|
مرتب شهر ابريل ومرفق كارته المرتبات وموجود المرحلة التانية من الكادر والمفاجأة؟؟؟؟
1 مرفق
انا مش عارف اقول ايه يمكن لو طنت بقولكم ان المرتب كل شهر بينزل عن اللي قبله
يعني كارته شهر مارس 588ج لكن لما نزل بدل الاعتماد المرحلة التانية من الكادر المرتب نزل المرتب وبقى 566جنيه مصري مالوش ...... انا مش عارف لو واحد بيحكيلي كنت قلت انها كدبة ابريل لكن انا جايبلكم كارته المرتبات عشان اللي مش مصدق يشوف بعنية وهي في المرفقات ارجو تشاركو الراي معايا عشان نشوف حل للي بيحصل انا مش عارف قرارات شيخ الازهر بصرف بدل الاعتماد المرحلة التانية من شهر 10 باثر رجعي فين يعني اقولكم حاجه شوف الازهر بيقولنا يا ولاد ال...... انا هخليكم تندموا انكم طلبتم التثبيت عشان المتعاقد اللي لسه ما اتثبتشي ياخد 660 وانت يا متثبت تاخد 566.25 |
يافندم انا متعاقدة فى الازهر مسابقة 2009 وباخد 512
والتربية والتعليم بياخدوا 670 فعادى انا مش مستغربة اللى بتقوله لان الازهر ماشى بالعكس |
يا استاذي الفاضل الصبر لحد المرحلة الانتقالية متخلص احنا قبل الثورة كنا بناخد 318 جنيه وكانو بيزيدو 8 جنيه في السنه هانت وربنا هيعدلها ان شاء الله |
دا الراتب ومعاه المرحلة الاولي 50%بس ولسة المرحلة الثانية
|
على فكرة انا متعاقد 2006 مسابقة مايو واتثبت 2011 و هقولكم
1- لليسانس اداب وتربية قسم انجليزي تقدير جيد جدا 2- اجتاز امتحانات الكادر 2009 3- شهادة icdl والكتير والكتير يعني كل الطلبات اللي هم عايزنها نفذناها وعلى وجه الدقة والتمام عموما حتى لو الازهر ساوانا بالتربية والتعليم هنقول يا حستراه واندماه على مافات وياحستراه على حال الازهر التابع دائما بعد ما كنا 19 و20 ماده بندرسهم منهم اللي المدارس كانوا بياخدوهم يعني لما كنا بندرس في ثانوي وكليه كان طالب الازهر المجتهد متفوق على طالب التربية والتعليم برغم المواد الكتيره اللي كانت عندنا لكن الحمد لله على كل حال بس لازم ندور على حقوقنا بس ازاي انا مش عارف حد يقولي من فضلكم وما يبخلشي عليا نفسي اسمع خبر انه هيتطبق حقيقي دا احنا بنسمع عن الخبر انه هيحصل الشهر الجاي ويجي الشهر ويوعدك بخبر جديد الشهر التالي وعلى الدنيا ندور الدوائر على فكره انا مش مع فكرة ان احنا نعطل امتحانات الطلبة لكن ما فيش فرصة غير ان احنا كلنا نتجمع بس دي عايزه شخص قيادي يعرف يكون ليه صوت مسموع مش في المنتدى وبس ممكن مثلا من اعضاء النقابه انها تبعت بورق للمدرسين المعاهد لاجتماع رسمي انا مش عارف اقول ايه بس انا هدفي نبيل وهو تحسين اوضاعنا المادية ومساوتنا بما هم مثلنا اتمنى لنا التوفيق جميعا |
يا استاذ على ابراهيم المرحلة التانيه من الكادر اسمها بدل اعتماد
|
اقتباس:
الدنيا كلها بتاخد 200% والتربية والتعليم اخر دلع جت علينا وتقول اصبروا !! اه يااااااااااااانى |
Tereeroooooooooooooooooooooo
|
حقوق معلمى الازهر
:022yb4:يجب ان يكون هناك موقف جاد لمعلمى الازهر
وخاصة ان كادر المعلمين سوف يناقش فى المجلس الشعب خلال ايام هل سوف يتم ادخال الازهريين فى الكادر ام سوف نكون على الهامش كالعادة اتفقنا فى محافظة الشرقية مع مجموعة معاهد بارسال مذكرة عاجلة الى اعضاء مجلس الشعب عن دائرة الزقازيق متضمنة مطالب الازهر ان يدخلوا جنبا الى جانب مع التربية والتعليم فى الكادر والترقيات وخلافة وليس اتباع ما ينطبق عليهم ينطبق علينا نريد صوت مسموع للازهر نرجوا اتباع هذه الخطوات على مستوى الجمهورية قبل فوات الاوان |
حقوق المعلمين بالازهر
:022yb4:يجب ان يكون هناك موقف جاد لمعلمى الازهر نرجوا ان ينضم الينا نقابة المعلمين المستقلة:022yb4::friendsxs3:وخاصة ان كادر المعلمين سوف يناقش فى المجلس الشعب خلال ايام هل سوف يتم ادخال الازهريين فى الكادر ام سوف نكون على الهامش كالعادة افقنا فى محافظة الشرقية بارسال مذكرة عاجلة الى اعضاء مجلس الشعب عن دائرة الزقازيق متضمنة مطالب الازهر ان يدخلوا جنبا الى جانب مع التربية والتعليم وليس اتباع ما ينطبق عليهم ينطبق علينا نريد صوت مسموع للازهر نرجوا اتباع هذه الخطوات على مستوى الجمهورية |
انا تعاقد 2006 وباخد494 جنيه يعنى نعمل ايه فى محافظة الاسكندرية حسبنا الله ونعم الوكيل
|
الموظف حسب بدل العتماد ( 50 في المائة) وكادر المعلم (50%) على الساسي القديم (183 جنيه)
المفروض يحسب على الاساسي الجديد (219 جنيه) |
رجاء من كل متعاقدى 2009 يبين لنا المرتب بتاعه
الاخت المتعاقدة 2009 ياريت نعرف انتى تبع اى منطقه وياريت لو امكن ترفعلنا كارته شهر 3 او اى كارته موجودة معاكى تكون جديدة انا متعاقد 2009 منطقه البحيرة وكل مرتبى عن شهر 3 450.45 جنيه فقط انا عايز اعرف يا جماعه السبب ايه والغلط عند مين عشان نعرف نجيب حقنا
|
اقتباس:
ياريت بلاش بلبلة عالفاضي الكادر المرحلة التانيه مش في الكارته لانه هيتصرف فردي لحد شهر ابريل والمرتب كده مظبوط والزيادة في مايو ان شاء الله ويارب يبارك ونعدي المرحلة دي علي خير |
يا جماعة أنتم بتتكلموا على إيه مش عارف منطقتكم دي إيه بس أنا في الشرقية بنأخذ 648 جنيه من شهر 1 هو فيه إيه عندمكم إنتم بلد وإحنا بلد تانية ولا إيه
|
انا من الغربية متثبت وكنت متعاقد من 2007 وقبضى 419 جنية انا مستغرب من اللى بيحصل دة وياريت حد يفهمنى وانا ماامتحنتش كادر بس هما اللى ماخرنا وبعدين ال200% ملهاش علاقة بالكادر ومع ذلك ربطينة بالكادر ازاى مش عارف
|
ياريت الدور ميجيش علينا فى الخصم احنا الشراقوه مرتبنا 660 الحمدلله تعاقد 2007
واتثبتنا بس لسه منعرفش المرتب هينقص ولا ايه |
ياعم احنا بنقبض 580 ياريت لوحد بيقبض اكتر يقدم مفردات مرتبه علشان نقدمها فى المنطقه
|
يجب ان يكون هناك موقف جاد لمعلمى الازهر
وخاصة ان كادر المعلمين سوف يناقش فى المجلس الشعب خلال ايام |
ان غدا لناظره قريب
|
لوالمرتب فى الشرقيه عند الاستاذ هشام ابو احمد 648 نحول كلنا للشرقيه يا جماعه ونرتاحوا
|
انا من الدقهلية قبضت اليوم 564ج بدون المرحلة الثانية ومسؤلة الماليات بالمعهد بتعمل استمارة المرحلة الثانية للناجحين في 20/9 فقط7شهور
|
اقتباس:
هو حضرت عضو جدير في المنتدى هو حضرت ما قريتش صورة الكارته في المرفقات لو ممكن تدقق النظر بها ستجد حاجه اسمها بدل اعتماد هي دي المرحلة التانيه من الكادر ممكن تاكد كلامي وترد عليا يمكن يكون في كلامك شيء من الصحة |
بدل الاعتماد= المرحلة الثانية من الكادر ويصرف على اساسى 183.60
|
| جميع الأوقات بتوقيت GMT +2. الساعة الآن 12:01 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.