|
مين متشوق لهندسة ؟ تعالى اما اوريك اللي فيها
السلام عليكم ورحمة الله وبركاته أولاً سامحوني على اللغة العامية اللي هتكلم بيها :) احبائي الطلبة اللي لسه مشفوش اللي احنا فيه بص يا عم انت وهي اللوقتي لو هتموت وتدخل هندسة فأنا أحييك على حبك للكلية دي المهم انت هتدخل الكلية هتفرح اوي اول اسبوعين اوي اوي وتحس انك عالم بجد هتاخد شوية مواد حلوين اوي اوي وبجد لو فهمتهم هتبقى مهندس مهندس بجد يعني تعرف مهندس يعني منظم أصلاً :) فهنيئاً لك الكلية ندخل بئه كنظرة عامة وشامله الرسم الهندسي ده اهم و أخطر واجمل مادة ركز في الكلام شوية اهم واحطر واجمل يعني الرسم تحبه لكن ميحبكش لازم تصبر عليه أنا هجيبلك رسم من رسمي الشخصي عشان تشوف وتحكم وهو بترتيب مواضيع المنهج وبما اني على قد حالي خالص ف الرسم ففيه اجمل من كده مليون مرة اولاً العمليات الهندسة وهي رسم شوية دواير و اقواس ودي بتساعد في الموضوع اللي بعده اللي اسمه المنظور الأيزومتريك وهو رسم مجسم للأجسام الهندسية المطلوب تصنيعها زي الرسمه دي http://a5.sphotos.ak.fbcdn.net/hphot...48314561_n.jpg ودي كمان منظور للرسمه اللي تحت http://a2.sphotos.ak.fbcdn.net/hphot...95478839_n.jpg بعدها موضوع استنتاج المسقط التالت والقطاعات وده بيديك مشهدين للجسم وانت تتخيل التالت معتمداً على الله اولاً ثم على قواعد ثابته وبيطلب فيهم قطاعات زي اللي هوريهولك ده http://a8.sphotos.ak.fbcdn.net/hphot...97110844_n.jpg http://a2.sphotos.ak.fbcdn.net/hphot...18630904_n.jpg http://a3.sphotos.ak.fbcdn.net/hphot...13827917_n.jpg طبعاً دا كان جزء من مادة اسمها الرسم الهندسي والباقي كتيييييييييييييير جداً بس حبيت اشوق اللي منتظر جبيبته الهندسة :d ملاحظة هامة : بلاش تحب في الكلية احسنلك ههههههههههههههه هتتبهدل فاللي طالبه منك انك تذاكر الفترة دي لأن الهندسة بجد ممتعة ولذيذة و مع ناس حلوة وناس تانية متصدقهومش هيقولولك دي صعبة و هم وغم وعم وكلام فاضي كده بتاع الناس الفاشلة متشوق بئه ولا لسه ؟ يارب كل علم رياضة يدخل هندسة :d |
لا كتر خيرك والله
كدا السنة دى محدش هيدخل هندسة هههههههههه ربنا يستر بقا على الى هيدخل الكلية دى |
اقتباس:
|
الله عليگ ي بشمهنٰدس ..
حلوة رسومآت حضرتگ .. :) وحلوة حگآية الطرف التالت قصصديٰ المسقط التالت دي :d و ي رب گل طلبة علمي رياضهٰ يخشوٰآ هندسة =) چزيتٰ خير الچزاء ي بشمهندسٰ =) |
ههههههههههههه الله يخليك يا خالد
بس الموضوع اتنقل وانا كان قصدي يكون في اجتماعيات طالب عشان اللي ف 2 و 3 يشوفوه لو كده ممكن نكلم اللي ف هندسة بالأسلوب اللي متعارف عليه بئه |
مـا شـاء الـلـه يـا صـديـقـي , مـبـدع ! . . :) |
اقتباس:
الله يخليك يا صاحبي ,,, انا بتعلم منك :) |
هههههههههه والله انا حبيت هندسة وانا اصلا علمى علوم وان شاء الله عاوزة طب اسنان ادعوووووووووولى بقى
|
اقتباس:
ربنا يوفقك ونورتي الموضوع :d |
الموضوع فعلا جميل وماشاء الله كل الرسومات 9 و 9.5 بالمزيد من التفوق ان شاء الله .
|
انا مش متشوقلها بصراحه
نفسي انام واصحى الاقي نفسي يوم نتيجة الثانويه العامه واكتب ف التنسيق الكترونيات المنوفيه ولا اداب انجليش يلا الحمدلله ع كل حال |
اقتباس:
اللهم امين ربنا يخليكي مرورك الأجمل وأشكرك جداً :) نورتي الموضوع |
اقتباس:
|
اقتباس:
يا أحمد ابتسم فأنت في هندسة :d الكلية اللي بيتمناها الآلاف من الطلبة بل الملايين لأنها فكر وابداع ربنا يوفقك |
موضوع جميل
معلش استفسار انا من صغرى و انا نفسى ادخل هندسة فلما كبرت تحديدا السنة اللى فاتت قلت اختار القسم عشان احدد اكتر و لو مفيش قسم عجبنى اشوف كلية تانى انا ميولى مايلة للكمبيوتر و كدة فانى قسم يناسبنى و ايه رايك فى كلية حاسبات و معلومات لانى بدات انجذب ليها عشان مش عارف حد يرشدنى لاقسام فى الهندسة و لو فيه قسم تانى مش خاص بالكميوتر حضرتك شيفه حلو يا ريت تقولهولى اا سمعت عن هندسة الاتصالات بس للاسف ملقتش عنها اى معلومات فهل حضرتك تملك معلومات ليه و لو بسيطة ؟ و معلش هتعبك معايا شوية يا باشمهندس |
اقتباس:
والله انا في الكلية ومحتار أدخل قسم ايه بس استقريت الحمد لله لا لا لما تدخلي الكلية في مادة اسمها التاريخ الهندسي هتعرفي عن الأقسام كتير و هتميلي لقسم معين وهتتفوقي فيه باذن الله بلاش من اللوقتي تحديد عشان متبنيش أملك على حاجه لسه مجتش فقط ادخلي الكلية و فكري ف القسم براحتك بس اطمني الأول انك دخلتي الكلية العظيمة دي :) قسم اتصالات جميل ومناسب ليكي جداً لو بتحبي الكمبيوتر وأنا بحبذ القسم دا للبنات بصراحة لأنه غير شاق في العمل بعد كده باذن الله أنا مش هجيبلك معلومات عن القسم بسبب ان مش عايزك تشغلي بالك بالكلية دلوقتي خالص فقط انتبهي لدراستك وعيشي اللحظة و الثانوية العامة فقط دلوقتي وبعدها أجيبلك ويكبيديا كلها :d ربنا يوفقك ان شاء الله |
اقتباس:
على فكرة انا ولد مش بنت ( مع ملاحظة انى مش متضايق بس عشان حسيت ان اجابتك موجهة لبنت مش اكتر ;);)) معلش سؤال اخير ما هى لغة الدراسة فى جامعة القاهرة - حلوان - عين شمس ؟ و هل كل الاقسام بتقبل من مجموع الثانوية بتاع التنسيق و لا فى اقسام بتعتمد على مجموع عالى لللثانوية ؟ و ما العدد الكلى للاقسام بالكلية ؟ و معلش هتعبك معايا |
اقتباس:
اعمل فيك انا ايه دلوقتي ؟؟ ! ! سايبني أكلمك كبنت :d:d:d عامة مفيش مشاكل أنا معاك بردو لو احتجت حاجه الظاهر انك مُصر تعرف عن الكلية أكتر ما قولتلك تدخل هندسة وملكش دعوة المهم اللغة في القاهرة اعدادي عربي والباقي انجلش ان شاء الله ... عربي مش س و ص و ع لأ الشرح بالعربي و الحل انجلش رموز يعني عادي زي فيزيا الثانوية العامة كده بتحل المسائل بالإنجلش بس التعريفات عربي دا ف اعدادي القاهرة عين شمس لا يعرفون اللغة العربية :d:d (تعبير مجازي) يعني الدراسة ف ال5 سنين انجلش حلون مش عارف بصراحة بس أظن عربي اعدادي بردو :) الأقسام في الكلية اسمها برامج على فكرة :d اللوقتي أنا مثلاً جبت 95% وزميلي 99% واحنا ال2 دخلنا هندسة القاهرة مثلاً يبقى كده احنا متساوييييييييييين تماااااااااااااااااااامااااااااااااً يعني تدخل الكلية بمجموع الثانوية العامة عادي جداً والقسم اللي يريحك تدخله لكن بتنسيق جديد بعد أو سنة ف الكلية اللي هي اعدادي حسب عدد الطلبة و الرغبات تمام كده ؟؟ بالتوفيق ان شاء الله :friendsxs3: |
اقتباس:
لان الاسم يدى على بناتى شوية بس المهم انه عاجبنى انا و كدة المعلومات تمام اوى فى المرحلة دى و ده بس اللى كنت عايز اعرفه و اسف بقة تعبتك معايا:rolleyes::rolleyes: |
اقتباس:
ربنا يوفقك ان شاء الله و لو احتجت حاجه احنا موجودين ف القسم هنا :cool: |
طيب على كده ممكن تفهم من الدكاتره والا بتعتمد على الله ثم على نفسك
|
عادي خالص محاضرة بتتشرح فهمت أو مفهمتش مش فارقه المهم تكون عارف هو قال ايه وبتذاكره و تدخل الإمتحان تحل وتنجح و بعد كده انت واحده واحده بتفهم الحكاية ماشية ازاي وان شاء الله تفهم منه :)
وعلى فكرة الكلية مش بالمعنى اللي عند الطلبة انها يعني للعباقرة فقط مستوى تاني خالص غير ثانوي |
الله يطمنك لان معظم الناس بتخوفنى منهاوبتقولى ان الكليه عايزه مستويات عاليه جدا انا الحمد لله مش فاشل قوى انا درست فى تربيه انجليزى زى ما قولت قبل كده وكان فيه بعض المواد الواحد بشوفها لاول مره وبيقول لنفسه هوه الواحد هيفهم دى ازاى ولكن مع المذاكره كان الواحد بيتغلب على المواد ولكن الهندسه برده غير الكليه دى لانها بتعتمد على الرياضيات والواحد بصراحه مكنش توب فى الرياضيات
|
| جميع الأوقات بتوقيت GMT +2. الساعة الآن 01:10 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.