|
اسماء الشباب اللي بيضحكوا علي البنات في المنتدي هنا
السلام عليكم ورحمة الله وبركاته كيف حال الجميع ؟ .. يارب تكونوا بخير دائما بدون مقدمات عريضه و امثال وأقوال مأثورة انا جي اوجه رساله لناس معينه هنا في المنتدي لان خلاص فاض بيا منهم هي بالنسبالكم هتبدو رساله عامه لكنها رساله شديدة الخصوصيه الموضوع النهارده عن المرضي النفسيين واخص بيهم الشباب شاب معندوش ادني مستوي من الكرامه .. معندهوش اي قاعده ايمانيه ممكن يرتكز عليها .. كل همه يقول البنت دي بحبك .. وفي نفس الأسبوع يقول التانيه بحبك .. يجي هنا يلبس عبايه .. يطلع برا يقلعها ويلبس Low wist قمه النفاق وقمه قلة الأدب فعلا طبعا انا مش بتكلم من فراغ انا عندي رسايل الناس دي سواء فيس بوك او ياهو او هوت ميل وعندي اثبات لكل شئ بس لولا ان الموضوع فيه اسماء بنات لكنت اتكلمت علي الملأ وعلي عينك يا تاجر :D بالنسبه للحكاية دي كانت اقربها امبارح شاب عارف نفسه .. قد تكون تقلصت مشاركته في الفترات الأخيرة .. رايح يقول بنتين في نفس الوقت بحبك هههههههههه يا صلاة النبي - اللهم صلي عليه - راجل فعلا !! بلاش تفاصيل عشان لو اتكلمت في تفاصيل هفضحهم ومش جي انصح بالتقوي ولا اعظ انا جي اقول كلمتين عشان ربنا يكرمك في حياتك بالنسبه للشاب : تسمحلي اخد اميل اخت حضرتك .. او بنت عم حضرتك .. او بنت خال حضرتك واكلمها واضحك عليها .. متخافش ياعم مش هعمل حاجة غير اني اضحك عليها بس ياسلام لو اميل والدتك تيك انت ايزي فيها ايه لما اضحك عليهم طبعا الكلام - مش لادد عليك - مش عاجبك :D اكيد طبعا طب ما كويس اهوه انك لسه عندك كرامه كل دي مقدمه وطبعا مستفزه جدا بس صدقني انا مش جي هنا عشان استفزك انا جي هنا عشان اقولك حاجة لا محاله لازم تحصل " ياابن آدم افعل ما تشاء .. فكما تدين تدان " ليه يابني تدخل - اختك ولا امك ولا بنت خالتك ولا بنت عمك ولا بنت خالك ولا بنت عمتك - الدايره دي ليه تخليها يحصلها اللي هيحصل في بنات الناس مش خايف عليهم بلاش تتسلي ببنات الناس والله يابني بنات الناس ما لعبه واللي بيتسلي ربنا بجد ما بيسبهوش في حياته يااما بيسيبه في حياته لانه مش عايزه في الآخره لو عندك احساس دلوقتي مفترض انك بتدور علي حل في دماغك خفت من الدايره بتاعت كما تدين تدان ربنا غفوووووووور جدا ورحيييييييم جدا تقوم تتوضي وتصلي ركعتين وتقعد تناجيه مش لازم بقي الكلام باللغه الفصحي والكلام ده لاء اقعد اول حاجة صلي علي سيدنا محمد كدا وتبدأ تناجي ربك قوله يارب انا عارف اني غلط وعارف اني عملت كذا وكذا وكذا بس عارف كمان انك كبير وهترحمني لانك قولت " أنا عند ظن عبدي بي " وانا ظني بيك خير يا ربي وتقول لربك كل اللي في نفسك وبزل وانحاء لربنا وتقوم مصلي علي سيدنا محمد في الآخر هتلاقي نفسك هديت وارتحت نفسيا وان شاء الله ربنا يتوب عليك عارف ليه لان ربنا بيحب عبده ولما العبد بيرجعله خايف و محتاج رحمته وغفرانه ومعترف بذنبه ربنا بيحتضنه برحمته وبيفرح بيه جدا واتمني انك متزعلش مني انا زي اخوك و كنت عايز اوصلك رساله وعامل الناس زي ما تحب انهم يعاملوك واعتبر بنات الناس دول اخواتك ربنا هيكرمك في حياتك --- بالنسبه للبنوته : انا عارف انك مظلومه الي حد ما في الموضوع ده ودنك ضعيفه و ده شئ مفروغ منه والبنت اللي هتقولي مش كله هقولها كله والله واذا طريقه فشلت الطريقه التانيه بتجيب فياريت متعرضيش نفسك لأي موقف من المواقف دي دايما تخلي فيه حدود وتبقي الحدود كتيره بحيث لو اتكسر منها كتير يبقي انتي بردو في الأمان وتعرفي ودنك ضعيفه ليه لانك دايما مفتقده للحب والعاطفه ومعظم الشباب عرف النقطه دي وبيبدأ يتعامل من المنطلق ده انا عايزك بقي تسدي الثغره دي خالص اربطي نفسك بحد مش هيتخلي عنك حبي والدك ووالدتك حبي اخواتك حبي نفسك انتي الاول عشان تقدري تحبيهم حبي اللي فوقيهم ربنا سبحانه وتعالي الأول طبعا خلي حبك مرتكز علي ارض صلبه مش بواحد ممكن يخون ممكن يتخلي عنك كدا يعني وصدقيني اللي عايزك بكل جوارحه والله يابنتي لايجي لحد باب البيت اقسملك برب العزه كل ما تبقي بعيده كل ما يحافظ عليكي اكتر كل ما تبقي قريبه هيمرمت بكرامتك الأرض معلش يا اخوانا هي دي القواعد اللي بنحاول نتنساها وعلي فكرة الاتصال الكتير قبل الارتباط الرسمي ده والله بيعمل حاله من الفتور بعد كدا المهم انك تتقربي من ربنا عشان اللي بينسي ربنا بينسيه نفسه واللي بيبعد عن الطريق الصح بيفضل طول عمره يقابل الناس الغلط --- وفي النهايه اسأل الله ان يهدي شباب وبنات المسلمين واتمني مكونش اثقلت علي حد والكلام خاص ياجماعه بس فيه رسايل عامه كتير -- اللهم اغفر لي وللمؤمنين والمؤمنات سبحان الله وبحمده .. سبحان الله العظيم |
أخي وصديقي وحبيبي أحمد رضا أشكرك أولا على الموضوع الرائع الذي طرحته بالرغم من انك تفصد به أشخاص معينه إلا انه قاعدة عامة أيضا ؟ كنت قبل ذلك أود أن أضع موضوع تحذيري لفتيات المنتدى وقد اقترحت عليك ذلك مسبقا وأنت تعرف جيدا لماذا كنت أريد أن أضع ذلك الموضوع ؟ الآن انتهز تلك الفرصة لكي أكمل معك موضوعك وأوجه منه رسالة إلى أخواتي بالمنتدى أيها البنت المسلمة لا تنخدعي بالمناصب بالمنتدى لا تنخدعي أن هذا مدير الموقع أو هذا إداري أو هذا مشرف أو هذا عضو مشاركاته تتعدى الألف مشاركة . أيتها البنت المسلمة كم من أناس باتت ضحايا المناصب الكذابة. سأشرح لكي موقف لكي تتعلمي منه وهذا الموقف ربما يكون خاص هو حدث فعلا ولكني اعرضه هنا كوجهة نظر عامة . في يوم من الأيام كانت هناك فتاه سجلت بأحد المنتديات وكانت تلك الفتاة متميزة ومبدعة لا ليس كذلك فقط بل كانت أيضا مثالا للبنت المسلمة التي وهبها الله حسن الإسلام ولكنها لم تكن الأفضل بالمنتدى بل كان هناك من هم أفضل منها فتم توليها منصب رائع بالمنتدى فشكرت مدير المنتدى على تلك الثقة ولكنها تناست هنا أن هناك هن هو أفضل منها هناك من يستحقها هناك من حاول مدير الموقع أن يخدعهم بتولي المناصب الإدارية ولكنهم أبوا ورفضوا أن ينحازوا له وأن يقعوا في شباكه فريسة وكانت البداية بعد تولي المنصب الإداري طلب منها المدير رقم هاتفها ليكونوا على اتصال يبعضهم إذا حدثت أي مشكلة بالمنتدى وعلى الفور وسوس لها الشيطان أن تلك أمانة وأنها يجب أن تكون على اتصال بالمدير لكي يتناقشوا أو يتحاوروا في أي شيء بخصوص الموقع لا بل لم يتوقف الأمر على هذا بدا الحديث يتطرق إلى كلام جانبي فبدأ الشيطان يوسوس لها .... أعطاها رقمه الخاص .....الذي يرد به على الأشخاص المهمين فقط فانخدعت بأنها أهم إنسانة بالنسبة له . ولكن البنت لم تسال نفسها لماذا أنا لماذا ؟؟؟ بالرغم من أن هناك من هم أحق منها هناك رجال مثل مدير الموقع يمكنهم التحدث مع المدير والتنسيق بل تجاهلت كل هذا قام احد الأعضاء بنصيحتها لوجه الله وأوضح لها الصورة ولكنها مقتنعة أنها على صواب وان ما تفعله ليس بالخطأ . ولكن تلك الفتاه وبعد أن اكتشفت مؤخرا أن ذلك الرجل لم يرد منها إلا إشباع غريزة جنسية بداخله. قررت أن تنسحب وذهبت بلا عودة وباتت نادمة فقدت المنتدى الذي كانت من الممكن لو حافظت على نفسها أن تتعلم منه الكثير... لو لم يبهرها المنصب والشهرة ا لكانت في ذلك المنتدى تؤدي رسالتها وتثاب على ما تفعل أخي احمد موضوعك أثارني لان أنبه كل بنت مسلمه احذري من المناصب واحذري وفكري جيدا قبل أن تقرري استخيري الله قبل كل شيء تلك القصة هي للعبرة وهناك الكثير من القصص ربما لم اذكر تفاصيلها ولكني اعرف جيدا أن بنات المنتدى سيدركون ما اعنيه . ربما لم أجيد أسلوب الكتابة والعرض لأني اعرف جيدا أن قلمي ضعيف أمام أقلامكم ولكني تعودت أن اكتب ما اشعر به ربما يشعر به غيري وفقكم الله إلى ما فيه الخير اشكرك اخي أحمد على طرح ذلك الموضوع الرائع |
اقتباس:
وافتكر قولنا كل اللي عندنا والناس كلها عرفت اننا خايفين عليهم فعلا وكانت فيه محاوله فاشله قريب كما لا يخفي عليك بس تم اجهاضها الحمد لله وشكرا علي المشاركه الجميله يازيزو ربنا يجعلها في ميزان حسناتك :) |
ازيك يا احمد
انا عجبني انتقادك للتصرفات الاشخاص مش للاشخاص نفسيهم موضوعك انت طرحته بموضوعيه بجد فاكرني |
اقتباس:
واحشني بجد والله مش بتفتح اميلك طبعا ولا بتدخل ولا بتعمل اي حاجة وزعلان منك جدا :rolleyes: نورتني بجد يا محمد :) |
بجد حقيقى الموضوع جميل جدا جدا جدا
بس للاسف فى ناس عارفة الكلام دة كويس بس عايشين دور ابو جهل واللى فى دماغها فى دماغها يارب يقتنعوا واخيرا اللهم اغننى بحلاك عن حرامك واكفنى بفضلك عمن سواك مشكووووووووووووووووووور |
السلام عليكم ورحمة الله وبركاته
جزاك الله خيرا اخى احمد بجد موضوع رائع ونصائح غاليه للطرفين سواء للبنات او للشباب جعله الله فى ميزان حسناتك |
جزاك الله خيرا
شكرا يااحمد محمد قمر فينك يابني والله بجد نورت |
شوف يا ابو حميد الموضوع دا اساسا منتشر من زمان مش هنا بس وفي كل المنتديات انا شخصيا مش عارفه هو الراجل دا لو اطلقنا عليه راجل يعني :d بيستفيد ايه لما يسمع صوت بنت مثلا في التليفون :d بيرتاح مثلا وهو غالبا مظنش ان اللي زي دول هيبطلوا فالبنت هي اللي تقع عليها المسؤليه وتبقي صاحيه :)وواعيه مش عاشن واحد طلع وقال كلمتين في الدين ولا عامل نفسه مفتي الديار يبقي انسان محترم ومتدين وغالبا يعني هو الموضوع ككل مش وقته :d |
انا فى رايىى دول اولاد عندهم حالة نفسية
ههههههههههههه وشكرا على الموضوع |
اقتباس:
بس جايز حالتهم النفسيه دي السبب فيها الاهالي لانهم معرفوش يبقبو مربين صح يبقي في الحاله دي يحاول الواحد انه يلجا لتربية الاسلام |
بصراحة دى حاجة بقت تخنق وانتشرت بطرية فظيعة... ربنا يهديهم ويهدينا
|
موضوع اكتر من رائع يا احمد بجد وكان نفسي اتكلم فيه بس نظرا لظروفي مبقتش اخش كتير وردودي قلة بس موضوعك استفزني اني ارد عليه بجد :d
انا معاك في كل كلمة انت وجهتها للشاب وازيد على كلامك انت وزيزو " دقة بدقة ولو زدت لزاد السقا " اكيد كلنا عارفين المقولة وعارفين مناسبتها ... اما بقة الي معترض معاك بقة حكاية البنت ... بنت مين الي مظلومة يا احمد ... اقتباس:
هيا السبب هيا لو مشعاوزة كده هتلاقيها بتوقف الي قدامها اما هيا مش بتوقفو علشان هيا الي عاوزة تسمع الكلام الحلو ده ومتقوليش انها متقدرش تقول لا اصلها ضعيييفة علشان دي كلمة مش مقنعة بتاتا ... ده غير يا احمد ان الاية اتعكست دلوقتي البنت هيا الي عاوزة تتعرف على الشااب :d وبردو عندي ادلة فلما الشاب يلاقي البنت عاوزة تتعرف عليه هيعمل ايه ؟؟؟ هل في الحالة دي نقول انو مظلوم ولا نقول انو مش مظلوم ... وزي ما عروبة ... اقتباس:
كفاية علشان بجد يا احمد استفزتني بكلمة البنات مظلوووووومين :( :( وبرجع واقولك كلامك من نحية الولاد صح 100% وسوري انا مش بطلق على دول ولاد ولا رجالة ... |
بجد ربنا يوفقك يا احمد انت وزيزو ويا ريت الموضوع دا يكون زي الصفعه اللي تفوق البنات والشباب وفعلا يا ريت كل البنات وانا منهم نفوق ويكبرو كدا عقولهم وفعلا من السهل جدا الضحك على البنات دي حقيقه مهما البنت كابرت في الحكايه دي وكل انسان وقع في المشكله دي يحاول يفوق بجد مش بايدي اقول غير ربنا يهدينا والمسلمين جميعا وجزاكم الله كل الخير وفي ميزان حسناتكم ان شاء الله |
موضوع رائع
وبيناقش قضيه هامه وبارك الله فيك |
طول عمركم با احمد و يا زيزو دويتو رائع و اذا انضم إليكم مغترب بتبقوا مثلث الـــ..........
بجد مثلث نبل و طيبة و أخلاق و تدين ربنا يجازيكم على اللى انتوا بتعملوه عشان المنتدى ده يفضل باحترامه لان الاحترام اللى عند اعضاء المنتدى هو السبب ان كتييييييييييير من الناس بتسجل عليه دلوقتى و بالنسبة للأخ و الأخت فربنا يهديهم و لا نصائح بعد نصائح الاخوة الاعضاء اللى سبقونى |
جزاك الله خيرا يا احمد على الموضوع الجميل ده
وجزاك الله خيرا يا استاذ زيزو على القصة الهادفه وارجو من الله ان تنفع وتفيد الشباب والبنات اللى فى المنتدى جزاك الله خيرا |
بجد يا احمد انا مش عرفة اقول اية انت قولت كل حاجة ربنا يخليك يا احمد
فعلا البنت هى دايما الى بيجى عليها وعشان كدة لازم النصح كتير اخر كلامى تلسم اديك يا احمد وربنا يجعلها فى ميزان حسناتك يا رب |
اقتباس:
الاختلاف في القدره علي التاثير والبنت يعاب عليها لانها سمحت بكده لنفسها |
جزاك الله خيرا أخ أحمد لطرحك هذا الموضوع
جعله الله فى ميزان حسناتك |
اقتباس:
موضوعك جميل جداً ياشديد بارك الله فيك |
شكرا على طرح الموضوع لان البنات فعلا بتقع بسرعة.................ربنا يحمى بنات المسلمين...........وشبابهم طبعا(عفوا تعف نسائكم)
صدق رسول الله صلى الله عليه وسلم جزاك الله خيرا ساسو |
واشكر كل من مر نيابة عن اخي أحمد
وارجو من كل انسان أو انسانة قرات هذا الموضوع ان توعي اصدقائها وليعلم الجميع ان القصة التي وردت هي قصة حقيقية وحدثت وعشت احداثها من بدايتها لنهايتها فارجوكم لا تكونوا ضحية |
اقتباس:
وربنا يهدي شباب وبنات الامه مهو مينفعش نقول غير كدا :) |
اقتباس:
جزانا واياك يا احمد شرفني مرورك :) |
اقتباس:
شكرا لمرورك :) |
اقتباس:
تمام ياسارة بس انتي عندك مشكلة خطيره بجد انك بتيأسي من الدعوه هناك قولتيلي خساره فيهم النصيحه وهنا بتقوليلي مظنش انهم هيبطلوا الانبياء والرسل والصالحين كل دول فضلوا يدعو لسبيل ربنا كتير ليه منقتديش بيهم وعلي فكرة ياسارة عايز اقولك حاجة مهما كان الانسان وحش اكيد بيكون عنده نقطه كويسه وربنا يهدي الجميع وبالنسبه لوقت الموضوع فانا اللي احدده علي حسب المتلقي اللي انا عارف انه هيقراه :) شكرا لمرورك الجميل |
اقتباس:
شكرا لمرورك يادكتور نورتني :) |
اقتباس:
لعل وعسي حد يتأثر شكرا لمرورك الجميل :) |
اقتباس:
شكرا على النصائح يا غالى ربنا يهدى كل المسلمين |
اقتباس:
معلش في النقطه دي انت مش ملم بيها البنت فعلا اضعف المخلوقات وكل واحده فيهم عندها نقطه ضعف مش تقليل من شأنها وقوة تحكمها بس الطبيعه الانثوية ولو بحثت ودورت باستفاضه هتلاقي كلامي صح الي حد ما وزي ما قولتلك مش معني كدا ان البنت مش مخطئه لاء انا قولت مظلومه الي حد ما بناءا علي كدا انها شريكه في الغلط انها سمحتله يسيطر علي نقطه ضعفها شكرا لمرورك الجميل ياحبيبي :) |
اقتباس:
جزانا الله واياكي وعندك حق فعلا مهما كابروا ففيه نقطه ضعف بردو والشباب اليومين دول بدأوا يخدوا بالهم منها شكرا لمرورك الجميل واللهم اهدي شبابنا وبناتنا :) |
اقتباس:
شكرا لمرورك العطر :) |
اقتباس:
وانت الكوتر بتاعنا بقي :p ويارب تكون الناس بتستفاد مننا عشان تبقي دي فعلا النتيجه اللي منتظرينها شكرا لمرورك الجميل ياحبيبي :) |
اولا شكراا لك اخى الكريم على الموضوع وعلى النصايح ثانيا كل هذا الكلام مفهوم ومعروف من قِبل كل الناس سواء بنات او ولاد الذى يفعل شئ تخالف ضميره وحاسس انه شى خاطى يدرى ان هذا مخالف للطريق الصحيح انا عن نفسى والحمد لله عاملة خطوط حمراء وخضراء وكل الالوان يعنى محصنة من كله مش من السهل ان اى حد يقولى كلمتين يلهووى ايه ده اخيرا لقيت الشخص المناسب وتبدا مرحلة التوهان والسرحان وفى الاخر صدمة اسال الله ان يحمى شباب وفتيات هذه الامة وان يكونوا حمله رسالة الدين الاسلامى على اكمل ويفاخر بنا الرسول بيننا الامم جزاك الله راعى الموضوع على النصايح يجعله فى ميزان حسناتك تقبلى مرورى المتواضع |
بجد موضوع جامد يا حمد
|
اقتباس:
وربنا يحفظك ويكرمك يارب وان شاء الله تنفع الشباب والبنات :) |
اقتباس:
ربنا يخليكي يا سلوي نورتيني بمرورك جزاكي الله كل خير :) |
اقتباس:
ربنا يبارك فيك يارب :) |
اقتباس:
نورتيني وشكرا علي رأيك :) |
اقتباس:
نورتيني يا استاذه رانيا شكرا لردك :) |
احمد باشا
موضوعك شديد يا مان بس كلنا عاملين ندعى ونقول ربنا يهدى منغير مانقدم حل واحد للمشكلة طبعا الهدى دة من عند ربنا ودى مش نقطة خلاف طبعا لاكن لازم ندور على اساس المشكلة ونحاول نحلها اساس المشكلة من وجة نظرى هو الفراغ والسطحية وانعدام الشعور بالمسئولية وعدم وجود القدوة يبقى لازم نحسس الولد والبنت بذاتهم ونعلمهم رسالتهم فى الحياة وان كل شيى لية وقتة الى لو حاولت تحققة قبلة انت الخسران وبعد ماتعرف الشباب والبنات رسالتهم لازم توجهم وتحملهم مسئوليتهم وتعرفهم اية الصح والغلط وتساعدهم على تحديد اهدافهم وبعد كدة تعرفهم اية الى لازم يتعمل وافتحلهم الطريق بئة والله هتشوف عزيمة واصرار مش فى اى امة على وجة الارض وبكدة نبقى وفرنا القدوة وقضينا على الفراغ وحصل تحمل المسئولية وبحكم اللزوم المنطقى تنعدم السطحية ولو فضل حد بيعمل الحوارات دى بعد كدة يبقى افضل مكان لية عيادات الصحة النفسية شكرا يا مان gamal saber faculty of law |
اقتباس:
الطبيعة الانثوية دي مش ضعف زي ما كل بنت عندها نقطة ضعف زي ما الولد عندو نقطة ضعف كل انسان في العالم عندو نقطة ضعف لو عرفت تستغلها هتعرف ازاي تخش للانسان ده ... ايوة هيا شريكة في الخطأ والبتساوي 50 % ل 50 % مش مظلومة في حاجة هيا السبب في الي حصلها وهيا الي تتحمل المسؤولية ... لو كان ليها لو ذرة من عظر او ظلم مكنتش العقوبة للرجل والمرأة متساوية في الشرع ... ده مجرد رأي :) واانت الي حبيبي والله يا احمد وانت عارف :) |
السلام عليكم ورحمه الله وبركاته اولا الموضوع كويس جدا وبشكرك يا احمد علي الموضوع الجميل ده وفعلا في الفتره الاخيره حصلت مشاكل كتير بسبب الرسايل وبسبب المواضيع وكان لازم الموضوع ده يتعمل لاكن ــــ ــــــــــــــــــــــــــــــــــــــــــــــــ انا شايف انكم جايبين الموضوع كله علي الشباب انهم هما اللي بيبعتوا رسائل للبنات للتعارف وبعد كده العلاقات الهايفه ويسرح بيها وكده طبعا كلنا فاهمين الحورات الخايبه دي اللي مش تطلع من واحد عاقل ابدا وكمان لازم نعرف ان برده زي مافي ولاد بتبعت رسائل للبانت برده في بنات هنا بتبعت رسائل للولاد وطالبين التعرف عليهم والناس دي انا عارفهم ولاكن الموضوع بدأ بدون ذكر أسماء فأحييك علي هذه النقطه يعني الموضوع من الطرفين زي مافي ولاد بتبعت في بنات برده بتبعت وعلي فكره انا لاحظت ماشاء الله ان في هنا بنات كتيره محترمين ربنا يبارك فيهم ونفس الموضوع في ولاد محترمين ربنا يبارك فيهم ويهدينا جميعا وشكرا للموضوع الرائع ولازم في الاخر نعرف انه كما تدين تدان وان اللي مش ارضاه علي نفسي واهل بيتي مش ارضاه علي الناس |
موضوع جميل جدا تسلم ايدك
كلام جميل للولد بس كل واحد عارف ان دا غلط مع ذلك بيعملة ثانيا للبنت زى ما فية ولاد بيضحكو على البنات فية بنات بيضحكو على الاولاد والكلام دا انا شفتة قدتم عينى ومفيش حاجة اسمها ضعف من البنت لانها مش مجبرة انها تكون علاقة مع اى شخص دا حرية مطلقة يعنى بتعملى كل حاجة بمزاجها معلش انا معارض هنا زى الولد ما بيغلط البنت بتغلط بل البنت ممكن تشجع الولد انة يقع فى مصيبة واكيد قصدى مفهوم النهاية زى الولد ما بيغلط البنت بتغلط ومع الاسف الكلام دا منتشر قوووووووووى الايام دى |
جميل اوى بجد احمد وياريت كل اللى داخلين فى الطريق دة يقرأو الكلام دة الاول قبل ما يدخلوا فى الطريق كتييير جدا اوى بينخدعوا وللاسف بعد ما تنخدع اكيد بيكون عندها شعور بإفتقاد الاحترام للذات لو الولد بيراعى ربنا ويعلم جيدا (( يا أبن ادم أفعل ماشئت فإنك ملاقيه وأحبب ماشئت فإنك مفارقه وكن كما شئت فكما تدين تدان )) اكيد هنكون افضل وانا معاك فى ان البنت اضعف المخلوقات بس المفروض تقوى نفسها بدينها ومبادئها وهى اكيد بردو بتتحمل جزء من الخطا مش معصومة من الخطا اقتباس:
وهو البيت كتير اوى تلاقيهم بعاد عن بيتهم (اقصد يعنى مفيش اى ارتباط بينها وبين والدتها او اختها والدها اخوها اى فرد من العيلة) فبتلجا لخارج البيت ودة اكبر غلط فى الدنيا ومنة بتأتى الاخطاء واحدة تتلو الاخرى الى ان تجد نفسه فجاءة معها (كمية من الاخطاء لا تحصى) جزاك الله خيرا احمد عن النصيحة ربنا يجعلة فى ميزان حسناتك ويجعل كل حرف كتب سبب من اسباب دخولك الجنة:) وزيزو جزاك الله كل الخير :) |
جزاكم الله خيرا
|
ربنا يكرمك يارب ويبارك فيك ..بس ياريت كنت تجيب الاسماء ...واعرف ان اختك ,او امك او زوجتك في المستقبل ان شاء الله .هتعيش في امان .....لان زي ما حضرتك قلت كما تدين تدان وبارك الله فيك مره تانيه
|
اقتباس:
وشكرا لاضافتك الجميله دمت ِ بود :) |
اقتباس:
تمام وده فعلا اللي انا قولته ودعيت البنت ليه يبقي عندها حدود كتير عشان متبقاش فريسه سهله وشكرا بجد علي ردك الجميل اللي اسعدني جزانا الله واياكي دمت ِ بود :) |
| جميع الأوقات بتوقيت GMT +2. الساعة الآن 09:48 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.