|
يا عينى عليك يا طالب يا مصرى :(
"بسم الله الرحمن الرحيم " انا عندى سؤال مهم .. وبتمنى من الكل يجاوبه؟ هو علشان احنا طلبه يبقى مش مفروض نقول رأينا فى اللى بيحصل فى التعليم . . او يحسو بينا شويه بجد حرام اوى اللى بيعملوه ده.. والمعروف ان الطفل المصرى اذكى طفل فى العالم لحد سن 5 سنين الغباء والعبط بيجى من فيه.. يقولولكو منعرفش!! ولما نكبر ومنجيبش مجاميع فى المناهج الفظيعه...!! يقولو مهو انتو مش بتفهمو ... ودماغكو فاضيه.. وفرافير.. الخ الخ يعنى مثلا قرار ان الثانويه تبقى سنه واحده.. ده قرار فـــــــــــــــــــــــاشل بمعنى الكلمه واللى بيقولو احنا هنرحم ولى الامر من الدروس لسنه بحالها.. دول اكبر كدابين على حيس اننا بردو فى اول ثانوى او الاعدادى مش بناخد دروس؟؟ لا حول الله يارب... طيب وبعدين يعنى... بقى سنه .. ومين اللى هيذاكر ويدح وتطلع عينه...(الطالب المصرى) وبردو لو حسبناها هنلاقى ولى الامر بردو هيدفع نفس التكلفه... وكل ده غلط.. المناهج فى مصر..كميه !! وللاسف الكتير منها بتنسى بسرعه .. وده العادى!! طيب الطالب ده مش ليه حق عليكم انكم تفكرو فيه شويه... ..... وطبعا الكتب كانها جبااااااااااال والمفروض انه يذاكرهم كلهم علشان يبقى دكتور.. اومال الدكتره دى بالساهل وبقى دكتور بعد كل المحن دى ... واللى يغيظك انه كان نفسه يبقى مهندس.. فيقوم يدى العلاج غلط او يشخص غلط.. ومين اللى للاسف يكون بيتعالج عنده (طالب مصرى) وكل ده لو لاحظناه انه بسبب التعليم الغلط.. لو خلينا تعليمنا على قد قدراتنا .. وخلينا لكل شغلانه قدرها ومنزلتها مكانش الهجوم هيبقى على كليه الطب والهندسه زى دلوقتى.. ولا كان اللى يدخل معهد يبقى اما مكسوف ووشه فى الارض.. او خلاص باع حياته ويعيشها ملطشه.. سورى .. بس ده الواقع !! على الرغم اننا لو بصينا هنلاقى لكل شغلانه ليها فايده ودور مهم.. اقل حاجه الفراش او الزبال,,تخيلو لو همن مش موجودين.. وااااااااااااااااااو الدنيا كانت اتعبت زباله ...اكتر مهى عليها.. بلاش نفكر بسلبيه ... وتعالو نبص للجانب المشرق... وبلاش ندمر آمال عيلنا .. ونحس بالطلبه شويه وسورى بقى ,,, انا طولت عليكم كتــــــــــــــــير .... |
يارب التعليم يتحسن |
وااله عندك حق فى كل كلمة قولتيها
انا لغاية دلوقتى مش عارفة اختار انا هاخد ايه فى تانية بسبب العك ده مرة يقولوا القرار طلع ومرة يقولوا ده هيتطبق عليكم ومرة يقولوا على السنة اللى بعدكم ومحدش فاهم حاجة خالص وبعدين تعليم ايه اللى فاشل فى مصر هو فى تعليم اصلا تعليم ايه ده اللى اذاكر فيه عشان الامتحان ولما اخرج منه مبقاش فاكرة ولا كلمة ومعظم المناهج اللى عندنا حفظ صم وفهم مفيش بجد انا تعبت اصلا |
اقتباس:
واحنا مقولناش يشيلو الحاجات الادبيه .زى تاريخنا مثلا ..لا بالعكس..بس الاول يبقو متاكدين من المدرسين اللى هيشرحولنا.ده فيه مدرسين بيبقولو كارهين الماده اللى بيدوهالنا فمبالك احنا اللى مفروض هتتشرح لينا... بجد اسعدنى مرورك العطر ..شكرا |
عندك حق والله فى كل كلمة قولتيها ربنا يستر عليكو وعلينا واهم حاجة نعمل اللى علينا وخلاص وربنا يصلح حال البلد والتعليم لانه فعلا اساس كل حاجة
|
انا يمكن دى اول مرة اشارك فى المنتدى بس الكل بيقول ان نظام السنة الواحدة احسن بكتير بس انا مش عارفة هو علينا ولا على سنة اولى السنة اللى جاية ؟ الله اعلم
اتمنى تتقبلوا مرورى |
وكمان انتى عندك حق فى موضوع ان المناهج كلها حفظ
|
انا كمان فى اولي ثانوي والله اعلم كل شوية كلام مختلف وكل مدرس يقول تقسيمة مواد حناخدها فى 2 و 3 على مزاجه تقريبا !!!! وربنا يستر لو اتطبق علينا حنبقى اول دفعة يتطبق عليها ويارب مانكنش فران تجارب :)
وسبب الهجوم علي كليات الطب والهندسة ، ان هما اكتر حاجتين فيهم مستقبل مضمون ومش شرط برضه لكن اكتر حاجة مضمونة فى مصر يعنى الباقى مش لاقى فكله بيحاول يضمن مستقبل نضيف الى حد ماً ومش بيبص على ميول ولا مش ميول .. وبصراحة معاه حق مهو حيفيده بأيه الميول وهو مرتبه *#$# كذا !! ربنا يستر ويصلح الحال :) |
اقتباس:
|
اقتباس:
طب فرضا لو النظام ده اتطبق علينا شكل المناهج هيكون عامل ازاى ؟ يعنى ممكن يلحقوا يعدلوا المناهج فى شهرين بس؟؟؟؟؟ |
اقتباس:
اما بقى شكل المناهج فالله اعلم ؟؟؟ ربنا يستر علينا |
السلام عليكم
اعتقد فعلا نظام السنه الواحدة احسن اى نعم فى دروس لكن مش باسعار الثانوية ولا قلق السنتين وكفايه فعلا قلق سنه واحدة وخصوصا اكيد هيمنع الاكتئاب للطالب الذى لم يوفق فى احراز درجات عالية فى ثانية فبتالى ثالثة اكتئاب فلحمد لله انها سنه وتعدى ويارب نجح كل الطلبه:022yb4:
|
فعلا لو سنتين هيكون فى ضغط شديد على الطالب لكن لو سنة واحدة فى وجهة نظرى احسن
|
اقتباس:
اللهم امين شكرا بمرورك الجميل |
اقتباس:
وانا بردو بسمع كده... بس هنعمل ايه . احسن ولا اوحش مجبورين نرضى بالوضع شكرا لمرورك الجميل |
اقتباس:
عارف والله المستر بتاع الالمانى بيقولنا .. ان فى المانيا البقال والصنايعى فى اى حرفه لازم يدخل كليه مخصوص ليها .. وكمان شهاده .. فبالطريقه دى هناك مفيش اى فرق فى العمل .. وهناك الهدف الاساسى تعمير البلد..وده على خلافنا طبعا... وبردو زى مقولت موضوع الفلوس..الاجور متكفيش حد يوكل نفسه علشان يفتح بيت .. فلازم يفكر بالطريقه دى شكرا للمرور الجميل:078111rg3: |
اقتباس:
المناهج اللى اطبعت دى المناهج القديمه. والوزير كان رافض ينزلو علينا .علشان الكتب اطبعت والطلبه مجهزين نفسهم على انهم داخلين الثانوي سنتين شهاده..بس مجلس الشعب ..رفض قال ايه...علشان يرحمو الاهالى من الدروس... اذا كان اللى طالع الاول على المحافظه اول واحد بيحجز .. خلاص بقى وبعدين لما دار نقاش على الموضوع ده .. فيه واحد تقريبا رئيس جامعه قال ان القرار ده بس فى مصلحه الحكومه علشان بدل ما يقومو بحراصت سنه 2 و3 ثانوى فى الامتحانات يبقى 3 بس .. |
اقتباس:
والله يارب يكون فيه فايده للطلبه... شكرا للمرور الجميل |
يا حبيبتي هذا القرار لا تشعري بة انت لانك حسب كلامك طالبة لسة بتاخذي المصروف
انما من سيشعر بية هم اهلك واهل غيرك الذين كانو مطحونين دروس خاصة سنتين في ثانوية عامة هذا القرار ممتاز ومش كل قرار راح ننقضة صراحة فية قرارات ممتازة وراح تفيد الاسر المصرية جداا الزعلانين ربما هم اصحاب امبراطوريات الدروس الخصوصية فهارد لك اصلها لما تبقي سنة تانية ثانوي ثانوية عامة بيكون ليها سعرها ولما راح تلغي بالقطع سينخفض سعرها بلاش فلوس كفاية قلق الاسر المصرية وشدة الاعصاب والبهدلة سنتين مع ابائهم وبناتهم !!! |
اهم حاجة احنا اعصابنا واعصاب اهلنا طبعا يعنى تخيلو اختى اكبر منى هى فى تالتة يعنى سنتين حرق دم واول متخلص اكملهم انا حرق دم وشد اعصاب وبالتالى جنون 00000 لا بعيد الشر انا مع نظام سنة واحدة وبالنسبة للمناهج الى فهمتو انها نفس المناهج وتبقى مع بعض يعنى فيزيا وكميا واحياء وجيولوجيا وفرنساوى وانجليزى وعربى ورياضة يعنى تمن مواد دول بتوع علمى للسنتين يعنى النص فى تانية التقل والنص فى تالتة وربنا يعمل الى فيه الخير ان شاء
|
ربنا يوفقكم
|
اقتباس:
ههههههههههههههههه والله مش مصدقة نفسى |
اقتباس:
على فكرة انا كمان باخد المانى :d وبرضه نفس الكلام اتقال عندنا واكتر كمان .. بصراحة كنت حاسس المدرس بيكرهنا فى مصر مش بيشرحلنا درس :d وكان قاعد بيشرح برضه حجات كدة المحلات والحجات دي بصراحة حسيت ان مصر دي ...... احم احم :d ام الدنيا وفى النهاية حنقول تحياً مصر :) |
اقتباس:
كلام حضرتك صحيح .. وانا بدات اغير فكرتى ..يعنى اهو مجبورين بردو بس بجد انا نفسى البلد تتصلح ويعملو قرارات تبقى احسن من كده بخصوص التعليم لان والله العظيم لو التعليم اتصلح البلد دى هتتفوق على كل البلاد الغربيه شكرا لتواجد حضرتك الجميل فى موضوعى المتواضع:022yb4: تحياتى |
اقتباس:
اللهم امين شكرا لرايك الجميل..شرفتى موضوعى |
اقتباس:
احنا المستر محطمنا بالكلام .. لا ولا مستر الانجلش مسمينا دقعه النحس:bosyht9:..علشان كل حاجه بتطبق علينا احنا:( شكرا للتواجد الكريم.:078111rg3:. |
يا حبيبتى ايه كل التشاؤم الفظيع ده
احمدى ربنــــــــــــــــــا انها بقت سنة واحده انا بتالته ثانوى وزهقت زهقت من السنتين ضغط كبييييير من المدرسين وتاخدى السنتين على اعصابك اوووووووى وتيجى فى الاخر زى دلوقتى كل الدفعه زهقت من الثانوية سنتين مش عارفه اصلا كنت بقول زيك كده اما كنت قدك ازاى احمدى ربنا اهى ضربة وتخلصوا اه هتكون المناهج صعبة وتيقيله بس احنا دلوقتى المناهج صغيرة فبندلع وده احسن لكو وبعدين كمان الثورة قامت خلاص يعنى التعليم هيتحسن ومجلس الشعب كويس بس باقى حكومة نضيفه تنفذ تشريعاته وقوانينه والله قرار جامد فعلا ^_^ |
اقتباس:
|
أولاً أنـا معاكِ في إن المفروض يبقي لينا رأي في كل حاجة بتحصل.. ومع إن لازم يبقي لينا يد في أي قرار بيطلع بخصوص الثانوية العامة أو التعليم لأن إحنا أللي بيطبق علينا وإحنا أللي بندرس , لكن ثانياً مش متفق معاكِ إن قرار الثانوية سنة واحدة هيكون فاشل علي العكس ! ، القرار دة هيريح ناس كتير من الدروس دي أول حاجة ، تاني حاجة بخصوص المدرسين هيريحهم من حاجات كتير برضو دة غير كمان الطالب هيرتاح من الضغط والمذاكرة المستمرة سنتين ورا بعض ! أكيد هنذاكر ، وأكيد لازم نجيب مجاميع بس الضغط ! , إحنا في النهاية بشر ،، ممكن يكون هتبقي السنة صعبة زي ما في ناس بتقول لكن هيبقي فيه حذف من المناهج بيحث ندرس منهج سنة واحدة بس علي أكتر من مادة , / وهيبقي النظام مريح جداً لينا , بالنسبة للي بيقول عشان تعوض عن مجموعك في تالته لو جبت مجموع مش أوي في تانيه , مع كامل إحترامي أنـا مش مع النظرية دي ، الفكرة مش في إني أعوض عن مجموعي وأجيب أعلي منة ، الفكرة في إني أقدر أحافظ علي مجموعي أللي في تانية ، ومش أنزل في تالته بسبب الضغط عليا بسبب المذاكرة والجهد سنتين خلينا نحسبها ، واحد جايب 85% في تانيه , لو جاب 99% في تالته في النهاية هيجب كام؟! تصوري كدة؟! 91% ، إية الفرق؟! , يضيع مجهود سنة كاملة ودروس ومصاريف ومذاكرة عشان الفرق بين 85% لـ 91% , دة غير كدة إن تالتة أصعب من تانية وأنـا بتكلم في أحسن الحالات وهي إنه يجيب 99% ! مع إن المفروض نفترض الأسواء ونعمل علي الأساس دة.. أنـا شايف إن القرار صائب 100% ، ومش فية أي غلط وهيبقي لمصلحتنا مش لضدنا والكل بيقول كدة ومفيش حاجة إسمها فران تجارب ، تجربتنا حتي لو كانت فاشلة مش هتكون بقدر فشل نظام السنتين الموجود حالياً.. مع إنها من المتوقع إنها تكون أحسن ، وهيبقي في مصلحتنا من كل الجوانب , ! وآسف لو كلامي كان كتير.. |
ابنتى الغالية أية السيد أتفق معك تماما فيما علقتى به على نظام التعليم فى مصر ....ينبغى أن ننظر لسوق العمل أولاً ويدخل كل طالب ما يستطيع أن يبدع فيه ويقدم فيه لمصر
بس أكيد سنة واحدة أفضل شوية من سنتين... ونسأل الله أن يوفق القائمين على أمور التعليم إلى ما فيه الخير ** ملحوظة ** لا تقولى ( لا حول الله يارب... ) ولكن قولى ( لا حول ولا قوة الا بالله ) |
اتفق معك التعليم المصري فاشل
|
اقتباس:
لا عادى .. حضرتك نورتنى .. وشكرا للاضافه .. تحياتى:) |
اقتباس:
شكرا لمشاركه حضرتك... وجزاك الله خيرا على الملحوظه تحياتى |
اقتباس:
شكرا للمرور الجميل |
والله كل طلبه الثانوى عايشين فى رعب ... انا حاسه ان الثانوى ده كانه تعبان هياجى يوم وهيقرصنى...
اشمعنا احنا فى مصر الرعب من التعليم بقى مزروع فينا.. ومهما قولتو ان فيه ناس ممتازه واكتر من بيرفكت وبتحب المذاكره فبردو هتلاقو جواهم رعب شديد من امتحان يتوقف عليه عمر بحاله اما فوق او تحت |
| جميع الأوقات بتوقيت GMT +2. الساعة الآن 03:41 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.