|
مهزلة حقيقيه
ماذا يحدث ؟؟؟؟؟ ما سر القرارات التي اتخذتها اللجنة العليا للإنتخابات؟؟؟؟ انا لم أكن أنتوِ ترشيح أيٍ منهم ولكنّ ما سبب استبعادهم؟؟ لما استبعد خيرت الشاطر؟ لماذا استبعد ايمن نور؟ لماذا استبعد الشيخ حازم صلاح ابو اسماعيل بعدما حكمت المحكمه لصالحه؟؟ ماذا يحدث داخل الغرف المغلقه؟؟؟ والمشكلة الكبرى أنّ الإعلان الدستوري يقول أنّه لا يجوز الطعن على قرارات اللجنه العليا للإنتخابات !!!!! وهذه إحدى تويتات المرشح الذي انتوي ترشيحه الدكتور عبد المنعم ابو الفتوح الذي يفرض احترامه على الجميع بعد هذا القرار وبعده تويت للمغني حمزه نمره http://www13.0zz0.com/2012/04/14/22/923333913.png |
يبدو انه لابد ان تكون هناك فئة معتدى عليها كنا فى ظل النظام السابق نعانى من ظلمه واما فى الوقت الحالى اصبحنا نحن اشد ظلما منه
|
والمشكلة الكبرى أنّ الإعلان الدستوري يقول أنّه لا يجوز الطعن على قرارات اللجنه العليا للإنتخابات !!!!!
فعلاً أنا مستغرب إمريكا لن تدعنا ف حالنا وطنط ومجلس المتواطؤ لعنهم الله جميعاً نصدق أمريكا ومش نصدق القضاء المصري حسبنا الله وكفى . |
انا معترض علي قرار منع الشاطر و ايمن نور لانهم اتسجنوا بسبب محاكمات ظالمة في النظام البائد
اما حازم ابو اسماعيل المحكمة مقالتش ان امه مش امريكية المحكمة بتحكم بالورق و قالت ان الداخلية او الخارجية مقدمتش اللي يثبت ان امه امريكية و ده ميمنعش ان هي ممكن تكون امريكية و جه الورق من الخارجية الامريكية اللي يثبت كده و بالنسبة اصدق امريكا اصدقها طبعا لان الدول ديه مش بتهزر و بعدين مين ابو اسماعيل اصلا بالنسبالهم عشان يخافوا منه او يحاولوا يطيروه ؟؟؟؟ |
اشعر بعد الثورة بقيود اكثر من قبلها رغم انى كنت اتمنى حدوثها الا انى وجدت ان الحال اسوا بعدها اذا حاولت ابداء رايى اما ان اتهم باننى من الفلول او بالكفر او بالعمالة او باننى اقبل اضاعة دماء الضحايا فوضت امرى الى الله وحسبى الله ونعم الوكيل اذا استمر الحال بهذه الطريقة فساحاول اختيار الكلية اللى هتساعدنى اهاجر بره مصر بعد ماكنت بشوف انها خيانة انى اسيب بلدى واسافر بره منهم لله اللى عقدونا فى حياتنا ربنا يذلهم اشد الذل
|
اقتباس:
ولا أمريكا شريفة الشيخ حازم ده اللي هيورينا يوم أسود ف أمريكا وأسرائيل والعسكر الشيخ حازم هو اللي هيعدل وضع البلد بفكره السياسي والإقتصادي الفذ الشيخ حازم هو اللي هيطبق شرع الله أما البقية فحدث ولا حرج |
اقتباس:
عموما ده مرشحك و انت حر انا شخصيا لو متبقاش مرشح غيره هبطل صوتي احسن |
اقتباس:
وبعدين ارفض وبشدة كلمة العسكر دى |
بصراحة شخصيا الوحيد اللي يستحق احترامي من المرشحين اللي بنطلق عليهم اسلاميين مع ان معظمهم متاسلمين اصلا هو الدكتور عبد المنعم ابو الفتوح
راجل عنده فكر و احترام و تقدير لنفسه و لدينه مش زي الاخوان و السلفيين و الجماعات الاسلامية اللي بيتاكلبوا علي الكراسي و نص اللي في مجلس الشعب ميعرفش حاجة اصلا غير انه كان عايز الكرسي و الضحك علي الناس البسطاء في المساجد و المجلس العسكري ظبط الانتخابات صح عشان المتاسلمين يكتسحوا و بكده تتراجع القوي الثورية و تقل خطورتها المجلس العسكري للاسف بيلعبها صح من الاول |
اقتباس:
مش هتخاف من الشيخ حازم يععني أومال تخاف من مين والله شعب م ينفع معاه غير عمر سليمان أنا بإذن الله بععد م أخلص الجامعة هروح أعيش بره أنا كنت عايش بره ومش هقارن بين هنا وهنالك يلد م يعلم بيها إلا ربنا إمتى ي رب أسيب البلد دي |
اقتباس:
و يحافظ علي قوة و هيبة البلد |
اقتباس:
اقتباس:
بععد النهاردة بمصر أنا برئٌ من هذا البلد |
اقتباس:
م أغلب الحكام عارفيين سياسة وشوف عملوا إيه لا هي تخاف من شخص مجاهد متقِ الله |
اقتباس:
وازااااى يعنى ان البلد تكون دينيه ماشى مقلناش حاجه بس ده للاافراد لاكن البلد عاوز واحد يكون فاهم كويس اووووووووى فى السياسه ويكون كمان عاقل ياخد الامور باتزان ويكون عنده احساس يحس بالبلد وبالناس اللى فيها وقوووى يتصدى قدام الاعداء وكمان معلومه لحضرتك عمر سليمان قال ان الاخوان حرقوا االاقسام وخرجوا المساجين منها ايام الثوره وفى ايه البلد بتولع دلوقتى بسبب ان حازم ابو اسماعيل اترفض علشان والدته فا بيولعوا البلد دلوقتى انا ناويه ان شاء الله ارشح ابو الفتوح |
اقتباس:
و هي تخاف من حاكم قوي واحد زي عبد الناصر مثلا في قوته رغم اختلافي الكبيييييييييييييير جدا مع عبد الناصر و مع تصرفاته بس كان علي الاقل حاكم قوي و كان عاملنا قيمة |
إتقوا الله حضراتكم تعرفوا خفايا الصدور
ونوايا البشر عشان تقولوا كده ع الشيخ بععدين أي مصيبة تحصل ف البلد الأيام دي تُنسب لأصار الشيخ أبو إسماعيل |
و بعدين هو كل واحد عارف ربنا يبقي حاكم
المعيار هو الكفاءة وحدها التقوي و التدين ديه حاجة بين العبد و ربه انا مقدرش احكم عليها ما ممكن مثلا واحد منافق - انا مقصدش حد معين - يفهم الناس انه راجل تقي و في الاخرة هو الد الخصام انا بحكم بالخبرة و الكفاءة مش بالتدين |
اقتباس:
بس اشمعنا حصل كده بعد ما اعلنوا خروجه من الانتخابات ما البلد كانت هاديه بقالها كام اسبوع |
اقتباس:
على فكرة انا حاسة انى بقيت منافقة لانى عاوزة اقول كده من زمان وخايفة اتشتم ويتهمونى ولاالاقى حد بيتهمنى بالكفر وتضييع حق الشهداء او انى مش موافقة على الثورة بس بجد انا اللى شايفاه ان حرق السجون واوراق امن الدولة مش فى مصلحة حد اد الجماعات الاسلامية وبعدين الاسلوب اللى اتحرقت بيه الاقسام مش بيتبعه غيرهم ثم انهم قالوا ان الشرطة اللى غادرت السجون وسابت المساجين يخرجوا مع ان الناس هى اللى هجمت على السجون وضربوا ضباط الشرطة ولاضباط الشرطة اللى ماتوا موتوا نفسهم وعلى فكرة احنا عندنا فى سجن شبين حصلت وقتها اكتر من محاولة لتهريب المساجين والحمدلله فشلت يعمى الشرطة كانت موجودة طبعا بقى دلوقت هابقى فلول ومش بعيد اكون عميلة وضد الثورة او انى انات اللى قتلت الناس فى ميدان التحرير ربنا يهدينا جميعا |
اقتباس:
|
قد كده كارهين الإسلاميين
بععدين ي أخ كريم اللي عارف ربنآ وعالم بإحكام الشريعة مش محتاج يدرس سياسة وإقتصاد لأن ده كلو موجود ف الشريعة وي أخت ضحى ده قدر يععني ليه مش يكونوا أنصار أيمن نور مثلاً ربنآ ينجينآ من الفتن م ظهر منهآ وم بطن |
اقتباس:
|
اقتباس:
في ناس منهم حتى قالوا هندي صوتنا لابو الفتوح وهو كان من الاخوان المسلمين يعني فكره اسلامي مش بيكرهوا الدين اهو بلاش الطريقه دي بالله عليك البلد مش ناقصه انقسامات اكتر من اللي هي فيها |
اقتباس:
ياريت تفصل بين الاسلاميين والمتاسلمين وبعدين مين قال اننا بنكرههم على فكرة قبل الثورة كنت باحترمهم جدا على اساس انهم بينادوا للتمسك بالدين والمبادئ بس بعد الثورة ظهر لهم وجه تانى مختلف تماما |
اقتباس:
بس انا بحاول افرق بين الاسلامي و المتأسلم و انا سمعت ابو اسماعيل اكتر من مرة كلامه براق انما محستش ان وراه اي فكر او خطة معينة و الاسلاميين القدوا الشعب الثقة فيهم تماما لان واضح انهم كل معرفتهم بالدين عبادات فقط انما نستخدم المساجد في الدعاية ماشي نخدع البسطاء يصوتلنا ماشي مش فاهم حاجة في البطيخ و ادخل مجلس الشعب اقعد ذي قلتي ماشي نحاول الوصول للحكم حتي لو تحالفنا مع العسكري برضه ماشي الغاية تبرر الوسيلة مش ده هو الاسلوب بتاعهم |
اقتباس:
صل الله عليه وسلم اللي بينعتوهم بالمتطرفين وربنآ ع الظالم وحضرتك عادي أمسح البوست عادي |
على فكرة انا مش برضى اقول الكلام اللى قلته ده مش خوف من الكلام اللى هيتقال عنى ولكن لانى بقول بلاش ازعل حد منى عشان السياسة فقبل مااقوم ياريت مايكونش حد زعلان منى لانى بجد زهقانة من اللى بيحصل فى البلد
|
اقتباس:
هي ديه طريقتهم بالظبط اللي يختلف معاهم يبقي عدو الله و الدين و يبقي يكره المتشبهين بالرسول شكرا لتقديمك مثال صريح و واضح عن عقلية ممكن تحكم مصر قريب |
اقتباس:
أومال مين فاضل من الإسلاميين المخلصين بععني |
خـــــــــــلاص يـــــا جمـــــــاعه كـــل واحـــــــــد قــــــال رأيه فى اللى بيحصـــل
ودى حـــــــريه شخصيــــــــــه اللــــــى مـــــــع ده معــــــــاه واللـــى مــــــع ده معـــــــاه بٍٍٍٍٍـــــــــــــس كفــــــــايه علشـــــــان محـــــدش يزعل بـــــــس كـــــل واحــــــــد يحتفـــــظ برأيـــه لنـــــــفسه |
اقتباس:
ظالم ايه بس من كلامك كده محسسنى اننا بنكره الاسلام والرسول بلاش تفهم الناس غلط وتظلمهم الدين مش الاشخاص اللى هيعبروا عنه يعنى مش مرشح بعينه لما نايده هنرضى ربنا مثلا ولا لما نرفضه يبقى كفر اذا فكرنا بالطريقة دى تقدر تقولى ازاى الفكر ده هيحكم دولة فيها عدد ضخم من غير المسلمين؟ بلاش نحكم على الامور من ظواهرها |
اقتباس:
|
اقتباس:
و انا بصراحة مش هستني واحد يقولي انا بنفذ تعليمات الاله علي الارض و ان اللي ضدي ضد الدين و الشرع انا شايف شخصيا في ابو الفتوح مثال للشخصية الاسلامية المعتدلة و صاحب عقلية تقدمية و له خطة يمشي عليها مش نازل يقولي انا الاسلام و اللي ينتخبني يبقي صدقة جارية |
اقتباس:
اما الاسلاميين المخلصين موجودين فى كل مكان بس ده مش بالكلام الدين حياة وتعامل وتسامح وعبادة مش تكفير للناس |
ادى الدقهليه بتولع
|
اقتباس:
|
عايزة اقول حاجة ياريت ماحدش يفهم من كلامى ان ضد الثورة بالعكس ده حتى عندنا محافظة المنوفية كانت اكتر محافظة استفادت بعد الثورة جالنا محافظ ممتاز بيشتغل باستمرار وعمل انجازات كتيرة فى المحافظة ولما بيقصر بيعترف بالتقصير وده شئ نادر عند المسئولين وكمان اقدر اقولكم ان الوسايط بالفعل قلت وكمان فرص العمل بقت موجودة لكنى بس معترضة على اسلوبنا بعد الثورة وفهمنا الخاطئ للحرية اللى وصل لعدم احترام القانون او حتى عدم احترام الكبير
|
فى حريق فى الخانكة وحريق فى السويس وحريق فى الدقهلية
مكتووووب كده على الفيس بوك |
حريق ضخم بمصنع معالجة المياه الناتجة عن حفر الآبار البترولية بالمنطقة الصناعية بمدينة جمصه بمحافظة الدقهلية، نتيجة انفجار أحد الخزانات
|
ياشبااااااااااااب اللي من السويس يطمنا عليه وعلى أهله والناس اللي هناك والأخبار عنده أيه بليز ياشباب اللي يعرف حد من السويس يطمن عليه اللهم أحفظ مصر أرضها وأهلها بحفظك العلي القدير اللهم أحفظ مصر وأرضها وأهلها بحفظك العلي القدير اللهم أحفظ مصر وأرضها وأهلها بحفظك العلي القدير اللهم أجعل مصر أمنا وامان سلمآ وسلاما الى يوم الدين اللهم أجعل مصر أمنا وأمان وسلما وسلاما الى يوم الدين اللهم أجعل مصر أمنا وأمان سلمآ وسلاما الى يوم الدين اللهم دعوناك كما أمرتنا فاستجب لنا كما وعدتنا اللهم آمين آمين آميييييييييين |
اقتباس:
|
فقط فى مصر .................. السويس بتتحترق وللاسف قوات الدفاع المدنى بتحاول تسيطر على الحريق ومرشح طالع على قناه عمال يقول حى على الجهاد ................ لكى الله يا مصر
محدش يزعل منى ياجماعه تعدى النكبه ال فيها اهلنا ف السويس دى ع خير |
غزة الان| السويس| شهود عيان: الحريق بفعل فاعل أغيثونــا كنز الذهب الأسود يحترق و المنطقة تحتوى على اكبر 7 شركات تصنيع بترول على مستوى العالم!
- انباء غير مؤكدة عن ارتفاع عدد القتلى في الحريق!!! حسبنا الله ونعم الوكيل وكاننا عايشين فى غزة وعشان كده حزينة |
عــــــــــاجل
=============== انفجرت منذ قليل عبوة ناسفة بشارع " الثلاثيني " بمنطقة الهرم ولم تسجل أية إصابات حتى الان . وعلى الفور انتقل إلى موقع الحادث مدير أمن الجيزة وفرضت قوات الجيش والشرطة تعزيزات أمنية مكثفة للوقوف علي مصدر العبوة ومفجرها التي أثارت الذعر بين أهالي المنطقة في تلك الساعة المتأخرة من الليل . وقامت الأجهزة الأمنية بإحضار أحد خبراء المفرقعات لتحديد المادة المستخدمة ، في الوقت الذي أكد فيه شهود عيان أنها بدائية الصنع . مين بقا اللى كان بيهدد بعمليــات ؟؟ الضرب اشتغل فى كل حته فى مصر ربنا يحفظ مصر اليومين اللى جايين |
ليه يستبعدوا حازم
ده غبااء مصر هتفضل متخلفة علطول وهما مش عايزين غير كده عايزين شعب يسودوه ومينطقش |
كل سلطة فى مصر عيشة مع نفسها السلطة التشرعية اللى هى مجلس الشعب المفروض بتسن القوانين والمفروض اللى ينفذ القوانين السلطة التنفذية اللى هى الشرطة ومش بتنفذ حاجة والمفروض السلطة القضائية اللى هى المحاكم المفروض تحل المشاكل اللى بين اى سلطة اومشاكل المجتمع وهى مش بتحل حاجة من الاخر مصر فى ضياع لو كل واحد ينفذ اللى علية تبقى مصر مية مية وبعدين ليه مصر بتنفذ القانون الغربى اللى هو الدستور اللى اساسو من فرنسا طيب احنا مجتمع شرقى اسلامى ليه مش بنفذ الشريعة الاسلامية كا مسلمين
|
بص يا باش مهندس بالنسبة لموضوع ابو الفتوح و ان الناس فاكرة ان المحكمة حكمة لصالحة اولا مكانش فى محاكمة ولا اى قضية من اصله الشيخ حازم راااااااااح للداخلية.....انا بقوووووول الداخلية وطلب منهم مستندات على ان امه تحمل ***ية امريكية قالوا معندناش اى حاجة او اى اثبات على كده ومن هنا طلع الناس و الاعلام المضلل ان القضاء حكم بكذا كذا و ان امه لا تحمل ال***ية الامريكية بالنسبة بالنسبة لخيرت الشاطر و ايمن نور و الباقيين كلهم دى كانت مفاجاة غير متوقعة لاى حد بس انا عن نفسى سعيدة بالقرار ده جدا لان ولا واحد فيهم كان يصلح للرئاسة |
اقتباس:
القضاء لما بيطلع حكم ايه معناه؟؟؟؟ حاجه من اتنين بيقولوا حتى ف الجنايات المتهم برئ حتى تثبت إدانته ولما معرفوش يثبتوا ان امه عندها ***يه امريكيه المحكمه حكمت فعلاً لصالحه ثم لعلمك الاعلام دا معروف عنه دايماً إنّه ليبرالي فأكيد مش هيكون بيحب المرشح دا اوي عشان يضلل الناس ويكدب عليهم ويقول ان المحكمه حكمتله على النقيض خالص كان هيقول نفس اللي انتي قولتيه دا انما هي الحقيقه كدا فعلاً ان المحكمه حكمتله لعدم توافر المستندات التي تثبت ما وجه إليه وللعلم هو الشيخ حازم صلاح مش ابو الفتوح اقري الريبلي بتاعك كويس ....... وبالنسبه بقى لأنّك سعيده للقرار دا فانا بردو مكنتش عايز أي شخص من الناس دي بس اقري التويت بتاع الدكتور عبد المنعم ابو الفتوح اللي هو ف مصلحته القرار اكتر ما يكون ف مصلحتنا احن طبعا بكتير بيقول إنّ أياً كان غلط جداً ف بلد ديمقراطيه يحرم اشخاص وطنيون من ممارسة حقوقهم السياسيه يعني من رأيي المتواضع شيء غريب جدا انك تقولي اللي قولتيه بإنّك سعيده بالقرار دا جداً لأنّ دا يخوفك إنّه يحصل تزوير في الانتخابات |
انا عارفة ان اى راى ليا فى السياسة ماحدش بيقبله بس اوعدكم ان دى اخر مرة اتكلم فى السياسة لانى سمعت فتوى من سنة تقريبا ومش عارفة اذا كنت فهمتها صح ولاغلط بتقول انه اذا كثرت الاحزاب فلاتنضم الى اى حزب من الاحزاب واعتزل السياسة
|
اقتباس:
|
| جميع الأوقات بتوقيت GMT +2. الساعة الآن 10:47 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.