهَنَّمَ مَنْ أَجَابَهُمْ إِلَيْهَا قَذَفُوهُ فِيهَا فَقُلْتُ يَا رَسُولَ اللَّهِ صِفْهُمْ لَنَا قَالَ نَعَمْ قَوْمٌ مِنْ جِلْدَتِنَا وَيَتَكَلَّمُونَ بِأَلْسِنَتِنَا قُلْتُ يَا رَسُولَ اللَّهِ فَمَا تَرَى إِنْ أَدْرَكَنِي ذَلِكَ قَالَ تَلْزَمُ جَمَاعَةَ الْمُسْلِمِينَ وَإِمَامَهُمْ فَقُلْتُ فَإِنْ لَمْ تَكُنْ لَهُمْ جَمَاعَةٌ وَلَا إِمَامٌ قَالَ فَاعْتَزِلْ تِلْكَ الْفِرَقَ كُلَّهَا وَلَوْ أَنْ تَعَضَّ عَلَى أَصْلِ شَجَرَةٍ حَتَّى يُدْرِكَكَ الْمَوْتُ وَأَنْتَ عَلَى ذَلِكَ وجزاكم الله خيرا وصلي اللهم علي سيدنا محمد وعلي اله وصحبه وسلم اللهم إهدي المسلمين والمسلمات |
اقتباس:
هيا رابطة العالم الاسلامي دي تسمى وحدة !!!! دي زيها زي الجامعة العربية كده !!!! يعني ايه مش متصلة جغرافيا مه زمان كانت كلها دولة واحدة لحد ايام الدولة العثمانية ... انت بتقول لو خرجنا بره العلاقة الدينية طيب ليه نخرج نحن قوما اعزنا الله بالاسلام ... ربنا معاك يا رب يا جمال وبالتوفيق ان شاء الله :) |
اقتباس:
بس ياريت حضرتك توضحه اكتر وشكرا :) |
اقتباس:
|
سؤال خطير هو المفروض مش الواقع توحيد الامه الاسلاميه لكن فيه عرب مش مسلمين لكنهم عرب هل معني ذلك اننا نحاربهم دي اسمها فتنيه اي نعم هما غير مسلمين لكن برضه لازم يكونوا تحت حمايه المسلمين دا لو يقدروا يحموا نفسهم اساسا :d وفيه مسلمين امريكان ومسلممين من جميع الديانات يبقي احنا نحاربهمونقتل فيهم لانهم مش عرب :) |
اقتباس:
شكرا على الموضوع ياحوده |
بص بتوحيد الأمه العربيه هيتم توحيد الأمه الإسلاميه وبعدين لما تنادى من البدايه بتوحيد الأمه الإسلاميه كده يبقى إنت أهملت حق الأمه المسيحيه وغيرها من أحقيتهم فى الإنتماء للأمه العربيه يبقى لازم ننده بتوحيد الامه العربيه ومع التوحيد هيعرفو فى الاخر إن الطريق الصح هو إتباع الامه الاسلاميه هتقول ما ننادى من الاول بالتوحيد الاسلامى بدام هو النتيجه الاخيره هقولك هتحصل فتن وناس كتير هتدخل من المسلك ده وهيتم التشتيت |
اقتباس:
احنا لو الدول الاسلامية اتوحدت ورجعت زي ايام الدولة العثمانية من الصين للمحيط مش من الخيلج ساعتها كل الثروات دي هتبقى للمسلمين وهتكون قوة جبارة ... لا الاسلام نازل للجميع مش عربي مش معنى ان القرآن عربي والرسول صلى الله عليه وسلم من قريش يبقى الاسلام عربي ... هو فعلا لو الاسلام اتوحد العرب هيتوحدو بس لو العرب اتوحدو الاسلام مش هيتوحد ... |
اقتباس:
والمسيحيين زي زمان اهل ذمة وليهم حقوق وعليهم واجبات وعقيدتهم محفوظة وكل حاجة ... وبالنسبة للمسلمين الي هناك عاوين يرجعو للدولة الاسلامية يرجعو عاوزين يفضلو هناك براحتهم انا مجيبتش سيرة حروب ... |
اقتباس:
طيب مه بردو بين المسلمين ده نفس الترابط ماعدا اللغة بس زيادة كمان بيجمعهم الدين والقرآن اما العرب مفيش بينهم ترابط ديني علشان مش كل العرب مسلمين انا مش باخد على كلام الاغاني والله بس ناس كتيرة لقيتهم كل ما يجو يتكلمو يقولو العرب واحنا العرب معندهمش تفرقة بين عربي ومسلم وده غلط ... بالنسبالي وبالنسبالك ممكن ميكونش محتاج بس في ناس مش بتفرق مابينهم يا اسلام ... |
اقتباس:
طب معلش هو انا قلت هسحب عنهم كونهم عرب لا هما عرب بس التوحيد هيكون للمسلمين وبالنسبة للمسيحين الي موجودين عادي هنتعامل معاهم كأهل ذنة ليهم حقوق وعليهم واجبات ... قال الرسول صلى الله عليه وسلم << من آذى ذميا لم يرح رائحة الجنة >> او كما قال صلى الله عليه وسلم ... لا هتحصل فتن ولا حاجة بس المندسيين هما الي هيحاولو ان الحكاية دي متحصلش علشان المسلمين ميبقوش اقوياء ... |
اقتباس:
اقتباس:
لو تقصد لبنان وجنوب السودان طيب وايه يعنى طيب ما فيها مسلمين والسودان اساسا عضو فى منظمة المؤتمر الاسلامى دولة ايه التانية اللى عربية ومش اسلامية مفيش غير لبنان والمد الاسلامى فيها منتشر وبيزيد وبكرة هتكون دولة اسلامية واساسا من 100 سنة مكنش فيه لبنان على الخريطة لبنان دى فى الاساس سوريا راجع اتفاقية (سيكس بيكو ) تم اقتطاع اجزاء من سوريا واضيفت للبقاع اللى هى اساسا كنت جزء من سوريا علشان يظهر لبنان الكبير وبعد كده جات الحملات التبشيرية من فرنسا وهولندا وجت جاليات كتير من فرنسا وتم تمصير اللبنانين اللى هما فى الاساس كانوا مسلمين يعنى فى الاصل لبنان دى لا كانت موجوده ولا كانت مسيحية ولو على الترابط الجغرافى مبتص على جزر القمر والصومال هما يعنى اللى بجانب الدول العربية مهم فى جنوب القارة يعنى لا فى حدود ولا حاجة ثم فى حاجة قديمة اسمها المشروع الاستعمارى فى الدول العربية جزء الدول العربية وخد من هنا وحط هنا وخد من ده وحط على ده خالى فيه نزعة عرقية وطائفية بين الدول دى فى لسه ضغائن قديمة بين الدول العربية فى مشاكل بين سوريا ولبنان وسوريا والسعودية والكويت والعراق والعراق والسعودية ومصر وليبيا والجزائر والمغرب والسودان ومصر وفلسطين والسعودية ومصر كل العرب فيه مشاكل بينهم وبين بعض فى الاخر تقولى هيكون فيه امل نتوحد سلملى على الكابوس العربى :D |
اقتباس:
طيب فيه كل المشاكل دي لما نيجي ندعو لتوحيد يبقى اولى ندعو لتوحيد المسلمين مش العرب علشان العرب اهو بينهم مليون مشكلة ومشكلة نخش من زاوية تانية ونحية تانية ... مش معنى وجود كل الخلافات دي يعني مفيش امل في الوحدة فيه بس مش الجيل ده ممكن جيلنا او الجيل الي بعدينا ... وخلي بالك كل الخلافات دي مقصودة من الاستعمار علشان تبقى عائق في الوحدة ... وبعدين صدقني احنا مش هنقدر نوحد اي حاجة الا تحت رابطة الدين لا تقولي حدود جغرافية ولا تقولي لغة ... |
بس انا هقول لك الاجابه الصحيحة وهى ان كل اللى عند العرب صبون ادينا بنتكلم ونقول مشركه وجدانية ومساهمات وتبرعات وكله كلام فى كىم بس نتحرك لا نمدهم بالدعاء ابدا
|
المفروض توحيد الامة الاسلامية
اولا علشان النصر للمسلمين ثانيا عملنا ايه لما ندينا الامة العربية مافيش حاجة حصلت ايه الجديد اللى حصل؟ سورى يعنى كل اللى احنا نعملوا نغنى لفلسطين ونغنى للعراق لكن حد قال لازم نرفع راية الاسلام اللى اليهود والاوروبين قالوا ان الاسلام ارهاب حد سورى لما الرسول صلى الله عليه وسلم اتسب حد عمل حاجة ماحدش عمل حاجة لكن لو واحد من الممثلين او الاعبين اتسب نقف ونعمل مظاهرات عشانه علشان كدة الامة العربية ماتت مانحى الامة الاسلامية على الاقل سورى طولت عليك بالكلام وارجوا ان تعذرنى لو اخطات فى الكلام ومرسى على الموضوع |
the problem isn't the arabs or muslims to unite first
:huh: the problem is to unite and take a reaction no problem who????????????????:) |
but of course in the end the muslim will win
whatever all the difficults:D |
اقتباس:
طبعا الإسلام لان الإسلام هو اساس كل شئ بس غحنا دلوقتى فينا المسيحين فلو قلنا الامة الاسلامية يبقى بشيل جزء اسمه المسيحين خالص من المجتمع لان المسيحين كمان ليهم دور فى المجتمع الإسلامى دى وجهة نظر مش أكتر |
اقتباس:
|
اقتباس:
|
اقتباس:
ومكنش فيه مشاكل ... |
| جميع الأوقات بتوقيت GMT +2. الساعة الآن 01:47 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.