محتااااااااااااااااااااااااااااااارة
 

اولا انا عضوة جديده فى المنتدىومبسوطه اوى بانضمامى ليكو بس انا كان عندى سؤال محيرنى شويه ومحتاجه منكم رد فياريت لو حد ممكن يساعدنى يرد على السؤال ده ويحاول يقنعنى باجابته (ياترى ممكن واحد يحب واحده لمجرد انها بتحبه وانه شايفها حد مناسب وينفع يحبها وياترى الحب ده بيكون حقيقى ولا لا مع العلم انه بيقولها انه فعلا بيحبها وبيحاول يقنعها ان الحب نوعين الاول اللى بيبقى اول كل حاجه ده يعنى اول كلمه بحبك بتقولها واول لمسه ايد بتقشعر الجسم كله والتانى ان الواحد يحب واحده حبته الاول وتكون عاجباه وساعتها هيحاول يرضيها باى شكل وهيحبها غصب عنه وان النوع التانى ده هو اللى بيعيش وبيستمر ) تفتكرو ده صح ؟؟؟ ممكن الحب يكون كده فعلا؟؟؟؟؟؟؟؟

انا شايف ان الحب ممكن فيه اى شىء
انا شفت الاغرب من كدة
صلى على النبى

عليه الصلاه والسلام بس تفتكر ممكن؟؟؟؟؟؟؟؟؟؟؟؟؟؟؟؟

انا قصدى ممكن تحصل بس ماسموش حب اوى يعنى
الله اعلم اصلى ماليش اوى فى الحاجات دى
ومتعود على انى اكون فى كل حاجة واخدها صح

طيب وهى تعمل ايه ؟؟؟ مش عارفه تسمع عقلها وتبعد ولا تقدر كلامه ليها ومحاولته معاها علشان تقتنع وتكمل ( حاجه تحير مش كده؟؟؟؟؟؟؟؟ ) المشكله كمان انها مش عاوزة تدخل تجربه ومتعرفش تخرج منها غير بجرح يعنى هى دلوقتى لو بعدت هتزعل شويه بس هتقدر تنسى فى الاخر لكن لو الموضوع اتحرك شويه هيبقى جرحها اكبر وده مقلقها جامد

حضرتك فيه هنا ناس افضل من علماء التفكير
ممكن احمد رضا ممكن جايد ارق ملاك بستان الجنة
هما يقدروا يردوا افضل منى بمراحل

ميرسى ليك وسورى انى دايقتك

ضايقتينى فى ايه؟
انتى محترمة جدا فى كلامك

بصى يا حبيبتى انتى قلتيها .انتى عارفة ان كلام العقل بيقول انه الى حد ما كلامه مش مقنع
يعنى ايه واحد يحب واحدة عشان بتحبه . مش ينفع خالص ممكن يتسلى بواحدة بتحبه اه

بعدين هقولك ع حاجة مش هو بيقول انه معجب بيها و باخلاقها و كمان حبها عشان هى بتحبه
طيب خلاص لو مش عارف عنوان والدها ياخده منها ده لو انسان بيتكلم بصراحة

بصى يا حبيبتى الحب مش كلمة و لا همسة الحب شعور اللى بيحب عمره ما هيرضى لحبيبته انها تتعذب او انه مجرد يمشى معاها بحجة الحب
لا يا قلبى اللى بيحب بجد هيخاف عليها اكتر من نفسه هيخاف ع سمعتها هيخاف ع مشاعرها هيخاف ع مبادئها

مختصر الكلام يعنى ع ما ادخل تانى و ارد بمزاج بقى :

ابعدى فترة و شوفى هو هيعمل ايه و اللى بيحب هيبان علي و الله كان انسان محترم و فعلا مقدرك و بيحبك زى ما بيقول يبقى العلاقة المفروض تبقى رسمى غير كده يبقى مش ينفع بنوتة عسولة زيك كده يا قمر خايفة تتجرح تستمر فى الموضوع ده

بصى انا كان كلامى كله منصب على العلاقة نفسها لانى صراحة مش بحب الحب اللى مش ليه ملامح ......لو سنكم يسمح بالخطوبة كان بها لو لأيبقى نستنى شوية لحد ما السن و المؤهلات تسمح و اللى بيحب بيتمسك بحبه لو ايه اللى حصل

ياجماعه عاوزة اقولكم انها مش علاقه بالمعنى المفهوم يعنى هما اصلا كانو اصحاب فى المدرسه وفى النادى ولما اتكلمو جات عن طريق الصدفه بجد والكلام بقى عن طريق الانترنت بعد كده حتى هو طلب انه ياخد رقم تليفونها وطلب انه يشوفها لكن هى رفضت تماما على الرغم من محاولته اكتر من مرة وعلى فكرة هو حد محترم جدا والحاجات اللى طلبها دى لانه شايف انه بكده بيقرب منها اكتر ولانه اتعود على كده وان ده عادى ومش عيب ويمكن لانه معرفش بنت قالتله لا قبل كده بس هو بعدين مبقاش يطلب ده منها حتى لو مااقتنعش بكلامها بس مش عاوزها تعمل حاجه هى مش راضيه عنها وبالنسبه للماديات هو كويس جدا يعنى صحيح هو سنه 18 سنه بس كمان اهله مستواهم كويس وهو كمان بيشتغل مع الدراسه لان شغله ده كانت هوايته وعلى فكرة هو مينفعش يبقى بيتسلى بيها خالص لان فى بينهم عشرة من سنين وبيخاف عليها من قبل اى حاجه لانه راجل اوى بس المشكله ان ده ممكن يبقى حب فعلا؟؟؟؟؟؟؟؟؟؟؟؟؟؟؟؟ مع العلم هى حتى حرماه من اى كلمه حب ولسه مقالتش بحبك وده بيدايقه جدا وبالنسبه للارتباط هو مش مناسب لا ليها ولا ليه فى الوقت ده ولما سالته هيعمل ايه لو بعدت لانها مش مقتنعه ان ده حب لان مفيش حب بالعافيه قالها انه هيحترم رايها اكيد وهتفرق معاه جامد بس مش هيقدر يغير شئ لان محدش بيعمل حاجه بالعافيه يمكن هو قدر يحبها لكن هى ممكن متقدرش .............. ميرسى ليكو بجد

أنا آسف إن كانت مشاركتي دي هضايق حد

بس أنا رأيي يتلموا هما الإتنين ويقعدوا يذاكروا كلمتين يمكن ربنا يهديهم لأن الإمتحانات على الأبواب :)

هي اللي عايزه الحل قد ايه ؟؟؟؟
لو في ثانوية عامة تقعد تذاكر احسن مافيش غير شهر ومش هينفعها يوم اما تجيب ملحق
لو في الجامعة اقول لها المستقبل اهم
ومن الاخر زمان ايام نبينا صلى الله عليه وسلم كانت الناس اكثر رقيا بعقليتها من حصر التفكير على الحب
فكري ازاي ترضي ربك قبل قلبك
ولو بيحبها ما يتقدملها
وهتفيد بايه كلمة حب منها
وبعدين باين عليهم لسه صغيرين قوي ماتستنى شوية لما تفكيرها ينضج وتقدر تحكم عقلها قبل قلبها وعلى فكرة انا رافضة فكرة الحب دون ارتباط رسمي لانه بيسئ لسمعة البنت

كلمة حب
 

الحب ليس كلمة !مع العلم باعجابى براى كل السادة الافاضل الذين تشرفوا بالرد

الحب ليس كلمة !مع العلم باعجابى براى كل السادة الافاضل الذين تشرفوا بالرد

متهيالى لو متمسك بيك يبقى لازم تعرفى اهلك...........على نور يعنى...........وتاكدى انه لو بيحبك مش هيقبل عليك اى اذى او ضرر

بصراحة انا شايفة ان راى احمد مقنع فعلا وهو لو بيحبه بجد هيشتغل ويتعب علشان يروح يتجوزها اما غير كده مينفعش ده حتى حرام

حضرتك من الناس المحترمة واغلى من المعادن النفيسة والى انا ذكرتهم
سلااااااااااااموز

هو الارتباط مينفعش خالص دلوقتى لان البنت ظروفها ماتسمحش واهلها مش هيوافقو فى السن ده وكمان الولد سنه مش مناسب اوى يعنى وبيحلم بحاجات كتير ومن حقه يحققها الاول قبل الخطوة دى بس قلقها ده كان اقتناعها بالموضوع من الاول وان اذاى ده ينفع يكون حب وانه ممكن يكون بيقول كده على اساس انه حس ليها حاجه لما عرف انها بتحبه بس احساسه مش كامل وانها لو صدقت هتتعلق بيه اكتر وهيبقى جرحها اكبر . اه وعلى فكرة الحب موجود فى اى مكان وفى اى وقت ومينفعش اننا نتجاهله ونرميه من وسط مشاكلنا وخاصه لو حب بجد يعنى احساس يعنى حاجه مش بايدينا يعنى ربنا هو اللى زرعها جوانا وانا بتكلم عن الحب بصفه عامه وبصفه خاصه بقى حب الفرد حاجه غصب عنه ومحدش يقدر يقول فيها حاجه غير لو الحب ده كان بيغضب ربنا وفى طريق مش سليم لكن لو مش كده يبقى اكيد من حق اى حد انه يحب ويفخر بده (هو صحيح صعب ان يبقى فى حب شريف بس ده ميمنعش انه موجود ) . ميرسى اوى لاهتمامكو

ما جاوبتيش عليا !!!!!!!!!!!

وعليكم السلام ورحمه الله وبركاته بصى ياضى القمر بجد هى مش عايزة تغضب ربنا ابدا وبالذات فى الموضوع ده لانها عارفه انه مش بس معصيه لربنا فهو كمان عيب وكل الكلام اللى احنا عارفينه ده بس بيتهيالى لما تكون بتحب حد والحد ده ينفع يكون بيحبها ويتفقو مثلا على الارتباط فى سن معين يكون كل واحد فيهم بقى مستعد لده ومش يتكلمو غير من وقت للتانى علشان بس يتطمنو على بعض ويعرفو اذا كان كل واحد منهم على اتفاقه ولا لا يعنى ممكن يكون كده كويس الى حد ما ولا انتى ايه رايك ؟؟ وبالنسبه للارتباط يابندق انا فعلا جاوبت عليه وهو مش هينفع دلوقتى علشان موضوع السن ده لان سنهم صغير شويه وخصوصا عند البنت اهلها مش هيوافقو والولد محتاج يثبت نفسه وقدامه مشوار يعنى .

ربنا ان شاء الله هيعمل اللى فيه الخير وطبعا اسعدنى ردك ومرورك على الموضوع يازهرة

ميرسى اوى ياضى القمر اكيد كل كلامك مهم ومفيش حد يقدر يعترض على كلام ربنا بس احنا اوقات كتير مش بنقدر نتحكم فى مشاعرنا ولا نحكم عليها بالموت

أعتقد نص الردود إنه يتقدملها والنص التاني ما بين إنهم يتأدبوا أو يستنوا بس أنا من رأيي إنهم يكلموا بعض في الموضوع ده ولو هو ناوي علي جواز يكملوا مش ناوي يبقي ينفصلوا وأكيد هيا حتعرف إذا كان بيحبها ولا لا

ياجماعه بيحبها وناوى فعلاعلى ارتباط رسمى بس المشكله ان سنهم مش مناسب بس وان اكتر حاجه محيراها هى بدايه الموضوع وخوفها من انه يكون مش متاكد من حبه ده وانه يكون حبها علشان مش عايز مثلا يضيعها من ايديه لانه شايفها حد كويس وحاجات كتير من النوع ده ( يعنى اذا كان ممكن ان الحب يجى كده ويكون حقيقى لدرجه تخليه يتقدملها بعدين ) يعنى من الاخر حسه بحاله لخبطه وانها مش فاهمه اى حاجه فى اى حاجه . والله انا عارفه انى لخبطكو معايا معلش بقى وميرسى اوى ليكو

انتي من تحكمين ..... ولا دخل لاي شخص

تقبلي مروري

ميرسى جدا عاشق القلم على مرورك اللى بجد اسعدنى

بصى مع احترامى لكل الاراء رائى ان الحب مش حرام ولا حاجة طول ماانتى محافظة على حدودك وهو كمان لكن الخل الاساسى ليكى انك تشوفى قلبك قلك اية ولو قالك لا ابعدى لو قالك اه دة بيحبك قوليلة انت بتخبتى بجد انا مبقدرش اعمل حاجة من ورا اهلى حتى لو هو مش قادر على ارتباط رسمى شوفى هيقولك ايه وهتحسى فى كلامة اية وكدة انتى هتقدرى تحكمى الامور كويس ونصيخة منى ليكى انة يكلم حد من اهلك وتحافظو على الحب دة ومتضيعهوش وتخترموا ربنا فى كل حاجة بتعملوها

بصي هي صلي صلاة استخاره و تشوف ايه الحل
لو استريحت كان بها لو ماستريحتش .. خلاص قدرها كده
بس سؤال .. يحبها غصب عنه ازاي يعني
خدي بالك ان فيه فرق بين الحب و الاعجاب
لو الشخص ده اخدها على انه كان معجب بيها (مش بيحبها) و عرف انها بتحبه .. يبقى انصحها انها تبعد عنه
لإنه ممكن يقابل بنت تانيه في اي لحظه تحرك قلبه و يحبها بقى بجد و يسيبها و تخرج من حبها ده بجرح و البنات بجد مش قويين ادام صدمه زي دي
بس خليها تعرف في الأول و الآخر انها حرااام انها تخرج او تكلم ولد مافيش بينها و بينه علاقه شرعيه

بصى من خلال فرايتى للموضوع ده.بيتهيالى ان انتى اللى معاكى المشكلة والحيرة دى وانتى جيباها على الهيئة العامة كولد وبنت.لكن الحقيقة ان انتى اللى معاكى الكلام ده.بصراحة صح ولا غلط.....؟

بصى والله هى فعلا قالتله مش هينفع انهم يتكلمو وانها مش هتعمل حاجه تندم عليها او تخليها مكسوفه من نفسها ابدا وكان رد فعله انه لما بيطلب كده بيكون عايز يقرب منها اكتر ولما قالتله انها مش حابه تخبى على اهلها قالها طيب ماتقولى انا مش خايف من حاجه بس هيا مش عارفه تعمل ايه او تحافظ على الحب ده اذاى . ميرسى اوى على مرورك واهتمامك

تمام وهو ده فعلا اللى قالقها جامد جدااااااا ولما سالته قالها انه لو مكنش هيحافظ على حبها اكيد هيحترمها ومش هيسمح لنفسه يجرحها لانه بيحبها بجد بعقله قبل قلبه وانه اكيد هيحافظ عليها . ردك اسعدنى جدا وعلى فكرة هى بجد مش عايز تعمل حاجه حرام

لا هو الحقيقه انها واحده صاحبتى وتهمنى جدااااااااا وانا عممت الموضوع مش علشان حاجه بس يعنى بجد هيا قريبه منى اوى وبحس ان كل حاجه بتمر بيها كأنى انا بالظبط اللى بعيشها

بصى يا حبيبتى هوه لو بيحبها اولا الحب مفيهوش لف ودوران مفيش حاجه اسمها هحبها عشان بتحبنى هوه ماشى بالمثل اللى بيقول خد اللى تحبك ومتخدوش اللى بتحبها تعالى بقه عند اول مشكله هتلاقيه اتخلى عنك تعالى عند احساسه بيكى فيييييييييين؟ هيتكلم معاكى بدون احساس الحب لانو متودلش عنده من الاول وبعدين طالما ظروفه كويسه يتقدم اما حكايه هيحبك عشان بتحبيه ده فيبقه بيتسلى والله اعلم

مش حلو انته خالص
 

يعنى ايه مش بحبه علشان بتحبنى واالله تهريج يعنى ايه مش معقول ان مفهوم الحب بنسبه ليكم كده ده مش اسمه حب ده اسمه استهبل والله بتحبه المفروض تقول لاهله والحب الحقيقى ينشب بيا طرفين وده هو الحب مش تقولى انك بتحبه علشان بتحبك رواح ياله ذكرلك كلمتين وقعد وفكر وراعى ضميرك فيه وهى كمان لزم تكون قلبه عليك صلى وشوف وربنا معاك بس خالص مش عرفه اقول ايه ياله ربنا يقدم ما فيه الخير

سيتم الحذف بناء على طلب العضوة