|
مسالة ديناميكا صعبة اوى ارجو الاجابة عليها
ياريت حد يحل لى المسالة دى عشان صعبة اوى وعلى فكرة هى موجودة فى كتاب المدرسة صفحة235رقم18والمسالة عن الدفع والتصادم:
أب ج هو خط اكبر ميل فى مستوى املس يميل على الافقى بزاوية قياسها 30حيث أج=19.6متروكانت أ هى النقطة العليا وب فى منتصف أج وصفت كرة كتلتها 3جم عند أ فتحركت على أج واصطدمت عند ب بكرة اخرى ساكنة كتلتها 1جم .فاذا كونت الكرتان بعد التصادم جسما واحدا .أوجد الزمن الذى يمضى بعد التصادم حتى يصل الجسم الى ج |
بسم الله الرحمن الرحيم
ق - م =ك . ج 0.003 × 9.8 × جا30 = 0.003 × ج ج = 4.9 م/ث2 سرعة الكرة الأولى قبل التصادم ع2 = (ع0)2 +2جـ ف ع2 = 0 + 2 ×4.9 × 9.8 = 96.04 اذن ع = 9.8 م/ث ك1ع1 +ك2ع2 = (ك1 + ك2) ع 0.003 × 9.8 + صفر = (0.003 + 0.001) ع اذن ع = 7.35 م/ث ع2=(ع0)2 + 2جـ ف ع2= (7.35)2 + 2 × 4.9 × 9.8 اذن ع=12.25 م/ث ع=ع0 +جـ ن 12.25 = 7.35 + 4.9 ن اذن ن=1 ثانية طبعا مفيش حد فاهم حاجة....على العموم أنا مستعد أشرح أي جزئية صعبة أو مش مفهومة والسلام عليكم ورحمة الله وبركاته |
شكررررررررررررراااااااا جدااااااااا ياطالب بيطلب على الحل والحل مفهوم
|
شكراااااااااااا بس دى مش صعبة أوى زى ما حضرتك ما قلت أنا أتخضيت لما قريت العنوان .........
|
hi
لا على فكرة المسالةرخمة بس يظهر ان انت اللى عبقرى والمسالة ممكن تكون صعبة عليا انا
|
انت شايفة نفسك اووووووووووووووووى
الاجابة موجودة فى كتاب 100% واى مدرس رياضة لازم يكون شرحها يا عبقرينو!!!!!!!!!!!!!!!!!!!!!!!!!!! مالرياضة 2 دة قشور للهندسة ان شاء الله |
انت محدش كلمك اصلا عشان تدخل ياharry potterوبعدين كتاب 100%ده معفن
|
على فكره كتاب 100% انا لسه جايبه المراجعه بتاعتوا بعد ما خلصت اسئله المعاصر ودليل التقويم
وبجد فى كذا فكره فى المسئل اول مره امر عليها وكتاب جميييل وفى افكار وعلى فكره ا ؟ ياسر الخطيب مؤلف الكتاب عضو فى لجنه واضع الامتحان ( للعلم ) ويا ريت منقولش الفاظ معفن والكلام ده يا ريت منعبش فى حد ولا فى كتاب .... يا ريت كلامى ميكونش زعل حد |
يا جماعة خلاص صلو على النبي
محصلش حاجة يعني |
طب بقول إيه
مدام الأخت الفاضلة (rose-dream) خلصت المعاصر ودليل التقويم ودلوقتي في كتاب 100% أنا رأيي تعملي موضوع تجمعي فيه المسائل المهمة والصعبة أو اللي فيها فكرة اللي في دليل التقويم بحيث لو حد حب يذاكر دليل التقويم يذاكر المسائل المهمة فيه بس بدل الكتاب كله وليكي إنك تخليه أسئلة بس وإحنا نجاوب أو أسئلة بإجاباتها |
بسم الله الرحمن الرحيم
بص يا فتى دليل التقويم مساله جميله اوووى وكلها افكار بس بجد اعذرنى انا مقدرش اعقد انقل المسائل عشان ده بالنسبه ليا ممكن يكون تضيع وقت شويه بس والله اى حد محتاج اى حاجه فى الدليل والمعاصر واقفه معاه يكتبها وانا اكتب له الحل على طووول وعلى فكره المسائل بتاعت السنين كلها انا فى نظرى انها من الدليل انا حلتها بردوا وكل الافكار منه يعنى مش حاجه معينه بس هى اللى مهمه انت حضرتك لو حليت امتحانات السنين والدليل هتلاحظ كده فاى حد محتاج حاجه ينزلها وان شاء الله اكتب الحل على فكره انا مخلصه التفاضل وماشيه فى الجبر دلوقتى اوك عشان محدش يحط مساله فى استاتيكا مثلا عشان لسه موصلتلهاش فى مراجعتى اوك يا جماعه انا ممكن اكمل معاكوا فى الموضوع بتاع شريف اللى هو مسائل والاجابه ده انا هنزل مساله فيه شوفتها فى 100% فكرتها مشفتهاش فى الدليل ولا المعاصر تستفادوا منها بردوا على العلم ان ممكن تكونوا عارفنها بس انا بتكلم عن نفسى انا بس بعد ما يقلنا الاول حل المسائل ممكن تدونونى فرصه واكتبها عادى يعنى مفيش مشاكل يا ريت مكنش طولت عليكو وان شاء الله انا ممكن ابقى معاكوا فى الموضوع بتاكوا لو تحبوا سلام عليكو ..... |
لا ياrose_dream انا مزعلتش وانا ماكنش قصدى اننا اغلط فى الكتاب ولا فى اللى عامله بس كل اللى حصل ان كان فى مسالة انا مش عارفاها وطالب بيطلب انا بشكره جدا حلهالى بس انا مش عارفة ايه اللى دخلsherif97%ولاharrypotterفى الموضوع الصراحه حسيت اننا اذنبت عشان بعت مسالة مش عارفاها
|
يا أخ shemagad متزعلش مكنوش يقصدوا
وحط المسألة اللى انت عايزه مهما كانت سهلة ما دام لا تعرفها فنستفيد جميعا لأن مفيش حد هنا عبقرينوا ولا نابغة فى الرياضيات كلنا طلبة وفيه اللى نعرف نحله وفيه اللى منعرفش |
والله يا قمر ما فى زعل ولا حاجه
انا اللى خوفت تزعلى من كلامى فحبيت اقولكم ان الكتاب مكن يكون مهم على حد علمى ان مؤلفه من واضعى الامتحان فممكن يجيب فكرة من كتابه بس مش اكتر ولا يهمك يا قمر محصلش حاجه |
على فكرة الرياضة مالهاش كبير....يعني اللي يقول انا بريمو في الرياضة ده يبقى لا مؤاخذة (....)
الموضوع كله ان طرق التفكير بتختلف....يعني فيه مسائل أنا بشوفها صعبة وزمايلي بيشوفوها سهلة والعكس ومتتردديش أبدا في السؤال عن أي حاجة مهما كانت صغيرة...افرض هي اللي جت في الامتحان وأي سؤال إسألني علشان أنا بريمو في الرياضة ههههههههههههههههههههههههه والسلام عليكم ورحمة الله وبركاته |
اقتباس:
ههههههههههههههههههههههه كلامك متناقض يا طالب بس هزار مقبول ....هههههههههه والرياضه فعلا ملهاش كبييييييير واحنا هنا كلنا بنساعد بعض |
على فكرة ياجماعة انا خلاص مش زعلانة وشكررررررررا أوى لاهتمامكم كلكم وعلى فكرة ياصوت الازهر انا بنت وخلاص ماشى هابقى اسالك انت يا طالب بيطلب عشان انا عارفة ان انت البريمو فى الرياضة
|
آسف جدا مكنتش أعرف
معلش خطأ مطبعى وعلى فكرة انا مش صوت الأزهر إنما فتى الأزهر او صعب علكيم الاسم ده أنا اسمى محمد |
خلاص يافتى الازهر عادى جدا مفيش حاجة وانا كمان كان فيه غلط مطبعى عندى وانا اسمى شيماء
|
اana 2wal mra a5ad bly mnha walahy merci 3ala al 2dafa
|
بسم الله الرحمن الرحيم
بالنسبة لإمتحان التفاضل والتكامل فهو كما تعلمون أفكاره معظمها من خارج المنهج فبدل إعادة الإمتحان توزع درجات التفاضل والتكامل على الجبر والهندسة الفراغية والميكانيكا فيكون الجبر بدل 8درجات تصبح 13 درجة والفراغية بدل 7 درجات تصبح 12 درجة والإستاتيكا 13 درجة بدل 10 والديناميكا 12 درجة بدل 10 واريد رأيكم وعلى فكرة إمتحان التفاضل والتكامل غيرعادل لعدة أسباب (1) تسريب الإمتحان فى المنيا (2) معظمه من خارج المنهج كان ممكن جزئيتين كفاية فى الإمتحان (3) الطالب خدع بمعنى أنه لم يتدرب على مثل هذه النوعيات |
انا عايز المراجعة النهائية
|
اقتباس:
اقتباس:
|
امتحان الجبر والهندسة الفراغية كان سهل ماعدا جريئة فى الامتحان
|
هو في ايه
انا حاسس ان خلاص الطلبة عايز الاسئلة تكون نفس الافكار وهما يدخلوا الامتحان يبدلوا الارقام وخلاص الرياضة دي يا جماعة انك تفهم القاعدة والقانون وبعد كده تطبق اللي انت فاهمه المفروض تعرف تطبق اللي فاهمه على اي طريقة اسئلة مش تقولى افكار من خارج المنهج بس المشكلة مش في الطلبة دي نظام تعليمي فاشل ربنا يرحم التعليم فى مصر |
جزاك الله خيرا يا طالب
|
بســـــــــــــــــــــــــــــــــــــالله الرحمن الرحيم ــــــــــــــــــــــــــــــــــــــــــــــــــ ـــــــــــــــم
حلها سهل جدا وها هو الحل ق - م =ك . ج 0.003 × 9.8 × جا30 = 0.003 × ج ج = 4.9 م/ث2 سرعة الكرة الأولى قبل التصادم before ع2 = (ع0)2 +2جـ ف ع2 = 0 + 2 ×4.9 × 9.8 = 96.04 *ع = 9.8 م/ث ك1ع1 +ك2ع2 = (ك1 + ك2) ع 0.003 × 9.8 + صفر = (0.003 + 0.001) ع * ع = 7.35 م/ث ــــــــــــــــــــــــــــــــــــــــ بعد التصادم ع2=(ع0)2 + 2جـ ف ع2= (7.35)2 + 2 × 4.9 × 9.8 * ع=12.25 م/ث ع=ع0 +جـ ن 12.25 = 7.35 + 4.9 ن * ن=1 ث ـــــــــــــــــــــــــــــــــــــــ الزمن المطلوب |
بســـــــــــــــــــــــــــــــــــــالله الرحمن الرحيم ــــــــــــــــــــــــــــــــــــــــــــــــــ ـــــــــــــــم
حلها سهل جدا وها هو الحل ق - م =ك . ج 0.003 × 9.8 × جا30 = 0.003 × ج ج = 4.9 م/ث2 سرعة الكرة الأولى قبل التصادم before ع2 = (ع0)2 +2جـ ف ع2 = 0 + 2 ×4.9 × 9.8 = 96.04 *ع = 9.8 م/ث ك1ع1 +ك2ع2 = (ك1 + ك2) ع 0.003 × 9.8 + صفر = (0.003 + 0.001) ع * ع = 7.35 م/ث ــــــــــــــــــــــــــــــــــــــــ بعد التصادم ع2=(ع0)2 + 2جـ ف ع2= (7.35)2 + 2 × 4.9 × 9.8 * ع=12.25 م/ث ع=ع0 +جـ ن 12.25 = 7.35 + 4.9 ن * ن=1 ث ـــــــــــــــــــــــــــــــــــــــ الزمن المطلوب |
أزاى مش عارف تحل مسألة عبيطة زى دى ..... عيب جدا ان حد يسأل فيها على فكرة ........عشان كده بشجع فكرة الامتحانات الصعبة عشان نفرق بين واحد حــــــافظ وواحد فـــاهم اللى طبعا حتكون امتحانات زى التفاضل والجبر والفزياء حاجات سهلة بالنسباله
إن شاء الله باقى الامتحانات تيجى على مستوى التفاضل والفزياء عشان اللى فاهم يتميز عن اللى حافظ |
اقتباس:
حسبى الله و نعم الوكيل بقولك إيه يا خوارزمى العملية مش ناقصاك و لو مفيش حاجة بتعجبك يبقى متدخلش أحسن و تريحنا برده |
صــــــــح كده يا funnet
|
انا مش عارف العضوة (rora_rara) مالــــهــــا ومالى هو انـــــــا بكلمك انتى ولا بكلم الكل حاجة غريبة....ده كمان احنا اسكندرانية زى بعض
|
جزاكم الله خيرا وتقبل الله منا ومنكم كل الخير ان شاء الله
|
اقتباس:
|
لا حول ولا قوه الا بالله
|
| جميع الأوقات بتوقيت GMT +2. الساعة الآن 05:02 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.