|
خلى عندكم دم شوية
السلام عليكم ورحمة الله وبركاته بصوا بقا أنا كنت قفلت الرسايل الخاصة عندى وريحت دماغى مش لما أفتحها ألاقى الرسايل ال ...... دى تانى كلامى مش للأعضاء الجدد وبس كلامى للكل واحد محترم ومتربى أحسن تربية باعتلى رسالة عامل فيها الواد الرومانسى اللى من كتر رومانسيته بيوزعها على البنى ادمين "اسيل" السلام عليكم ورحمة الله وبركاته علي فكره وبدون اي فضول مني انا بهنيكي علي اسمك اسمك جميل جداااااااااااا والله العظيم وانا اول لما شوفته شدني جدااااااااااا علي فكره انا اسمي محمد وياعشق الاسماء النادره والمميزه علشان كده انا بشكر والدك او والدتك اواللي فكر وسماكي الاسم ده قسماً بالله العظيم اللى هلاقيه باعتلى رسالة فيها كلمة واحدة ليلته أسود من شعر راسه ومش هقول أنا آسفة على كلامى علشان متنرفزة إحترموا نفسكم أحسن ماخلى شكلكم زى الزفت أدام المنتدى كله خلى عندكم شوية دم .. اللى ماترضهوش لنفسكم ماترضهوش لغيركم انتو ترضوا اخواتكم البنات يتعمل فيهم اللى انتو بتعملوه ده وعلى فكرة كما تدين تدان زى ما انت بتعمل كده مع بنات الناس أختك هيتعمل فيها كده برده أنا مش هقول أكتر من كده وإذا كان المشرفين والاداريين الافاضل عايزين يمسحوا الموضوع أهلاً وسهلاً هعمل غيره سلام عليكم |
لالالالالالالالا
الموضوع كدة زاد عن حده خاااااااااالص بصى يا أسيل انتى مينفعش انك تقولى الرسالة و متقوليش مين اللى بعتها لا قولى عشان اخواتك و اخواتى العضوات فى المنتدى ياخدوا بالهم منه و كمان الادارة توقفه عشان يتربى |
وهوا انا هستنا المشرفين لما يتصرفوا
يبقا مش هيحصل حاجة أنا أربيهم بنفسى وأقوم بالواجب كمان للبنات مهو أنا مش هخلص من وجع القلب ده أبداً والله أنا ما شفت موقع فيه الكلام ده غير موقع الثانوية الرومانسيين فيه كتير اوى |
love me or love me العضو
يبقى حد يعملها تانى يبقى يقول على نفسه يا رحمن يا رحيم |
على فكرة السبب انا شايفة من عدم المراقبة
انا كنت فى منتدى تانى كانت اى رسالة بتكون متراقبة ولو فيها اى شىء مخالف للشروط العضو بيتوقف على طول من غير تفكير ودة الى مفروض يحصل هنا لان الاغلب فى سن واحد والاهتمام واحد عشان الثانوية العامة غير ان الموضوع فى الفترة الاخيرة بدا يتكرر والسلام عليكم |
اقتباس:
و بينهم اى نوع من انواع الحوار ..... صدقينى انا بقول الكلام ده عشان كلكم هنا بعتبركم اخواتى حطى الرسالة واللى باعت الرسالة فى الموضوع الاول عشان تحرجيه و من غير ما تنزلى لمستواه |
اها سورى انا حطيت الرد قبل ما اشوف ردك
عموما جه دور المشرفين الاداريين الافاضل و مش هقول اكتر من كدة |
اقتباس:
مشرفيين :mad: هيعملوا إيه غير حذف العضوية .. دول لو عملوها أصلاً لنا الله |
تسدق بردة واحد بعتلى رسالة بويقلى عايز اتعرف عليكى وعشان خاطرى تردى عشان بجد انا هفضل ابعتللك رسايل لحد ما تردى والتانى فضل يبعتلى رسايل وقلة ما بكلمش حد يقلى انا عايز اتعرف عليكى صراحة عندك حق انا كل يوم افتح الاقى رسالة واحد عايز يتعرف وبلغيهم وسكت لاء بجد فعلا لزم يكون فى حل على الناس المقرفة ديت
|
معاكم ربنا...................كلكم
|
يا جماعة المفروض ان الاعضاء الجدد دول مايبقاش عندهم خدمة الرسايل الخاصة لحد ما يوصلوا لعدد مشاركات معين
نكون عرفناهم و عرفونا من خلال المشاركات و مش كفاية حذف عضوية ... لازم يكون فيه تدخل ادارى يمنع العضو ده او غيره انهم يعملوا الحاجة دى دى بقت موضه فى المنتدى الناس بقت بتسجل عشان تشتغل شغل المراهقين ياريت ياريت الادارة تستجيب و انا مش معاكى يا اسيل فى ان الادارة مش هتستجيب لان الاستاذ عصام شخص له كل التقدير و الاحترام من الجميع و ميرضاش بكدة و الاداريين كمان ناس محترمة اوى و ان شاء الله هيلاقوا حل |
تم طرد العضو
واى رساله زى دى ابعتى نص الرساله واسم العضو اللى بعتها بس واسف للى حصل |
اسيل
شكرا لك ولجراتك علي فكره ياريت حد من المراقيبن يدخل ويشوف الرسائل الواحد بس ساكت عشان هو اكبر من كده علي فكره اسيل الموضوع ده مش هيتكرر تاني متقلقيش ====================== السلام عليكم يا سمية (صح) انا اختك نهال واحب ان اتعرف عليكى ياتري دي بنت |
قولتلكم فى اى حاجة
هتاتو اسم العضو ونص الرساله .. بس |
لا تعليق
انا عارف ان اللى بيحصل ده هبل بس انا شايف انك كنتى تبعتى رساله خاصه لمشرف ادارى بدل ما تعملى موضوع و كده عشان الناس دى اساسا مينفعش تديهم الاهتمام الكبير ده و موضوع بسببهم و و ربنا يهدينا جميعا |
هههههههههههههههههههههههههههههه والله انتي بت جدعه خليهم يتربوا شويه:d عموما الحمد لله هذه النوعيه من الرسايل مبتجليش:d ومتساليش ليه :dكان الله في عونك:d |
اقتباس:
معاك يا أيمن بس دى مش أول مرة تحصل وبعدين فين المراقبة على الرسايل وأنا أخر ما زهقت عملت الموضوع مش اهتمام ولا حاجة بس هقول إيـــــــــه مش عايزة الموضوع يبقى فيه كلام كتير خلينا ساكتين شوية عموماً شكراً للإدارة الكريمة |
اقتباس:
يا بختك يا بنتى والله المفروض بقى اللى تدخل المنتدى تسجل باسم : برعى \ مخيمر \ عباس علشان تتقى رخامتهم :mad: |
اقتباس:
الادارة على عينى وراسى بس سبق و المرشد عمل موضوع رسايل العضوات وحصل اللى حصل خلينا جنب الحيط لما نشوف أخرتها وشكراً للادارة مرة تانية :) |
اقتباس:
هههههههههههههههههههههههههههه طب هدي نفسك يا بنت الحلال الموضوع مش مستاهل يا برعي والاداره خلاص حلت المشكله:D سلام يا عباس |
السلام عليكم ورحمة الله وبركاته
الله عليكى ولله يا مها ايه يا بنتى ده براحه شويه اعصابك ما هو لازم كده حتعملى ايه يعنى ما للاسف التلفزيون دلوقتى خلى كل تفكير الشباب فى الامور دى وبس فا خدى الامر بيسر شويه وبلغى الاسم للاداره وخلاص ويا ريت الاخوه فى الاداره يشوفو الاى بى بتاعه لانه اكيد حتلاقيه مطابق لعضو قديم هنا زى ما عندى كتير اوى اعرف اعضاء هنا فى المنتدى وعاملين نفسهم محترمين اوى ومشرفين كمان وبيعملوا اشتراكات تانيه و بيدخلو ويبعتو رسايل للعضوات للتعارف يا ريت يكشفو على الاى بى بتاعه وشكرا |
الرجاء الهدوء وسوف اتصرف الان باذن الله دقيقة واحدة
|
مممممممممممممم
كويس كويس حااجة حلوة اوي :d اسيل بعد كده خلي معاكي مسدس وطلقة في منتصف الجبهة :d بس معلش يعني يا اسيل دلوقتي هو بعتلك الرسالة وانت حرقتي دمك واتنرفزتي ومش عارف حصل ايه وهو اتوقف عادي بكرة هيخش بعضوية تانية نو بروبلم بدل ما تحرقي دمك كده اعتبري الرسالة مش موجودة وخلاص يا اسيل مش لازم كل ده اينعم انا حاسس ان الموضوع ده جه في وقتو خصوصا بعد ازمة رسايل العضوات وبعد موضوع احمد الاعضاء الي بيلعبو بديولهم :d بس صدقيني انت وكل عضوة هنا كبرووووووو دماغكو وبعدين انتو كده اثرتم فضولي هتخلوني اعمل عضوية باسم بنت واشوف ايه الهبل الي بيعملوه الشباب :d وفي الاخر معلش روقي كده وروحي اشربي كباية لمون ولا كبايتين :d |
اقتباس:
تصدقوا لو قلتلكم إنى من سنة ويمكن أكتر الرسايل دى تقريباً بتجيلى أكتر من 3 رسايل فى الأسبوع :mad: وامسحهم ويجى غيرهم لما زهقت قفلت خاصية الرسايل عندى وإمبارح فتحتها من غيظى لما شفت الرسالة إتخنقت رحت عاملة الموضوع طيب أعمل إيه يعنى .. دا كويس إنى ماقلتش غير الكلام ده الحمد لله الموضوع عدا .. ربنا يستر من الى جاى |
ههه ده بقئا وباء ، والله يكون فى عون الادارة بجد واهدى يا اسيل انتى اكبر من كده يعنى ، وعضوة قديمة معانا وعارفه النظام ده ! |
ربنا يهديهم
|
بس انت فعلا معاكى حق ياسيل لان حصلى نفس الحكاية
اتبعتلى رسايل من دى كتير و فعلا لازم الرسايل تتراقب thanks |
ياااااة دا انتى شكلك شريرة يا اسيل يقول على نفسة يا رحمن يا رحيم وليلتة سودة و.......
يابنتى مفيش حاجة فى الدنيا دى تستاهل انك تزعلى عشانها خالص هدى اعصابك ريلاكس خلاص وخدى نفس عميق اعملى زيى ما انا كل شوية الاقى رسايل وايميلات وكلام بقى زى هموت ونتعرف وبجد نفسى اكلمك وكلام من الفاضى دة بعمل اية ؟ ولا حاجة كانها موصلتش اساسا لان اللى باعت الرسالة احقر من انى اضايق نفسى عشانة ولا ارد علية والادارة مش شايفة انها عملت حاجة وقلتوا تمنوعها عن الاعضاء الجدد ولا نفذتوا حاجة وناس سابت المنتدى وحوارات قال تعالى : " يا ايها الذين امنوا لم تقولون ما لا تفعلون " (سورة الصف) صدق اللة العظيم عندك حق خلوا عنكوا دم شوية |
اقتباس:
تصدقى يا بنتى إنى أخدت مناعة ضد الحاجات دى كل الرسايل إل زى دى بتتبعتلى بطنشها كبرى دماغك واهدىhttp://www.thanwya.com/vb/life/icons/icon10.gif |
اقتباس:
هههههههههههههههههههههه يا خبر ابيض يا مها الواحد مكنش يعرف انك عنيفه كدا كدا انتي هتخلي الواحد يفكر الف مره قبل ما يبعتلك رسايل تعارف ( والمصحف بهزر ) استهدي بالله يا بنتي ونفضي واي حد يبعتلك رساله تانيه زي كدا ولا تتضايقي ولا حاجه وابعتي الرساله للمشرفين الموضوع مش محتاج والله كل دا وربنا يهدي شوية العيال التعبانين دول ومتزعليش نفسك بجد يا مها مش هتستفادي غير حرقة دمك فقط اصلك مش هتقدري تغيري التفكير الطفولي دا |
اولا يااسيل اهنيكي علي ما فعتلي
وكل واحد لازم يعرف حدوده ثانيا بقي انا الحمد لله مجاليش من الرسايل ديه اااااااااه تقربيا جالي كام واحده بس ده زماااااااااااااااان بس حقيقي مش بنفس الاسلوب المستفز ده يعني علي ما اذكر يقولي ممكن نتعرف وده او طلب كده شكرا لجراتك اسيل وشجاعتك |
ان شاء الله هيتم اتخاذ الازم مع العضو ده
وهيتوقف نهائيا |
اقتباس:
خلاص يا أستاذ حسام العضو اتوقف من زمان المشكلة بقت كتر الرسايل إل بتتبعتلنا وانتم كنتوا وعدتونا انكم تعطلوا خاصية الرسايل للأعضاء الجدد وللأسف مفيش حاجة اتنفذت |
اقتباس:
ياااااااااه أول مرة أعرف أنكك عصبية للدرجة دى وومعروف الشباب اللى بعمل الكلام ده شباب فاضى وهايف (ومعندوش ريحت الدم) أنا ممش عاارف ازاى بسمح لنفسه أساسا انه يبعت رسالة لبنت وأنا لأول مرة فى حياتى أسمع عن مثل هذه الرسائل فى هذا المنتدى ربنا يهدى |
أولا كلكم بناتى ولن اسمح على الاطلاق اهانة بنت من بناتى مهما كان السبب
وبعدين رسالة الى جميع الشباب عيب عيب لايوجد تعارف بين ولد وبنت وخصوصا على النت لانى النت مزيف وهى اختك احنا هنغنى على بعض وخلاص الرجاء احترام النفس مع اختك وياريت اى رسالة تعارف تحول لى فورا والذى يريد انت يتعرف على اى بنت يتفضل يبعتلى وانا اعرفه عليها وطبعا هعرفه مقامه الاول انا دخلت الى اللوحة لاكن للاسف ما بيدى اى شيئ خاص بالرسائل عند اشرف وهكلمة تانى ونلتمس له العذر لانه مريض لن اطيل فى الكلام وتقبلوا تحياتى |
ربنا يسهل ونركب الهاك باذن الله بس اشرف يشد حيله شويه
وربنا يشفيه |
اقتباس:
حضرتك الخدمه دى مش موجوده مع المشرفين ولا حتى الأستاذ عصام موجوده بس مع الأستاذ أشرف وعلى ما أعتقد إنه مش ينفع تكون حتى مع أشرف لأن ممكن تكون فى خصوصيات فى الرسائل مينفعش حد يطلع عليها والرساله اللى توصل لحد ويكون فيها أى حاجه خارجه ياخدها إقتباس ويبعتها للمشرف وإحنا هنتصرف اقتباس:
حلو أوى الألفاظ الجميله دى ( الكلاب الضالة ) كده إنت اللى مش نزلت لمستواهم بصراحه يا أحمد اقتباس:
ونعم بالله بس حضرتك فيه حاجه تانيه فى إدينا ممكن نعملها ولا حضرتك عاوزانا نروح نضربه فى البيت يعنى إحنا تحت أمرك :mad: اقتباس:
مقرفه ؟؟!! والله يا جماعه إحنا قلنا اللى توصله رساله فى ألفاظ خارجه يتفضل يبعتلنا نص الرساله وإحنا هنتصرف مش كل واحد بقه ولا واحده هيدخل يهيص فى الهيصه ونعملها فيلم هندى اقتباس:
إنتى بتهرجى بقه يا سميه اقتباس:
لاحظ إن حضرتك قولت كلام كبير دلوقتى بقه بعد إتهامات حضرتك اللى إتقالت دى ممكن تقولى مين بقه من المشرفين اللى داخل بعضويه تانيه وبيبعت بيها رسائل تعارف :mad: اقتباس:
جزاك الله خيراً يا أستاذ عصام رأيى القردى كان من الأفضل إنك تبعتى نص الرساله وإحنا هنتصرف بدل ما حولتى مشكله صغيره لحرب عالميه شغاله :( |
اقتباس:
وهقول لك انا ليه عشان النيك نيم بتاعنا :D:P مش بيدل اصلا اذا كنا ولاد ولا بنات ^_^ :cool::D |
| جميع الأوقات بتوقيت GMT +2. الساعة الآن 03:26 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.