هل ترى أن هناك أمل فى إصلاح حال التعليم الأزهرى؟
 

عشان طول مافيه العمم الفاسدة اداريا وعقليا وعمليا وعلميا ف الازهر يبقى حيفضل زى ماهو

علشان هناك مجاملات كثيرة

الامل دائما موجودا طالما
* وجد من يستمع الى رأي العقل والمنطق
* وجدت عقولا تفكر للتغير والنهضة
* استعان المسؤوين بخبرات تخصصية
* قيادات ذو فكر مستنير متطور
* قرارات تدرس بعناية تامة

و اخيرا الامل كلمة مطاطة جدا جدا يتطلب الوصول اليها ايام قلائل ، أو امد بعيد

استقلال الازهر ماديا وجود قيادات تخشى الله

ان الله لا يغير ما بقوم حتى يغيروا ما بانفسهم و النفوس الاداره فى الازهر خربه الا من رحم

اتفق مع مستر احمد اوجز وانجز

الحقيقه ان المنظومه الازهرية متأخرة جداً بداية من الطبقات التى تقدم لابنائها فى الازهر وكثرة مواد الازهر والمستوى الثقافى لمعلمى الازهر وتخلف قطاع المعاهد الازهرية عن باقى الدولة ادارياً وانتشار الوسطه والمحسوبيه ورغبة البعض فى شد الازهر بين ناحيتين الاولى سلفيه والثانيه وسطيه او لبرالية ولهذا الازهر ضائع لانه لم يحدد هدفه الى الان

يوجد امل اذا ابتعد الازهريون عن قيادة المناطق والمعاهد وتركوها للثقافيين

شكرا جزيلا لحضراتكم على الاهتمام والمرور
وفى انتظار المزيد من الاراء والتفاعل

يوجد امل اذا طبقنا تعاليم الله سبحانه وتعالى وابتعدنا بانفسنا عن الشبهات وغيرنا انفسنا ومعامالاتنا وكانت تتفق مع الاسلام
اما بالنسبة للاخ خالد ابو خبازي اظن ان رايك ليس صوابا لانه يوجد من العربي والشرعي من هو مثل الثقافي وافضل من بعضهم علما وعملا اداريا فارجو من حضرتك عدم التعميم
تقبل تحياتي

marawn1 السلام عليكم ورحمة الله وبركاته وبعد شكرا على نقدكم البناء واوضح لك اننى لم احدد الكل ولك يوجد الكثير من الزهريين من هم فىقمةالتسيب لم يراعو ضمير ولادين ولاانساية وخذ على سبيل المثال لاالحصر وانت تحكم بعد ذلك
1 كانت مسابقة قران طلاب على مستو ى الازهر والامتحا فى المناطق مدرس عربى سامحه الله اخذ الطلاب واخذ منهم فلوس علشان ينجحهم وبعد التجة ساب عمله واخذهم القاهرة علشان يكمل المقاولة وصل الحد الى المتاجرة فى كتاب الله اليس هذا ازهرى الذين يقومون ب الامتحان اليسو ازهريين بل وصل الحد الى دفع رشوة لمدرسى قران وهم لم يحفظو كتاب الله وحاليا قد تم تثبتهم اليس معمل ذلك ازهرى يبيع النتيجة للطلاب ويظلم الباقى الذى لم يدفع اليس هذا ازهرى
معذرة اخى انا غيور على الازهر وعلى كتاب الله ولكن هل لايوجد مثل هذا من الثقافى موجود لا الحلو موجود ودون ذلك موجود شكرا لك واكرر اعتذارى لك ولكل شريف يراعى الله فى عمله

شكرا جزيلا استاذة هبة

ماهو حضرتك احنا اصلا مفيش ف ايدينا حاجة ..اللى يقدر يصلح ويغير السلطة التنفيذية واحنا مش سلطة تنفيذية..

اللى بينفذ وله حق اصدار القوانين هم شوية عمم جهلة متخلفين يبقى حيبقى فيه اصلاح ازاى والنبى

مفيش امل

حاليا

ولكن ؟

ولكن ايه؟
انا عايز اعرف ولكن ايه
يمكن دى اللى فيها الامل يا مستر اتش

وايه لازمة تغيير الطقم والسيستم زى ما هو
تغير الطقم بس تبقى غيرت وش القفص واللى جوه لسه بايظ
عايز تغير انسف كله بديناميت وسطب نظام جديد ميكونش فيه فيروسات
نظام جديد بعقول جديدة ونظم ولوائح جديدة وادوات جديدة ومناهج وفكر جديد
عشان ميجوش الفلول بعد كدة يقلبوا الترابيزة
ويخلوك تكره اليوم اللى غيرت فيه الطقم من اساسه

ولنا فى ثورة يناير خير مثال:bosyht9:

بالظبط كده واول اصبع ديناميت يتربط ف شيخ الازهر اللى ملوش اى تلاتين لازمة ولا بيفهم ف الادارة واخره يدير مفرخة وتحت منه السيد الشيخ الفاضل عبدالتواب قطب رئيس قطاع المعاهد الازهرية زى رئيسه بالظبط ولا له فيها وتحتهم بتوع المناطق اللى متعينين بالابتدائية تقريبا ومرتباتهم مبتقلش عن 1500 جنيه وهم ولا بيفهمو اى شىء ويتبعهم العمم الجميلة اللى اسمهم موجهين ويسيبوا الشغل بقى للمدرسين اللى بيفهمو زى ناس كتير موجودة ف المنتدى ده اهو ع الاقل انتو ناس فاهمة ازاى تشتغل صح:rolleyes:

الاشكالية مستر احمد هو تخبط الازهر بين دوره التنويرى والسياسى من ناحية وبين دوره التعليمى التربوى فى المعاهد من ناحية اخرى، واذا تم فك الاشتباك بين هذين الدورين (باى وسيلة) يكون الازهر بعدها قادر على وضع اهداف (واضحة) لكل جانب او مجال ومتابعة تنفيذ هذه الاهداف بدلا من حالة التشتت الحالية الذى اثر بشدة على مستوى التعليم الازهرى!

اصبت عين الحقيقة يا استاذ محمد ..دور الازهر التنويرى الدينى لا يمكن المساس به بل على العكس لابد من الارتقاء به ..الازهر كان بيبعت بعثات ايام زمان كانت بتحارب الحملات التبشيرية المسيحية ف مجاهل افريقيا ... انما للاسف دلوقتى الازرهر يجمع تحت عبائته المعاهد الازهرية الفاشلة لاقصى حد . مش عاوز اقول لحضرتك فعلا ان الطلبة الازهريين بقوا قمة التخلف ف المواد الثقافية زى الدراسات والانجليزى والعلوم انا اقسملك بالله ان 90% من تلاميذ الصف السادس الابتدائى اللى كنت بديهم مكانوش عارفين حروف اللغة الانجليزية ودى كارثة بكل المقاييس وعشان كده بتمنى ان العقلاء ودول ما اقلهم ف ادارة الازهر بتمنى انهم يفصلو الازهر التعليمى عن الازهر الدينى وده لا يمكن يتم طوال مافيه حد زى احمد الطيب عشان انا شفت الراجل ده بيتكلم قدام منى ايام اعتصامات المشيخة وعاوز اقولك انه ميعرفش يدير فصل دراسى فما بالك بمؤسسة تعليمية ده غير النفاق الواضح للمجلس العسكرى مرة وللرئيس المخلوع مرة..زى ما مصر عاوزة ثورة الازهر بردو عاوز ثورة بس ثورة شديدة شوية

الله ينور عليك.. تمام كده

الامل موجود دايما
بس للاسف
الزمن مفقود
بمعنى مش عارفين امتى
وعلى ايد مين
بس للاسف كمان مره مش فى الوقت الحالى (( والله أعلى وأعلم ))

ونعم بالله

يعنى فى الوقت الحالى مفيش امل

عندما نتخلص من نطاعة شيوخ المعاهد
ومن روتين العاملين في المناطق الازهرية والادارات
إذن هناك بصيص أمل إن شاء الله.

انا على يقين تام ان لنا دورا (كمدرسين) فى اعادة تاهيل الازهر من جديد

طالما العقول التى تعمل على المنظومة عقيمة متحجرة مستكبرة ان تسمع وتقبل التطور
دول حتى اذا غلطوا لايعترفوا بالخطأ
اذا لم يفهموا يستكبروا ان يستوضحوا

انا هقولك واقع مرير طول ما الازهر ادارته مركزية وطول ما هو تابع لنظام يبقى عمره ما هيتصلح وثانيا شيخ الازهر من ساعة ما وصل مش شايفه باصص للخريجين ولاده وسايب المدارس الخاصة يتامروا فينا ويقولولنا احمدوا ربنا دا انتوا خريجين ازهر ما صحيح عندهم حق اذ كان الازهر مش ناصفنا يبقوا هم اللي هينصفونا حسبي الله ونعم الوكيل في ادارة الازهر

هل اضفى الدين قداسة على بعض المسئولين فى الازهر بحيث جعلهم لا يقبلون النقد او التعديل او المقترحات من منطلق العصمة او الافضلية؟ بمعنى اخر، هل اختلاط مفهوم الولاية والارشاد بمفاهيم الادارة عند كثير من قيادات الازهر هو السبب فيما آل اليه حال الازهر الان؟

المركزية سبب من اهم اسباب تخلف الازهر ادرايا (هذا راى)
ولكن هل قيادات الدواوين فى المحافظات قادرة او مؤهلة او لديها الرؤية الكافية لاتخاذ قرار سليم؟