|
تعالوا نحسبها بالعقل ونشوف مين الافضل ؟
مع اقتراب الانتخابات الرئاسية محتاجين نعرف اراء بعض يمكن نتوصل للمرشح الاجدر والاحق فى قيادة مصر فى هذه المرحلة وهذا لايعبر عن دعاية لاحد بعينه ولا انتقاص للاخرين بل وجهات نظر تطرح والحرية للجميع فى اختيار من يرونه مناسب لهذه المرحلة ومن ياتى بنزاهة وبحرية سيكون من يعبر عن راى الاغلبية وبالتالى سنحترمه جميعا وان شاء الله لامفر ولابد من مرشح يعبر عن الثورة واهدافها .. كل واحد يقول رايه فى المرشحين بحرية عشان نستفيد كلنا ونختار الاجدر .. احمد شفيق .. اسباب استبعاده ,, 1- اكبر فل حاليا ومدعوم من اكبر بقايا النظام السابق واللهو الخفى اسباب مانحن فيه 2- كان رئيس وزراء يوم موقعة الجمل وكان مشغول بتوزيع البونبونى فى نفس اليوم :cool: 3- حسنى مبارك اللى الناس عملت ثورة عليه ونظامه اللى الفريق كان جزء منه هو مثل الفريق شفيق الاعلى يعنى تتخيل لما الناس تعمل ثورة على مثلك الاعلى ام تيجى انت:scared: وماتعرفش بقى قواضى مبارك والنظام هيعمل فيها ايه لو مسك الرئاسة 4- برنامج انتخابى خيالى 5- متهم فى قضايا فساد ايام ماكان فى الطيران 6- لاثورجى ولا عمره نزل الثورة بالتالى لم يشعر بالثورة ويمكن مش معترف بيها اصلا بالتالى لن يحقق اهدافها فى رايى 7- رجل له خلفية عسكرية واحنا كرهنا حكم العسكر عاوزين واحد من الشعب مدنى ,, عمرو موسى اسباب استبعاده 1- من النظام السابق ومحسوب على الفلول 2- فشل فى الجامعة العربية 3- يشترك مع شفيق بانه ليس من المرشحين الثوريين 4- مؤتمراته بتقلب خناقات وده دليل على رفضه من ناس كتير وبالتالى لو مسك لن تهدا البلد كما نطمح ,, الدكتور سليم العوا اسباب استبعاده 1- راجل رائع ويعجبنى فى كثير من الاوقات ولكنه له تصريحات غريبة فى بعض الاوقات زى كلامه عن الشيعة والتقرب منهم سياسيا 2- ليس له قاعدة شعبية يمكن ان تؤهله للفوز فلا اريد تبديد صوتى .. الدكتور محمد مرسى اسباب استبعاده 1- لم يتم ترشيحه بالشكل الذى يليق برئيس جمهورية ولا بجماعة الاخوان فهو المرشح الاستبن 2- الاخوان لاتحتاج الى رئيس جمهورية هناك اغلبية لمجلسى الشعب والشورى وتشكيل الحكومة هيكون للاخوان يعنى هتبقى الحسبة كده اخوان +اخوان = اخوان انا لا اعترض على دفع الاخوان بمرشح بل دافعت عن ذلك فى موضوع اخر طالما حق قانونى فلا يمكن لاحد ان يملى على احد باى امر بالاضافة ان الاخوان لهم وجهة نظر اخرى ويمكن هم الاصح والخير على ايديهم لكن من حقى الانتقاد كما افعل الان ومن حقى عدم ترشيحه ثقل وعبء كبير على اى فصيل ان يتحمله بمفرده 3- فكرة مشروع النهضة التى يتحدث عنه الاخوان فده شىء غير جاهز بل يسعى الاخوان الان مع الجميع فى بناء مشروع النهضة لكن ليس لدى الاخوان مايسمى بمشروع النهضة اطلاقا او برنامج للنهضة ولو دققت الكلام فى كلام اى اخوانى وعند الحديث عن مشروع النهضة تجده يقول بانه يسعى الى ذلك وسيحاول ولنحقق معا ,,الخ من هذه الاقاويل وعلى لسان المهندس خيرت الشاطر فى برنامج الحقيقة ويمكن الرجوع للفيديو على اليويتوب يقول بانه يسعى لمشروع النهضة مع الجميع وحزب الحرية والعدالة بيسافر الى اكثر من بلد متقدم لاخذ خبرات منهم وما الى ذلك ان كان الاخوان يريدون مشروع للنهضة فيمكن تحقيقه من خلال الحكومة التى سيشكلونها بما لها من سلطات تنفيذية الامر لايحتمل ان يكون الرئيس منهم بالنسبة للشارع وللناس ولهم ايضا و لا تحتمل الى فصيل واحد حتى لو كان شيوعى او ليبرالى او ايا يكن ,, حمدين صباحى اسباب استبعاده 1- فكره ناصرى لن يلقى قبول الاسلاميين ولا اغلب الشارع المؤيد لهم وانا اتفق معهم 2- مدعوم باغلب الممثلين زى خالد يوسف وانا اعتبرها نقيصة 3- ايديولوجيته مختلفة مع فكر البرلمان وانا بدور على التقارب 4- احكامه متسرعة بالنسبة للسياسة الخارجية 5- القاعدة الشعبية اعتقد انها لن تؤهله وبالتالى الاصوات هتروح هباءا ,, الدكتور عبد المنعم ابو الفتوح المرشح اللى اختارته :):):) .. 1- برنامج انتخابى قوى وبه طموح وامال المصريين 2- مرشح اسلامى يتبنى مرجعية الازهر رمز الوسطية بدون افراط ولاتفريط ولااقصاء لاى احد جميع اطياف المجتمع تدعمه وليس له عداء مع اى مؤسسة وطنية وهذا هو الرجل الذى تحتاجه مصر 3- ثورجى ومن اول ايام الثورة وهو موجود بها ويدعمها وحتى لما كان طالب فى الثمانينات كان يدافع عن الحق الذى يراه تاريخ نضالى يفتخر به سواء فى الطب او فى الحياة السياسية بالاضاقة لشخصيته القوية وتقبله للاخرين وسعة اطلاعه والصفات الشخصية التى تجعله قائدا ورئيسا بحق 4- مرشح مستقل لاينتمى الى اى حزب او جماعة ولا لاحد سلطة عليه سوى الشعب وده ميزة فى المرشحين المستقلين يقول دائما اذا لم يوفق لى الله النجاح ساستمر فى مشروعى لنهضة مصر ولن اوقفه 5- دعمه حزب النور والدعوة السلفية وحزب الوسط واتحاد شباب الثورة وشباب كتير من الاخوان وحملة الدكتور البرادعى وحركة مصرنا واتحاد اقباط مصر وحتى من القيادات الحالية والمفصولة او المستقيلة من الاخوان زى كمال الهلباوى ومحمد حبيب ومختار نوح ومصطفى النجار وغيرهم وحركات كثيرة واغلب المسيحيين والليبراليين وده دليل على انه يعبر بالفعل عن اطياف المجتمع وده مانحتاجه وهذا هو الرجل المناسب 6- اتوقع فوزه ان شاء الله من القاعدة الشعبية للناخبين وتعالوا نحسبها.. عمرو موسى وشفيق اصواتهم هتبدد بعضها وممكن احدهم يدخل اعادة على اقصى تقدير واصواتهم هتحصر فى الفلول او المخدوعين فيهم او الفلوس تشتغل او بالتزوير او تزييف ارادة الناخبين .. الدكتور سليم العوا للاسباب السابقة اللى قولتها وكمان لانه محسوب على التيار الاسلامى واغلب ان لم يكن كل التيار يفاضل بين مرسى وابوالفتوح بالتالى لايوجد مكان يؤهله للفوزاو الاعادة حتى .. حمدين صباحى قاعدته الشعبيه هتتمثل فى اغلب الليبراليين والعلمانيين والممثلين ومن يويد فكره و نسب مختلفة من الشعب ولو جمعتهم كلهم على بعض مش هيصل للاعادة .. اما الدكتور ابو الفتوح اغلب التيار الاسلامى هيؤيده وده ظهر فى دعمه من جهات مختلفة وحتى الاخوان انفسهم اغلب الشباب هتدعمه اصبح انه واخد اغلب التيار السلفى وكثير من الاخوان الذى يرونه احق من مرسى وانه ظلم من الجماعة بالاضافة لكل الاخوان المستقيلين هتدعمه و ناس كتير من التيار الليبرالى مقتنعين به شخصيا وبوسطيته وهناك من يقول بان ترشيح ابو الفتوح افضل من مرسى وهو جاهز من مرسى بشهور وحتى لايضيع اصواتهم مع مرشح اخر ليس وفئات اخرى كبيرة وحتى الشباب الثورى يرون فيه امالهم وطموحاتهم وقطاعات عريضة اخرى دول المرشحين الاقرب والباقى خارج السباق ,, وربنا يولى الاصلح الموضوع بيعبر عن وجهة نظرى وربنا يولى الاصلح بانتظار وجهات النظر وكلى اذان صاغية :cool: |
بكرة فيه مناظرة للدكتور ابو الفتوح وعمرو موسى الساعة السابعة والنصف على قنوات دريم واون تى فى
,, |
احمد شفيق ..
اسباب استبعاده ,, 1- اكبر فل حاليا ومدعوم من اكبر بقايا النظام السابق واللهو الخفى اسباب مانحن فيه 2- كان رئيس وزراء يوم موقعة الجمل وكان مشغول بتوزيع البونبونى فى نفس اليوم :cool: 3- حسنى مبارك اللى الناس عملت ثورة عليه ونظامه اللى الفريق كان جزء منه هو مثل الفريق شفيق الاعلى يعنى تتخيل لما الناس تعمل ثورة على مثلك الاعلى ام تيجى انت:scared: وماتعرفش بقى قواضى مبارك والنظام هيعمل فيها ايه لو مسك الرئاسة 4- برنامج انتخابى خيالى 5- متهم فى قضايا فساد ايام ماكان فى الطيران 6- لاثورجى ولا عمره نزل الثورة بالتالى لم يشعر بالثورة ويمكن مش معترف بيها اصلا بالتالى لن يحقق اهدافها فى رايى 7- رجل له خلفية عسكرية واحنا كرهنا حكم العسكر عاوزين واحد من الشعب مدنى البرلمان المصرى وعلى رأسهم رئيسه وعصام سلطان يستحقون محاكمة عاجلة للغباء السياسى فمافعلوه بقانونهم التفصيل من توجيه التعاطف المارد لأحمد شفيق أحيانا أتخيل أن مافعلوه قد يكون فى قمة الغباء أو فى قمة الدهاء فهم يعلمون عاطفة الشعب الجارفة مع من يحارب حتى لو كان ليس على حق فلماذا يحدث كل هذا ؟؟؟؟؟؟؟؟؟؟؟؟؟؟؟؟ ربما ظن البعض أن باستبعاد شفيق فى هذا التوقيت سيحبط البعض ولايشاركوا فى الانتخابات ولايشارك سوى الإسلاميين ؟ ولكنهم هكذا يحلمون لأن الشعب سيخرج كله وينتقم من الفاعلين منهم لله برلمان الأزمات أبو الفتوح الذى تبرأ من أفعالهم ولذا نال تأييدنا للأسف سينوله أيضا بعض العصيان والانقلابات الشعب تخلص من الفلول فى هدوء تام فى الانتخابات البرلمانية فهل كان هناك قانون ! الأن وبعد كل هذه الألاعيب بالقوانين الخاصة والمريبة والتى تخدم اتجاه معين من مصلحة كل المصريين حل هذا البرلمان لاحول ولاقوة إلا بالله شكرا جزيلاأستاذ طاهر وربنا موجود ويولى من يصلح |
اقتباس:
1- المفروض شفيق واى فل ساعد وتستر على النظام السابق يتكسف على دمه :d 2- البرلمان اخطا عندما تاخر فى اصدار قانون العزل السياسى لم يصدر الا بعد ترشيح عمر سليمان !! وده خطا كبير بالنسبة لبرلمان نعتبره برلمان الثورة ,, 3- جزاكم الله خيرا استاذ رضا :078111rg3: |
اقتباس:
فأين هم الأن ؟ غرقانين فى الكسوف على دمهم لأن الشعب هو اللى عزلهم أما بعد هذه الزوبعة الغبية فالمكسوفين على دمهم والغير المكسوفين على دمهم هيتعاطفوا مع اللى مش مكسوف على دمه - إلا إذا خرج علينا دكانة البرلمان الخاصة بقانون تفصيل بكره الصبح بعزل كل اللى مش مكسوفين على دمهم والمتعاطفين معهم ومنعهم التصويت ! أحيانا بتجيلى توهمات بأن هذا اللى مش مكسوف على دمه هو المرشح التوافقى وخاصة لما يمارس من كان يصرخ من الاضطهاد فى الزمن الماضى ليكسب تعاطف الناس يمارس نفس الطريقة مع سليمان سابقا وشفيق حاليا ! صدقنى تحولت لدعاية مجانية للى مش مكسوف على دمه وارجع للاستطلاعات ربنا يستر من ألاعيب الأغبياء شكرا جزيلا |
الكلام منطقي جدا خصوصا فجزئية توقع الفائز من الكويسين لعدم تبديد الصوت وأنا ارى ان العوا والمرسي وابو الفتوح كويسين مبدئيا بس المتوقع واللي ليه شعبية أكبر أبو الفتوح ــــــــــــــــــــــــــــــــــــــــــــ بس انا سمعت ان ابو الفتوح قال انا مش مرشح اسلامي ومش متأكدة من المعلومة جزاك الله خيرا استاذ طاهر:) |
ابو الفتوح الجميل بيقدر اللى قتلوا السادات
يبقى يركن على جنب عشان مش طالباه |
اقتباس:
اى فل المفروض يتكسف على دمه الثورة قامت من اجلهم ,, وقطعت الرؤوس وبقوا هم يعيثون فى الارض الفساد ده شىء بديهى ثورة قامت لكى تاتى مرة اخرى بمن قامت لاجلهم !! اقتباس:
لا هو قال انى مرشح اسلامى وسطى مرجعيتى الازهر وافخر بهذا وقال انه مرشح وطنى ,, لكل المصريين يعنى المهم الفترة تعدى على خير لانها مش مستحملة اى شىء :friendsxs3: ومين عالم الدنيا هتحصل فيها ايه ,, كل يوم البلد فى اتجاه وممكن رايى يطلع غلط بس انا حاسس انى اخترت صح :) والاء التريكاوية هترشح ابو الفتوح معايا ياجدعان :d اقتباس:
اركن انته بقى ,, عشان هو صحح المعلومة ده :d هو قال ضد العنف واخذ الحقوق بالطرق اللى زيى ده وفى نفس الحلقة :blush: يعنى سمعت حاجة وماسمعتش التانية :d |
اقتباس:
مش عارف ازاى واحد يقول انه بيحترم قتلة ناقص كمان تقولى انه مقالش انه هيستعين بطنطاوى وكل شريف |
ابو الفتوح قال انا عاوز شاب يترشح ويكون عارف مشاكل مصر واللى فوق سن المعاش مينفعش يمسك مصر ده قبل ما يترشح طيب بتترشح ليه ياجدو ؟ هو مش سيادتك فوق الستين وبقيت معاش ؟ ولا المعاش بالنسبالك فوق التمانين
|
عبد المنعم ابو الفتوح بتدعمه الجماعة الاسلامية اللى شالت السلاح وقتلت الناس وهو سعى لدعمهم فطبيعى يقول انه بيقدرهم طبعا عشان الكراسى تعمل اكتر من كده
|
اقتباس:
يعنى لو انا قولت انى بحترمك ,, معنى كده انى متفق معاك فى الراى !! دائما بيقول بحترم اى حد وبتبقى الاختلافات فى وجهات النظر ,, يعنى ده دليل على الاحترام :) حتى مع المخطئين ;) اقتباس:
ان القيادات الكبيرة اللى قعدت فى الخدمة بتاعتها عشرات السنين المفرض تستريح ونطلع الشباب ونديهم فرصة لكن هو لم ياخذ فرصة فى اى مؤسسة لكى لايترشح ,, وعندك عمرو موسى عنده 6 7 يعنى اكبر منه ب17 سنة وتقريبا كل المرشحين كده لان السن القانونى للترشح هو سن 40 يعنى ده سن مناسب تماما :) اقتباس:
هتعرف ان الجماعة دلوقتى بقت اكثر من الليبراليين فى الليبرالية :028ja7: لانهم عملوا مراجعات فى افكارهم ونبذوا العنف تماما والمطلوب ناخذ على ايديهم ونساعدهم على ذلك :) |
اقتباس:
خير ان شاء الله ربنا يول الاصلح ويصلح حال البلد |
اقتباس:
|
مردتيش على حتة الاتسعانة بطنطاوى وانه شريف والكلام الحمصى ده
|
بالمرة كمان موقفه ايام مذبحة ماسبيرو بالمرة وتعليقه عليها
|
يا ميرو ابو الفتوح احسن الموجودين في وجهة نظري
ولو حضرتك شايفة غير كدا مش مشكلة كل واحد حر في رأيه |
اقتباس:
ابو الفتوح بيلعب على كل الاحبال ولو هو صادق يقولنا السلفيين اللى بيحرموا الديمقراطية وافكارهم معروفة اللى بتناقض ما يقوله هو او ما يدعيه هو ايدوه مقابل ايه لاسف انا لا اثق فى شخص ما زال يقول على نفسه انه اخوان واتعجب ممن يادوه وتجدهم يلعنون الاخوان ليل نهار |
طب من غير هاهاهاها عشان الكلام يبقى معقول
|
اسمع خالد على شاب جميل وهتحبه وهتثق فيه وتاريخه اد المرشحين كلهم والمستشار هشام البسطويسى ناس زى الفل وهتدعيلى
|
اقتباس:
نورك غطى على الكهربا والظلمة اللى فى التوبيك ياتريكاوية :):):022yb4: اقتباس:
وانا بتكلم على المناصب السياسية والقضائية زى المشير وغيره وليست المناصب زى الصحة والطب وكده والهندسة .. ده لايملك اى شىء فيها لان لها مؤسسات واعمال حرة بيتكلم على المناصب السياسية ,, اقتباس:
|
اقتباس:
|
اقتباس:
|
نخلى الليلة بقى على ابو الفتوح
ايه رايك فى موقفه فى التعديلات الدستورية والموافقة عليها بنعم فى موقف لا يدل الا على قصر النظر وعدم وضوح اى رؤية لديه على الاطلاق وتدل على قصوره السياسى انا ممكن اعملك مواضيع على التعديلات وان نعم مبهدلانا الى الان خاصة بعد صدور حكم القضاء الادارى بوقف الانتخابات اللى هتم يوم الجمعة مع تصويت المصريين ومن ثم هيعرض الانتخابات للبطلان |
ايه رايك ياباشا فى كلامه امبارح حاجة زى الفل
الجماعة الاسلامية اخوة كراما وايه رايك فى موضوع كشف العذرية كما اشيع ؟!!!!!!!!!!!!!!وكمان رايك فى موقفه من حرية العقيدة |
اقتباس:
طيب مش يمكن احنا اللي فاهميين السلفيين غلط على فكرة انا باسأل بجد ؟؟؟؟؟ |
اقتباس:
|
جزاك الله خيرا على مبادرتك الطيبة على النبذة المختصرة المفيدة عن مرشحى الرئاسة
وان شاااااااااااااااااااااااء الله فاتحوووووووووووووون ابو الفتوح نرى فيه الخير وندعوا الله أن يولى الصالح |
اقتباس:
طيب ممكن تديني امثلة ؟؟؟ وايه هيا الديمقراطية الحميدة من وجهة نظرك اللي نتمسك بيها ؟؟؟ |
اقتباس:
اسمع فيديوهات السلفيين الديمقراطية كفر وحرام والاخطر من هذا انه لاوجود لتداول سلمى للسلطة فى الاسلام دى كلمة لوحدها مصيبة سودة اصلا يعنى اللى يحكم مش هيسيب الحكم هيخلل فيه يعنى كل التيارت الاسلامية لاتؤمن بالديمقراطية واللى بيتكلم ويقعد يفتى ويتريق على الديمقراطية مالوش الا رد واحد ان مفيش نظام قال على نفسه اسلامى الا وهو نظام قمعى رامى شعبه فى السجون والامثلة عديدة يعنى |
احلى حاجة فى مؤيدى ابو الفتوح انك تسالهم على نقطة الراجل قالها وتبقى نقطة ضعف لاتجد ردا
هكذا نصنع الفراعين |
اقتباس:
انا بصراحة ماسمعتش ليهم فيديوهات بتتكلم عن تكفير اي حد ولا اي حاجة الا اذا كنت بتتكلم عن جماعات التكفير ودول مايحسبوش على السلفيين وواضح من كلام حضرتك انك بتتكلم عن الديمقراطية السياسية ولكن اللي اعرفه ان حتى فكرة البيعة والائتمار بامام دى مش موجودة اصلا عند السلفيين فيما بينهم فازاي هيطالبو بيها في المرشح الرئاسي معلش انا ضد اقصاء فصيل لمجرد سوء فهم مننا لمناهجه وده مش دفاع عن حد يعنى كل جماعة او حزب ليه اجتهاداته والفكرة اننا نشوف رئيس يقرب الافكار من بعضها لاننا اكيد عند السلفيين حاجة محتاجين المجتمع يستفاد منها وكذلك عند الاخوان وكذلك عند الليبراليين وعند النصارى انما الاقصاء لمجرد سوء الفهم هيدمر المجتمع |
اقتباس:
|
اقتباس:
واضح ان حضرتك مسيحية كلنا شركاء فى الوطن :) هو رد وقال من اخطا يعاقب بس واضح انك واخدة موقف مسبق بالعداء اقتباس:
والاهم انهم مالهومش فرصة للفوز انا سمعت الجميع واخترت ابو الفتوح الافضل :) اقتباس:
اقتباس:
ورده على كل مااثيرتى بعد الاستدراك كان من يخطا يعاقب حرية العقيدة ,, زى ماقال بالظبط للانسان الحرية فيما يعتقده ولكن من وجهة نظرنا كمسلمين يجب ان نعرفه خطاه وبعد كده يعتقد مايشاء :) اقتباس:
الديمقراطية والحرية جاءت من الاسلام قبل ان تظهر بقرون فى اوربا الشورى يا افندم ( وامرهم شورى بينهم ) تحياتى لحضرتك :078111rg3: |
اقتباس:
فاااااااتحووووووون :022yb4: شكرا لمرورك ;) |
اقتباس:
اما بخصوص نعم . فساعتها المجلس العسكرى كان قايل ان السلطة هتتسلم فى 6 اشهر فنعم كانت هتخلص على طول . لا كنت هتعد تكتب الدستور ثم استفتاء ولو جه لا هيعدلو وبعدين لسه كان هيبقى فيه انتخابات مجلسي الشعب و الشورى و الرئاسة و موواويل وهى مش ناقصة انا حبيت اعلق بس لانى ملقيتش حد علق عليه (انا مش بدعم ابو الفتوح ) |
يا ريت النقد يكون بناء مع طرح الحلول مش مجرد تشويه (اخ صغير ليكو)
|
اليوم ابو الفتوح على قناة سى بى سى وبكرة ايضا
فى مصر تنتخب الرئيس الساعة 9 مساءا |
اقتباس:
مش هرد على نقطة مسيحية دى لانها لا تستحق الرد لان عيب اوى حضرتك تقول على احد مسحيى لمجرد انه بيطالب بحقوق ناس قتلت عمدا |
اقتباس:
نعم كانت انتخابات برلمان ثم رئاسة ثم دستور ثم حل البرلمان وانتخابات برلمانية ثم رئاسية وعشان تاخد بالك من الورظة اللى احنا فيها بسبب نعم المادة 28 مثلا دى مصيبة لوحدها لكن فيه مصيبة اكبر دلوقتى انت قلت نعم فده معناها برلمان ثم رئاسة ثم ما احنا ماشيين صح؟ دلوقتى حضرتك جبت رئيس ومفيش دستور زى نعم ما بتقول وبالتالى هيدخل فى الجمعية التاسيسية وهيضغط على البرلمان يجيب اللى هو عاوزهم فى الجمعية والا هيحل البرلمان عن طريق المحكمة الدستورية وبالتالى هيفرض رايه وهيعوز دستور تفصيل والسلطة حلوة عرفت نعم مصيبة سودة ليه |
نقطة تانية فى نعم هو المفروض راجل سياسى يعنى لا يقبل ابدا الانحراف التشريعى التفصيل القوانين يعنى وده حصل فى شروط رئيس الجمهورية اصلا لما حطوا حتةا ل***ية وكمان ***ية الزوجة عن قصد لاستبعاد ناس معينة ده اسمه تفصيل كان يجب ان يرفضه
|
اقتباس:
لكن انا عارف دينى كويس جدا واعرف الفقه اكثر من حضرتك ,, وقولتلك الاسلام هو من اسس الحرية منذ فجر التاريخ وهو من اسس الشورى والديقراطية الاسلام حرر الناس من عبادة البشر والاصنام لعبادة الله الواحد الاحد عقائديا وحررهعم من خدمة البشر اجتماعيا عندما كان سيدنا ابو بكر يعتق العبيد والاماء لوجه الله وهو الذى اسس المواطنة بوثيقى الرسول (ص) لنصارى نجران والعهدة العمرية لاهل ايلياء اقراى التاريخ ياافندم لولا عظمة الاسلام وفتح مصر لكان انتهت اقباط مصر على يد الرومان فجاء وعشنا جنب الى جنب فكنتم تدفعون الجزية ونحن ندفع الزكاة من اجل حماية الدولة لمصالحنا لنا ولكم وهذا منتهى المساواة |
اقتباس:
اقرا التاريخ الاسلامى بس الاول وانت هتشوف فضايح احنا بس اللى بنسكت عليها الدولة الاسلامية اصلا مفيهاش الا 30 سنة كويسين والباقى ظلم وعنصرية |
يعنى انا اتكلمت على الفقه السياسى الاسلامى ومازالت متمسك به وهظل متمسك ان انتخاجنا فى الفقه السياسى حاجة تكسف
كل المبادىء اللى مبنيه عليها الديمقراطية اصلا اتت من الغرب حضرتك قلت ان الاسلام دين الحرية وده حقيقى لكن ده اللى بيفهموا الدين فهم حقيقى ارجع شوف كمية الاراء والفكر الضحل فى السياسة الذى ما زال الى الان مستمر واقرا الفتاوى المستمرة انا مش عاوز اتكلم اكتر من كده لانى كل لما بفتكر ده قلبى بيوجعنى |
هو سؤال مثلا ممكن نبدا بيه عشان ابينلك اننا فى الطراوة
هل انت مؤمن ان الاسلامى ينادى بحرية العقيدة بشكل مطلق ام لا ؟ هل من حق الانسان انه يكتب فى البطاقة بتاعته انه لايدين بدين ام لا ؟ ايه رايك فى الموضوع ده ؟ وياريت لو تقارنى ده براى التيارات الاسلامية القائمة |
اقتباس:
اقتباس:
اقتباس:
ههههههههههههه واضح انك دمك خفيف :d اوربا فى العصور الوسطى كان بيحكمها الكنيسة والحكم البابوى والحملات الصليبية لماجت هنا فى بلاد التقدم الاسلامى اخذوا منا العلوم والحريات فكان عصر النهضة الاوربية واضح انك ابيض فى التاريخ خالص بعد كده ثار االاوربيين على حكم الكنيسة والحكم الالهى الكهنوتى فجعلوا الدين فى الكنيسة فقط لذلك لامقارنة بين الاسلام الذى اسس ماذكرته لكى فوق من حرية وشورى وتحرير للعبيد وبين الكنيسة التى رسخت الاستبداد ,, لذلك ظهر الالحاد والافكار التى تقصى الدين بناتج افعال الكنيسة قبل كده اوربا كانت متخلفة لاتعرف شيئا |
اقتباس:
ياسيدى ما علاقة النهضة والتقدم بالحرية والعدل والديمقراطية ؟ انظر الى سنغافورة وروسيا تحقق نسب نمو من اعلى النسب فى العالم وهم دول ديكتاتورية بكل معنى الكلمة ايه علاقة اللى حضرتك بتقوله باللى انا بقوله ؟ ايه علاقة الفقة السياسى الاسلامى والعنصرية و الظلم والجبرية باللى حضرتك بتقوله ؟ |
حكم الكنسية فى الغرب انتهى بالعلمانية وازاحته وللاسف الحكم ده بتكرر فى مصر الان وفى الدول العربية لكن مصيره الى زوال
|
اقتباس:
هو الذى اسس الحريات ده والدول ده ,, ماهى الحرية اللى بتشوفيها صح ؟؟ الحرية التى اعتقدها وادين بها لله تحت دينى لايمكن ان اعتدى على اساسى الدينى من اجل الحرية ,, طالما انا تحت دينى فانا فى كامل حريتى :) وده ماكفله لى الاسلام من حرية |
اقتباس:
الاسلام ليس به كهنووووووووووووووووووووت ياافندم |
| جميع الأوقات بتوقيت GMT +2. الساعة الآن 12:30 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.