:: الحمد لله بمناسبة قدوم الامتحانات إسال أىسؤال محيرك .. نجيبك عليه ::
 

وأخيرااا وبعد طول الانتظار جاء الموضوع النهائى ::

إسأل أى سؤ ال فى أى فرع من فروع الرياضيات ::

وستجد الاجااابة مع الشرح بإذن الله :::

وطبعااااا ياريت المدرسين الافاضل يشاركوا معانا هناا ::

الموضوع إكماله لسلسة إسئل وتحدى الموجودة فــــ كااافة المواد تقريباا ::

:: وسوف أجيب أنا ومعى فتى الازهــــر وأيضاا وطالب بيطلب مبدئيااا ::

هيا فين أول سؤال

مشكور يا معلم
 

كده تمام اوى ياشريف ومشكور الموضوع الجميل ده انا مبسوط من مجهودك العظيم ده بجد

بالتوفيق إن شاء الله

طيب نبتدى بسؤال فى الأول تنشيط الموضوع

إذا كان
(30^قر+2 + 30^قر+1 ) / ( 30^ق ر+1 + 30^ق ر) = 5/3 فأوجد قيمة ر؟

:: وشكرااااااااااا جداااا لمساهتكم وربنا يوفقكم يا إخوانى ::

أنا حليته فى ورقة خارجية .. بس ندى فرصة لبقية الناس إنها تشارك

انا حلتها بس ياريت التصحيح لو فى حاجه غلط وبجد انا تعبت قوى فى كتابتها

بقسمه البسط والمقام على 30ق ر
( (30ق ر+2) / (30ق ر+1)+1) / (1+(30ق ر) /(30ق ر+1) = 5/3
(30-(ر+2) +1) / (ر +2) +1 / (1+ (ر+1) / (30- (ر+1) +1 ) = 5/3
( (29-ر) / (ر+2) +1) / (1+(ر+1) /(30-ر) = 5/3
( (29-ر+ر+2) / ( ر+2) / ( (30-ر+ر) / (30-ر) ) = 5/3
(31 /(ر+5) ) . ( ( 30-ر) / 31) = 5/3
(30-ر) / (ر+2) = 5/3

اذا ر = 10

مسألة حلوة منى ليكم :


مثلث متساوى الساقين طول كل من ساقيه 10 سم وقياس الزاوية بينهما (س ) فإذا تغير س بمعدل 3 درجة فى الدقيقة
أوجد : معدل تغير مساحة المثلث عندما س = 60 درجة :

مسألة سهلة وحلوة بس فكر إنت وم تنشفش دماااااغك

وعشان متدوخش نفسك وتحل ديناميكا دى مسألة تفاضل بالتحديد معدلا ت زمنية

الاجابة هتكون 25سم مربع/د ويريت اعرف دى كده صح ولا ايه ؟؟؟ h

بسم الله الرحمن الرحيم

السلام عليكم ورحمة الله وبركاته

أنا اسف يا جماعة على الإنقطاع ده...بس أنا مشغول أوي الحبة دول فمش حاقدر أشارك بانتظام
لكن هشارك إن شاء الله لو حد عنده مسألة مش عارفها....غير كده مش هاقدر اشارك في كله

بالنسبة لسؤالك يا شريف هتبقى 75 إن شاء الله

الغلطة اللي عندك يا emansaid إن احنا بنشتق بالنسبة ل ن مش بالنسبة ل س...ومش هاوضح أكتر من كده

بالنسبة لمسألة فتى الأزهر

طلعت معايا ر=10

حلك يا شريف تمااااااااااااام جدا ومظبوط أوي

بس إنت حسبت ن=31 في الخطوة دي


31 ق ر+2/ 31 ق ر+1

لكن جيت عوضت عن ن=30 في الخطوة دي


= 30 - ( ر +2 ) - 1/ ر +2 = 3/5

والله أعلم

شكرررررررررا يا شريف على المعلومه دى انا مكنتش اعرفها
بس انا حلتها بالنتيجه دى وطلعت ر = 10 وفعلا ن = 31

ممكن حد يحاول إنه يحل المسألة دى ولا أنا حاططها لمجرد كونها زينة للموضوع

نفرض أن مساحة المثلث = م

م=0.5 × 10 × 10 × جاس باخذ (ء/ءن) للطرفين

ءم / ءن =50 × جتاس × (ءس / ءن)

= 50 × 0.5 × 3

=75 سم2 / دقيقة

موضوع جمييل يا شريف وانا بقالى فتره مدخلتش المنتدى ولسه شايفه الموضوع دلوقتى

وده حل المساله وشكراا لمجهودك


م المثلث = 50جاس

دم ÷ دن = 50 جتا س ( دس ÷ دن )

عند س= 60 , ( دس ÷ دن ) = ( 3 × ط ) ÷ 180 = ( ط÷ 60 )

دم ÷ دن = 50 جتا 60 × ( ط ÷ 60 )

= ( 5× ط ) ÷ 12 = 1,33 سم2 / دقيقة

أنا مش فاهم حاجة

إنتي ليه خليتي (دس / د ن) بدلالة ط

يا ريت توضيح للشرح أكتر

عشان فى المساله هو كاتب 3 درجه فى الدقيقه واحنا فى المعدلات مش بنشتغل بالدرجه فلازم تحولها وتضرب فى ط÷ 180 ده تفسيرى

انا مش متاكده من حلى على فكره ممكن حضرتك تكون صح

شريف بقى يقولنا الحل الصح يا ريت

على فكره المسأله الاولى ر= 10 مش 18

اتاكد يا شريف من حلك حتى انا عوضت عن ر ب 18 فى المساله هيطلعلك الناتج ( 3 ÷ 5 )

ولكن لو عوضت عن ر = 10 الناتج هيطلعلك ( 5 ÷ 3 )

وبلتالى اكيد ر= 10

اتاكد بقى من الحل وقولنا

31 ق ر+2/ 31 ق ر+1 = ( 5 ÷3 )

31 -ر-2+1 / ر+2 = (5÷3)

30-ر /ر+2 = ( 5÷3)

80 = 8ر

ر = 10

يا شريف إنت رحت فييين

يللا شوف المسألة

خلاص مسألتك مبقتش زينة الموضوع وفيه حلين اهه

أنا شكلي هارقعكوا كام مسألة حلوة لحد ما الموضوع ده ينشط إن شاء الله

إن كان لينا عمر

إذا كان معدل تغير ميل المماس لمنحنى الدالة ص=د(س) هو (6س-6) وكان المماس لمنحنى الدالة عند النقطة (1 ، 3) الواقعة عليه موازيا للمستقيم س-5ص+1=0 . أوجد معادلة المنحنى

صّ ّ = 6س - 6
بالتكامل بالنسبه ل س
ص ّ = 3 ص^2 -6س + ث
الميل = ( 1 ÷ 5 ) عند ( 1 , 3 )
( 1 ÷ 5 ) = 3 -6 +ث
ث = ( 16 ÷ 5 )
ص ّ = 3 س ^2 -6 س + ( 16 ÷ 5 )
بالتكامل بالنسبه ل س
ص = س ^3 - 3 س ^2 + ( 16 ÷ 5 ) س + ث
عند ( 1 , 3 )
3 = 1-3 + ( 16 ÷ 5) + ث
ث = ( 9 ÷ 5 )
المعادله
ص = س ^3 - 3 س ^2 + ( 16 ÷ 5 ) س + ( 9 ÷ 5 )

كده صح أوي
بسم الله ما شاء الله وجزاكِ الله خيرا

أنا آسف جدا على التأخير

فعلا الإجابة على مسألتى ر = 10

أما مسألة شريف أنا حليتها زى حل طالب بيطلب وطلعت 75 أو بالثانية 4500 سم2/ث

والأخت "الحلم الوردى" حلت مسألة طالب بيطلب

تنشيطا للموضوع

مسألة استاتيكا

أ ب جـ د شبه منحرف قائم فى ب ، أد // ب جـ ، أب= 8 سم ، ب جـ= 15 سم ، أ د= 9 سم.
أثرت قوى مقدارها ( ق ، 44 ، 68 ث.جم) فى د أ ، د جـ ، أ جـ على الترتيب .
فإذا كان خط عمل محصلة القوى يمر بالنقطة ب أوجد قيمة ق.

ق = 36
والمجموعة تمثل ازواج
مقياس رسمة 1 : 4

ججزاك الله خيرا أستاذنا
أنا معرفش حضرتك حليتها ازاى بس الناتج طالع معايا 126 نيوتن

وعلى فكلاة المسألة على عزوم القوة المستوية وليس الإدواج

ايه يا جماعة المسألة صعبة للدرجة دى


طب حتى لو مش عارفين قولولى حلها وأنا هكتب الحل

أنا برده طلعت معايا 126نيوتن

والفكرة إن عزم المحصلة حول ب=مجموع عزوم القوى حول ب

ياريت حضرتك يا أستاذ محمود تكتبلنا الحل...شكرا

الحـــــــــــــــــــــــــــــــــــــــــــــــ ــــــــــل

http://www.mrkzy.com/uploads/6add132896.jpg

بما أن خط عمل المحصلة يمر ينقطة ب
إذا ج ب = 0

ج ب = (-ق × أب) + (68 × ب س) + (44 × ب ص) = 0

ج ب = (-ق × 8) + (68 × 120/17) + (44 × 12) = 0

إذا -8 × ق + 480 + 528 = 0
إذا 8 ق = 1008
إذا ق = 1008/8 = 126 نيوتن

هامش الحل

فى المثلث أ ب جـ القائم فى ب
(أجـ)^2 = (أب)^2 + (ب جـ)^2 "فيثاغورس"
......... = (64 + 225) = 289 إذا أ جـ = 17

، فى المثلث أ ب جـ القائم فى ب
بما أن ب س عمودى على أ جــ "إقليدس"
إذا ب س =(أ ب × ب جـ) / أ جـ
......... = ( 8 × 15) / 17 = 120/17

، فى المثلث د ع جــ القائم فى ع
من فيثاغورس
د جـ = 10

فى المثلث د ع جـ
بما أن جاهـ = دع/دجـ ..........(1)
، فى المثلث ب ص جـ
بما أن جاهـ = ب ص/ب جـ ............ (2)
من (1) ، (2) بما أن الأيمن = الأيمن إذا الأيسر = الأيسر
إذا دع/دجـ = ب ص/ب جـ
8/10 = ب ص/15
إذا ب ص = 12

أرجو أن يكون الحل واضح وشافى

شكرا يا محمد
الحل واضح وشافي

ومستنيين مسائلك الجامدة

إن شاء الله يا إسلام "صح"

بس أنا حاليا بحاول مدخلش على المنتدى كتير علشان أتفرغ للمذاكرة أكتر من كده
وغير كده أنا الكيبورد عندى خربان كذا حرف بايظين اضغط على الميم يضغط لوحده ميم و نون وإنتر ورقم تلاتة ازاى معرفش
اضغط رقم 8 الكمبيوتر يتقفل
بقالى أكتر من شهر بكتب من الكيبورد الموجود فى الكمبيوتر بالماوس
فباخد وقت طويل

إن شاء الله أحاول أجيب مسألة تانية
عايز فى أى فرع

ههههههههههههههههههه

دا إنت مشكلة يا محمد

جيب اللي يعجبك...بس بعيد عن الجبر...علشان الحل بيبقى متعب جدا بالرموز بتاعته ديه

أنا مشكلة ولا الكيبورد

ما علينا بس كده من عنيا
دى مسألة فى التفاضل اشغل نفسك بيها شوية

إذا كان ص = س^2 - 3س + 4 ، س = ع^3 - 1
أثبت أن د2ص/دس^2 = 30 س ع

أنا حلتها خلاص بس نسيب فرصة للناس التانية تحل

بس إنت كاتب المسألة غلط يا أستاذ

المفروض ء2ص/ءع2
ههههههههههه

خد عند السؤال ده

تمرين أربعة واحد(4-1) من الاستاتيكا رقم 6

:rolleyes:مظبوط يا باشا كلامك صح
خطأ مطبعى
معلش الحر مأثر شوية

إن شاء الله هحله وأبعته
انت كل شوية تدخل خمس دقايق ويعدين تخرج

ما شاء الله ايه المسائل اللى بتحط وتتحل على طول دى

طيب هحطلكم مسأله حلوها بقى

اذا كان د^2ص ÷ دس^2 = أ س + ب وان للمنحنى قيمه عظمى محليه تساوى 2 عند س= 2

ونقطه انقلاب عند ( 1 . 1 ) فاوجد الثابتين أ , ب

أ=-3
ب=3

مش عارف هي مسألة لفة ولا أنا اللي لفيت فيها جامد
المهم مسألة حلوة...شكرا

ميه ميه الحل صح يا طالب يا مسلم

ولو تقدر اكتب بقى الحل عشان اللى مش عارف يعرفها وهى فعلا مسأله دوختنى وفيها لفه

معلش بقى اعذروني في كتابة الحل علشان هتاخد وقت طويل وأنا بصراحة بازهق ده غير اني مش فاضي...ومفيش حد في المنتدى اكتبله الحل غير احنا التلاتة.

المهم انا كاملت المعادلة مرتين وفي كل مرة باستخدم حاجة من المعطيات

طيب هو فعلا الحل خلاص صح وشكراا يا طالب يا مسلم على مجهودك

واللى محتاجها بقى يقول وانا اكتبها وخلاص

عشان فعلا الوقت خلاص بتاعنا ضيق اووى ومفيش وقت للكتابه

وربنا يوفقنا كلنا ...

ممكن اسئل سؤال انا فى الملرحلة الاولى