|
.:|| فزوره للي بيفهم بس ||:. حاجة خفيفه بقلم / احمد رضا
جاءنا النبأ التالي قرر الرئيس / عباس عباس عباس الغاء نظام الديكاتوريه .. وإعلان الديموقراطيه .. وبيقول اللي هيفكر يتكلم يتكلم عادي .. ومش هنعمله حاجة .. وصوته هيتسمع ويتنفذله كل حاجة .. واللي هيسكت عن حقه هيكسر دماغه وهيشرد اهله وابقي قابلني لو نام في بيتهم سليم او ينام في بيتهم اصلا .. كل ده عشان سكت عن حقه ومقالش للريس الديموقراطي ده .. و الريس بيحكي ويقول عن مواطن كان قال الحق وراح عمل بلاغ عشان واحد من الناس الكبار والظالمين حاولوا يرشوه .. طبعا ياخد حقه و اتشال علي كفوف الراحه ومحدش قربله في القسم، بس كان فيه حرامي حاول يسرقه ومسكوه و اخد علي قفاه و اتضرب و اتبهدل و اتمسح بكرامته الأرض .. مهو ده جزاه اللي يعمل كدا في البلد دي . **** البلد دي خلاص يارجاله .. الريس عمل كل حاجة .. كل ما نتخيله .. يعني ولا في اي ظلم ولا استبداد ولا كوسه ولا فيه اي حاجة .. البلد زي الفل يا اخوانا .. لان كل الناس بيتوفرلها معاشات او حوافز او مرتبات مرتفعه أو علاج مجانا او تعليم مجانا كل حاجه يااخوانا .. خلاص *** وبالنسبه لرغيف العيش من اليوم ده ورايح هتلاقوا الرغيف بقي كبييييييير جدا ويكفي ميت فرد وبخمسه ساغ بس ومش هيبقي اصغر واصغر وميكفيش نمله حتي ... واللي هيتكلم بعد كدا طبعا هيتسمعله بردو ونعرف رأيه عشان البلد خلاص بقت كلها ديموقراطيه ومش ومحدش هيتقبض عليه ويعتقلوه ويتبهدل طول حياته وتبقي امه داعيه عليه زي ما كان بيحصل في النظام الاولاني الوحش -- ملحوظة مفتاح القراءة الصحيحه للبيان الأسود لون .. لا يكذب والاحمر كَذب ولو صَدَق َ فلتقرأ اسود .. ولا تقرأ احمر.. فالصدق فيه احترق انزع منها الاحمر فورا ً واقرا الأسود فقد صدق بقلم / احمد رضا |
هههههههههههه
تسلم ايدك يا احمد بجد رائعه ماشاء الله |
اقتباس:
هههههههههههههههههه لا حول ولا قوة إلا بالله أنا بقيت بقرا وأنا مش فاهمه لحد مشفت المفتاح فهمت الموضوع بجد دا حالنا ويمكن أسوء كمان احتمال بكره نلاقى رغيف العيش دا بيدرس فى المدراس هينقرض زى الديناصورات صدقونى والله محد فاهم حاجة |
ما شاء الله موضوع جميل
بس دوختنا شوية وجزاكم الله خيرا وربنا يسترنا فوق الارض وتحت الارض ويوم العرض عليه |
ههههههههه
جميلة اوي يابو حميد ربنا يبارك فيك |
اقتباس:
ويارب تكون عجبتك منوراني والله :) |
اقتباس:
انتي هتفضحينا قولنا اقريها في دماغك مش لازم تشيلي الاحمر يعني ههههههههه ماشي يا حنان وفعلا الرغيف هينقرض وهنلجأ لتهجينه بعد كدا :D منوراني يا حنان :) |
اقتباس:
مهو لازم الواحد يدوخ شوية هو بالساهل جزانا واياك يا طامع اللهم آمين نورتني :) |
اقتباس:
هههههههههه حبيبي ازيك تعرف اني كنت حاسس انك داخل والله قلب الام بقي :D هههههههه نورتني يا بلال :) |
mr.mahmoud
لاتعليق no comment
|
الله الله جميلة جدااا
ما شاء الله ...ربنا يزيد موهبتك جزاك الله خيراا |
طيب واللي مبيفهمش يا احمد زي حالاتي كدة يعمل ايه :D :D :D
ميردش يعني ولا ايه ولا على رايك الواحد يخاف يرد ليبقى باللون الاسود خلينا منردش احسن وكمان هخليلك ردي كله احمر :p :p :p |
ههههههههههههههههههه
روعة بجد تسلم ايدك |
تسلم ايدك يا احمد
بجد دي الحقيقه المؤلمه ربنا يارب ييسر الامور ويارب يبارك فيك ويحميك واخر مره هقولك خد بالك علي نفسك وابقي اديني خبر اجهز العيش والحلاوه |
جميلة يا احمد مية مية :)
|
على فكره حضرتك كل مواضيعك متفاااااااااااائله جدا
انا بصراحه جالى احباط بجد طيب اعمل نفسك مش واخد بالك لازم تفكرنا بالهم يعنى بس جميله جدا جدا ربنا يخليلك قلمك اللى مابيكدبش ابدا |
كالعاده متميز يا احمد في كتاباتك واحلى حاجة بجد الواقعيه اللي فيه هي دي مصر وطالما مصر يبئا لازم نكتب دايما باللون الاحمر يلا الحمد لله بس ما شاء الله والى الامام دايما ;) |
اقتباس:
انا قولت الاحمر كداب والاسود صادق الابيض ده بقي ايه مش عاجبه الكلام :rolleyes: منورني يا استاذ محمود :) |
اقتباس:
ربنا يخليكي يا نيره جزانا الله واياكي يانيره بجد مرورك بيسعدني نورتيني :) |
اقتباس:
اه يا باشمهندس بقي كدا يعني ههههههههههههه ماشي يازيزو منورني ياحبيب قلبي والله وكاتب حبيب قلبي بالاسود مش بالأحمر ;) |
اقتباس:
ماشي يابندق الحمد لله انها عجبتك منورني :) |
اقتباس:
انتي شكلك مهتمه باني اتسجن يا هيام علي فكرة لو رحت مش هروح لوحدي من اول قلم هعترف علي كل اللي ردوا دول :p هههههههه والله بجد نورتيني :) |
اقتباس:
هي حاجة خفيفه كدا ياباشا مش تبع الشعر والنثر بتاعنا ;) نورتني ياحبيب قلبي :) |
اقتباس:
احمر بردو ههههههههه ربنا يخليكي يارب ويارب قلمي يفضل صادق كدا علي طول ويارب دايما اشوفك في موضوعاتي ياتمر حنه :) نورتيني |
اقتباس:
عندك حق يا همسه ربنا يخليكي يارب بجد مرورك اسعدني نورتيني والله :) |
شكرا يا محمد علي نقلك للموضوع تاني
:) حبيبي والله |
| جميع الأوقات بتوقيت GMT +2. الساعة الآن 10:11 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.