|
هل ممكن تخسر صاحبك؟؟ :o
السلام عليكم :) ايه الاخبار؟ :) يارب تكونوا بخير ^_^ انا بصراحة مدايقة اوى النهاردة :( وعايزة افضفض معاكوا لانكوا ادى واكيد هنكون فاهمين بعض كنت عايزة اسألكوا هى المذاكرة والتفوق ممكن يخلوا صاحبك يخسرك؟؟!!! زمان كنت اقول لآ طبعــــــــــــــــآ لكن دلوقتى بقيت اقول آهــــــــ :( انا كنت مصاحبة واحدة من وانا ف اولى ثانوى بس اكتشفت انها بتحاول تتحدانى ف المذاكرة والتفوق بس انا مش كنت بحط ده ف اعتبارى خالص لدرجة انها مره جابت اكتر منى ف الترم الاول ف اولى ثانوى قعدت تتكبر عليا او تعايرنى بمعنى اصح :( اكيد زعلت منها بس مش اوى وجيت الترم التانى جبت اكتر منها وهى كانت مدايقة منى اوى وكرهتنى جدا :( وجيت ف تانيه ثانوى بدأت تقولى مش بذاكر خالص وكانت بتضحك عليا بس هى شاطرة اوى ف التمثيل او التأثير لانى مش كنت بصدقها بس كلامها كان بيأثر عليا :( وجاتنى قبل الامتحانات ف يوم وقعدت تقولى انتى هتعدى وانا مش هجيب مجموع لانى مش مذاكرة وقالتلى كلام كتير لدرجة انى اتعصبت اوى وسبت المذاكره خالص واتوترت ولما جبت اكتر منها ف تانيه كرهتنى اكتر وبقيت تبصلى بحقد لدرجة ان ناس كتير لاحظت عليها كده وحذرونى منها انا حاليا قاطعة علاقتى بيها نهائيا ومش بكلمها كتير زى زمان بس النهاردة كنا ف درس وكنت بجاوب مع المستر وهى مش كانت بتجاوب ( كنوع من الخباثة يعنى دارى ع شمعتك تقيد ) قعدت تبصلى برضه وهى متغاظة وكنت المفروض اصور منها ورق قعدت تتشرط عليا وتقولى لآ مش هصور ف المكتبه دى ومش عارفة سابتها ومشيت وانا مدايقة اوى لغاية دلوقتى :slap1qk6: انا عايزة اعرف هى بتعمل معايا ليه كده؟ هى مش تهمنى خالص ع فكرة بس انا من حقى ادايق لما الاقى حد بيكرهنى عشان المذاكرة؟ مخنوقة جدا مش بحب حد يكرهنى عشان السبب ده :( عايزة اعرف رأيكم؟ ياترى انا مكبرة الموضوع؟ :mad: معلش انى طولت عليكوا بس كنت عايزة افضفض مش اكتر :bosyht9: |
اقتباس:
يعنى فعل ماضى بمعنى ان خلاص الفات فات ابتدى من دلوقتى سيبك من كلام الناس و حقد الناس فى مقوله جميله جدا بتقول ثق الذى يطعنك فى الخلف فثق انك فى المقدمه بمعنى عشان انتى شاطره بيغيروا منك و الصحوبيه مش انا اشطر من حد بالعكس الصحوبيه انى اشجع صاحبى مش اقهر و اتلائم عليه انا يعتبر حصلى زيك كان ليا واحد صحبى عشره بجد سنين مش سنه لا سنين من ابتدائى و فجاه فى ثانوى اتغير كتير جدا فخلاص السيبك سيبه مش خصام بس عشان ميكونش فى خلافات و انتبهى لنفسك و سيبك من صاحبتى خانتنى لاتبكى على من باعك بل اجعله يبكى على ضياعك و فرضا اتحسنت و بقت عاديه معاكى كونتى انتى معاها حلوه فى كلا الحالات و متخاصميش حد مهما كان السبب و مهما كانت الضغوط اتمنى اكون افدتك |
انا عندى فكرة حلوة ممكن تعملى اية تخليكى بااااردة يعنى تروحى وتكلميها عادى خالص كأنها هى الى اشطر منك وتلزقلها
وكانكو احسن اتنين مهما كان حصل بينكو هى ساعتها هتحس انك بتحبيها اكتر ومش عاملة فرق فا هتتكسف عل دمها ومش هتكرهك وربنا معاكى ^_^ |
متزعليش ياحبيبة قلبى خالص بس حاولى تتعلمى من اللى فات وانا حصلى حاجات من دى كتيييييير بس كنت دايما بدعلهم حتى واحنا مبنكلمش بعض وعمرى مكرهتهم وانا بردو معرفش ان كانو بيكرهونى ولا لا بس الناس كانو بيقعدو يحذروووووونى كتيييير جدا وانا اقول مش ممكن فلانة دى (اللى هى كانت صاحبتى الانتيم) تعمل كدة دى صاحبتى من اولى ابتدائى ياجماعة وفى الاخر للاسف كسفتنى وهما طلعو صح وانا اللى غلط ولحد دلوقتى بقول ربنا يوفقها
|
الحل هو
يا اما تسبيها وتفكك منها خالص
او تبلغى عنها او ليك عدو يا تهرب منه يا تخلص منه |
انا اقرب صاحب ليا للاسف مكنش بيشجعني للمذاكرة كنت بحس طول الوقت ولحد دلوقتي انه بيضايق اما بجاوب صح او ببقا مذاكر بس انا بحاول اساعده وافهمه اللي مش فاهمه رغم اني عارف اللي جواه من نحيتي :(
|
[size="5"]هى بتعمل كده لأنها إنسانه حقوده ومش كويسه
ف عادى م تحاوليش تختلطى بيها كتير بس م تخسرهاش بصى الكلمه م تخسرهاش لأن أنا تعلمت زمان ... أوعى تخسر إنس[ان مهما كان وحش ... ممكن ييجى عليك يوم وتحتاجله كبرى منها لغايه الإمتحانات والنتيجه وم تحاوليش تخطلتى بيها الفتره الجايه لأنها ح تبوظلك أعصابك بجد ربنا يعينك ي رب بالتوفيق ي طلبه :):):)/size] |
ربنا يهدى كل الصحاااااااب :(
|
والله المشكلة دى حصلت معايا بالضبط بكل كلمة قولتيها
وبجد كان كل يوم تحصل مشكلة وارجع مخنوقة ومتعصبة منها جدا لحد ما فى يوم كنا فى الدرس واتخانقت مع واحدة تانى وانا موقفتش معاها راحت اضايقت رحت انا خاصمتها ومن تالتة اعدادى لحد دلوقتى مش بنكلم بعض والتحدى ما بينا شغال وسبحان الله انا لو حكيت الى بتعملة هتقولوا دى مش انسانة احسن حاجة انك متخليهاش تاثر عليكى بمعنى انك تاخدى دا دافع انك تذاكرى كويس علشان تتفوقى عليها وربنا يهدى الناس كلها |
اقتباس:
ميرسى كتير ع كلامك وفعلا اللى يبيعك بيعه كومنتك اسعدنى :) |
اقتباس:
هكون عاديه معاها جدا بس مش هكلمها غير لما تكلمنى عشان مش تتخطى حدودها معايا مرة تانيه ربنا يهديها ويهدينى ميرسى ع كومنتك :) |
اقتباس:
ربنا يخليكى يا سكرتى انتى اللى مش تزعلى يا حبيبتى اللى يعمل كده المفروض مش تزعلى اعرف صاحبك وعلّم عليه ( مثل تمام ) المشكله ان الواحد بيصعب عليه نفسه مش اكتر كومنتك اسعدنى يا قمرى :* |
اقتباس:
ابلّغ عنها ازاى؟؟؟ :D مش فاهمة!!! O.o ميرسي ع الكومنت :) |
نفس اللى حصل معايا
هى مستواها اقل منى وكانت دايما تقولى نجيب مجموع زى بعض وندخل جامعه واحده وانا كنت بكيسها بقولها اه ان شاء الله وفى الاخر جبت انا 92.2 وهى 80.7 اتخانقنا واتخاصمنا وسيبنا بعض وبصراحه طلعت غلاويه جداااا اصلا مش كنت بشوفها غير فى درس الرياضه بس وعلشان مجموعها قليل لبسته فيا قدام اهلها تقولهم دى ضحى كانت منيمانى جنبها كانت تفضل تقولى مش بذاكر مع انى مقلتهاش كده غير الايام اللى هى ما بين الامتحانات دى الناس يا دوووب تروح المراجعه وترجع متذاكرش تتصل بيا وتعيطلى وافضل اقلها ما انا كمان مذاكرتش واقلها سيبيها على ربنا بس انا كنت بذاكر طووول السنه مش معقول يعنى ربنا هيساويها بيا عالم منفسنه اوووى انتى شيلى دماغك من البنت دى وخليكى فى مذاكرتك وشدى حيلك وانتى هتبقى تمام وسيبيها مع نفسهاااااااااا هو الفرق بينكوا جامد انتى جبتى كام وهى جابت كااام |
اقتباس:
ده بيدل ع طيبتك وربنا ربنا يهديه :) ميرسي ع كومنتك |
اقتباس:
فعلا يا خالد ده اللى هعمله انى مش هختلط بيها خالص الايام دى انا مش ناقصة احباط :( ميرسي ع كومنتك :) |
اقتباس:
اللهم آمييييين ياااااااارب العالميييييين ميرسي ع كومنتك :) |
اقتباس:
انا مش مصاحباها زى زمان بس مش عارفة ليه خباثتها بتأثر عليا وبتعصبنى :( ربنا يكرمك يا سكرتى منورة التوبيك وربنا ♥ |
اقتباس:
ياربنا ده انا مش وحدى اللى شايله الهم ده تخاصمك عشان جبتى اكتر منها !!!! :mad: ربنا يهدينا جميعا :) انا الحمدلله جبت 99.8% وهى جابت 98.3% يعتبر مفيش فرق اساسا ميرسي ع كومنتك يا جميل :) |
اقتباس:
فا اتخاصمنا من ساعه ما النتيجه طلعت ده انا يوم النتيجه كنت مسافره اتصلت بيها اربع مرات اعرف عملت ايه وهى ولا كلمتنى علشان متغاظه منى مع ان مجموعى عادى يعنى بس بانت على حقيقتها وطلعت عليا كلااام قد كده وطلعت اسرار ليا كماااان ندمت والله انى صاحبتها اكبر غلطه فى عمرى الناس كلها كانوا يقولولى ابعدى عنها وانا اقولهم لا دى ملهاش صحاب وانا صحبتها الوحيده بس متمرش فيها وكانت عماله تنقل لصحابى الانتيم كلام انى قولته عليهم وانا مقلتوش بس مش صدقوها وقاطعوها هما كمان ربنا يهديها يارب ويشفيها وخدى حذرك من صاحبتك مع انك مش اعلى منها بكتيير يعنى تحمد ربنا |
اقتباس:
يا بنتى كبرى دماغك كله بيبان ع حقيقته بعد كده الحاجة الوحيدة اللى بتزعلنى ان بتصعب عليانفسى ومش بحب حد يكرهنى بسبب الموضوع ده ربنا يهديها ويهدى صاحبتك ويهدينا كلناااااااااا انا بحمد ربنا دايما وربنا ع المجموع ده منورة التوبيك يا قمر |
اقتباس:
بس دى لو كانت عرفت غلطها ورجعتلى كنت صالحتها انما هى مستمره فى الكلام عليا بس ما انا فكتها خالص شدى حيلك وربنا معانا كلنا السنه دى يارب |
اقتباس:
احلى حاجة انك تفكى فعلا وتحققى اهدافك وتسيبك من الناس اللى تقف ف وش نجاحك ربنا معانا كلنا ونخلّص الثانوية ع خير ان شاء الله :) |
انا بداية من شهر مايز انا موبايلى مقفوووووووووووووول نهائى واخر شهر هفتحه تانى واتصل هيكون خلاص بقى اللى ذاكر ذاكر واللى عمل عمل واكيد مفيش حد مبيذاكرش ليلة الامتحان
انا فى منافسة شرررررررررررررررررسة مع ناس كتير انا اتوضعت فيها غصب عنى بس ادعولى بقى ارفع راس اهلى ادام الناس ده على راى اعلان عمرو موسى (((احنا قد التحدى))) |
اقتباس:
|
اقتباس:
برافو يا كينج انتا عملت الصح وربنا :022yb4: طيب تصور صاحبتى دى قالتلى ليلة امتحان العربى انها لسه مش ذاكرت الادب :o ربنا معاك يارب ف المنافسة ومعايا كمان لانى ف منافسه ويارب نرفع راس اهلنا لانهم اهم حاجة وربنا :) |
اقتباس:
عندك حق ف كل كلمة ميرسى ع كومنتك |
| جميع الأوقات بتوقيت GMT +2. الساعة الآن 05:49 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.