تنبيه هام الى كل ملاحظى الثانوية العامة
 

لابد من الجميع حمل سلاح معه فى اللجنة

لانه للأسف الجيش لن يحمى اللجان من الداخل

اصبحت مسئولية حماية اللجان من الخارج مسئولية بعض الملاحظين

حيث أنه صدرت أوامر لرؤساء اللجان بانتداب خمس من الملاحظين لتأمين اللجان من الخارج

وان كنت لن تستطيع حماية نفسك فالأفضل لك عدم الذهاب

للأسف وعلى الرغم من كل هذا الوزير بيحذر رؤساء اللجان بالاقاله والخروج من جنته

ياريت نبطل تهويل الامور

يا ريت حد سكندرى يقولى مدرسةمحمود سامى البارودى التجريبية اللى فى طريق الحرية فين حتة بالطبط واركب لها اية بس ياريت يكون قطار

فى داهية الانتخابات اللى يغش يغش المهم سلامتنا

ياستاذ لما اكون طول عمرى ملاحظ جوه اللجنة وقبل غياب الامن كنت باقول استر يارب

ياستاذ الغش فى لجان بيلا بكفر الشيخ اجبارى وكان عن طريق الشرطة

بعد 20 سنة ملاحظة أشتغل أمن خارج اللجنة وتقولى بلاش تهويل

حضرتك أكيد من كوكب تانى

تنزل فى سيدى جابر و تركب الترام وتنزل محطه جليم قريبه من المحطه

هذا الكلم غير صحيح حضرت بنفسي الاجتماع وكنت التعليمات بوجود خمسة أعضاء لتأمين اللجنة من الداخل وأسوارها من داخل اللجنة وأكد الوزير على عدم مسئولية العاملين عن خارج اللجنة وقال باللفظ (( لا نملك حماية اللجنة من الخارج ولو بشبر واحد ))

استاذى الفاضل ممكن نعرف حماية اللجان من الخارج على مين


لانى لأ أثق فى الشرطة الآن فجميعهم اقروا انهم لن يعودو الى عملهم الا بعودة شفيق

حماية اللجان موكلة للقوات المسلحة وانشاء الله لن تحدث مشاغبات

كلام صحيح مائة %

طبعاً هيكون سلاح خفيف ( مسدس - فرد ) علشان تعرف تشيله فىى السفر
وبكدة الطلبة هتجهز ( أر بى جى - ولودارسين كمياء هيجهزو الصوديوم والماء )
طبعاً ده هزار
تعامل فى اللجنة بحكم إنك ولى أمر - وتذكر ما كنت تفعله بنفس السن ضف إلى ذلك التكنولوجيا الحديثة ( البلوتوث)

محمد حسن ضبعون
مشرف عام تعليمي
اذكر ان لم تكن خانتني الذاكرة انك ربما كنت الشخص الوحيد الذي رحب ترحيبا كبيرا بالكادر وكأننا سوف ندخل به جنة الخلد
وعنما يتزمر أحد الزملاء (في هذا المنتدى)من الإمتحان وكيف نمتحن بعد كل هذه السنين كنت تقول المدرس الواثق من نفسه لايهمه !!!!! فعلاً انت انسان غريب
وعندما قرأت تعليقك الأن تذكرت ردك السابق أما زلت عند رأيك

استاذى الفاضل اعرف جيدا انك من بيلا محافظة كفر الشيخ

ولك الحق فى الدفاع عنها

انا من 6 سنين طلعت مراقبة ثانوية فى بيلا ومن ساعتها وانا كل عام اقدم اعتذار

احكى لك ماكان يحدث فى بلدكم والله على ما أقول شهيد

1- بعد نصف ساعة من بداية الامتحان يتم رمى الاجابة النموذجية من شباك اللجنة

2- ينزل الطالب الى دورة المياه ويحضر معه حل الامتحان النموذجى وعندما سالت احد الطلبة قال لى مدرس اول الكيمياء جالس فى الحمام وبيبع الحل ب 100 جنيه

3- استاذى الفاضل البعض منا فى آخر يوم نط من على سور المدرسة ومشى من الاراضى

لان الشرطة والاهالى والطلبة كانوا منتظرين الملاحظين اللى كانوا مربيين ذقنهم

4- سؤال أخير استاذى

فى بعض من السنوات تم الغاء لجان الثانوية فى بيلا ونقلها الى كفر الشيخ

وعن طريق رجال مجلس الشعب الاوفياء وطبعا انت تعلم جيدا من هم تم رجوع الامتحان مرة اخري فى بيلا

استاذى الفاضل اظن هذا يكفى ولا ممكن ندخل فى مشاحنات

وعندما تم نقلنا الى قطاع المنصورة حمدنا الله

لما ده كله فى الثانوية العامة أمال بيحصل أية فى الإعدادية و هل يمكن الإعتذار على الثانوية العامة دون الأسباب الواردة من الوزارة

ياستاذ فى الاعدادية انت بتروح فى بلد ممكن تعرف على الاقل ربع الناس اللى فيها

انت مجربتش تروح بلد مبيتعاملوش الا بالقوة

الغش من الحلول النموذجية

احنا شوفنا السيوف فى لجان بكفر الشيخ

مدرسة سامي البارودي
 

الزميل الفاضل /

واضح ان حضرتك ليس من الاسكندرية

عموما اذا جئت من محطة مصر او سيدي جابر فلايمكن الوصول اليها الا عن طريق الحرية فقط ولاينفع قطار فهي بجوار بنزينة جليم ويمكن ان أدلك اكثر لو وضحت من أى مكان ستحضر - مع تمنياتي بالتوفيق باذن الله

الزميلة / شوشو

عايز اقدم اعتذار عن الثانوية اعمل اية و اروح فين فى اسكندرية و هل بيقبلو الاعتذارات ؟

الظاهر الوزير عاوز يخلص على المدريسن

عن اى تربوى تتحدث يا اخى لكى اتعامل مع مجموعة شباب كل اللى عملته لهم الثورة هى الجرأة و قلة الادب و عدم احترام الكبير

اشك فى ان الاستاذ الفاضل بيطلع يروح امتحانات

يمكن الثانوية عندنا ارحم

ياستاذ كنا فى شمال سيناء كل طالب بيدفع 50 على الأقل ويتم عمل فندق لاقامة المدرسين وكافتيريا كله على حساب الطلبة وطبعا انت ادري بالمقابل

راقبت سنة فى بورسعيد ولما شدينا اللجنة تم ترحيل جزء منا عن طريق أمن الدولة وفوجئنا ان كل ذلك حدث بسبب ان الولد قال لأبوه اللجنة كانت شديدة ولم اقم بالغش