|
مساعدة لواحد مذاكرش طول السنة
بسم الله الرحمن الرحيم انا عارف انى مولام انى ضيعت السنة من ايدى بس انا عايز ابص لنص الكوباية المليان دلوقتى فاضل 5 اسابيع ع الامتحان وانا فى 2 عملت جدول انى اذاكر كل اسبوع مادة والمها كويس وفى اخر الشهر هبقى معايا حصيلة 5 مواد بس عشان انفذ الموذوع دة هلغى الدروس واركز فى المواد لانهم بيحلوا امتحانات اينعم بستفاد منها بس نفترض ان الاسئلة دى مجتش يبقى انا مش عارف اى حاجة مثلا الاسبوع دة هذاكر ايطالى يبقى هلم الجرامتيكا واحل امتحانات واروح درس الايطالى بس وهكذا ارجوكم افيدونى واديونى نصيحتكم لعلها خير |
شوف انك تذاكر فى اسبوع واحد مادة واحدة ده ممل جدا انا من رأى المتواضع انك تخلى كل اسبوع مادتين يعنى بدل ماتذاكر الاسبوع ده مثلا عربى خليه عربى ورياضه مثلا وبكده برضو تخلصهم ف اسبوعين زى مابتقول بس هيبقى فيه تنوع شوية وكمان لازم تستمر فى الدروس علشان اكيد منها استفادة كبيرة وابقى اقعد فى اخر شويه من شهر 5 على راحتك بس دلوقتى مهم جدا انك تروح ... بالنسبة لوقت المذاكرة اكيد الدروس بتبدا مثلا بعد الظهر انت ممكن تصحى الفجر وتذاكر لحد ميعاد اول درس الجزء اللى انت محدده فى (المادتين) بتوع الاسبوع ده وتيجى من الدروس تراجع وتحل على اللى انت ذاكرته وانا افضل انك تحل بعد ماتذاكر مباشرة علشان ده افضل بكتير وبليل ممكن تحل اسئلة اكتر او تراجع بسرعة علشان اكيد هتبقى تعبان وتنام وتصحى الفجر ولازم تنام ع الاقل 7 ساعات ... اسف على الاطالة وارجو ان اكون افدتك بحاجه
|
والله لازم كلنا نفوق نمسك المواد ونحل كتير وننجز وهي طريقه كويسه اللي بتقول عليها بس في حالتك ان يكون عندك اراده تذاكر من غير مدرس يقولك ذاكر
|
اقتباس:
|
اقتباس:
|
اقتباس:
الاعمال بالنيات ملهاش لازمه التريقه كفايه النصيحه |
اقتباس:
بس ده شكله تار قديم ببينهم ......... :):):):):) ربنا يهدينا ي رب العالمين |
يعنى انتم داخلين تساعدوا الراجل ده ولا تتخانقوا مع بعض !!!!!!! الراجل مستنى اى نصيحة وتلاقيه ياعينى دخل يشوف مين اللى رد
|
اقتباس:
عندك حق والله الحمد لله أنا مش بتخانق والله |
اقتباس:
|
اقتباس:
|
اقتباس:
ي رب دايما كده |
خلى عندك امل فى اله سبحانه وتعالى ثم فى نفسك لعل هذا الشهر يكون النجاة الوحيده لينا كلنا حاول تذاكر وانت اعصااااااابك مرتاحه واعمل اللى عليك وسيب الباقى على ربنا
فى ناااااااااس كتيييييير ضيعت السنه كلها وجات فى الاخر وتعبت بس جابت مجموع كبيييييييير ودا كله بيبقى فضل من ربنا ركز فى الباقى وانسى اللى فااااات واعمل اللى عليك وسيب الباقى كله على ربنا وتذكر كووووووويس انك مش هتاخد غيييير اللى مكتوبلك من ساعه ما اتولدت بس انت لازم تجتهد حتى لو كان فاضل يووووووم يعنى لسا فى امل ممكن تذاكر فيه احسن اجتهد ولكل مجتهد نصيب |
توكلَ ع الله وهو حسبكَ
ركز ف الأول ع التلات مواد اللي بـ 50 والإنجلش وسيب العربي للـ 10 أيامَ فـ 6 علي همتكَ شوية وإجعل نيتة خالصة لله وأنك تفعل هذا أرضاءً لله ولوالديكَ هي فقط " همةٌ عالية ونيةٌ خالصة " |
اقتباس:
واديك استفدت بالمعلومه ادعيييييلى بقى |
بسم الله الرحمن الرحيم
بص يا سيدي انت قدامك كام يوم دلوقتي ؟ أظن قليل ,, أنا مش بحسب بصراحة :d ,, لأن مش فارقة معايا كل اسبوع امتحان ف الكلية :) المهم اهم حاجه تعرف حاجه مهمة جداً ما عند الله ( النجاح ) لا يُنال إلا بطاعته حاول انك تنتصر بالله اولاً ثم ب................................................. ..... روح القتال تعبير غريب أنا عارف بس الفترة دي بجد غير أي فترة خالص دي بجد مستقبل .. أو قواعد للمستقبل .. فإدخل في مود النفخ بمعنى اصح لو تعرف تذاكر ف اليوم 17 ساعة ياريت والله بس من غير ملل الله يكرمك :) روح دروسك عادي خالص ومتبصش لمستوى زمايلك .. ربنا كاذبون وأصحاب مناظر .. خليك ف نفسك انت وذاكر على قد ما تقدر وبجد إطحن نفسك و اعتبرها مهمة يطلبها منك رسول الله صلي الله عليه وسلم عشان تأديها ... يا ترى ممكن تقضيها ازاي ؟؟؟؟ أرجو أكون وصلتلك روح تفاؤل ولو بمقدار بسيط وأسأل الله الحليم العظيم أن يوفق جميع الطلاب والطالبات في كافة المراحل إلى هداه والدرجات العلا اللهم أمين أمين أمين يارب |
توكل علي الله , معنديش اي نصيحة غير انك تبدا تذاكر , ومتقلقش السنة مضاعتش او حاجة , لم المواد كلها في الفترة دي والاهم من كده تحل علي كل حاجة تذاكرها وتحل امتحانات ثانوية عامة وكتاب المدرسة
|
لالالا روح دروس صدقنى ممكن المعلومة الى تغيب فيها ف درس والاستاذ يقولها تيجلك ف الامتحان والحال من بعضة انا مش لاامم حاجة برضو بس بروح وامرى لله وانا ف تالتة عل فكرة ^_^
|
| جميع الأوقات بتوقيت GMT +2. الساعة الآن 12:33 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.