|
منطقة المنصورة وضم المدة؟؟؟؟؟؟؟؟؟
قمت اليوم بالذهاب الى منطقة المنصورة لتقديم اوراقى للمرة الثانية بشأن موضوع ضم المدة وجدت خارج المكتب (العلاوات)عدد كبير من المعلمين والمعلمات ورأيت رئيس قسم العلاوات مشكورا يقوم بأخذالملفات من ع الباب ويقوم بادخالها الى الاستاذ (مصدق) وانتظرنا لمدة ساعة كاملة على ان يقوم الحاج مصدق بالنداء على اى اسم من الاسماء الموجودة امامه فلم يحدث ذلك مما أدى الى دخول المعلمين والمعلمات الى داخل الحجرة طبعاالحاج مصدق حس ان الهواء بقى مش موجود فى الغرفة وان الزحمة خنقته فراح سايب المكتب وخارج قعد ساعة بره ورجع ومعاه كوب من الشاى اقنعته انا وزميل لى بالدخول وان اقوم انا وزميلى بالنداء على الاسماء بالترتيب طبعا بعض المدرسين والمدرسات كان عندهم حالة من اللامبالاة ومرديوش يخرجو المهم جينا على الملف بتاعى وكان فيه غلط فى تاريخ العقود طبعا الغلطه دى من المنطقة ومن الادارى اللى كان راح يختم العقد ايامها رحت اشوف حل للخطأ ده رجعت لقيت الحاج مصدق راح يصلى ولحد الان لسه مجاش.................................
وطبعا %99 من الموجودين رجعوا بدون تقديم ورق واستنى بقى دورك على الاسبوع القادم |
وليه مرحتش تشتكيه لوكيل الوزارة زاده الله تواضعا؟!!!!!!!!!!!!!!!!!!!!!!!!!!!
|
ابقى فوت علينا بكره ياسيد هى دى البرقراطيه والتزمت من الشعب المصرى لو معملش كده مش مصرى
النيل رواه والبرسيم جواه هى دى مصر ياعبله |
يوم اسود اللى بروح فيه المنطقة
معظم المناطق كدة يا استاذ احمد والحل مفيش حل الازهر مش هيتغير |
بالفعل
ما يحدث لمعلمى الأزهر حرااااام |
فعلا والله كل المعلمين بيعانوا من موظفين المناطق بل المعاهد بيعاملونا على اساس ان احنا شحاتين ودايما بيتعمدوا اهانه المعلم لكن اتفرج بقى لما يكون ادارى زيهم تلاقى بالهم طويل ويتعاملوا مع بعض بالحسنى لنا الله
|
اقتباس:
رحت طبعا من زهقى كتبت اسمك انت منور الموضوع مستر هيثم ومبروك المرتب الكامل.............. |
ياريت نفكر نعمل شى نعمل شكوه جماعية نحدد يوم نروح كلنا لوكيل الوزارة نعترض بشده على طريقة التعامل حد معااااااااااااااااااية؟؟؟؟؟؟؟؟؟؟؟؟؟؟؟؟؟؟؟؟؟؟
|
أكمل بقى لحضراتكم الحاجه المفيده فى الموضوع علشان محدش فيكم بعد كدا يتعطل؟؟؟؟؟؟؟
1/وجود جميع العقود مرتبة بالسنين يعنى لازم عقد 2007 مثلا/2008/2009/2010 ولو فى عقدين موجودين بتاريخ سنه واحدة تغيرهم وتختمهم صورة طبق الاصل من المعهد وبالنسبة للجماعه اللى عقدهم بادىْ من 2008 وليهم 3 عقود بس يروحوا للتعيينات ويعدلوها تحت مسئولية المعهد لان المفروض 4 عقود 2/صورة طبق الاصل من جواب التنسيق 3/صور القرار اول وتانى صفحة والصفحة اللى فيها اسمك والصفحة اللى جت بعد المراجعه فى مصر وفيها اسمك 4/طلب مقدم الى وكيل الوزارة والافضل يكون فى مساحة تحت للامضاءات لان الادارى بيرجع اللى طلبه ورقته قصيرة طبعا مختوم من المعهد 5/بالنسبة للجماعه الى دخلوالجيش لازم نموذج51 س من المنطقة العسكرية 6/للاناث شهادة خدمه عامة قبل الذهاب للعلاوات تكتب على كل ورقة من دول يعتمد على مسئولية المعهد ويطلع ع الحاج نعيم يعتمدها وبعد كدا ينزل تحت يختمها بختم الشعار يتم تدبيس القرار اول وتانى صفحة مع الصفحتين اللى فيهم اسمك على يمين الدوسيه والباقى تدبسه على الشمال وطبعا يكتب البيانات كلها على الدوسيه من بره والاختام تكون واضحة لانه رجع ناس كتير بسبب الاختام |
اقتباس:
سؤال للترفيه مين سيد ومين عبله؟؟؟؟؟؟؟؟ |
اقتباس:
|
اقتباس:
|
اقتباس:
بس تلاقى عدد يتطلع معاك او يعمل شكوى؟؟؟؟؟؟؟؟؟؟؟؟؟؟؟؟؟؟؟؟؟؟؟ صعبة جدا |
اقتباس:
|
لان الادارى بيرجع اللى طلبه ورقته قصيرة والله حاجه تكسف |
اقتباس:
|
اللة المستعان
|
ده استهزاء بالمعلم
خصوصا الاستاذ مصدق |
انا رحت المنطقة وانا مجهز كل اوراقى وتمام وبعد أما البيه مصدق راجع اوراقى ولقاه سليم رجع الدوسويه ليه وقال انا مش فاضى استلم اى ملفات دلوقتى
شفتم المسخرة |
هل فى طلب للذمة المالية او ورق تانى غير
صور العقود والطلب وصورة جواب التنسيق؟ |
بصراحة يا جماعة المفروض كانت اتعملت ورقة واحدة فقط هي بيان حالة وظيفية من اول يوم مباشرة حتي تاريخة وتختم من كل المعاهد التي باشرت فيها اذا كان اكثر من معهد - ثم تعتمد من شئون العاملين بالمنطقة - فتكون دليل علي مدة خدمتك التي ستضم
|
ربنا ينتقم من كل واحد بيعطل مصالح الناس قولوا أمين.
|
اقتباس:
|
حاجة تكسف بجد
|
حسبى الله ونعم الوكيل فيهم
|
قال الرسول- صلى الله عليه وسلم-: ((اللهم من ولي من أمر أمتي شيئا فرفق بهم فارفق به، اللهم ومن ولي من أمر أمتي شيئا فشق عليهم فاشقق عليه)) أخرجه مسلم في صحيحه
هذا حديث صحيح عظيم في بيان جزاء كل من تولى من امور المسلمين شيئاً .وفي هذا الحديث دعاء من الرسول على من ضيق على الناس في ارزاقهم ومن تعنت في انجاز مصالحهم ومعاملاتهم ومن اكل اموال الناس بغير وجه حق ،ودعاء على من فرض على المسلمين مكوساً ورسوماً يقتطعها من اموالهم ظلماً وجوراًوجباية او حرم احدا من الناس حقا له. ودعاء على اي مسؤول في البلد من الملك والوزير والضابط والتاجر ومدير البلدية .......الخ الاصناف الذين يتولون مسؤوليات تقع في مجال رعاية امور الناس ومصالحهم وحقوقهم ومكتسباتهم واعمالهم وغيرها ،دعاء عليه من الرسول -صلى الله عليه وسلم-ودعوة الانبياء مستجابة وكيف وهي صادرة من لسان خير الانبياء واعلاهم منزلة بأن تناله المشقة والعسر من الله جزاءً كما عسّر على الناس وشاقهم . اخواني من تولى مسؤولية اي مسؤولية في هذا البلد عندما يقرأ هذا الحديث الصحيح فأنه لايملك ان يطير قلبه فرقاًوخوفاً وهلعاً من الوعيد والدعاء عليه من الرسول -صلى الله عليه وسلم- لو كان عادلاً مع الناس فكيف لوكان ظالما وجائرا . اخواني :الظلم كما قال الاوائل يذر (يترك)الديار بلاقع (مقفرة) ودعوة المظلوم مستجابة وليس بينها وبين الله حجاب والظالم سينال جزائه في الدنيا اوفي الاخرة،والله حرم الظلم على نفسه وجعله بيننا محرما وللذئاب البشرية التي قد لبست لباسنا لكم ايام عسيرة في الدنيا والاخرة ياكل من سرقت واكلت امواله في الاسهم في الرسوم الجائرة الظالمة في المكوس والجبايات يا كل من حرم حقوقه و كل من ضيق عليه في رزقه ياكل من حورب في تجارته في بلدنا لاتحزن وتبتئس فان الله لايضيع حقك اما ان تأخذه ممن ظلمك في الدنيا او في الآخرة واعلم ان الدعاء على من ظلمك واخذ حقك مشروع واعلم ان الدنيا والمال يأتي ويذهب فلا تكتئب ولا تقنط ان سرق مالك اوظلمت، فان مظالم الناس لها موعد اللهم عليك بكل من ضيق على الناس في ارزاقها اللهم عليك بكل من حرم الناس حقوقها اللهم عليك بكل من اكل اموال الناس بالباطل اللهم عليك بكل من تعاون في ضرر الناس اللهم عليك بكل من اخذ مال مسلم بغير حق ولا ننسى ان الرسول-صلى الله عليه وسلم- دعا لمن رفق بالناس ان يرفق به الله والله المستعان |
اقتباس:
|
| جميع الأوقات بتوقيت GMT +2. الساعة الآن 01:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.