|
أنة الناي الحزين .. تأليف / رضا شعبان < والدي >
السلام عليكم ورحمة الله وبركاته انا جبتلكم قصيده من كتابات والدي النادره يارب تعجبكم ينطق سكوتي يقول حرام من بعد ايام الأمــــــــــان نصبح في دارنا لاجئـــين نزل في جوفنا دمعنـــــــــا خصب اهاتنا و حزنــــــــنا من بعد ما شوفنا الصبيه تتصلب يوم الفرح هاج الانتقام في عنينا و الغل انطرح كل البنات لبست طرح سودا كالليل الحزين قلب السكوت جواه كلام لكنه ضايع في الزحام طار الحمام و ف عشه كان بايض حجر خدناه وعلمنا الحجر ازاي يروح بالانتقام و يخلص التار القديم خدنا بتار دير ياسين خدنا بتار دير ياسين خدنا بتار بحر البقر ******** كل العيون واقفه بلهفه تنتظر فجر الحجاره المنتظر يقتل ليالي منطفيه بدون قمر ******** صورة لموال السنين ...... دب السكون .... دوت القنابل فوق بيوتنا و أمنها كل البيوت قعدت و حضنت أهلها هب الوليد علي صدر امه يحتمي و الام رغم الجرح قاعده ترضعه رضعه اهات علي اللي راح و راضعه تانيه للكفاح اكبر و قوم شيل السلاح وسط الظلام لازم صباح .... هاته و تعالي للحياري المجروحين ولا اعودشى ابكي يا وطن علي انه الناي الحزين ************ يا ام الولاد العشق فيهم بسمتك ياام الولاد في رموش عنيهم حفنتك يام الولاد ما تهون عليهم دفنتك قايمين يهدوا كل سد و كل قيد بيكتفك طايرين علي جناح الانتقام و معاهم الغل الدفين وانا لسه ببكي من زمن علي أنه الناي الحزين *********** يام الولاد العشق فيهم ملحمه متنغمه بصوت الرصاص متلحنه بقذف المدافع و القنابل قومي انفضي كل اللي فاضل م الكابوس ترجع عيونك للسعاده سالمه من غير انين .... ولا اعودش ابكي يا وطن علي انه الناي الحزين ولا اعودش ابكي يا وطن علي انه الناي الحزين ولا اعودش ابكي يا وطن علي انه الناي الحزين تأليف / رضا شعبان ملحوظة : كتبها تقريبا وهو عنده 19 سنه :D |
ححلوه اوى يا احمد واحلى ما فيها انها واقعيه
بجد يسلم والدك وتسلملنا ربنا يصونه ويرعاه يارب شكرا |
اقتباس:
مرورك اسعدني دمت ِ بود :) |
ازيك يا احمد
بجد جميلة جدا |
اقتباس:
ازيك عامله ايه يارب تكوني بخير ربنا يخليكي نورتيني :) |
جميله جدا يا ريس بجد والله وتحس كدا انه بيوصف اللي شايفه
اتاريك بقي بتعرف تشعر ( يعني تكتب شعر) من شابه اباه ما ظلم اقتباس:
|
انت الى عامل اية واخبار الدراسة اية عايزينك تشرفنا
انا عايشة الحمد للله دنتا الى منور والله يا احمد |
رائعه جدا و معبره جدا وعجبتنى اوى ربنا يخليه لحضرتك
فعلا الموهبه ممكن تكون وراثه وعايزين نشوف حاجات حلوه تانى |
بجد كلمات جميله وعبره
مشكور عليها انت ووالدك ودمتم مبدعين |
اقتباس:
يبقى الفن بتاعك مش جاى من فراغ شكرا ياا احمد |
وأنا أقول أحمد جايب الموهبة منين أتارى والدك شاعر موهوب بجد أكثر من رائعة http://www.arb-up.com/files/arb-up-2008-1/xlF64183.gif |
ما شاء الله
جميلة بجد اقتباس:
كلها جميلة الصراحة ربنا يبارك فى والدك ويخلية لك :) شكرا عن القصيدة |
اقتباس:
الحمد لله كله تمام جزاك ِ الله كل خير علي المرور والرد الجميل :) |
اقتباس:
ربنا يخليكي يا نهاد ويارب تكون عجبتك شكرا علي ردك الجميل :) |
اقتباس:
انت مالك ياعم هههههههههههه ده انت غريب ياهاني ماشي ياعم عادل ربنا يخليك منورني :D |
اقتباس:
منوراني بجد يا تمر حنه :) |
اقتباس:
شرف ليا مرورك وردك دمت ِ بود :) |
اقتباس:
فراخ هو هياخد الفراخ كمان ههههههههههه علي رأي سعيد صالح الله يرحمه بقي ويجيبه م الحجاز بالسلامه :D --- ربنا يخليك يا درش منورني يا حبيب قلبي :) |
اقتباس:
دايما بتحرجيني كدا شكرا لمرورك الجميل :) |
ما شاء الله جميلة جدااا
واضح ان حضرتك طالع لباباك (((ابن الوز عوام :)))) ربنا يخليهولك |
اقتباس:
اتصدقي اخدت بالي من حاجتين لما اقتبستي الجزء ده الاول ان العنوان ممكن يتفهم غلط وانها بدايه اجابه " انه الناي الحزين " رغم ان اسمها " أنه الناي الحزين " يعني الصوت الحزين ده بتاع الناي مفروض انين تقريبا والتانيه ان ترجع عيونك للسعاده سلامه لاء مش سلامه هيا سالمه وظبطتهم شكرا لمرورك الجميل الملهم ده ;) نورتيني :) |
اقتباس:
ده انا لو نزلت في حوض سمك اغرق ههههههههه ماشي يانيره تسلم ايدك علي الرد الجميل نورتيني بجد ربنا يخليكي :) |
جميله قوي فعلا
اتاريك امممممممممممممم بس بجد جميله فعلا متشكره ليك كتير |
| جميع الأوقات بتوقيت GMT +2. الساعة الآن 07:41 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.